今日我班2E踢生死戰，都係咁精彩呀!我知道上一場既勝利，的確令大家都更有信心，更有期望，但唔緊要架, 雖然今日輸左，記住勝敗乃兵家常事。友情先知係第一呀!能夠一班同學仔, 開開心心一齊努力做一樣野, 係好難得架!一齊開心, 一齊緊張, 你估人人都有機會享受架咩!
緊張既氣氛就梗係有D脾氣架啦!但都要訓練自己EQ, 唔好互相怪責, 人人要求唔同, 做唔到既野都唔好耿耿於懷啦!大家做番好朋友, 全港咁多人, 相識是緣份呀!
多謝一班足球隊, 多謝一班支持既同學!
呢兩日個心好亂, 有d野真係好巧合，真係冥冥中有安排。
我就係順應天意，想我點就點啦!
同朋友傾計，聽到佢地既說話真係好感動。有咁多人支持，無論結果係點，我都欣然接受。
大家(2E班)可能睇唔明，苦束.......遲D你地就可能明架啦!聽日踢波比賽, 加油呀!
都係咁...好累....
琴日係文化中心攪足一日，我好累...學生好累....慕容老師都好累...雖然攪好左個佈置，但學生都無機會影相，好浪費呀!好多謝出席音樂匯演既同學，我知有部份係撐我而出現既!太多謝啦!不過，欣賞表演既禮儀就真係要學下啦!
琴日無拿拿做多左好多野，點解晤咁架!用能(低能)者多勞作解釋安慰自己。我又再一次感受到學生既愛護，Miss 你食d野先啦，盒飯暖，但學生遞黎係熱架!多謝.....再累都藉得!
我要多謝.....一直俾臉、撐miss lam既你...我感受到你地既愛。
除此之外，呢日仲有神奇既事發生，令我人生有小小起伏啦!人生就係咁奇妙，好多時有好多好好既人出現，將希望帶俾你(但當中有煩惱呀!)。我要好好思量一下.........
今日好開心呀!2E足波隊好野5比0呀....
我都未見過，2E班足球隊咁堅，好勁呀..好合拍呀!
仕傑大腳粒射，卓灣大腳抽射，君政左扭右扭，計風走足全場又入波，文華帶波左閃右閃，智泉阻擋對方，卓夫用上帝之手擋敵方射球。好合拍好合拍呀!我見到啦!2E真真正正既團隊精神!場邊仲有慕容老師、蘇萍、智添、國霖、雅婷、嘉俊大聲支持，班房又有2E精英準備有型有格演說比賽，有芷晴啦、家怡、玉琪、美樺、美詩、嘉恩、怡麗、杏珍、呈敏、范婷(唔知有無漏呢!漏左我再加番!)，太好啦!好開心，好感動呀!!!!!2E....2E.....2E.....2E......2E.....好野呀!
仲有呀!其他班都好欣賞你地架!啦...記住唔准驕傲...唔准忘形....先得人鐘意....
讚多一次...繼續努力.....叻仔叻女!!!!
今日五月一日果然係勞動節，帶合唱團參加聯校音樂會綵排。同平日上班完全無分別，好累呀!
好彩今日下午可以行下街，仲收到一束花呀!都係一個鼓勵呀!
唔該哂今日去練歌既同學呀!仲有幾日就係架啦...加油背歌啦
