| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 2 月 8 日 星期四  |
| 第一張証件相 |
分類: 未分類 |
因阿大伯係深圳影結婚相時有張coupon可以用黎影全家幅,所以奶奶就叫我幫姮姮申請回鄉証,呢張相就係我前幾日帶姮姮去影既第一張証件相啦,係咪好靚仔呢,大家唔好以為我打錯字ar,因為我覺得呢張相真係影到佢成個男仔咁........
P.S.唔該Standy幫我完成個job request
|
| 2007 年 2 月 7 日 星期三 |
| 聲明 |
分類: 未分類 |
唔知係咪呢排我係個blog度寫得太多對阿Sam既不滿,攪到我D朋友仔好擔心我同老公既感情,哈哈...其實大家唔使咁擔心wor,我同阿Sam仲好恩愛ga,可能之前我生完姮姮後,心情唔係咁好,攪到經常都會發老公脾氣,而阿Sam呢個無情趣既人又唔識點逗我開心,咁我至會多左抱怨,但點都好,我同阿Sam既感情都係唔會變ga,係度多謝各位好友既關心 .
老公,你要對我好D啦,如果唔係好多人都唔會放過你ga |
| 2007 年 2 月 6 日 星期二 |
激死我啦  |
分類: 未分類 |
岩岩同阿Sam講完電話,真係火都黎呀,因我約左星期六上午11點帶姮姮去Lam Tin攞回港証,咁為免阿媽果朝晨早過黎TKO幫姮姮沖涼後再上番Lam Tin,而我又好耐都無返SMP瞓,就同阿Sam講我諗住星期五晚唔帶姮姮返TKO,點知我都未講完,佢個死野就鬼死咁大反應話唔好啦,跟住我就嬲嬲地咁話"我星期六11點要同姮姮去攞回港証ar ma,唔通又要阿媽晨早過黎幫姮姮沖涼ar,我阿媽唔係工人黎ga",之後佢就話我唔比奶奶學幫姮姮沖涼之類既野,聽完我就更加嬲ar,我個女唔係比人用黎練習既公仔黎ga,姮姮未滿月時奶奶有試過幫佢沖過一次涼,就係果次之後,我就決定係姮姮未識坐之前如非必要,我都唔會比奶奶幫姮姮沖涼,你話我衰都係咁講ga啦,我知佢係你阿媽,你就當然覺得咩都無問題,就好似我放心比姮姮我阿媽照顧一樣,但問題係奶奶真係唔識照顧咁細個既BB ar ma,佢而家喂奶都未喂得掂ar,你就只係識講要比佢試下,但唔係咩都可以試ga ma,我自己都未敢幫姮姮沖ar,無經驗就係無經驗,所以就算奶奶無做野我都唔會比姮姮佢照顧ga啦,要試就叫阿伯娘快d生個比佢試啦,我唔會比你攞個女黎試ga,你話我自私又好咩都好啦.真係激死我啦,本來好開心咁諗住星期五晚可以返屋企瞓一晚ga ma,而家咩心情都無啦. |
| 2007 年 2 月 5 日 星期一 |
| 靚靚堂妹 |
分類: 未分類 |
 
真係女大十八變ar,大家覺得呢位model靚唔靚呢,佢係我堂妹淇淇呀,記得佢細個時經常會同佢哥哥一齊黎我屋企瞓,返而大個左就小見面,記得對上見果次就係兩年前我結婚時佢同阿叔一齊黎飲,而家佢係Blue Star度做sale,呢兩張相就係佢幫Blue Star做model影既相. |
| 2007 年 2 月 4 日 星期日 |
| 一切如常 |
分類: 未分類 |
