| «‹ May 2020 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2009 年 2 月 16 日 星期一  |
| 回港事記~之~終篇 |
分類: 誌 |
話說今日是二月十六日,今晚就坐車返華大了.呢個星期雖然都係唔算充實,但都又係總算每日都有野做,有野搞.
二月十日(二)去醫院,原本可以安排到在當星期做化療,但由於媽有乙型肝炎,所以要先食一個星期補肝藥,十七日即係聽日先再返去安排做第一次化療,但果時我已經走左返華大lu.
二月十一日(三)話說今日哥放假,原本上星期三他已經想同我去唱k,但我唔得閒,今個星期三終於去到了,但出發前發生左一d事,就係我哥一 直都有存利是的,他今年的利是加埋有成塊磚咁厚,他上一年的利是也有存下,但卻找不到!!!可能啊邊個上嚟執屋果時...但佢依然收拾心情去同我唱k,我 地由下午一點幾唱,五點交房,但到左五點幾,因為冇咩人要房,所以可以繼續唱落去,果時我已經唱到想喊,冇曬氣,我冇諗過唱k會係咁辛苦的,最後六點幾走 人,總共唱左四至五個鐘.雖然我唱歌係好聽,但唱咁耐都真係好辛苦囧.
二月十二日(四)今日去飲完茶之後就坐巴士去左旺角,為ge就係買西裝,因為六月二日係姐結婚,但我就走,冇時間買西裝,所以喺走之前搞掂 佢.我係第一次著西裝,唔洗講,我著西裝當然係又靚仔又帥.之後就去左坤寧專業(定寧坤專業呢?)跟住再陪埋爸去複診,複診時間極其快速,一入一陣間就走 得,跟住三個人就搭港鐵返屋企,又要坐港鐵,返嚟咁耐真係坐過唔少次,迫死人囧.
二月十三日(五)又係唱k日,哥好似唱到樂此不疲,居然深夜點幾帶我同思妹去唱k.咁夜走去唱k都係第一次,今次唱到五點幾接近六點,時間同前日差唔多,但應該因為三個人唱,所以冇前日唱得咁攰咁辛苦.返到屋企都六點幾,原本想聽西奇公園的.但未等到我已頂唔順要訓了.
二月十四日(六)今日係情人節,姐見我就走,就同左我同思妹去市中心食壽司,估唔到壽司細細食到我咁飽.之後姐同大口就去左行街.我...返屋企.
二月十五日(日)話說今日走前最後一日,我睇緊ge小說:數字城堡都差唔多接近尾聲,還有大概一百多頁吧,我用左四個鐘頭左右終於睇曬,丹 布朗ge處女作果然係水準之作.雖然我覺得也有不足的地方,但都係以後再寫.總之今日我終於睇曬丹布朗ge四部作品了.數字城堡,逹芬奇密碼,天使與魔 鬼,騙局.四部都咁一流.
二月十六日(一)即係今日.要走了,剛睇完nbaallstargame,今年兩面都打得好認真咁,表演鏡頭實在欠缺.因為ai返左東岸, 所以當然我又要支持返東岸.頭兩節比賽都幾緊湊的,但到左三四節就不知所謂,唔係高比就奧利爾表演咁,分數又拉得遠.我早知就費事睇落去,去跟爸媽飲茶仲 好,去到第四節我就冇睇去左買書食飯,返嚟返新聞知道今年mvp係ok組合一齊攞.點都好,無聊ge明星賽.仲等我專誠留到今日等睇明星賽tim.真係失 望都爆啊囧.
回港事記已完,去執野返大陸.
|
| 2009 年 2 月 13 日 星期五 |
| 回港事記~之~第三篇 |
分類: 誌 |
話說繼第一篇的醫院篇後,最近又陪左媽爸去攞報告和複診,果日媽好唔舒服,複完診出嚟之後仲嘔tim.病況就冇咁嚴重了,冇乜點擴散,係淋巴仲 有少少,係點都要做化療,總之之後要點就都要等聽日去屯門醫院先知道.陪完複診,第二日就到我睇醫生了,果個究竟算唔算係醫生嚟呢?我都唔清楚,睇完三日 之後都係話要靠自己囧.
