今日我地出征啦!合唱團由第五堂開始練歌，表現前所未有的好。
好感動呀!每一位成員都好努力，到下午3:30分正式於屯門大會堂演出。雖然，其間有少許座位上既混亂(係我經驗不足)，但大家都好叻，反而叫我唔洗擔心，真係感動到死。
我地得左啦!有75分(比預期高了很多呢)，有良好獎，我地係合資格既合唱團，呢次真係我人生一個美好回憶。多謝大家支持miss lam挨到尾，是你地既努力感動了我，得到你地應有既成果。
我再一次衷心既感激....說不出的感動..我終於可以訓得著啦
最近我個班有個學生回巢，咁我就梗係要睇緊d架啦!為乜呀!咪就係要確保全班都有好既學習環境，邊個小朋友有心回來讀書(真係有心有誠意先好！)我都會盡力俾機會，貫徹有教無類!
只但係班寶貝實在太唔了解我啦!仲投訴話我偏心，真係激死我啦!我咁緊張咪又係為左大家。
你地都應該要有寬宏既心，幫助同學再投入校園及我地既家庭，人誰無過，只要願意努力改過，我地都要接納同包容架。
你地要知道，我所安排，我所做都係將2E放第一位架!
呢兩日都鬧學生，學生實在太唔生性啦!成日都要係我最忙既時候搵野比我做。可唔可以自己鵲鞭策自己，可唔可以自己照顧自己，可唔可以....唔好要我擔心....
呢排練合唱團練到傻左，我都知佢地好辛苦好疲倦，我又可常唔係，又驚又大壓力，真係好慘！快d過埋呢個月俾我心靈上既休息啦!
我好多謝一直同我並肩作戰既慕容老師.所有準時努力練習既合唱團成員...我真係超級感激同感謝...大家努力埋呢兩日啦!
辛苦哂啦!
呢排正追緊「向世界出發」，呢類節目真係唔錯，可以教人在有限既時間去「思考人生」。今集去到柬埔(又學番樣野啦!埔係讀普唔係讀葡)寨。一個好像無完整家的國家，見到d小朋友為生活爭扎求存，謝霆鋒講左一句好發人心省既說話:「好多小朋友只會追求玩樂、買game，買呢樣買個樣，而柬埔寨既小朋友係....為糧食為生存，你話我地係咪真係超級幸福呀!
最得意有一個環節，訪問左街邊一個做賣書生意既小童(賣書係為繼續讀書生計，唔係為買玩具)。佢一口流利既英語加上口齒伶俐，真係無得讀書就浪費啦!佢叫謝霆鋒買書俾女朋友，咁謝霆鋒已經有老婆架啦嘛!謝霆鋒就問個小朋友「咁你有無女朋友」，小朋友就好精靈答: 「no money no honey(節目中就梗係解作女友，但我就認為都可以係心愛的東西啦!)」嘩!真係無得頂!生活水平咁低既地方，小朋友都懂得將事情分輕重(唔努力生計都無得要求其他)。」好野!
各位溫室小花，凡事知足知樂，珍惜身邊既人，彼此尊重，方能要求更高，享受更深。
琴日好Suprise(驚喜)呀!本來預左見唔到朋友既...點知可以見到。太開心啦!
今日練合唱團，又練獨唱。個人好倦，好擔心教得唔好呀!不過我都努力嘗試啦!但就因為太忙，所以班務做得無咁好，希望遲d做番緊d唔係班嘩鬼就亂黎架啦!我一定唔會俾佢發生架!
上星期五帶學生會幹事去camp..玩遊戲真係呢...唔認老都唔得啦!散哂!但真係好好玩呀，有機會我一定教我個班玩呢個遊戲!睇住黎)我唸2E班又好驚啦!
大家支持下我呀!為左D比賽真係好大壓力呀!
