| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 5 月 9 日 星期三  |
| mei mei B day |
分類: 未分類 |
MeiMei
 Happy Birthday to you
|
| 2007 年 5 月 7 日 星期一 |
| 2007 年 5 月 6 日 星期日 |
| 無聊的一天 |
分類: 未分類 |
今日老公放假,但佢尋晚係公司做到好夜先走,差唔多今朝5點先返到屋企,唉...真係收賣人命呀,姮姮7點半左右起身,老公同佢玩左陣後8點幾一齊再瞓過,瞓到11點姮姮起身飲奶,我就同佢出廳玩等老公可以瞓多陣,難得老公放星期日,所以5點左右我地就同姮姮過將軍澳中心行,帶左相機出去諗住同姮姮影相,點知影左都唔知有無5張後無電 真係激鬼死.行左個幾鐘後就返屋企lu,夜晚等奶奶放工返黎食完飯就帶姮姮返SMP啦. |
| 2007 年 5 月 4 日 星期五 |
| spider-man 3 |
分類: 未分類 |
老公放假,等我收工後一齊去apm睇佢期待左好耐既蜘蛛俠3,睇完戲後食埋野10點幾就返SMP搵姮姮,呢個囡越黎越夜瞓,而家每晚唔到12點幾1點都唔肯瞓呀. |
| 2007 年 5 月 2 日 星期三 |
| 米糊 |
分類: 未分類 |
今日主要想去city super買米糊比姮姮食,但放工搭公司車出到銅鑼灣後又忍唔住去皇室堡sanrio kids行左個圈 ,06年既夏天款低至6折ar,買左兩件kitty衫,兩條kitty褲比姮姮,本來每件原價都要差唔多$200,但而家4件加埋都唔使$200蚊ar,真係好抵 ,比錢後就行過去city super買米糊啦,係網上睇左好多資料,見到D媽咪話Healthy Times呢隻牌子既米糊幾好,產品全部採用有機材料製造,又無咁甜所以就諗住買比姮姮試下啦,唔係好貴,$30幾蚊盒而已,另外又買左個combi碗仔,比錢時先知原來個碗仔仲貴過盒米糊 .買完野就趕快搭車返屋企搵姮姮啦.
|
| 2007 年 5 月 1 日 星期二 |
| 一間屋4個B |
分類: 未分類 |
今日上阿珮屋企探佢同BB囡,阿敏帶埋兩個仔,阿明亦都帶左瑤瑤黎,而姮姮因為我夜晚約左chiu chiu食飯,所以就無帶到,初時睇阿珮SEND比我D相時覺得佢個女雖然只得6磅幾,但睇落仲大隻過出世時7磅7既姮姮,但當睇到真人時原來比相細粒好多,已為人母既我,阿敏同阿明就當然敢抱佢啦,至於阿may,阿wing同阿盧呢d未結婚既人因怕整到細細粒(繼monchichi後又一新花名)所以只敢近距離逗下佢,細細粒好貪瞓ga ,3安奶飲唔到一半就瞓,整極都唔醒,最攪笑係同佢掃風時會"依依"聲咁叫 ,阿敏兩個仔一如以往都係咁怕羞,但細仔怕羞得黎都係比我地抱下,對眼水汪汪咁真係好得人鍾意,至於阿明個女瑤瑤就全程都咁活潑,見到邊個都"爸爸"咁叫,邊個有野食佢就會好快咁趴過去,好鬼攪笑,我諗等姮姮再大個d識得自己坐時再同佢地玩就更熱鬧啦
6點零鐘我地就走啦,同阿wing一齊出旺角,約左中學一位老師Miss chiu食飯,同枱仲有大玲,carrie同芝琳,chiu chiu真係咁多年黎都無變,但佢d學生,即係我地,就好幾個都已經結左婚生埋BB啦,唔知佢又幾時請我地飲呢 |
| 2007 年 4 月 29 日 星期日 |
瑤瑤生日快樂  |
分類: 未分類 |
今日係我好朋友個女瑤瑤既1歲生日
 生日快樂ar瑤瑤,身體健康,快高長大
|
| 2007 年 4 月 28 日 星期六 |
| 難忘回憶~朱石麟中學~ |
分類: 未分類 |
今日約左十幾位中學同學(而家既好朋友)返母校睇綜合晚會,兩年幾無返去啦,有好幾位老師都已經無係度教,校長,校服都轉左,畢業已經有8年啦,當初係覺得呢間學校幾靚所以先會入黎讀(真係傻呀),仲記得當時開學無幾日就大病左一場,有好幾星期都無返學,其間身體好D時試過返學,點知果日第一課就要行上6樓上堂,當我行到上課室時頭暈到扒左係枱上起唔到身 ,大家都唔知我發生咩事,而我因無返學一段時間,所以同學們都唔係好識得我,後來有位同學好好咁問我有無事,但因我真係好唔舒服唔想講野,所以起初我都無理到佢,之後果個位好好心既同學見我無返應就繼續問我使唔使呢樣..使唔使果樣咁..後來我不但無領呢位同學既情,反而覺得佢好煩,我仲好惡咁罵佢 ,哈哈...呢位當初比我罵既同學而家就成為我既老死,佢就係阿Wing啦,真係諗起都覺得好好笑.係呢間學校除左識到一班好朋友外,仲識到阿Sam,同佢係F.4做prefect時先識既,起初我同佢都無咩兩句,大家一齊當值左半個學期左右先熟絡D,不過我呢D好學生就當然唔會係求學時期拍拖啦,更何況我果時對佢無咩好感,後來考完會考,佢都有keep住打電話比我,約出黎食飯,睇戲...傻下傻下咁就同佢開始左,拍拖5年幾後結婚,結婚年幾後生埋姮姮,時間真係過得好快,黎緊8月就係我地相識8週年啦,好多人都問我點解會鍾意阿Sam,哈哈..我自己都唔知,鍾意就係鍾意無得解.
今日老公要返工,所以唔可以同我一齊返學校,有好幾位相熟既老師同校工都問我點解阿Sam無返黎,無計啦,佢要返工搵錢養我同姮姮ar ma,綜合晚會7點開始,有醒獅,非洲鼓,話劇,英語短劇,中樂,band show,仲有母校特色fashion show,由f.4既學生自己設計,一手一腳車出黎,但d衫靚唔靚就... 最後師生大合唱,梁sir & 麥sir既歌聲真係掂ar,晚會9點半左右完結,阿敏因帶住佢大仔怕羞軒軒,所以走先,而我地成班同幾位老師傾左陣後就一齊去德褔打邊爐,老公收工後都有黎join我地,食到11點幾就各自返歸啦,開心既一晚 |
| 2007 年 4 月 27 日 星期五 |
| 明明 |
分類: 未分類 |
老公休息,但無得見姮姮 ,因佢同奶奶既感冒都未好,仲有咳,為免傳染比姮姮,所以今個星期就唔帶姮姮返tko.放左工約左carrie兩公婆一齊去apm睇戲,周迅係呢套戲既俠女形象真係好鬼形,個結局都幾出人意表,我同carrie都覺得幾好睇,但老公同vincent就睇到打瞌睡,睇完戲一齊去食泰國野,11點幾就走lu,同老公係觀塘組左兩隻vcd返去睇,雙子神偷 & 傷城,睇完其中一隻已經2點幾啦,好眼瞓呢... |
| 2007 年 4 月 24 日 星期二 |
« | 18 | 19 | 20 | 21 | 22 | 23 | 24 | 25 | 26 | 27 | ... | 28 | »
|
- Get Your Own
似都咁都有既
