我投身教育界..第一次做班主任既一屇, 今日畢業了。好唔捨得, 真係好唔捨得!睇住你地長大，今天終於要離開學校展開另一個新旅程。你地要加把勁，要不斷求上..不斷衝，尋找你鐘意既路...當然要係正路啦!

今日畢業禮多謝我既合唱團，無你地就無miss lam..miss 慕容既心血，今日唱得好好, 好多人都讚。你地係得既!叻仔..叻女

今日難得可以睇自己社踢波(都係因為中五踢既), 本來都好好地，但係就係因為一個換人, 就攪到場面咁樣。藉唔藉得呀!太過份啦!凡事都應該平心靜氣, 衝動只會傷害到自己, 傷害到人。

琴日去到沙田區, 欣賞一場由中、小學生一齊表演既音樂會。尢其班小學生，好叻呀!呢場表演係為傷健協會同埋無國界醫生籌款架!真係好精彩!

今個星期又忙於練choir, 又要辛苦班學生啦!唔知呢次會唔會係最後一次表演呢!一定要做好呢場show....

星期一測驗時裝科, 落重本同學生講測得差既後果，就梗係又俾學生話我啦....我唔怕, 因為我係為你地好囉...明嗎!!

各位好!!安妮老師部腦整好啦!一開日記......唔錯....又真係都仲有人上黎睇下喎!

收到好多學生都支持我讀書呀!多謝哂!有日, 芷晴問我有關考試既野!仲講左句: 「我都有目標架!」好...好...好!果然係我既好學生!怡麗又問我幾時開始留堂溫習!嘩!真乖......不過我唔開始, 你地都要開始溫習架啦!

大家唔好輸俾我呀!一齊努力溫書....考完試一齊去玩..................

今日收到中大既確認信啦!我又要讀書啦!唉!!又要俾錢啦!不過好開心，中大係我好鐘意既一間大學。我一定帶阿爸阿媽一齊去行下，個度有個好靚既花園架!

一直努力學習，就係知道自己不足，雖然需要不斷花費，但都好開心既。

人生又一大轉變呀!