話說2月26日喺舊公司做完咕喱之後就都冇返過supreme，跟住就過檔啦，係咁搞搞搞差唔多一個月後ge聽日先至話簽約，真係耐到冇朋友，亦都放左個悠長假期。
又話說bry中途跟左佢個朋友去左第二組，我都知佢去第二組都無可厚飛ge，但知道佢唔同我地一齊做個感覺總係唔知點咁。即係點?我都唔識講……
又再話說呢，有一日攞完d資料就去尖沙咀公司，喺地鐵出嚟後就見到不遠處的ben,wai and candy。但我卻不敢走過去hi佢地，總覺得會好"鑑介"咁，有一晚發夢夢到我hi candy，跟住佢就露出左個"爭靈"ge樣出嚟啦==!明明以前同wai啊candy都ok，但係e+唔一齊做野就變到咁，加上過到去佢地問起公司d野 都唔知點答，又唔知邊d係答得ge邊d唔答得ge，真係又有咩事就唔好……點解會變到咁~宮心計咁。
呢個延長了的春假裏面除左不斷咁補資料之外都係玩啊，上網啊，睇野啊。
但其中尤記得果餐飯，同大老闆食ge個餐飯，緊張到冇朋友，尾段仲係咁要我地答問題，真係吼!!!條友又學人寫書喎，以為乜書咁巴閉，又咪係up個d野，我用痾次屎ge時間已經睇左一半啦，本野都唔係好好咋麻。
有件事真係要記記，我覺得遊戲機上網可以做到全球性當機呢d咁荒謬又難得一見ge野要記之外。就係我個碧咸仔冇得踼今屆世界杯=[，講真幾多腳 法出色ge球星我都唔會話封佢地做偶像，唯獨碧咸呢個世界ge罰球王，睇佢次次世界杯都有不幸野發生，紅牌出場啊，受傷無得踼啊，總係喺世界做唔出好成 績，八強就都最好成績了。今年又為左世界杯返歐洲賽場搏殺，點知就係差三個月……真係比佢破返個英格蘭出戰世界杯最多次數ge球員都好啊……好失落。除了 他，英軍呢排仲有唔少人受傷，唔通有魔呪?
差唔多離假期完結仲有一個星期左右時，原本就想過去嗰個星期六日去去澳門的，順便搵下人訴下苦水咁，但係咁岩就有條友話嚟緊ge星期六或日會過 嚟香港，咁我梗係以省錢為大前題，既然佢地過嚟，我就緊係慳返張船飛先啦，反正都可以見到。所以淨返嗰個星期就開始喺度做個d搵得好辛苦ge amaths題目，真係唔那係講笑，開頭真係好難做得落手，開頭覺得難那到啊!!好彩，喺我活躍ge數學細胞下，好快就適應曬d難度，第一部分坐底都做到 八九成，可以話冇難度。第二部分就"濕濟"d，大概做到三四成度啦。
之前呢，又聽到老母問去唔去拜山，之前個四年都唔喺度所以唔係好清楚喺邊度拜，更加唔知我家族ge拜山清況近幾年係點，但根據我再之前多年ge 參與拜山ge經驗，應該要返澳門行個死人一大段路……加上老母喺度話咩問人數買飛，我諗都係返澳門啦，不過諗真，喺香港都冇得拜啦，加上淨係喺澳門拜過咋 麻，我居然要諗喺邊度拜==!不過重點係今次有一個返澳門而又可能唔洗自己出錢ge機會，講真好那耐冇返過去啦，雖然brother and sister都唔去，不過我都幾期待此行。
同埋呢呢排有決心諗住以後要早睡早起架，當然亦都有所改善了，由原本三四點先瞓，e+已經一兩點就瞓左啦;由原本十二點先起身，e+己經十點幾十一點就起到身啦。唔~~~~我相信假以時日，我~~~~~~~~~~~~~好大機會打回原形(加上d返工時間咁樣樣~~)冏
聽講話聽日簽約，後日就開始做野，又要過返d腳仔都跛ge日子啦，不過都係搵食ja……但嘉蘭中心喺邊架?打呢篇野時mo打嚟問我地約左未，佢 話之前打比胡小姐打唔通可能見緊客!!!!我就話講左但未約。佢就要我地最好早十五分鐘，加上要搵，因為佢都唔知喺邊，胡小姐都話要搵下喺邊，即係話冇人 知道喺邊，聽日…即係呢?我到e+都淨係知道c出口咋，仲要係mo話我知先知咋~~唯一ge準備都係早d(00:50)瞓啦。
|