仲有前不久睇左奇幻逆緣,另一個名好似又叫返老還童.套戲真係好長,兩個幾鐘,坐到我屎忽都痛埋,套戲話感人就唔係咁感人的了,話浪漫又唔算得 上,但個主旨真係幾好,一對戀人,一個越嚟越老,一個卻越嚟越後生.最終女的變成伯ya婆,男的卻變成了一個蘇哈仔,同埋部戲都有不少位有少少搞笑的,最 好笑係果個被雷打中七次ge人.
前幾日終於收到成績單,專業的稅法居然過了,話說今年份卷真係難好多,我死命地勉強將它填得滿滿,諗住成數都唔係咁大,點知比我過左,都可能係 陰長林見大四了比我過.原本只要稅法過左,其他野唔過都得的了,但估唔到我致在參與的專業選修物流管理都過埋,我都覺得自己犀利,搞到專業選修多左成三分 出嚟.我仲有三科未過,加埋九分,但選修科已足夠頂了,總之一齊都係要慶幸稅法過到.講到選修,大學生素質提升和企業管理都過曬,但果個死人城市信息化冇 出成績,九成都係個啊sir唔比過的了,大佬,校選修咋,洗唔洗楂得咁緊啊,好彩稅法過左,唔係真係比城市信息化個sir累死,搞到我唔夠分頂就真係斬死 佢.不過既然e+夠分就放過佢呢條狗條啦.
最近呢,因為學校ge事,前途ge事同埋身體ge事,有時會搞到成個人冇曬心機同埋唔開心.但我唔明哥既然睇得出我唔開心,做咩係要煩住曬,以 為真係搞下笑就會開心返心情變返好咩!根本冇比我靜下ge空間.搞到我原本根本係冇嬲佢都變左有少少嬲佢.尋晚姐又係咁,家人總是常講著咩又瘦左又瘦左係 咪冇食飯,一年三百六十五日,三百六十六日都喺度講.你估係我想架咩,想我點得架.我冇嬲任何人,我只係唔想喺心情差ge時候都係要勉強附和大家,咁會顯 得更加假.我總有野想有野煩,冇辦法廿四小時都開得玩笑.總之我唔係有心的.
呢幾日除左呢d野之外都係溫下英文,打下機,睇下tve paul,尋日開始睇丹布朗ge數字城堡,本書ok厚,希望走前睇得曬.暫定16號返華大,因為16號打nba明星賽,返去驚住冇得睇電視,上網又未搞 好,所以喺度睇埋先走,當日睇完當晚走.而聽日就要一齊去屯門醫院.
下回~終篇
|
| 2009 年 1 月 30 日 星期五 |
| 回港事記~之~第二篇 |
分類: 誌 |
話說今日年初四,大家又要開始返工了,媽都好似收拾左個全盒了.三十初一初二初三都好似未停過咁.
三十朝見第一篇,晚就食團年飯.
初一就四個人去左唱k,又係果句,好耐都未唱過k,但只唱左兩個鐘,真係有點少.跟住就去攞盤菜,因為今晚有一班人會嚟我家食飯,收下利是食下野.果晚我係咁食,食到個肚好似有d唔妥咁囧.