話咁快大伯結左婚已經5日啦,但呢5日我只係同佢地食過一餐晚飯,31號我同阿Sam返左SMP食,1號阿大伯娘回門,佢地返左Tuen Mun食,2號大伯下午已經比老闆叫左佢返工lu,諗住佢會好夜收工,但佢話因約左伯娘去apm買相架,所以就準時6點收工,而我放工就返Kwun Tong接姮姮,係等既時候收到Carrie既來電,原來佢同Vincent係apm等睇戲,仲遇到大伯兩公婆,之後佢地仲過左黎小巴站同我傾左陣,本來佢地諗住等姮姮落黎ga,但因趕住返apm睇戲,所以最後都係見唔到姮姮,但當佢地走後阿媽就同姮姮到左lu,跟住我就帶姮姮返TKO同佢地食婚後既第一餐晚飯啦.3號大伯娘都開始返工,因呢晚大伯公司食飯,所以夜晚果餐又係唔使預佢地,到今日4號,大伯晨早8點幾就叫醒阿Sam,原來佢今日要坐9點船返朱海做野,但又遲左起身,所以就叫阿Sam車佢出TST,真係慘ar,結婚幾日就要分開,比大伯嘈一嘈,姮姮都醒左啦,攪到我都要起身喂奶,9點半左右阿Sam返黎,佢就抱左姮姮出廳同老爺奶奶玩,而我就當然係繼續瞓啦,到醒時已經點幾lu,阿媽都已經黎左同姮姮沖完涼,而伯娘都已經出左去啦,因今日係跑馬日,所以老豆同老爺成個下午都係度賭馬,到左差唔多6點先走,而姮姮都跟埋阿媽返SMP.至於阿伯娘,奶奶話佢打左電話返黎話今晚唔返黎食以及唔返黎瞓,當然啦,老公都唔係度,比着係我都返自己屋企啦,佢既心情我係好明白ga.所以今晚就同平時一樣得我同老爺奶奶食. |
| 2007 年 2 月 1 日 星期四 |
| 姮姮又有禮物收啦 |
分類: 未分類 |
今朝返到公司,阿 john 就攞左袋野比我,話係送比姮姮ga,我打開一睇,e....張單仲係個袋度wor,可想而知阿 john 幾細心呢 .份禮物係芝麻街既白色夾衣呀,姮姮終於有件衫唔係粉紅色ga啦,多謝你ar uncle john
|
| 2007 年 1 月 31 日 星期三 |
| 喪瞓 |
分類: 未分類 |
尋晚返到屋企,收拾好D野,兩點幾瞓,到今日下午3點左右先起身,因尋晚叫左阿媽抱姮姮返SMP,所以我先可以好好咁瞓一覺,好耐都無試過瞓成10幾個鍾啦,真係爽呀,食完野,坐左陣,5點幾就返SMP搵姮姮,因我細妹今晚係最後一晚係朗豪坊表演,所以食完飯後,就車埋阿媽同姮姮去睇,而老豆就因為要賭馬,所以就無去到,我地9點左右到達,睇到9點半佢地完場後就順便係11樓攞埋上次訂果個KITTY香珠鬧鐘就返屋企啦. |
| 2007 年 1 月 30 日 星期二 |
| 戴黃聯婚 |
分類: 未分類 |
  
 
尋晚幫大伯整理好結婚要用既野,攪到差唔多4點先有得瞓,但6點半就要起身,幫大伯同老公著好禮服同西裝後又要幫D兄弟整理儀容,唉...做伴郎果個套西裝都唔知幾耐無著過,唯有叫奶奶幫佢熨下啦,仲有條呔又係唔見得人ga,咁我就係大伯個櫃度攞左條比佢,攪完一大輪,7點幾差唔多8點,佢地出發去接新娘,我先有時間刷牙,洗臉,洗頭.姮姮好乖呀,等我攪掂晒D野後佢先起身,喂埋佢飲奶,幫佢換好衫後,就食左D野,9點幾Pikki到左黎幫我同奶奶化妝,佢真係一個好professional 既化妝師,快,靚,正,我奶奶仲話佢自己化完妝後生左10年,哈哈..pikki同姮姮影左幾張相後就返工lu,佢走後打電話比我話講左唔收我錢ga ma,點解仲比封咁大既利是佢,仲話我托高左佢個價,其實我已經比小左佢ga啦,pikki如果你多咁日後到你結婚時封番封大利是比姮姮就得啦.11點幾佢地接完新娘返黎,嘩...見到大伯娘D姊妹真係覺得大伯娘係十分之靚ga ,佢地敬完茶比老爺奶奶後,攝影師阿榮叫大伯娘敬茶比我同阿Sam,只係大伯娘要敬,大伯就唔使,吓..