| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 1 月 22 日 星期一  |
| 無啦啦肚痛 |
分類: 未分類 |
今朝7點起身返工時,個肚好鬼痛,諗住忍下唔理佢照出門口,點知行到落巴士站越黎越痛,最後都係頂唔順,打電話比阿Sam,點知佢手提未開,因唔想比老爺知,所以無打返屋企,所以就自己搭的士去睇急症,登記完後,去到分流站,護士check完一輪後叫我驗尿,之後坐係大堂等既時候見個鐘已經9點零,知阿Sam應該開左手提,就打多次比佢,佢知道後就趕黎醫院搵我,係阿Sam未到時已經輪到我見醫生啦,今次都算快,等左唔使半個鐘就有得睇,入到去醫生話頭先護士幫我驗左尿,咁我唔係因為有左而肚痛,頂...我生完姮姮至兩個幾月,而且都未同阿Sam做過,點會又有呀, 早講D尿係用黎驗孕,我就同佢講唔使啦,跟住個醫生幫我檢查完後又叫我驗多次尿,佢話今次係驗第2D野,攪完一大輪,個醫生話我可能係腸抽筋,所以先咁痛,問我打唔打止痛針,我當然係唔啦,咁佢就開左D止痛藥比我,出返大堂等攞藥時阿Sam已經到左啦,攞完藥,阿Sam就車我返Sau Mau Ping,之後佢就去返工.返到屋企見到姮姮,真係肚都無咁痛呀,哈哈....
|
| 2007 年 1 月 21 日 星期日 |
| 大出血 |
分類: 未分類 |
因大伯就黎結婚既關係,我同阿Sam點都要送番D賀禮比佢,所以今日就同阿妹去左Kwun Tong六福買手飾比未來大伯娘,睇中左條鑽石手鍊,標價8千幾,好在識人,折實後5千蚊左右,雖然係貴左D,但睇在大伯份上無計啦,買完野後收到個Fd既來電先記起佢話今日會過黎TKO探姮姮,但姮姮今朝跟左我阿媽入馬安山,真係唔好意思啦,本來諗住叫佢一齊食野ga,但去到佢媽咪舖頭搵佢既時候,佢已經買左野食啦,咁我就同阿妹兩個去食啦,途中老豆打黎,話佢地已經去完馬安山返黎,而家係Kwun Tong,咁我就叫佢去我個fd媽咪舖頭等我地,順便可以比我個fd見吓姮姮,因為阿媽講左好耐話想買件唐裝衫,所以就係觀塘同佢買左件,之後姮姮就跟老豆同阿媽返屋企,而我就同阿妹&我個fd出旺角,去左朗豪坊,行左陣阿妹因約左人BBQ所以走先,我就同個fd繼續行,我地行左去間全部野都係用香珠整既精品店度睇野，當我好專心睇緊ｈｅｌｌｏ ｋｉｔｔｙ既野時，聽到把男人聲係度介紹，開頭我都無理佢，後來先知係我個ｆｄ既未來老公，哈哈．．仲以為係果度既ｓａｌｅｓ，最後就買左個hello kitty相架同埋一個鬧鐘，好靚ｇａ，佢兩個仲幫我同個老闆講價，佢地真係好鬼夾ｇａ，最後好似平左＄２０，不過個鬧鐘要訂，遲幾日先有得攞，買完野後就走ｌｕ，雖然買唔到飲衫，但總算買到心頭好，行去搭車時見到間鱷魚恤，入去買左件冷衫比老爺，之後係２樓女裝部見到件衫好靚，諗住買比奶奶，點知完來件衫係童裝黎ｇａ，哈哈．．．但果件童裝衫既最大ｓｉｚｅ係岩奶奶著ｇａ，可惜無貨，我個ｆｄ好努力咁幫我打左去其他分店問，都係無，最後就買左第２件，個ｓａｌｅｓ話買兩件半價，所以就諗住揀多件比我阿媽，但我地揀中果件又唔係兩件半價果ｄ貨，不過見件衫幾靚，所以都係買左，我自己都買左件衫呀，哈哈．．估唔到鱷魚恤都有岩我既衫買，大家唔好唔會，果件唔係師奶衫黎ｇａ．到比錢既時候，見到Ｄ男ｓａｌｅｓ著住既紫色恤衫幾靚就諗到買件比阿Ｓａｍ襯我頭先買果件紫色衫，但當然唔係買ｓａｌｅｓ著住果個款啦，係度唔該Vincent兄幫我試ｓｉｚｅ，多謝你兩公婆陪我買野呀． |
| 2007 年 1 月 20 日 星期六 |
| 電髮 |
分類: 未分類 |
