| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 2 月 23 日 星期五  |
| 大利是 |
分類: 未分類 |
姮姮今年收到好多利是,收到最多既係$50 & $100,而最大果封係大伯比ga,排第2既係我一位未結婚既同事Standy &佢女友Sheila比ga, Standy攞比我時我以為最多都係一百蚊,點知打開一睇$500,真係估佢唔到呀,佢話姮姮同佢同月同日出世,所以就比封大利是姮姮,真係多謝晒ar,
|
| 2007 年 2 月 22 日 星期四 |
| 團拜 |
分類: 未分類 |
今日約左幾個中學同學上阿珮屋企拜年,我同阿May帶埋姮姮6點幾就上到去,好在有阿堂係樓下等我地,可以幫我抱姮姮上樓,如果唔係要我抱住肥妹仔行咁多級樓梯真係氣都無呀,上到樓見到阿珮呢個有7個幾月身孕既大肚婆,佢個肚唔係好大,人都無咩點肥,但精神都幾好,BB女預產期係4月27號,姮姮好快又多位朋友仔陪佢玩啦,無幾耐阿敏&阿lo到左,阿敏兩個仔仔跟左佢地婆婆返泰國所以無黎到,好想見下佢個細仔ar,話晒都係我未來女婿黎ga ma ,而大細路阿lo一入門口就當然係同我地呢d結左婚既人逗利是啦,跟住阿wing,阿明&許詩都到埋,阿明個女比之前見佢瘦左,但就女仔左好多,可惜無帶相機,無得幫佢同姮姮影相,耐唔耐一班人聚下真係好開心,下次應該係等阿珮個女出世後我地先再上去打攪啦.
P.S.多謝阿May幫我做左成晚保母.多謝許詩既手信.
|
| 2007 年 2 月 21 日 星期三 |
| 開年飯 |
分類: 未分類 |
今晚阿Sam公司食開年飯,佢老細話要我同姮姮都出席,所以6點幾我細妹就抱姮姮出銅鑼灣等我,因老公8點先收工,所以我地就去皇室堡行,咁岩係果度遇到carrie同vincent,仲見到vincent家姐個女,佢大姮姮兩幾月左右,但睇落就大姮姮好多,佢仲同我笑ar,真係好得意,8點左右我就到左灣仔McDonald等阿Sam,唉…我抱住姮姮等左大半個鐘阿Sam先收工,9點左右去到酒樓,姮姮全程都係度瞓覺,直到我地食到差唔多一半抽第3份獎品時先醒,哈哈…姮姮一醒阿Sam就抽到獎啦,係Philips 20吋LCD TV Mon,終於可以換左房部電視啦,yeah !!! |
| 2007 年 2 月 20 日 星期二 |
| 年初三 |
分類: 未分類 |
 
今日原本諗住唔出去,點知阿大伯話去太古城佢老細阿李生同MAY姐度拜年,問我地去唔去,當然去啦,因姮姮滿月時李生封左2千蚊大利是比姮姮,所以禮貌上都應該要去ga, 拜完年後就去左city plaza影相,跟住就返TKO食開年飯,今晚有好多人ar, 舅母,表妹&佢老公,我細妹,堂妹Racheal &阿政,食飯期間柯金&三劍俠,仲有老公D親戚又上左黎,攪到要坐入房,雖然好多人好嘈,但姮姮就反而好好瞓,攪到我D Friend唯有坐係房度等佢醒,最後好似係老公去攪醒佢,因我第2日要返工,所以玩到9點幾就帶姮姮返SMP啦. |
| 2007 年 2 月 19 日 星期一 |
| 年初一 & 二 |
分類: 未分類 |
 | View Show | Create Your Own
今朝8點半就起身啦,因同往年一樣要同奶奶去調景領拜年,本來阿伯娘都會一齊去ga,但當奶奶叫佢起身時,阿大伯就走出黎同奶奶講話Elaine唔使去啦,阿君陪你去咪得lor,唉…呢個世界真係唔公平ar, 所以最後就我同奶奶帶埋姮姮出去啦,好快咁唔使1個鐘,我地就去完兩家人度拜完年返屋企啦,返到去食完野後11點幾就出去第2度拜年,因今年多左姮姮同伯娘,我地一架車坐唔落,而阿sam個表妹又黎左拜年,所以老爺就留係屋企招呼客人啦,第一站就先到我屋企,因姮姮呢個時間要柯臭臭,所以就順便可以叫阿媽幫佢沖埋涼啦,第二站就去觀塘康寧道,而第三站就係裕民坊,最後就去又一城,我地每家都只係坐一陣就走,所以好快3點幾就返番TKO啦,5點幾我同老公就帶埋姮姮返阿媽果度食晚飯,去到時,堂家姐一家已經到左,仲同我細佬打緊麻將,欣欣幾兄妹既叫聲再加上打麻將真係嘈到人都顛ar,8點幾收枱食飯,呢個時間carrie,Vincent,馬仔,阿銘,阿龜,阿得同佢女友都上埋黎,家姐佢地食完飯後就返屋企lu,跟住就輪到老公,Vincent,馬仔,阿龜開枱,佢地一打就打到年初二朝既7點幾,,真係好精力ar,, 11點幾返TKO,原本約左pikki去yoyo屋企,但比阿媽打亂左個行程,因佢叫我地帶埋姮姮同佢一齊去舅婆屋企拜年,唯有打比yoyo同佢講遲幾日先去佢度啦,(yoyo記得留番封大利是比姮姮呀),3點幾到左舅婆屋企,姮姮一入到去就喊過不停,所以我地坐左陣就走啦,之後就去我兩個阿叔度,因佢地住同一棟樓,所以可以一次過去晒兩家,6點幾係佢地度走,之後就過寶琳我堂家姐個老爺度,本來諗住帶欣欣佢地幾個返阿Sam度,點知欣欣同佢阿哥跟佢地姑姐去左tuen mun,所以我地同軒軒玩左陣後就返屋企啦. |
| 2007 年 2 月 17 日 星期六 |
| apm 倒數 |
分類: 未分類 |
| View Show | Create Your Own
今日同老公一齊出門口,因我要出銅鑼灣Lee Garden幫姮姮攞條牛仔褲,攞完褲係Lee Garden行左個圈,買左對粉紅色既addidas鞋仔,之後再行去皇室堡買左件衫仔,跟住就返SMP接姮姮返TKO,等埋老公收工,10點幾食完團年飯後就約埋大伯兩公婆,老豆,阿媽同細妹出apm行,大伯好快手咁買左對鞋後就返去lu,因阿大伯娘要12點前趕返屋企洗頭,而我地就係apm倒數完先返去. |
| 2007 年 2 月 16 日 星期五 |
| 年廿九啦 |
分類: 未分類 |
今日收1點,放工會出旺角,因想買件唐裝衫比姮姮過年著,希望會有收穫啦,之後就會返SMP同姮姮玩,約左老公夜晚睇門徒,睇10:20pm,所以今晚唔帶姮姮返TKO啦.
