上次寫space已係係想當年ge10月18日，真係好耐都未更新過space，差不多四個月冇寫過，咁長時間實有好多野會忘記寫，但喺新一年開始都係寫返下十萬字先。
話說上回講到開始溫經濟，講真d經濟同我喺大陸學ge相差無幾，所以又係果句都溫得ok順利。講真溫完之後對呢個社會問題ge認識真係深左，可 能係我原本對呢d野認識實在太少，或者冇乜點諗過。跟住當然有睇下試題，我都覺得到時應該問題都不大，因為死記ge野唔多，你真係明左ge用自己ge方法 答到就得，同埋不少都係比如六點要素寫出兩三點這樣的，都唔洗話死記曬所有。又都係同會計一樣，搵幾日爆做試題，做爆佢。至於附加數有開始到，但一開始要 由淺入深，但開頭果d又真係淺得太離譜，我又唔想跳過佢而錯過某些部分，所以很快就没繼續睇了。而數學溫過曬所有內容，九成ok，所以都係諗住搵幾日爆做 題目，其實講到最後還是臨急抱佛腳……英文......真係冇乜點掂，係試過睇下reading，我諗都係...聽天由命吧。
至於小說方面呢，睇左東野圭吾ge聖女的救濟，原本真係好想大寫特寫一番，因為真係作得非常精彩，犯案手法最簡單得嚟又係最完美，但都係遲d先 再寫過。而非理性時代系列在第三部中斷了没繼續，不知何年何月先有機會繼續。但兩個星期前比我發現到丹布朗的新作品失落的秘符，我等佢ge第五部作品真係 等左好耐啦，即刻買左嚟睇，但十分厚，e+先係睇左五分一左右……真係課本加埋小說，我未睇ge書實在太多，但我可以用嚟睇書ge時間又實在太少惱爆。
跟住就要講下打遊戲機方面，有件事不得不記的係，我部psp唔9見左，我喺度諗ge可能係搭車返工時遺留喺車度，定係唔知邊d人上嚟屋企時咩 左，雖知我家不論親戚還是其他人，不時有人上嚟。唉~仲要喺我自己升左5.50gen-d2之後冇耐，我玩過ge新game就係gt同棒球咋，仲dl左高 逹，想入落psp度，但……佢已經走左啦。仲買左張8g卡tim，雖然係ok平，但都得物冇所用，而且e+連8g卡ge蹤影都唔見埋……而話說前排遊戲界 一大盛事就係ff13發行，我哥就買左ps3，有得玩ff13先至令我遺失psp ge傷痛減少少許而已。講返隻ff13，畫面冇乜驚喜，因為一早就預左佢畫面會靚到爆燈，但劇情方面真係過分單一路線，幾乎冇分支，劇情很多，給我感覺像 是在看電影似的，最大賣點始終都係個系統，戰鬥系統同ff12分別可以話不大，又可以話好大，因為基本遇敵控制指令都差唔多，但就多左樣陣式即時轉變系 統，令戰術性更大。成長系統就真係ff一貴作風，大革新，好否好難講，不過不失啦，總之就冇好似ff12果時咁，覺得係神作ge感覺冇咁強。用左大概一個 月左右終於打爆左。淨返就係d任務啊獎杯咁，都唔知幾時玩埋佢，因為e+ nds度都仲有光之四戰士同dq6都未玩完……
跟住戲肉，就係工作方面，又諗返起又真係火都嚟啦，搵緊工時老母成日喺度單單打打，真係@#$%%&，真係詳細都唔想嘥時間諗返曬出嚟 寫返曬出嚟，總之人地做ge唔係佢想咁ge就喺度發癲，都唔知想點，好似淨係得佢會心情唔好咁，我就唔會ge?!，我就唔緊ge?!果排真係好撚憎佢。又 試過果次飲完茶之後...真係@#$%%^，果日唔開心左成日，真係有生以嚟最唔開心ge一次，果次之後我一次都冇同任何親人去過飲茶啦。為左唔洗比佢繼 續咁......落去，我就選擇返住分理財ge先，佢知道有份工返之後啊，即刻態度都變曬，180度轉變都唔夠我去形容，真係果時係我有生以嚟對佢感到最 厭惡ge一次，總之不是甚麽好回憶。
入左supreme之後到e+，我真係經歷左好多野，亦都煩惱過好多野。首先當然係識到一班新ge人啦，yan、swing、ken、wai、 cindy、candy、tammi、kate、kathy、jj、fung、riva、青、東、雄、bry等一炸同職位ge人，仲有其他經理級ge人 士，當然同職位ge係易fd d，有好多都好快就熟落左，但其中唔少後來都走左，因為起步真係比較辛苦同埋其他因素。而其中一個因素就係要考牌，我真係不得不說我讀書考試ge能力，所 要求考ge三個牌我都一take pass，的確係勁，的確係醒，呢個都係我做到e+ ge其中一個原因。