前幾日開始突然on 唔到msn
搞到成個人都冇乜精神,心情都down曬
搞到連上space寫野或留言都做唔到
我今日先發現原來我部腦ge時間變左做2000年~教返好先上到~都唔知幾時變的~唔通中左千年蟲病毒我唔知!?
今日寫返夠本先

三十號果日睇完歐洲杯
西班牙ge年輕一代真係好勁~~尤其鍾意法比加斯
德國慘唔慘我都唔在乎
但我覺得最慘的真係波歷克~連續十個亞軍~就今年車路士都攞兩個亞軍了~真係二奶命~囧

考試一路考嚟都oo地k咁
係 尋日ge審計學應該唔係好得,最唔開心係我連續廿幾個鐘冇訓去温,佢居然出到鬼死咁難,完全唔夠時間做,難然最尾計算係做得唔錯,但返轉頭做返d選擇判斷 完全無時間,靠第一感覺填落去,簡答應該都攞到十幾分,今次真係要睇單選同判斷的運氣,好運的都有機會合格ge,多選就唔指望能攞到分的了.跟住食埋晚返 睇左套戲,果晚九點幾就訓左,第一次成三十個鐘未訓過~~囧
仲有一科資産評估,後日考,呢兩日真係要用盡飲奶ge力去温先得
好想快d到七號考完,跟住返去前ge三日就可以狂玩特玩.

尋 日dl完L之終章~訓前睇左,覺得推理冇咁多冇咁好,但係都ok好睇,睇到好多平時睇唔到L會做的動作,又跑又跳又試著伸直條腰,仲要tum細路 tim,d動作真係幾搞野,到最後先知道個細路就係尼亞,真係估唔到,又黑髮又東菇頭,唯一令我覺得佢似尼亞的就係都好鍾意玩具.上次衰文去睇首映,我冇 得去,今次終於睇到,不過不失的一套電影.

原本諗住今個暑假澳門有錢派,所以先返去澳門的,但聽話好似我呢d的要排到八月尾,搞到只好返 去香港先,好耐冇返澳門,真係想返去睇下,但係又唔知住邊好,去鵬度,佢屋企可謂三餐冇味,都唔知食乜.去湖度又唔知要食幾多飯盒.喺香港又唔知揾唔揾工 好喎,咁遲先放假,揾又未必揾到,加上咁熱.但係唔做又多數會喺屋企,老豆老母走埋就得返我同妹tim,佢成日上網,咁我做咩好?真係喺度"勾"臭咩.最 後一個暑假了,唔想無無聊聊咁又虛渡左佢,每當諗到今次係最後一個暑假都不免會感到傷感和不捨.好想有個充滿回憶ge夏天啊!!!

唔知走 果時攞唔攞到果五千蚊呢,我都仲未諗到果五千蚊點用好,一有錢就總係想去買d貴野,好似ps3啊,wii啊之類咁,但都帶唔返上去華大的,諗落呢d野都係 留返以後返去先買好或者攞嚟換過部電話,我部k810i真係唔少人有,就我隔離房的兩個人,佢地兩個都係用呢部的,我班上的,啊揚係呢部,仲有個內地同學 女宜潔都係呢部,真係唔少人用.但如果想換又應該換邊部好呢,咁多款,心大心細ge我實好難下決定.

今個學期返嚟,個喇叭就壞左個,聽野 廆咁細聲,但都算了,聽郅我已經好感恩的了,但近排個型莫唔知做乜鬼,開一段時間就鬼死咁朦,睇到我眼都盲埋,好彩今個學期唔係好多温習ge要用到電腦 ja,但咁樣搞搞,我都唔知我近視又深左幾多lu,諗落返去都係要配過副眼鏡先得,白色唔襯我.

7月2日YUI出左新 碟~~<<SUMMER SONG>>summer song真係幾好聽,好輕快,真係好有夏日ge感覺,個mv更是一流,mv中估唔到一個咁高大的女生竟然只有十三歲.另一首歌,oh my god開頭感覺好像一般,但聽多了又覺得不錯,返去真係好想買返隻YUI ge碟~如果仲未賣曬ge話,諗下諗下其實果五千蚊都唔係冇地方用的~~嘿嘿~~嘿嘿嘿

最後一站~~資産評估~~呢兩日點都要狂温,爆温,猛温,瘋温,係咁温,今次呢科諗住全部靠自己,點都要做返次好戲.

上到msn好開心,成個人都開朗左,我諗今晚又可以食多幾碗飯了.

