今日請左假,攪左成日真係好累,件事係咪已經解決呢,我都未知,睇黎我真係要好好諗下日後既安排,好想老豆阿媽有可以過D安樂既日子.呢幾日心情好差,攪到成日發老公脾氣,好想當我唔開心時可以有個寧靜既地方,有你緊緊摟著,不發一言,被我靜靜咁大喊一埸就已足夠.但可惜我只係聽到你對我講今晚可唔可以帶姮姮返TKO...如果我話今個星期日都唔想帶個囡返去,你又會否明白我呢....

今日一返到公司就上網搵資料,打電話問野,搵人幫手,我真係覺得好羞,唔想比人知既野都要話比人知.總算決定左點樣去解決,真係好多謝我呢位朋友既幫忙.人生有個真正朋友的確好ga,更何況我有唔只一個.

唔知係咪我地羅家既祖墳有問題,做女既個個都要為屋企而憂心,我堂家姐,寶玲..我地呢D比上上一代被譽為係無用既外嫁女,哼...如果你地真係有眼睇既話就睇真d你地何其重要傳宗接代既男丁,佢地而家帶比屋企既煩惱,點解所有野都要我地D外嫁女負擔,難道佢地既責任就只係雖要傳宗接代...今晚本想咩都唔諗早d瞓,但即使我有幾累都瞓唔著,因未諗到如何解決,11點幾收到堂家姐既電話,又要煩到佢啦,欠佢既人情唔知幾時先有得還呢.....

我已經崩潰啦,你有問題就黎搵我,咁我有問題又有邊個可以幫我呀,到底要幾時先有安樂日子過呀,我真係撐唔住啦,點解會攪成咁...我開始明白當初點解佢要一走了之,一個人擔起所有野真係好辛苦,我而家應該點做好呀...

今日阿大伯係hallmark買左套衫褲&一條裙仔比姮姮,但條裙竟然係同尋日姮姮著果條一樣ga,只係唔同色,佢都唔知係咪有老人痴呆症,尋日同姮姮玩左大半日都可以唔記得佢著住條同款既裙,真係服左佢ar,好在有得換,真好...姮姮又多兩套新衫啦

大伯買果條係同款既黃色

姮姮同大伯係咪都有D似樣呢

好靚呀...個background

睇下姮姮幾"num"

我唔要你抱ar大伯娘

晨咁早7點半姮姮就醒啦,攪掂晒D野後9點左右我地就同奶奶出去飲茶,我一早同老公講左叫佢今日唔好放假,所以飲完茶後佢就返工,返到屋企我幫姮姮換片洗pet pet時佢就送左份母親節禮物比我,攪到我件衫都濕晒,真係多謝呀.到2點左右我就帶姮姮出觀塘同我至愛既媽媽飲下午茶啦,老豆同我講話阿媽尋晚因姮姮唔係度所以成晚都瞓唔著,哈哈...飲完茶行左陣就走lu,返到屋企阿媽就幫姮姮沖涼,姮姮呢個時候亦都送左份禮物比佢婆婆,攪到阿媽幫姮姮沖完後自己都要沖.今晚食完飯後我細妹自動咁幫阿媽洗碗,真係一年難得一次呀,但阿媽都已經好開心.

講左幾個月話黎探姮姮既阿Leung今日終於都上黎啦,仲帶在佢之前去日本旅行時買比姮娙既禮物黎,係個好靚既babie kitty飲水杯,多謝晒呀.我阿媽話佢肥左又靚左,我都覺ar,唔知係咪蜜運中呢.我阿媽話佢咁耐都無上黎,所以就強留佢係度食晚飯,8點幾我就同佢一齊走,本來佢有車直接返屋企ga,但見我抱住姮姮又拿住個袋就同埋我出觀塘啦,見有人陪咁我就順便係觀塘買左兩件衫比阿媽同奶奶做母親節禮物啦,睇唔出瘦猛猛既阿Leung可以背住兩個重既手袋之餘仲可以幫我抱住姮姮等我可以揀衫,最後仲送埋我地去搭車,真係唔該晒ar.

P.S.辛苦晒Auntie Leung做左一陣保母

今朝遲左幾個字起身,行出房門去toilet時老爺就問我阿sam今日係咪休息,至鬼憎一大清早係未清醒時被人問問題,我無出聲點左下頭就行入toilet啦.差唔多出門口時老公起身去toilet,佢叫左幾聲老婆我都無理佢,當佢好似透明咁,之後就好快咁出門口返工...(ruby你係咪痴線ga)

又黎啦...真係好唔鍾意自己呢種性格,往往希望自己諗既野,想做既野唔使講出聲人地都會為你安排,但當人地get唔到我心想既野,反而提出其他意見時我就會無事生火,之後就會唔出聲,見到面都唔想講野,更加唔會對人地講其實自己想點,所以好多時攪到人地都唔知我點解無啦啦發脾氣,唉...我真係覺得自己好有問題,但又改唔到.今朝我又cut左佢線啦,夜晚11點左右睇完姮姮返到TKO,落車時見到架692埋站,我企左一陣睇下會唔會見到老公落車,但D人落晒都唔見佢,返到上樓奶奶同我講先知原來佢今晚唔返黎食.

每當心情唔好時:佢無打電話比你時會好想收到佢既來電,但到佢真係打黎時又唔想同佢講野,十問九唔應;當見唔到佢時好想佢快D返黎,但當佢係你面前時又覺得佢好煩,好討厭.哈....我係咪心理有問題呢

剛剛出世

1個月

2個月

3個月

4個月

5個月

6個月

話咁快姮姮已經半歲啦,係hallmark買左條靚靚裙仔比佢做禮物,本來仲想買多對涼鞋仔ga,但睇左好耐都無岩心水,唯有等sanrio返新貨後先去買啦.

身體健康,快高長大