| «‹ May 2015 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2007 年 11 月 16 日 星期五  |
| 打針 |
分類: 未分類 |
今日我同老公帶姮姮去健康院打一歲針,登記完後就去磅重,姮姮而家有19磅啦,磅重後就出番大堂等見姑娘&打針,識行既姮姮無時停,我就同老公輪流跟隨佢四處行,D姑娘&其他家長睇到姮姮都話佢好叻女行得好好,而另一句我聽得最多人講既就係"呢個BB女似足佢爸爸wor" 之前姮姮打針都唔會點喊,今次當姑娘打落去佢隻金華火腿時佢都無反應ga,姑娘仲讚佢好叻女,但當講完呢句後,姮姮就大喊啦,我同老公逗左佢一陣先收聲,真係心痛死我啦,攪好晒d野後我地就返TKO比姮姮瞓陣,到4點幾左右就去太古城剪頭髮,之後join埋細妹就去佢做野既中心逗留左一陣,跟住就帶姮姮去玩波波池,到9點幾就返SMP收拾行李準備聽日既台灣之旅.
|
| 2007 年 11 月 9 日 星期五 |
姮姮1歲啦  |
分類: 未分類 |
本來諗住放工後先去醫院探yoyo & 郁郁B後才去APM食飯,但阿媽話姮姮生日叫我都係唔好去醫院啦,所以最後都係去唔到睇郁郁B,唯有等12日後先去yoyo屋企探呢隻肥B啦.今晚訂左8點半係apm潮館食姮姮既生日飯,起初諗住只係我同阿sam既屋企人食,但臨時加多左幾位個朋友,就係阿靜一家四口&姮姮好鍾意既豬皮姐姐(我細妹既best friend),仲有第一次見面既frankie(我細妹既新男友),今晚真係好熱鬧,姮姮又有大利是&禮物收啦,可惜唔記得買蛋糕.
時間真係過得好快,咁就1歲啦,由出世到而家慢慢睇住佢學轉身,學坐,學爬,出牙仔,學溝通,到而家學行,見到姮姮健康快樂咁成長真係好開心,當然最大功勞就硬係我阿媽啦,姮姮你大個女定要錫婆婆呀,媽咪同Daddy會永遠守護著係你身邊
|
| 2007 年 11 月 8 日 星期四 |
| 2007 年 11 月 4 日 星期日 |
| 預祝姮姮一歲開心生日會 |
分類: 未分類 |
今日會有一班好友黎同姮姮預祝生日,我同老公11點左右帶姮姮落惠康買完野後就出深水埗拎壽司&魚生,之後再返觀塘聖安娜攞蛋糕,2點幾返到SMP.大玲&阿杏已經到左,隨後就係阿Yan,mei & 康,無耐我就落樓下接阿敏,軒軒&阿盧,而mei mei就幫我整三文治,當我接左阿敏佢地上樓後阿珮,阿棠,巧巧,阿明&瑤瑤都隨後黎到,細小既客廳已經逼滿了人啦,熱鬧得很呀,巧巧&瑤瑤兩個真係越大越醜八怪呀,唯獨係姮姮由出世到而家都無咩點變 .到左3點幾阿wing上埋黎後我地就一齊唱生日歌繼而開餐 ,阿媽既自制魚旦&雞翼每次都係咁受歡迎.姮姮今日收到好多禮物,有阿珮& stella送既nike 波鞋 & kitty手袋仔,阿珮為左呢份禮行左3日先買到,真係辛苦晒,可惜對靚靚鞋太大啦,我諗要下年先岩著,但都好,因到時姮姮已經行得好"搵"陣,可以著住到處跑呀 ;mei mei & 阿廬送既禮物就最受咁多位小朋友歡迎,對姮姮黎講呢份應該係佢最鍾意ga啦;大玲&阿杏就應我要求送左件外套,另外仲買多套kitty衫比姮姮,全部都係粉紅色,襯晒姮姮呀;阿wing&阿Yan就送左張chip "n" dale既椅子,但我諗要姮姮大個小小先係乖乖坐係度啦;除左禮物外仲有阿明 & 阿敏既利是,真係多謝晒咁多位.大家食完野後就有d人玩阿mei拎落黎部wii,有d傾計,小朋友就圍住玩新玩具,到5點幾就陸陸續續走lu,而姮姮等d客人走晒後亦都瞓左陣,我同老公等佢瞓醒陪佢玩多陣後就返TKO啦.今日真係好開心ar,希望大家都同我一樣啦.
