| «‹ May 2020 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2009 年 1 月 13 日 星期二  |
| hapi b-day to me and 國 |
分類: 誌 |
又話說1月7日的深夜接近十二點,我因冇網上正喺度睇緊d舊ge電影,過左十二點,仆街德安突然拍門,我諗住條友都係搵百強,開左個鎖就繼續睇電影.跟住有三個人走左入嚟講生日快樂.係喎,真係唔講都唔記得,剛剛好我又大一歲了.
跟 住當晚同房強和仆街安就買左d野食和一d酒喺我間房度慶祝,感謝幾個第二天有考試都嚟的傑和威哥.飲酒果part,仆德安話要玩唔知咩樓梯莊,要逐個輪, 贏曬先可以完,果晚加埋我有九個人,喺一間雙人房度真係好迫,第一個就係德安,淨係德安已經令我飲左好多次,我好辛苦先贏到佢,跟住之後ge雖然都有輸, 但都算幾順利咁完左,雖然買左ge酒唔算多,但幾乎都要我飲曬大半咁濟,之前又食左好多零食,散會之後我個肚好似有左bb咁,脹曬,雖然係短短個多鐘ge 時間,真係多謝曬各位,今年畢業年,當然係希望咁多位同埋我可以順順利利咁畢利搵到份好工啦,聽講話講左出嚟個願望唔靈,咁寫出嚟ok啦掛!
跟 住到左1月12日,即係尋日,就係啊國(定係啊葛?)生日,今次係十一個人去左山海食飯,睇到啊國命運真係好悲慘,飲到好似想暈咁,個個都諗到唔同ge理 由要同佢敬酒.果晚係我喺山海點過最多餸ge一次,不過可能人都多,食完都唔算太飽.我們原本諗住係突然攞個蛋糕入嚟比一個驚喜的,點知個死蠢員工突然走 入嚟話"個蛋糕放喺隔嚟房度切吧".就佢一句話,乜都比佢踼爆曬,真係多得佢唔少,切完蛋糕,大家又諗到唔同ge理由要啊國合照,見佢攞住個蛋糕都攞住左 ok耐囧.食埋蛋糕走得了,此時唔太清醒ge佢都不忘為考試ge野操心,好似係準備貓紙之類ge野,但今日聽講過,好似今日佢果科考試衰左,而威哥就得 左.點都好hapi b-day to 國(/葛).
|
| 我係白痴囧 |
分類: 誌 |
話說前好幾日,我突然上唔到網,跟住又諗返起百強話只係搞左四個月ge上網,我諗應該係斷左網啦,跟住隔左兩日,連百強都斷埋網,我就深信應該真係被斷網 了,搞到斷網ge呢幾日on99咁,係咁睇以前dl左而又未睇ge日本電影,之外我喺房都唔知有咩可以做了,好在仲有個物流考試比我磨下時間,整理下考試 ge資料,搞到我連曼聯對車路士同埋ac對羅馬都睇唔到,真係激鬼死.加上天氣又咁凍,想運動都難,如果唔係冬天都話可以去跑下步打發下時間,講真,無網 上ge呢幾日真係非一般咁...無聊囧
到左今日,食完飯返嚟,我難得的坐在電腦前面習慣的試著連上網,竟然連上了,我真係成個呆左.點解會咁ge呢?唔通根本就係未斷網,但剛巧百強也跟著連不了,真係令我惱爆.總之就每日都試下連線啦,e+先連返,我後日走啦~~唉.
雖 然上返得網好開心,又可以繼續dl返我ge叱吒,和跨年show,但dl完得返兩日有冇時間睇呢?dl唔dl得完都成問題,而且今日連到聽日都唔知連唔連 到.本應係想好好上網追返d賽果啊,球會資訊啊,但今日係最後ge一日溫習囉,即係難得今日上得返網,我都要乖乖地咁去溫習,唯有dl下野啦. |
| 2008 年 12 月 31 日 星期三 |
| 永別啦008 |
分類: 未分類 |
又過一年了,今年真係發生左好多野,有大事有少事.
