第一日番學就梗係唔慣啦!個人好累, 隻腳落樓梯仲穩穩作痛。
琴日出左部新電話!好開心....但又係唔習慣.....成日禁錯掣。
呢排身邊好多唔開心既事!凡事都要放得低，你可以擔得幾多，唔好過份.........???就係凡事看輕一點，看遠一點..唔好誤會..唔係叫你做事求其，係只盡力過後，得與失又何足掛齒呢?
係你就係你, 唔係就求都無用!
隨緣吧!(但要盡自己能力先好咁唸!)
唉!明知自己老架啦!又玩得咁盡!不自量力既後果.....就係身心痛苦...唔好學我!
呢兩日去camp, 班學生呢!一時好又一時唔得, 激氣~我都係抵唔住氣講左d「肺話」, 收到幾多就要睇大家造化啦!
但有幾個位..我一定要寫寫架>......
1. 被人點名做試範,你唔想咩,但咁多個人唔點,係要點你?..理由一: 睇得起你, 咁就梗係恭喜...理由二:唔專心,放棄，影響事氣...所以要你做番好...(咁你睇下自己係邊樣)
2. 你要人尊重...唔洗講咁多..你尊重左人未...唸唸...
3. 學野盡力盡心...如果唔係將來你一定有好大的損失(你估計唔到)
總之, 凡事有因果循環, 有因必有果.....緊記
HEHE!放假真開心，食野多左(唉!肥左囉!)、訓覺多左!不過可以訓到11點，真係好幸福。(我以前唔得架!訓到8點就彈起身，訓唔返啦!
呢幾日忙住執畫室，好野!執得7788可以開始畫畫啦!大前題就梗係趕功課，唔係點畢業呀
!讀呢科大大話話都用左成幾萬蚊.，唉!好肉痛，但可以做自己鐘意既事!人生先至有意思d呀!
你有無堅持做自己鐘意既野呀!
又係好耐無寫野啦!....有人回應我呀...好多謝大家既支持同愛護...真感動呢!!
今個假期真係可以休息下啦!唔洗帶choir...可以輕輕鬆鬆工作。我終於有自己既畫室啦!可以有個地方做下自己鐘意既野，幾型!上星期六、日同一班中一同埋中三學長去camp，學長真係好叻，好成熟，大個啦!從來未試過，可以train學生train 得咁有成功感。我要繼續努力。
上星期失約於兩班中五學生既BBQ，我真係好想出席架!希望下次有機會再娶，實在太唔捨得您地啦!
原來太錫學生，可能害左佢，仲以為自己做老師都不過不失。
一個人能改過，其實真係好難得，我地點解唔俾機會佢呢!我係有教無類，講得出做得到。