初二照慣例就會去婆婆那邊食飯,但慣例我和哥也没去,去了祖父母那邊食飯,今晚同樣係一大班人,收下利是食下野,果晚食得唔係好多.跟住哥同我 去左麥當奴買double sunday(唔知有冇串錯字).個sunday真係好凍,而果晚ge天氣更是凍,我真係未試過喺咁凍ge夜晚裏面食咁凍ge雪糕,食完之後隻手僵曬,仲 有d流鼻水tim.回家路上姐打電話嚟話今晚打雀好唔好,話說喺華大臨走之前ge一段時間冇打過雀,早就想打返次.返到去,大概十點至十一點間打,計番 ge野搞到我有d亂,自模,放炮點計,搞唔明,惱爆囧.打到三點幾姐見爸食左大牌後好似好眼訓咁,就叫早d唞.果晚我輸左百蚊左右.
初三去左睇戲,就係家有喜事2009.成套野都叫好笑,但就好似比舊ge差d,可能舊ge有星爺,但當然2009搵返星爺嚟拍又未必會好,亦可 能係2009有部分橋段都會用返舊ge橋段.吳君如做呢d角色真係入形入格,劇中的小敏睇落真係幾靚,但最尾著婚沙果樣真係唔多掂,反而吳君如ge婚沙 look仲順眼d.
都總算叫每日都有節目咁啦.
初四後就要努力將我要做ge野都做好佢,岩岩百強onmsn,同佢傾左陣,知道原來我院3月16日先註冊,原本以為我地同其他院一樣係二月十四五註冊,e+時間又好似變得比較充裕了.要好好再計劃下我ge安排先得.
加個油先!!!!!!!!!!!!!!!!!!!!
|
| 2009 年 1 月 25 日 星期日 |
| 回港事記~之~第一篇 |
分類: 誌 |
話說今日係一月廿五日,年三十晚.我返左嚟香港都有五,六日了.的確只是回來五六日而已,因為種種原因,我要到一月十八日果晚先走得,多留喺華大ge兩三日,熟悉ge人形都唔見多個,真係冷清到不得之了.
回港後我見得最多ge人就係~~醫生同護士,因為由返嚟ge第一日開始,我就每日都有去醫院送飯同探媽,除左有一日係冇去到的,但果日都陪左老 豆去睇醫生,係睇電視都有賣廣告ge陳卓明醫生,雖然有d護士真係幾靚,但衞生問題ge關係,護士們都帶曬口罩囧.每日都喺醫院度坐幾個鐘,坐到屎忽都 痛,但點辛苦都辛苦唔過爸媽.前日媽都出院了,但初五又要轉去屯門醫院做檢查.
出院後.唔洗再去醫院,今日就返左開船度幫手搞野,搞到我好攰囧.今晚就係三十晚要食團年飯,又要面對一大班親戚們,講真呢d場合我其實唔係咁 鍾意同習慣.但這樣的場合不去也不行,每年一定至少有兩次,暑假我祖母生日和團年的一餐,必須出席,爺爺的生日我多數都唔喺度.所以...
講到返嚟之後令我最煩惱ge都唔係呢d事,而係要搞實習啊,論文啊,英文啊失業率啊呢d問題,返呢睇到新聞見到咁ge環境,真係~~~唉頭幾日 去醫院佔去點時間.原本想上網搵下資料攞下靈感的,但返嚟果幾日,妹都正在考緊試,費事用電腦住,驚會阻住佢,未有大概ge方向又唔想去書局住,更不用說 買書睇,到用到電腦時,上網速度又超慢,乜都未做到個ie就發生過幾次錯誤啦,我連想話開個文字檔案記低d我搵到ge piont,但一開,居然都會死機,我唔明點解可以搞到部腦咁,桌面ge樣我都唔想講了,部腦唔係我ge,我都唔好意思叫佢洗下部機,真係慢得好交關.實 習方面又令到我好煩惱,走之前班裏面又乜通知都冇,下學期ge安排都仲唔清唔楚,唯有等有同學online問下佢地,但都係果個問題,電腦是共用的,少上 網,上網又未必撞埋對方也上網.總之要做ge野就好多,工作量都會好大,但喺度總係冇機會著手開始咁.搞到只好暫時努力學英文先.真係成個人都覺得好煩, 驚咁多野唔知到底趕唔趕得切搞掂.