豬年就到啦,祝大家:
╭╮＿＿ ＼｜／ ＿＿╭╮
│ │
│ ≥ ╭———╮ ≤ │
│／／／│０ ０│／／／│
│ ╰———╯ │
╰——┬Ｏ————┬—Ｏ╯
●│ │
╰│ Ｏ │
╰｜｜－｜｜╯
�R年行大运
|
| 2007 年 2 月 14 日 星期三 |
| 情人節打邊爐 |
分類: 未分類 |
今年情人節同往年唔同既就係多左姮姮,但老公都係要返工,而我今晚既節目就係約左人打邊爐,一行8人,包括等老公收工既我,等男朋友收工既Eliza,女友多的是,唔知約邊個,唯有join我地既John & Benden,喜歡一大班人多過二人世界既情侶Standy & Sheila,仲有我至敬佩既Pikki同經常會係pikki個Blog度見到佢個名,但今次都係第一次見既Ｌ騰,我地去番皇室堡果間稻香度食,今晚阿John好man呀 ,因佢坐左係好小鳥依人既eliza隔離,成晚都對eliza照顧有加,pikki仲問我佢地係咪一對,而benden 就早走,因佢要趕去下一場,唔知佢約左邊個女仔呢 ,standy 同sheila 唔知係咪因為情人節既關係,今晚比起同平時出黎食dinner時特別sweet sweet ,唔知佢地幾時請飲呢,pikki又cut短左d頭髮啦,我都係鍾意佢長頭髮多d,佢仲整左水晶甲ar,不過學佢話齋,個款唔係好襯佢個style.至於久仰大名既Ｌ騰,睇佢臉型好似肥肥地,但佢果對手就成對女人手咁好鬼修長,pikki,我覺得佢係一個好可愛既男孩ar , he he 哈哈咁食完dinner,我就係銅鑼灣join埋老公一齊返屋企,今晚既銅鑼灣多人到好似年三十晚行年宵咁ar, 真係人都顛.雖然今年無同老公慶祝情人節,但老土D講句,兩個人開心GA話就每日都可以係情人節啦
P.S.多謝阿Jade兩張$50既稻香coupon & 唔該Sheila幫我地book位.
|
| 2007 年 2 月 13 日 星期二 |
| 無奈 |
分類: 未分類 |
| View Show | Create Your Own
星期六晚係阿媽度食完飯8點半左右就帶姮姮返TKO啦,返到去,放低姮姮比奶奶抱後我就去沖涼,但係我沖涼期間,姮姮就不停摟計,有時仲喊得好大聲,攪到我要拿拿聲沖完個涼出黎抱佢,奶奶話抱佢半個鐘仲辛苦過返工,我諗姮姮開始認人啦,到第2日,阿Sam休息,姮姮下午又開始摟計啦,仲喊到出唔到聲,真係心痛死我ar,本來老公休息諗著可以同姮姮玩,但點知姮姮唔係佢抱,攪到佢好down呀,至於老爺就更加唔使講啦,本來我抱得好好地ga,但一過佢手,姮姮就即喊,睇黎我要接觸多D姮姮啦,如果唔係遲D佢就只係要婆婆,唔要媽咪ga啦. |
2007 年 2 月 9 日 星期五  |
| 3個月啦 |
分類: 未分類 |
姮姮今日3個月大啦,我覺得佢而家肥左好多呀,要同佢影多D靚相先得,今晚放工約左D friends 返SMP打邊爐,好野....今晚可以係SMP瞓啦,哈哈哈
尋晚終於同老公睇左生日快樂啦,7點50分係apm睇,um......無想像中咁好睇,今次無睇到喊ar,唔係咁鍾意個結局,我覺得兩個人相愛既人如果唔可以一齊,係一件好可惜既事,情人節就快到啦,係度預祝所有未拍拖既好友快d搵到你地既理想情人,而已有另一半既就要好好珍惜對方啦,至於想進入人生另一階段既好友,就好襯呢個浪漫既佳節向對方有所表示啦
|
« | 19 | 20 | 21 | 22 | 23 | 24 | 25 | 26 | 27 | 28 | »
|