成績篇
就我嚟講鼠年ge新年,係我自從入財務班之後第一個新年,收到張成績單 之後真係火都嚟埋,我居然考出左史上最差ge成績,話說中學時代,我每日打機打波打到on9仔咁,都可以輕易攞個十名之內,差d都十幾名啦.到大學成績雖 然唔算好標青,但起碼到入財務班前都能夠做到all pass啊!但世估唔到入左財務後居然可以得到接近全炒ge成績,我果時真係呆曬,連續幾日都冇曬心機.d親戚父母仲要問成績點,真係要我一巴車埋去(心 諗),只好講句"差,超差"親戚們都立刻再冇野好講.由一路的all pass變到幾乎"all扒屎",雖然之後一學期情況有好轉,但大三第一學期ge成績真係令我難忘,咁大個仔都未試過咁努力讀書但係成績會咁差.想當初入 人力安安份份咁攞獎學金咪好囉.唉~~~~~~~~新一年第一個願望就係希望快d忘記呢段對我嚟講最唔開心ge事.
不快災禍篇:chapter1雪;chapter2地
不 過,我返到香港過年都係咁架啦,想當年~即係今年啊,發生了百年難一遇的雪災,影響很大,損失很多,電力系統完全崩潰,汽車貨車都塞死曬喺道路上,令到爆 多人都只能停留喺火車站度.最慘莫過於他們只是想回家與家人過個新年都做不到,只能在火車站苦等,雖然只係睇電視,但見到咁ge場面真係覺得佢地好慘. 雪災過後,跟住5.12四川汶川ge大地震又嚟了,死傷我都已說不清幾多了,總之就n多,勁多人家破人亡,他們的家的確破了,人也亡了很多.死左好多同 胞,好唔開心.呢個時候又係中國人發揮團結精神ge時候,全國上上下下不論係出錢又好出力又好,都立即協助他們災後重建,這時我感覺到ge中國係溫暖的. 希望他們能夠快d拋開傷痛,好好咁生活落去.~~~~~~~~新一年第二個願望就係希望呢d咁ge災禍有咁遠走咁遠(意思唔係話去其他國家或地區囧).
運動篇:chapter1足球;chapter2奧運;chapter3曼聯
很 多人都會想到奧運,但奧運之前怎能不說歐洲國家杯呢,年輕一代ge西班牙國家隊真係好犀利,卡斯拿斯,法比加斯,費蘭度托里斯,路易斯加西亞...等豪華 陣容真係令我不禁又想講多句好犀利,世界第一真係當之無愧,好想快d到一零年ge南非世界杯,我諗係荷蘭可以同佢地一鬥,當然南美ge都要注意. 緊接著就係奧運了,個開幕式睇到我真係冇野好講,一個字講曬:永世難忘.四大發明ge表演真係好精彩.最後點聖火仲勁,空中飛人點聖火.接近兩個星期ge 競技,睇到男籃的拼搏,飛魚攞八金,女團第一次攞團體第一劉翔的退出,中國跳水的實力,男女乒乓球ge優勢,男女羽毛球ge超級丹和張寧,舉重的好成績, 射槍項目的活躍...etc.仲有d新項目都有好成績,好似拳擊咁.好多好多都好感人,令人好激動,中國獎牌加埋總共有一百個,以五十一金排第一,真係可 喜可賀.到閉幕式講真真係有d失望,因為個死人碧咸踼ge個球算咩啊,踼比邊個睇啊,不知所謂,至少比d位佢助跑啊陰公,真係火都嚟埋.北京奧運真係成功 到不能再成功了,真係唔知2012年倫敦奧運要點搞先好. 最後當然要高興曼聯ge雙料冠啦,其實2008年嚟講應該係三料,因為曼聯今個月又攞埋個世冠杯冠軍~~~~~~~~新一年第三個願望就係希望可以睇到更多好波啦(最好係唔洗收費果隻啦囧).
