今個禮拜真係好，番得三日，聽日唔知咩畢業典禮後日補

假ｗｏ，姐係間接放多兩日假啊^﹏^ 今日番到學校好得

閒啊，唔使敢功課，晨讀時比李ｓｉｒ潤，好慘。之後上

堂就一直訓到ｌｕｎｃｈ  食晒我僅餘果＄１０，重要問

人借。用晒ｄ ＄＄啦要等下個月先有，下個禮拜都唔知點算＿

最尾果堂係中史啊，勁開心，有甘ｓｉｒ係到唔會悶得去

邊架，之後重有堂咩德育堂ｗｏ，教我地點用自己ｄ

時間 ＝　＝  諗下諗下自己平時ｄ時間真係唔知用左去邊就

過左！放左學就同紅會ｄ人開會啦，開第二次亦都係最

後一次既迎新ｐａｒｔｙ，下個禮拜一就係啦，我就負責整

啫喱糖啊，以前未整過，希望食左唔會出事啦！今日開會先

知到曾曾原來哩排好辛苦架做左好多野，ｓｏｒｒｙ啊，唔

知你咁忙 ＞﹏＜　我以後一定要好錫錫佢先得

今日又係一個禮拜最難挨既一日諗住朝頭早5:40起身溫中史架，

點知個死人電話竟然無電ｗｏ 到啊媽嗌醒我時已經係6:15啦，激

死！番到學校就姣紅教我Maths今日都無咩特別野發生啊，lunch

前果堂上家政果班同學教整pizza啊！唉.......... 勁羨慕佢地啊

最尾果堂係電腦啦，悶到爆炸，我唔想訓都係訓著左咯，之後就係

中史測驗，好彩份卷都ｏｋ易，我諗都合格既，如果唔係我以後上

甘ｓｉｒ堂就要比佢脾視架啦∼

我重諗起一樣好得意既野啊，今日上美勞堂時，楊栢強話漢浩俊全

班物理最高分，重話好彩自己都有科化學最高分ｗｏ，我諗到我就

生物最高分啦，咁Ｑ哩三科既最高分比中一時我地既鐵三角攞

晒ｗｏ，真係搞笑。好！以後生物我都要讀得好ｄ，唔好輸比佢地

兩個。放左學校就上總部開會啦，都唔知咁早爬上去做嘜 !？

等左成個鍾先開得到會，成六點半先散，我同孫曉彤一齊走啦，傾

左好多野，佢都好ｎｉｃｅ架！唔經唔覺就快１２月啦，就快放聖

誕假＿我要努力ｄ先得