| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2008 年 4 月 24 日 星期四  |
| 又一個答死人的問答遊戲(雖然係我自己要答的) |
分類: 未分類 |
玩個好特別的問答遊戲!
my friend
``請先回覆,之後複製到自己的blog上。
將所有的答案改成你自己的。你將了解你的朋友許多不為人知的種種...
現在幾點: 2008-04-24 14：12
你的全名: 吳偉權
你現在正在聽誰的歌: fiona~半路
你在哪裡讀書(工作)：福建泉州國立華僑大學
你最後吃的一樣東西是什麼：麻婆豆腐
現在天氣如何: 天朗氣清
戴隱形眼鏡嗎：没有
上一次生日蛋糕上蠟燭的數目:忘了
你通常吹熄這些蠟燭的日期: 一月,邊日好難講
你家養過什麼：自己
星座: 山羊
兄弟姊妹跟他們的年紀: 我都唔清楚佢地幾大,只係知道哥和姐一定大個我呀妹一定細過我囧
眼珠顏色: 黑~~好靚ge黑色
耳朵有幾個洞: 每邊耳都有一個,用嚟聽野的
有刺青嗎：冇
喜歡你目前的生活嗎: 不喜歡
出生地: 香港某地方
目前居住地：華大北區11#樓210
喝過酒嗎：有喝過
覺得自己花心嗎：我覺得勁花心
曾經出過車禍嗎: 有,細個時一個放假的朝早去買早餐被電單車撞中,部電單車幾傷下~~~~~我仲傷.
暗戀過人嗎：時常
不敢跟人告白嗎：有時
喜歡吃啥麼東西: 喜歡吃好吃好東西
喜歡喝什麼：水或奶
最喜歡的顏色：紅色
喜歡的數字：3或7
喜歡看哪一類型的電影: 慘情的最好,睇快樂的提不起勁
最喜歡的卡通人物或品牌:大口仔,converse
最懷念的日子: 高二
最傷心的事: 上學期的成績
喜歡春、夏、秋、冬哪一個季節: 冬
喜歡的花：没有特別喜歡的
最怕遇到的話 : 你好靚仔
喜歡的運動： 跑步,桌球,籃球
喜歡的冰淇淋種類：豬姑力
最怕什麼東西：會令到自己痛的東西
喜歡看ㄉ電視台: 新朝日==!
如果有來世，你最想當什麼: 當個美女
討厭做的事: 做project
討厭別人做什麼：叫我做project
擅長的事：以前擅長計數~~~e+唔知仲得唔得
上次上醫院是什麼時候: 去探爺爺
以後想做什麼行業：銀行的工作
你門家是公寓、社區、大廈、別墅哪一種: 大廈
你覺得碟仙怎麼樣：我覺得係一個謎
你覺得自己十年後會在哪裡: 喺香港,九龍或者新界
寄這封E-mail給你的上一個人是誰：不知,但對上一封有睇的是美紗
無聊的時候你大多做些什麼：打機聽歌
你住得距離最遠的朋友是誰：fuck~~怎知道
世上最惱人的事：最惱人的事是自己太聰明啦~~好慘
全世界最好的事: 我有錢
目前有男(女)友嗎：没有囧
覺得同性戀如何呢：不錯~~可以更好
如果有人誤會你，你會：喊左先囉,等佢內疚下都好
如果有人誤會你，又不聽你的解釋：喊囉,嚇窒佢
有想過要怎麼對付你討厭的人嗎：冇~因為我冇討厭的人
你認為你的另一半幫你付錢是理所當然的嗎: 梗,佢ge錢即係我ge錢,咁等於用自己ge錢,好正常ja
你猜誰會最先回覆: 有人回都好囉@@
你le個遊戲最不可能回覆的會是誰: 樓下個宿管呀叔掛==!~~~
現在心裡最想念的人是誰: fd
要幾歲結婚：18歲
依你心裡滴覺得重要度先後排列：健康 愛情 友情 事業 家人
今天心情好嗎 : 一般,好悶,好眼訓
有想過要自殺嗎：有~~
希望誰回覆：我愛的他和她
現在幾點了：2008-04-24 14:49
|
| 2008 年 4 月 7 日 星期一 |
| 春遊 |
分類: 未分類 |
上個再上個星期日05財務管理去左春遊.講好左係七點八個字出發的.但前一晚就唔知做乜鬼上網去呢度睇下去果度睇下咁就搞到成四,五點先訓.兩 個鐘之後七點幾就起身死過去.仲要落雨tim,有強哥遮我,我唔洗帶傘.還有偉大的明哥也有去,他可是又走了一堂概率重修而來這次春遊的,真係唔話得.今 次個活動都ok多人參加,我都估唔到,大概八成人都去左.