生日會既相我已經upload左係相簿啦.以下係我妹拍攝既video.
|
| 2007 年 11 月 2 日 星期五 |
| 媽媽媽... |
分類: 未分類 |
姮姮已經識得發"媽媽媽"呢個音啦,但我知佢其實唔係識得叫我做媽媽,因無論佢玩緊玩具,望住其他人 or 物件時都會"媽媽媽"咁叫.不過當佢講緊"媽媽媽"時問佢:咁邊個係媽媽呀?佢又識得指住我好開心咁笑,之後就會行過黎要我抱.雖然知道姮姮未真係識得叫我,但當佢望住我講"媽媽媽"時就真係好warm. |
| 2007 年 11 月 1 日 星期四 |
| 2007 年 10 月 29 日 星期一 |
姮姮舊曆一歲啦  |
分類: 未分類 |
今日農曆九月十九係姮姮既舊曆一歲生日,話咁快就一歲啦,阿媽話姮姮好識揀時候出世,因九月十九觀音誕係好日,而佢出世既時間亦係吉時.自有左姮姮後屋企確係開心左好多,呢一年真係辛苦晒阿媽.舊曆既生日我無特別同佢慶祝,但老豆阿媽就封左大利是比姮姮,仲有佢大舅父送既Dr.Kong學行鞋.唔知呢個囡幾時先識叫媽媽呢
|
| 2007 年 10 月 21 日 星期日 |
| 帶著累死的身軀回港 |
分類: 未分類 |
晨早7點零兩個B囡就起身啦,我同寶玲起初都怕姮姮&螢螢會瞓唔慣,但好在都無,反而係我地兩個大人瞓唔著,所以攪到本來有d感冒既我到今朝起床時就更辛苦啦,帶著兩個BB所以我地都無打算出去行,所以成日都係留係表姐屋企玩,可能表姐屋企夠大,所以姮姮&螢螢都好開心,姮姮就最鍾意爬上樓梯,而未識爬既螢螢見到姮姮爬既時候就會開心得哈哈笑,睇著兩個差唔多大既BB玩真係好攪笑,到左4點幾等埋老公&阿金返黎後我地就返HK啦,係皇崗口岸等麗如帶欣欣比我地,當欣欣知道要同麗如分手後就喊起上黎啦,好在有阿金係度幫手照顧欣欣,唔係真係攪唔掂,7點幾我地就返到SMP,攪掂晒D野後我就同老公帶欣欣返佢爺爺屋企,9點幾返到TKO就大覺瞓lu. |
| 2007 年 10 月 20 日 星期六 |
| 第一次出境 |
分類: 未分類 |
今日10點幾就起床,落百街買左d野後就同老公去接欣欣,自從有左姮姮後我就好小買衫褲比欣欣,所以係佢屋企想搵套靚d既出街衫都難,咁我就唯有帶佢去東港城買套衫比佢啦,之後我地就join埋阿金同idy一家係東港城飲茶,idy剛生完bb10幾日,但因屋企無食水,所以就約我地係茶樓見面無上到佢屋企啦,佢個仔仔全程都係瞓覺,抱住佢就覺得姮姮大得好快啦.飲完茶3點幾我地就返SMP接姮姮出發去深圳探寶玲啦,6點左右到達深圳,一出羅湖境就見到麗如係度等緊我地,最開心就當然係欣欣啦,之後我地就一齊搭的士去表姐屋企,但點知等左勁耐先有車,中途仲要塞車,攪到7點幾先到表姐屋企.我第一眼見到寶玲個女就覺得佢好肥啦,表情多多好鬼攪笑,係表姐屋企食完飯後老公同阿金就出去按摩,麗如就帶欣欣去佢朋友屋企瞓,而我同姮姮今晚就會係表姐度同寶玲兩母女一齊瞓.
 
|
« | 7 | 8 | 9 | 10 | 11 | 12 | 13 | 14 | 15 | 16 | ... | 28 | »
|
- Get Your Own
,就因為呢個仔係YoYo肚裡時經常都勁郁,好似係度練功夫咁
.真係好開心呢
,等左呢個懶豬仔咁多日終於都係出黎見我地啦.希望郁郁B健康快樂成長.姮姮又多個朋友仔啦