三聚氰胺篇
原本雞啊魚啊好多食物都發生過問題,人可以放心食ge食物已經越嚟越少,點知就連bb仔最鍾意ge奶粉都出事了,又一發明~毒奶粉.緊 接著就相繼有一大堆奶類ge製品都發現有問題,好多都含過量ge三聚氰胺.三聚氰胺,我唔係咁認識佢,但聽起嚟就覺得好恐怖,搞到我都不得不小心,搞到我 連奶茶都唔敢飲,有段時間話蛋都有問題,我就隔左一排都唔敢叫滑蛋xx食啊.三聚氰胺真係成為大家ge一時熱話,但到左呢排已經冇咁多聽到呢方面ge消息 了,係新聞少左啊定係情況已經冇咁嚴重呢?之前聽晴朗仲話發現菜裏面有子彈tim啊,嚇鬼死人.~~~~~~~~新一年第四個願望就係希望可以唔好再咁多食物出問題.放心咁食野.
金融海潚篇:附加chapter雷曼
奧 運後,講到今年影響全球最深ge都可以算話係金融海潚了,金融風暴時我都只係十歲左右,根本唔知發生咩事.但今次的金融海嘯,,,講真我都唔係幾咁清楚發 生咩事冏.據說是因為次貨危機引起的潚.次貨危機我雖然知係乜,但我都係唔想講了.由我講,不明的人看了也不會明白,明白的人更不用看.總之就又嚟經濟不 景氣啦,失業率又上升真係睇到我心都離埋,居然揀正喺我畢業ge呢一年先搞d咁ge野,原本冇發生呢件事都冇咩信心畢業後可以搵到份好工,發生呢件事之後 我就真係完全冇信心了.都唔知個市幾時會有好轉tim架,如果真係搵唔到工我諗都係要搵d野進修下先得.金融海潚真係黑人憎. 雷曼ge唔係好清楚,都係唔講了=]~~~~~~~~新一年第五個願望就係希望可以搵到份唔洗好高人工,唔洗福利好好,唔洗有好多靚女ge工就好好架啦=[.
結婚篇
唔係我結婚,係我家姐今年終於作出結婚呢個決定了,應該係下年正式舉行,e+好似已經開始搞緊各樣野咁了,好似婚紗相都影左,結婚好似有好多野煩咁,唔知到時婚禮我喺邊,會喺華大定喺香港,參唔參加到婚禮呢?~~~~~~~~新一年第六個願望就係希望可以姐順順利利搞好結婚ge野,and happy幸福吧.
偶像篇:chapter1YUI;chapter2其他
話 說我偶像眾多,最喜歡的當然係日本小天后~~YUI啦,11.12,發左新碟my short stories後,佢就要暫休了,具體要休幾耐我都唔知,但聽佢ge歌真係好舒服,真係希望多d人會聽到佢ge歌,甚至欣賞佢ge歌.偶像好好休息吧,點 都等你返嚟,等一個全新的,精神充沛的YUI. 其他偶像如fiona,mayday,joey都發左唔少好聽ge歌,除他們外還有n多ge偶像不一一盡錄了,仲聽多左日文歌,英文歌今年真係有唔少好 歌,聽到我耳油都出曬嚟,希望聽日ge叱吒頒獎禮會好睇啦.~~~~~~~~新一年第七個願望就係希望可以睇到YUI ge全新出發,再創佳績.
