實在太多野做啦!臨到學期尾, 好似好開心咁!但其實仲係好忙, 點解會咁呢?咪就係趕登分囉, 真係好期待2E班既成績, 唔知您地有無努力呢!唔知有無辜負我同慕容老師既期望, 拭目以待!
今日係中五謝師宴, 這次謝師宴對我有著很深既意義。回想四年前，剛來到這所學校教書，初來報到，好多事物都在適應中。就是這班中五生，給我無限的挑戰。讓我在短短既時間學習到課堂管理技考，和你們相處就更是我最深刻。
多謝你地!比Miss Lam好美好既回憶，你地畢業，見證你地踏入人生新階段，加油呀..縱然前路難行仍要昂首闊步!!
愛你們的Miss Lam!!
今日係父親大人既大日子....一家人上左去姑母家食飯，都幾開心!我呢個窮家女就買左個老豆大人蛋糕上去應下節!梗係要謝謝阿爹，自從佢退休後，日日都關心我既起居飲食(變左做阿媽)。不過真係好多謝佢!
爸爸係我心目係一個好嚴肅既人，自小對我都好嚴緊。如果唔係佢對我既教育，邊有而家咁「知書識禮」，父母其實就係我地既榜樣，我唔多唔少都有爸爸媽媽既影子(當然其他學習都培養我啦!)
Daddy....多謝你!!!(不過唔好煮咁多野, 真係食唔哂, 我肥左啦!!!!!!!!!
唉!!!上星期五都唔知點解會無端端腸胃炎(都唔係無端端...可能係.....試食飯商...講下姐)!!!!點知到左星期日夜晚先至大穫, 我發生左意外呀!我洗白白既時候, 竟然被一個玻璃架丟落黎壓傷腳, 再加埋玻璃碎裂插落腳, 真慘!!!!!!!!!好多謝細妹既急救, 再加埋家人、朋友、學生既關心!多謝多謝!在不幸既日子有人送暖, 多好呀.................................
今日係我好朋友生日，祝你「生日快樂」。生日係要慶祝..慶祝來到呢個世上第幾年第幾日....慶祝媽媽生我地生得咁辛苦(十級陣痛，世上極痛楚之一。)其實生日真係幾奇妙架!在媽媽肚裏面等待十個月，媽媽日日夜夜陀住你，你話幾偉大，所以呢...記住生日唔係自己架...係媽媽爸爸比你架!生日應該要同佢地講聲....多謝!