尋日終於考完第一科考試
這科平時佔50%,考試佔50%
平時的出席和功課都不錯
其實呢課都冇乜驚
但出名叫努力權的我當然會照樣出盡飲奶ge力去温
但英文和中文課程差好遠
中文的課程中本身就唔係識好多
加上英文的唔知點解
成份野都唔知點落手
就算全部翻譯了明了意思也不懂得解
好在前一晚問揚影印了部分解答
温左陣...歐洲杯都未睇完就訓了囧

第二日考試
選擇題十二題有八題我都識做
真係要多謝揚前一晚借我的答案
淨下的四題看到了璽哥看經孝的答案也做到了
平時分攞得高,本應攞五十多分就應該合格的了
但最後也還是想把兩條應該題做了
最後也做得到~真係要多謝璽哥和伯喜
考一科試要多謝咁多人~~囧
最搞笑係璽哥話sent選擇給了明哥
明哥竟然話關了機
明哥~~明哥~~明哥~~你太偉大了~~囧囧囧

下一站財務實驗上機
諗住星期六日狂睇猛睇瘋睇怒睇ppt
留意多點點做
到星期一打鑼咁早走過去練習下
抱著必死的決心
果晚我決定唔訓架啦
唔好阻我!!!!!!!!!!!!!!!!!!!!!!

上個星期六神咁早就去左參加十校杯象棋比賽,一出門就見到仆街安,一齊食左個早餐就出發,點知原來係八點半先開始而又冇人通知到仆街安.跟住又陪佢去食左 次早餐==!.再去到時就有幾條友喺度準備緊,今年第一次搞,人唔多,總共參加ge都係得十幾個,但可能太早的關係,嚟得個八個人.於是就分兩組進行單循 環賽,頭兩名可以出線入四強.我個組的竟然幾乎都是濠江的人,竟然要我地自相殘殺~~囧,但好彩的不用同大然門在同一組,唔係ge話出線機會就微乎其微.
第一場對家勁,呢場可以話係我果日捉得最好的一局,我車馬炮加埋都有成五隻,而佢就得返兩隻馬而已,早就高下立見,但有一步就是我没聽清楚佢有冇講將軍,而我唔知我被將軍就...呢局真係好唔抵,竟然咁樣輸左.
第二場對個唔知邊個,佢第一場贏左仆街安,原本有少少緊張的,因為剛輸左場,我一場都不能失了,點知對手被我打開到少少缺口之後就好似以放棄的心在捉,係咁比棋我食咁濟...但總算叫做贏返場.
最後一場對仆街安,雖然我棋力點都係高過佢,但係每次對親佢就係會緊張,呢局我都捉得幾小心,仲都ok快走出必殺棋,就咁樣以第二進入四強,對另一組的第一名~~啊狗.
以前知咩學校的棋隊,開頭捉得幾普通下,到了一個拼棋的地方後形勢就急轉直下,好快的,他就猛攻我,我算是没有招架之力,棋力的差距立刻見到了...敗亡!!!!!!
到了最後一局季爭奪戰.又係對返家勁,我心諗今次只要小心地捉就一定能贏,信心都幾足下.但偏偏這局我卻異常的捉得不知所謂,這局也不能怪誰...第四...無意義.
咁就完了,邊個係第一唔知.要問下仆街安先知,但都唔緊要,有生以來的第一次象棋比賽,喺我認真集中的情況下還是會有一定的出色表現的,原本想果日應該可以四勝一負的,但今次二勝三負都算啦,第一次算唔錯.
十校杯...象棋比賽...完了.

完了比賽又係時候放底捉棋,埋手做論文.星期日中午才開始趕房地產論文,終於寫完了,果晚老師話下周或者下下周先交,真係頂佢個肺,但果晚有兩個旅遊學院的女仔...嘿嘿嘿.
跟住接連兩日都分別趕做兩份論文,連正課都冇去到,前日都總算交了兩份論文.
雖然仲有一份未交,但係總叫已經做曬啦,今段要交ge論文...完了.

廿 幾號就要考專英好似,而其他七月的考試知道了日期,發覺今段的考試日期没那麽緊,好似會輕鬆d咁,但我最怕的就係果兩個上機實驗,好驚唔過,呢d實驗ge 野唔通又冇得補考的,所以e+反而係呢兩課最擔心.考試通宵ge日子又就快嚟啦,今段唔可以最衰的.否則我ge學業就真係...完了.

今次寫ge野...完了.