雜事篇:chapter1畢業的苦惱;chapter2旅行的決擇;chapter3澳門五千元;chapter4麻將
畢 業年,學分都基本夠,就係個論文和實習未搞掂,就係個論文題目都搞到我就喊啦,再死唔到出嚟我真係去死啦,柯sir,點解你咁求其架,我寧願你比多d要求 我!!! 個fd話下年四月預備去台灣旅行,但果時我都唔知忙唔忙,實習就應該搞掂,但唔知仲有冇其他重要野要喺四月搞,加上個市e+又咁,邊好意思仲花錢去旅行 啊.你地出嚟做野咁耐有錢就話ja,你地幫我出一半就唔同講法,加上又冇靚女=[ 話說澳門已經唔知幾耐之前話會每人派五千蚊,但係點解我到e+連五蚊都收唔到架,我屋企人幫我搞左未,定係根本未到我地呢一代攞,我果五千蚊幾時先到手 啊!我好愛你架! 今年到左大四,講真唔係有選修課ge話真係ok得閒,搞到就成日走左去打麻將,瘋狂的打,試過一日打兩次,打左五個東,打到傻仔咁,就今學期的麻將週已有 好幾個了.成學期加埋都應該係輸多,冇辦法,511的那位太勁了,常勝,佢贏到e+已經要改名做求敗了.搞到e+對手難求,想打次麻將都難了.輸錢係會令 銀包難受,但都幾開心ge,當然贏更開心啦.~~~~~~~~新一年第八個願就係希望可以以上ge雜事都可以順順利利=].
除左呢d事之外,其實仲有好多大大少少ge事,比如美國選舉(雖然唔關我事),我以前ge同學仔做左澳姐第三名啊,見到靚女瑩啊,不停打機啊,努力學英文啊,,,etc好多好多事都想寫,但寫上面ge都用左我三個鐘去了,都係唔鬼再寫.
總 之今年成年嚟講就唔多好.雖然2008年確實真係令所有人同我都好難忘,但對我有負面影響ge仲唔少,總之一個字講曬:2008年你好黑我憎啊,快d走 啦!你唔好再返嚟啦,跟住有2009年妹妹陪我就夠架啦.我知009會對我好好的.許咁多願都係假,總之就希望有個又好又令人難忘ge009啦.
08年八個願望,希望到09年能見到都實現曬啦,到時再許多九個願望.
COME ON 2009.
|
| 2008 年 12 月 21 日 星期日 |
| 歐冠十六強,有可能是最好看的十六強賽事 |
分類: 未分類 |
歐冠16强具体對陣形式如下（左邊球隊先打主場）
車路士 vs 祖雲逹斯
維拉里爾 vs 彭拿典內高斯
士砵亭 vs 拜仁
馬德里體育會 vs 波圖
里昂 vs 巴塞羅那
皇家馬德里 vs 利物浦
阿仙奴 vs 羅馬
國際米蘭 vs 曼聯
三隊英超強豪對陣三隊意甲強豪;而利物浦戰西甲冠軍皇馬;法甲勁旅里昂對阵巴塞.
強队都能順利出綫,這對戰陣容也太華麗了.到時真的不知看哪場好囧.
首回合比賽將在2009年2月24/25日燃起戰火，而次回合比賽將會在3月10/11日進行。
2月24應該會在華大,已經等不及希望2月24日快點來了.
|
| 2008 年 12 月 11 日 星期四 |
| 那位女生好慘啊囧 |
分類: 誌 |
話說今天是我們班的身體檢查的日子.
我和明哥晚上六點二十五分就到了,其他甚麽都没開始檢,只有抽血,所以我倆一起先去了抽血.
真是宇宙超級無敵多人,好在他們開多一條line才能夠快一點點點點點點點(後省略百多個)...
在 我前五六個的是一位女生,她先放左手給護士抽,而護士抽得好像不太順,來回的插了幾回,而且插得也蠻深的囧.好吧,換另一隻手,也是不行,最後連手背連插 了.那女生無奈到不得了,終於下一位了,那女生以為終於解脫,怎知護士說:先不要走,還没抽到,一會再來抽囧.那女生給插了那麽多針也白插了=[.同時也 令到我好害怕,我不想被他插五六針啊囧.所以到我的時候我也不想看了,看別的地方分散注意力,結果...也是蠻痛的冏.
其他還好,没甚麽特別,就是有點莫名的緊張.
能夠有命回來我好開心=]. |
« | 6 | 7 | 8 | 9 | 10 | 11 | 12 | 13 | 14 | 15 | ... | 17 | »
|