喺車上面我坐俊安哥的隔離,同佢傾左一陣.攰到冇朋友的我只好聽住yui ge歌喺度閉目養神,但都係冇訓過.半個鐘ge車程終於嚟到清沙灣.下車後迷茫了一會兒唔知做咩好,跟住就走左去打排球.話說前一日我去跑一千米,跑完已 經痛到呀媽都唔認得.所以果日打排球我都係企喺完位,有波就接,不會走嚟走去.但雖然我係腳痛,但極有天份的我還是打得那麽的瀟灑和風度片片的.最好笑的 是李真同學打親ge球都係向後飛的,真係幾搞野.打到又落雨時就冇打返去上等燒烤了.
終於開始燒烤了,我地分左八組左右,一開始就一人派上一個大鏝頭,真係食左都飽一半呀囧,食到差唔多飽我就冇食了,我係組入面最早停手的一個,最難忘的是食左隻都ok生的雞翼,血淋淋,真係好似d組員講三成熟最好味!!==
食完野就周圍行下on9下,同李真和她bf和明哥喺度整金字塔,最後都失敗左.又見到雪兒為左個不明生物喺度不斷挖沙,最後都唔知嗰個帶條狀的 是咩東東.跟住影左幾張相就又返上去了,跟住有d悶,睇d同學玩牌,他們的玩法我和明哥完全搞不懂@@.再去打左陣機.最後去玩左幾個幾耗體力的遊戲(麻 鷹捉雞仔之類...)之後都差唔多係時候走lu.到四點大家就搭車返學校了.咁就完左個春旅,雖然唔算太好玩,但都算唔錯啦.
最後因連續兩日的大量腳部運動,搞到隻腳痛到連呀爸都唔認得了囧到呢兩日先叫有返d好轉.
春天到了,雨都停了,腳都就好了,要快d繼續跑步先.
|
| 2008 年 3 月 30 日 星期日 |
| 三月尾 |
分類: 未分類 |
時間過得飛快,三月也將成為過去.開學也有一個多月,我的生活還是那麽平淡乏味,周遭的每事每物好像没有一點兒的變化,而没有變化的還包括了我的學習態度 和專注力.新的學期開始時,心中明明已把"用心上課,努力温習"吶喊過好幾十遍,而我也確信自己能夠有所改變.然而,看著一個多月後的自己,還抱有剛開學 時的決心嗎?還是在欺騙著自己在努力着.課是幾乎也都有上了,但吸收到的有一半嗎?脫節了的知識能追得回來嗎?又是繼續與國內生保持天壤之別的距離嗎?問 號,問號......無限個問號煩擾著我.使我不得不終日胡思亂想這個,胡思亂想那個.
想著要課餘時多看課本,把自己的拙用勤勞把它補回來.但開學至今,自己的娛樂活動好像也不曾停過,閒時上網,睇漫畫,打電動,看劇,聊天,打籃球等.它們 總是能夠令我把書本放下,轉而與它們為伍,或者說根本令我忘記了要打開我的書本.看來我的自制能力遠比我想像中的要弱很多很多.為甚麽心中明明知道這樣下 去是不行的,但偏偏卻無法去阻止,無法去改變.而到了心中立定了要改變現狀的決心和方法,但卻又無法去執行.越想越覺可笑,越想越覺荒唐,越想越 覺......無能.這般情況應該是從小學開始就已有的了,但小學中學的基礎東西,以我自傲的腦袋還是應付有餘的,而到了大學,我對我自傲的腦袋也不免失 去了信心.餘下就只有一條叫努力的路可以給我行了.我不知自己是不敢行,不想行還是還没打算行.總之我還是没有踏上它.時間繼續流逝下去,我心怕就算肯踏 上這條路也趕不及到逹我想到的目的地.面對如此優柔寡斷的自己,我也不禁很討厭這樣的自己.我常會說"說的比做的容易",真的很認同自己所說的這句話.口 中說著要努力,會努力.身體卻背道而馳,深沉在各娛樂中.