當然還有很多其他的因素，比如福利或者一d不值一提ge理由。而第二個令我繼續留喺度ge原因就係我做到第四日ge時候就已經開到張 單。而最後一個原因就係人事方面ge原因，會留喺度就絶對唔係因為個肥佬老闆的了，我相信離開的人當中有部分是因為他而離開的。而係一班同事，因為真係十 分傾得埋，雖然有時可能係過分hea，但真係傾得幾開心，當然不了我組的經理媽，佢真係對d下屬好好，教左我地好多野，很少會鬧我地，就算扮出個發惡ge 樣都不是十分得人驚，可能因為佢個樣同身型都好細路女，但見佢做野就真係超專業的樣子，永遠都超有活力的人==!當然少不了她成日買比我地食ge鹹濕野、 煎"讓"三寶同其他野食。話說果然一個去左好似係保誠ge 前同事諗住約我出嚟叫埋我過檔，我知道到時佢一定會講出好多比現在更好的利益，果時真係煩左我好耐，唔知點好，諗到最後都係諗住喺呢度同呢d同事做野又咁 開心，又冇理由乜都喺度學返嚟，考完牌就過檔去第二度，所以我就諗住一係喺度做到唔做為止跟住轉行，都唔願意去過檔。同fung傾過幾經辛苦先做到呢個決 定，而我亦決定唔去聽wai講，費事聽左之後更加搞到我心郁郁。有一段時間我組壯大到有四個人，我，fung之後加上雄、東，雄走左之後又有個 riva，riva走左之後，好做得野ge東就因為考試關係又走埋，又得返我同fung，之後嚟個之前做美容ge bry，開頭會覺得呢d金毛佬好難相處，但唔洗好耐已經相處得非常之好了。我覺得佢應該會留喺呢行比較長時間的，因為佢之前都有做類似工作方面ge經驗， 而且剛剛又比佢好彩咁pass左第一份卷。e+我呢個職位ge就係得返jj、kathy、fung、bry&me囧真係要加油!另外還有經歷過出 糧啊、傾單啊等事件。而最新鮮ge就係前幾日發生ge事，話說呢年廿八果日，冇開舖我就陪左經理媽去左車公廟度還神，話說佢年年都拜好多神，龍母廟、黃大 仙、車公廟，今年仲話要借庫tim，好迷信…還完神我地去左ｘ奶佬度休息，順便同我講左佢想跳槽ge事，前排佢一直都有周圍問價(原來呢行都有一樣類似轉 會費ge野==!即係握手費)，e+大概就都有兩個選擇。同我講話唔洗擔心，佢會帶埋我地走。跟住又同我講左好多我第一次接觸ge名詞啊，又同我計左好多 數啊，同我作左好多比較啊，總之呢一齊一齊一時間就真係聽到我頭都大埋，差d爆!話差唔多新年之後就有決定，也就是換句話說我亦都要差不多新年之後作個決 定。如果經理媽走左，繼續留喺度做都冇意思，但卻剛好喺我開始發力做野ge時候，亦都開始覺得自己做到ge時候搞d咁ge野，我原本就諗住做到今個月ge 截數日睇下成績點ge，但照佢咁講喺之前就已經要離開去第二度繼續做。到時就算真係跟經理媽過左去，bry可能會跟，fung呢?如果冇佢做野真係好似唔 知點咁(雖然佢冇返工ge時候我做野的確係好d囧)，最終我發現我其實係好怕呢d人事ge改變。同熟落曬ge人或地方離開真係唔易做決定，又或者轉行搵過 第二份工好?唔洗煩?新年我諗淨係諗呢d野都夠曬我煩。我都睇得出經理媽感情方面ge困難，雖然佢口口聲聲話呢個係咩商業社會唔理得咁多，但見佢答我未同 mei講呢件事都知佢都有呢方面ge野煩，總之新年之後都唔知會點，初四返去仲話公司食飯tim…好難預測下個劇情發展會係點。一個字講曬，煩。[最煩 ge係經理媽叫我唔好同其他人講。唉~聽左咁多秘密，冇得同人講好辛苦架~~]
寫返d開心野，今年生日係喺香港長住落嚟ge第一次，的確好特別，因為未試過一次生日居然食左三次蛋糕。一月一日，一班親戚上嚟食飯，順便買左 個蛋糕慶祝我和妹的生日~食蛋糕。一月三日，同組人幫jj和我去唱k慶祝生日~食蛋糕(還有兩個)。一月七日，姐買左pizza和糕~食蛋糕。一月八日， 放工後同fung與kathy去左荃灣西海滂飲酒慶祝~飲酒，今年算係慶祝得最多次ge一年，亦都ok開心。
仲有好多瑣碎事一時間未醒起或者醒起但都唔想再用時間打，因為打呢篇野已經打左兩個多半鐘，真係要完全整理呢三個幾月我諗要打到六點，總之呢， 人生真係有好多野要諗，比讀書要諗ge仲煩唔知幾多……以後盡量打space打密d先得，一次過諗一次過打實在太辛苦啦!!!!!!!!
|
