| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 5 月 31 日 星期四  |
| 姮姮至上 |
分類: 未分類 |
大伯今日會做個小手術,本來諗住放工係銅鑼灣行陣後就去探佢ga,但當我8點幾打比大伯娘時佢話探病時間只係去到9點,我仲以為聖德肋撒醫院係同浸會一樣探病時間係去到10點半,所以最後都係無去到,等聽日老公放假先一齊去啦.
唉...真係今時唔同住日呀,以前3,4百蚊件衫只要鍾意我就會買,而家on-sales 8折我都覺得貴唔捨得買,係sogo見到所有店舖都大減價,就連平時極少減價既chevignon牛仔褲都只係$400就有交易啦,雖然有睇岩,但最後都係忍手無買到,最後行左去mothcare買左set背心夾衣比姮姮,而家既我為左姮姮買咩都要諗清楚,因我要比最好既野個囡,阿大伯前排先係度講話我以後既名牌就只有giordano,哈....為左個女咩都無所謂啦
|
| 2007 年 5 月 28 日 星期一 |
| 忙 |
分類: 未分類 |
放左幾日假,今日返工好多野做,但咁都好,忙既時間係過得快D ga,幾晚無睇唐心風暴,今晚要開始追番先得,因今個星期已經係結局編啦. |
| 2007 年 5 月 27 日 星期日 |
| 四日假期的最後一曰 |
分類: 未分類 |
今日係奶奶&大伯娘既舊曆生日,佢兩個除左係同月同日生日外,仲係同姓ga,正所謂同姓三分親,佢地就更親上加親啦.我諗奶奶最想就係阿大伯娘快d生個男孫比佢抱呀 .
本來諗住下午同老公帶姮姮去jusco行下,點知落大雨,咁就邊度都唔使去啦,係TKO呆左成日,食完晚飯就帶姮姮返阿媽度啦. |
| 2007 年 5 月 26 日 星期六 |
| 四日假期的第三日 |
分類: 未分類 |
同阿媽,阿mei一齊帶埋姮姮去阿珮度,巧巧好可愛哦,阿珮既媽咪都有係度,好耐無見佢,但都無咩點變.姮姮好攪笑,經常引阿珮同佢玩,但又唔係比佢抱 ,阿媽話阿珮好叻女呀,第一次做媽咪既佢照顧得BB好好,做左人媽咪係唔同D既,5點左右我就同阿媽返屋企,而阿mei就留低食晚飯,我都想同佢地一齊去食飯ga,但帶住姮姮出去食飯又好唔方便,亦唔想叫阿媽同姮姮返去先wor,唯有下次先啦.今晚要帶姮姮返TKO lu,好在老公聽日放假,咁都無咁down. |
| 2007 年 5 月 25 日 星期五 |
| 四日假期的第二日 |
分類: 未分類 |
今日老公都休息,但我地好早就起身啦,因要帶姮姮去健康院打6個月既針,阿媽話早去早回,原本約左11點半既我地,10點半就到左啦,但最後都係等到差唔多12點先到姮姮,今次要打兩支呀,每邊大臂一支,眼見其他BB打完都喊到收唔到聲,攪到我都驚驚地呀,不過當姮姮打第一支時佢係無反應ga,到打第2支時先係咁意喊左兩聲,難道佢真係唔怕痛ga,睇黎以後佢再打針我都唔使擔心啦,事實佢出世到而家打幾次針都係無咩點喊ga.打完針我地就返屋企再瞓過,係阿媽度食埋飯後就陪老公返TKO,唉....真係慘. |
| 2007 年 5 月 24 日 星期四 |
| 四日假期的第一日 |
分類: 未分類 |
今日本來約左阿mei, 阿敏&雙軒黎我度(smp),但11點幾阿mei打黎話cancel,o.....無得玩,咁我就全日都係度睇白色巨塔,又同姮姮玩下,過左寫意既一日 |
2007 年 5 月 23 日 星期三  |
| 討厭...勁討厭 |
分類: 未分類 |
我都知姮姮似男仔多過女仔,但事實佢係一個女仔黎ga ma,阿sam老豆阿媽每次姮姮返TKO就實會講呢d說話"都唔似女仔","係男仔黎ga"我真係好唔鍾意聽到佢地講呢d野,不過我都唔會出聲由得佢地講,上星期日奶奶無啦啦又係度講,我呢幾日已經心情唔好ga啦,仲要聽埋d唔想聽ga野,咁我就氣氣地咁對佢講"咩男仔ar,佢事實就係一個女仔,你成日咁講,唔似都比你講到似啦"之後佢仲要話變做男仔都好呀,聽到我火都黎呀 ,我就應返佢"男仔有咩好呀,我至憎就係仔呀"後來佢仲要講多句"男仔緊係好啦".果一刻我真係好想用粗口罵佢呀,當然我無咁做啦,我就費時再同佢講,抱姮姮入房.人都係現實ga啦,呢個奶奶係姮姮未出世之前就話鍾意女多個男,而家又成鬼日係度講d咁ga野,無言佢地係錫姮姮,但我諗如果姮姮係仔ga話仲更加錫呀,我真係越來越唔鍾意返阿sam屋企 ,自從上次阿sam老豆飲醉酒無啦啦罵左我一餐後我對佢已經好憎恨,雖然佢唔係第一次飲醉酒罵人,但果次我真係好嬲,自此我就唔想望佢,唔想叫佢,唔想同佢講野,即使佢平時對我有幾照顧週到都係咁話,每次佢抱姮姮我都好唔鍾意,每個星期日抱姮姮返TKO都只係因奶奶放假等佢地可以同姮姮玩下,但而家我真係好唔鍾意得我一個倍住姮姮留係TKO同佢地一齊,同老公講,佢就只係會話佢阿媽唔識講野,唔知講呢D說話我會唔鍾意...等等,唉...佢只係識得叫我帶多D姮姮返TKO,但又有無企係我果邊諗下呢,其實佢可能都唔知道原來我係咁唔鍾意返TKO.同佢屋企人相處左兩年幾,起初我係覺得無咩問題ga,但可能真係相見好同住難,所以我會諗辦法點樣可以申請多間公屋,我都唔想遲d不知不覺間連奶奶都憎埋,亦唔想老公夾係中間難做.
|
| 出牙仔啦 |
分類: 未分類 |
 
姮姮已經出牙仔啦,仲好明顯見得到,睇黎係時候買支BB牙刷幫佢刷牙啦,但呢個懶妹而家仲未學識自己轉身,每次瞓係度想起身但轉極都轉唔到時就會發脾氣,佢呢D惡死&脾氣唔好既性格就最似我啦 |
| 2007 年 5 月 21 日 星期一 |
| 社工醫生 |
分類: 未分類 |
尋晚個肚已經開始有小小痛,到今朝起身返工途中越來越痛,攪到要中途落車去睇醫生,我問醫生點解個肚時不時都會咁痛,佢就話我唔似有咩大問題,跟住就問我係咪瞓得唔好or有d事令到個人緊張,因呢d情緒都會影響到腸抽筋而肚痛,又問我係咪每次肚痛前都有d事發生,問到我都唔知點答佢好,跟住佢就好似變左個社工咁同我講左一大堆道理,呢個醫生真係幾攪笑. |
| 2007 年 5 月 19 日 星期六 |
« | 16 | 17 | 18 | 19 | 20 | 21 | 22 | 23 | 24 | 25 | ... | 28 | »
|
- Get Your Own
,好想快D有晴天
,好多野諗極都諗唔通,唉...