我學習的時間被我無情的趕走了,而四月也正無聲的接近.這將會是一個怎樣的四月呢?我不敢去想像,也不想為自己在四月裏定下甚麽目標.因我怕又會變成一個 只說不做的懦弱鬼.這可能是一種逃避,但我並不想再想那麽多了,現在只想快點告別令我討厭極了的三月.雖不敢定甚麽目標,但也請快點讓我從四月從新出發 吧.
|
| 2008 年 3 月 21 日 星期五 |
| 胡思亂想 |
分類: 未分類 |
由上個星期我就想去剪髮的了
但本人百事纏身
加上都唔想走咁遠(其實也就是校門口對面==!)
最後搞到今日先去到剪
今次又係去返我去過幾次的"胡思亂想"度剪
一入去就有個幾可愛幾順眼的女仔埋嚟帶我去洗頭
正當我想訓底時佢一邊行埋嚟一邊講"上次也是我幫你洗頭的"
我本人是没甚麽印象的了
想起上次來剪已是考完試後兩天
也就大概是1月27號左右
差不多兩個月的事她還記得!!!?
洗頭的過程也幾享受的
到去剪髮了
她安排了個剪髮師幫我剪髮
一兩杪後她又走了過來說"我幫你安段了11號剪髮師,他是廣東人,你可以和他說廣東話"
估唔到連我講廣東話的也記得(我想是我的普通話太怪所以她印象特別深嗎~~~囧)
不過我覺得這點也挺體貼的(今時今日咁ge服務態度唔錯唔錯,加上仲咁可愛 )
到沖頭時又和她傾了幾句
跟住返埋位整下個頭比錢就走得了
個頭今次都剪得幾ok
真係有d想d頭髮長快d
快d再去過剪髮
一個月去一次也不錯啊~~xdd
(呢兩日都開始打返籃球
真係仲打得幾好
可能呢d就係天份
聽日的比賽希望他們能夠贏啦
安大人話明晚才打麻雀
期待今次能夠贏大錢
仲有期待下周六的班活動
唔知幾多人去呢?
希望多d人去啦)
|
| 2008 年 3 月 13 日 星期四 |
| 續到網了 |
分類: 未分類 |
終於續到網了
捱過了四日冇得on9的日子
每日都過得好辛苦
好彩還有ccff7比我磨下時間
見可以on9返又睇左幾條友ge space
我真係忍唔住都要打下
新學期開始了三個星期
今個學期都ok得閒
課不算多
但反而開學前三日是最辛苦的
補考地獄囧補考出嚟成績仲唔係咁好tim
隨即掀起了財務境外生轉專業的風波
好彩最後十二個境外生都齊整喺返度
但之後就要繼續辛苦落去了囧囧囧囧囧囧囧
雖然只開學了三個星期
但我已打了兩次麻雀
兩次開頭到中段都ok順的
但到最尾
一次包左衰人德安一次自摸
跟住衰足成圈
另一次最後一局比雀神食左局十三么~~~呆曬
好想快d下一次打
好想贏返獲呀!!!!!!!!!!!!!!!!!
3.8婦女節係安大人的生日
上星期五出左去歡唱慶祝
一嚟唱左幾首歌就開始玩呀飲呀
個晚勝明傑都好早走左
搞到留返我同源師兄
玩到兩點左右走了部分人
我就開始冇玩同覺得有d悶
咁就成晚楂住支咪係咁唱歌咁濟
識ge又唱唔識ge又唱
男ge又唱女ge又唱
真係唱左好多歌
果晚我應該係唱歌最多的頭三位
最後順利五點左右返宿舍
打左陣機就乖乖的去訓了(乖乖的=])
未開始上選修的課
課程ok空
所以想趁呢段時間玩多d
打完ff獅子戰爭後就迷上了ccff7
真係有排玩~~=[
星期二時去左電腦城
勝買左碟和4g卡
傑買左兩game和碟和4g卡
安大人最勁
買左隻180元三個月包換一年保養的飛利浦~~~~~~~~~~~~~滑鼠==
仲有五十隻碟(一百二十五蚊)和一個m記餐
我就差得遠
只買了一張4g卡
但好似我個usb用唔到咁
得閒去勝度睇下得唔得先
小明乜都冇買~~"陪"字
因天氣關係最近開始跑返步
原本我以為我的狀態好好了
但剛看了某人的space
竟跑了5200米
搞到我都不好意思寫我跑了多少~~嗚
今日都想跑
但竟然落雨~~~媽的
最後就是今次的主題了
今日終於續了網
又可以on9了^^
shit~~居然打左咁多字
隻手好攰~~~~~~~囧X100000000000
|
« | 8 | 9 | 10 | 11 | 12 | 13 | 14 | 15 | 16 | 17 | »
|