覺得煩ge除左以上ge野之外,仲有ge就係返左嚟咁多日,呢一兩日就突然發覺好似返到嚟香港,喺香港ge生活我根本唔會覺得開心,應該唔係因 為悶唔悶ge關係,亦都唔係因為媽咪病ge關係.香港ge生活模式我係幾鍾意的,但與我開心與否卻又係兩回事.我都有諗點解會咁,喺華大,雖然都有學業上 ge煩惱,但都唔會話覺得喺上面唔開心,冇心情的.因為起碼都有班平時會猛咁講下on9野ge朋友,同埋有班打麻雀ge人,總括嚟講其實喺華大真係幾開心 架.而返到嚟香港,朋友係會有,但都唔係平時會連絡的朋友,都係你有你忙,我有我忙的那種,真係fd ge都喺澳門,令我覺得e+返嚟香港我根本只係處於一個暫住ge狀態,之前澳門間屋未賣果陣,我可以返澳門,雖然朋友們都要返工,一齊出去機會唔係好多. 但都會幾開心,快樂ge回憶都有.而喺香港,係有屋企人,但可能我由中二開始就自己一個人住,大學又係喺第二度住,只係放長假時會一齊住.真正話同屋企人 住ge日子嚴格嚟講真係呢十年都冇試過.雖然我真真正正係一個香港人,但我喺香港真係好似冇人冇物咁.可能因為我有呢d想法,令我喺香港感覺唔到快樂,開 心.當然我自己本身可能都有點問題,但我感到環境ge影響真係好大.
原本第一篇係想喺前一兩日寫的,但因為速度ge問題掛,我就連開個space出嚟都搞到我冇咩心情,果時原本只係想寫下探病ge事,但呢一兩日 突然負能量爆發,就寫左除了探病之外ge呢d事了.搞到我原本ge主旨都變曬,總知,唔知幾時我開始冇乜期待新年了,同感到09年頭已經感到今年前路茫 茫,總之~~唔開心啦.
|
| 2009 年 1 月 14 日 星期三 |
| 神又好,佛又好,請保佑我媽媽.求你吧!! |
分類: 誌 |
話說岩岩溫習溫到凌晨五點,再上去睇下space,見到姐寫左篇野,我先知道..知道原來媽媽今次的病真係好嚴重.我唔知屋企人係為左想唔影響我考試而唔 講我知定係喺香港打唔到比我,但如果唔係今日突然上到網,姐喺msn度同我講呢件事,我真係要到返去先知呢件事.姐同我講完我還不知情況是到如此嚴重的 了,但現在接近天光,溫完習的我知道了,真係好擔心,一路睇一路震,我唔知係咪因為凍ge關係.總之就係覺得心慌慌.
喺前幾日我仲未知道呢件事 ge時候,我ge右眼就不停咁眼眉挑,我一度以為係因為我眼訓,眼皮攰先會咁,當然睇得多電視講都聽過咩左吉右凶呢d野,我以為會有咩壞事發生喺我身 上...其實我寧願壞事真係發生喺我身上.原來家人有事,就算未知都真係會感受到架,知道後就真係感受到果種不安.
喺重要時刻我居然仲喺華大為個死人考試準備,盡管我喺香港幫唔到咩忙,我都希望立即就返到香港,哪怕是只對她說一句加油也好.好想快d天光,想打個電話返去同佢講返兩句,給她打打氣.
e+訓又唔係,再溫習又唔係,只係希望如果真係有神明存在ge話,請你好好保佑我媽媽,我媽媽每年都有燒唔少野給各位神佛的,唔求甚麽,只求比佢戰勝病魔ge力量.渡過難關,重拾笑容.
我知你一定冇事的. |
« | 5 | 6 | 7 | 8 | 9 | 10 | 11 | 12 | 13 | 14 | ... | 17 | »
|