我地都打左個突ar,諗住只係送禮就得,所以無準備到利是,唯有問老爺攞啦,就好似當年我結婚時大伯又係無準備到利是,佢都係臨時問老爺攞住先,就係咁亳無準備下飲左大伯娘杯茶,真係攪到好唔好意思呀.敬完茶,送完禮後,我地自己屋企人就係番屋企食lunch,而D兄弟姊妹就落酒樓飲茶,我細妹呢個時間都到左,因佢要幫大伯拍DV,而姮姮就成朝都好乖,影相時都好合作,真抵錫呀 ,到左1點幾就出發去紅棉道,見到佢地註冊時就諗番起我同阿Sam結婚時既情景,時間真係過得好快ar,姮姮都就黎3個月啦.註冊完,影完相,3點幾就返旺角新世紀既皇庭酒家,忙完成朝,抱左姮姮大半日,我都已經好累啦,到達酒樓後,又要幫大伯排座位,招呼客人之類既野,D兄弟姊妹都唔係做野ga,6個姊妹就成晚係新娘房扮靚,到差唔多開席先出黎,而8個兄弟,就得一,兩個幫下手,其餘果D就係度打牌,到左開席時我先有時間坐低休息吓,好在叫左阿媽早D黎幫我照顧姮姮,如果唔係真係分身都唔掂ar,攪左成日,真係仲累過我自己結婚ar,但總算整體上都滿意,12點零鍾就離開酒樓返屋企lu. |
| 2007 年 1 月 28 日 星期日 |
| 扮靚靚 |
分類: 未分類 |
11點起身,喂完姮姮飲奶,就同奶奶去電髮,約左阿媽係kwun tong等,交低姮姮比阿媽後我同奶奶就坐巴士去太古,1點半到達,我細妹都有黎染髮,因佢趕住去銅鑼灣出show,所以好快就攪掂走先,而我同奶奶就整到4點半,坐到我奶奶腰酸背痛,佢話都未試過坐咁耐,攪掂後,我就同奶奶去修指甲,因我事前無同佢講,所以佢都有D突然,但我同佢講今次最後一次做主人家,點都要扮靚D啦,咁佢都好開心咁跟我一齊去,第一次修甲既佢,整完後佢自己都話好靚,仲話後生左5年,哈哈....之後我地係太古食左D野後就過番新都城行,因奶奶想買個手袋,但行左好耐都唔岩,因睇中果D佢又覺得太貴,平果D我又覺得唔靚,最後買左個折左後$230既,買完野後7點幾就返屋企lu,因獨自在家既老爺打左好幾個電話問我地幾點返,所以攪到我地都唔想再行啦,唉...... |
| 2007 年 1 月 25 日 星期四 |
| Nikon D80 |
分類: 未分類 |
大伯呢排唔知係咪發左達,lunch既時候打電話比我,講話買左部Nikon D80同姮姮影相,本來我係瞓緊覺ga,但問完佢買左幾錢後真係醒晒,成萬銀買部相機,我問佢大伯娘知唔知,佢就話騙大伯娘話係人地送ga,唉....結婚已經要用好多錢ga啦,都唔知佢d錢邊度黎ga,識得我大伯既朋友們,第時係我大伯娘面前唔好踢爆話部相機係佢自己買呀,唔知佢第時有左自己既BB後仲會唔會咁錫姮姮呢 另外,錦妮佢話唔會借比你玩,因為你上次唔借部Canon 400D比佢,哈哈!!
即興打邊爐
放工諗住自己行街,但係搭緊公司車出銅鑼灣途中,比D同事叫左去打邊爐,落車後去左皇室堡等埋其中一位同事既老婆仔就上左6樓間稻香度打,4個人,食到好飽呀,每人都係$115,食完野9點左右我就去左金百利訂裙,佢地幾個八怪既人又跟住黎,唉...真係無佢地收,買完野後就約埋阿Sam一齊返家啦.
|
« | 19 | 20 | 21 | 22 | 23 | 24 | 25 | 26 | 27 | 28 | »
|
- Get Your Own