咁大個女第一次電髮,之前一直唔想電係因為覺得電髮對D頭髮好傷,但自從生完姮姮後D頭髮就開曬叉,所以就決定係CUT短佢之前電一次啦,2點左右去到Bonnie度,坐左差不多3個鐘,終於攪掂,可能係第一次電,所以電左咁耐出黎既效果都唔係好捲曲,但我又覺得ok bor,我就係想咁.跟住約左細妹去左行吉之島& city plaza,但無收穫,之後就返apm行,叫左阿媽抱姮姮落黎,都係買唔到野,最後因為姮姮夠鐘飲奶,所以就返家啦. |
2007 年 1 月 18 日 星期四  |
酒後吐真言  |
分類: 未分類 |
可能尋晚瞓得唔好,所以今日無咩精神 ,放工乖乖地返屋企諗住早d瞓,返到去見唔到老爺,奶奶話佢去左人地屋企,到我食完飯去沖涼時佢先返黎,唉...老爺又飲酒啦 ,我係洗手間聽到佢一入門口就係度鬧人,開頭我都唔知佢講咩ga,但聽聽吓好似係度話緊我,酒後講D說話真係好難聽,雖然我知道唔應該將佢講既野放係心,但聽到個心真係好唔舒服 ,呢一刻我真係好想返自己屋企,好想見到阿媽同姮姮呀,唉...我真係好佩服奶奶可以對住老爺咁多年,每次老爺飲酒時,奶奶都會好唔開心咁自己係度喊,其實老爺無飲酒時真係幾好ga,但到底佢清醒時講既說話係真心話,定係佢酒後講既先係真心話呢,因為D人話酒後吐真言,真係.....做人媳婦甚艱難呀 |
2007 年 1 月 17 日 星期三  |
| $320 |
分類: 未分類 |
今日阿Sam休息,佢下午去睇完姮姮就黎cyberport接我收工,出左mongkok小肥羊打邊爐 ,食完野就行去潮流特區攞西裝,之後就去左朗豪坊,我細妹隊band Dovey係朗豪坊12/F表演,佢地今個月馮星期三都會有演出,今晚已經係佢地既第3場啦,去到我細妹見我地黎左就好罕有地唱左首歌比我地聽 ,因為佢係結他手,平時出show係唔會唱歌ga,所以今次真係好難得聽到佢係台上唱歌,首歌係周國賢既"地下街",唱得都唔錯bor ,睇左約20分鐘左右就走lu,行去攞車既途中見到有兩個Police係我地對面行過黎,心諗唔係咁黑仔抄左牌掛,點知....真係有張牛肉乾係車頭,望吓個抄牌時間,9:22pm,而我地攞車既時間係9:40pm,咁即係如果唔睇我細妹表演就唔會被抄啦,唉...阿魚,聽你地幾首歌要$320,真係仲貴過睇華仔演唱會呀 |
| 2007 年 1 月 16 日 星期二 |
| 表姐 |
分類: 未分類 |
姮姮雖然只得兩個幾月,但已經做左人表姐啦,佢對下有3位表妹,1個係同佢同月出世,1個係12月,而另1個就尋日出世,哈哈...今年真係旺女啦 ,黎緊4月都有個好朋友生BB,佢果個都應該係女,希望佢同姮姮一樣肥肥白白,健健康康啦
|
| 2007 年 1 月 15 日 星期一 |
| 行街街 |
分類: 未分類 |
今日姮姮要去健康院打兩個月針,因我要返工,所以陪唔到佢啦,約左9點半,所以阿Sam就可以返工前車阿媽同姮姮去健康院,11點幾阿媽打電話比我話已經打完返到屋企啦,但佢話今次呢支針打完後姮姮可能會發燒呀,唉...希望唔會啦,BB仔發燒好慘ga ma,好在到左夜晚姮姮都無燒,咁我都放心D.
放工係銅鑼灣shopping,好耐無行街買野啦,好enjor自己一個人行街睇野,今晚最想係買對boot,生完姮姮後除左肥左好之外,連腳都大左,之前咁多對鞋,只係得番對kitty岩著,因為呢對係果時買大左一個size ga.街上好多店舖都on sales,去左百德新街間IT,睇中好幾對鞋,本來著38號鞋既我而家試最大size39號都夾腳,唉....之前買開衫既b+ab,izzues等既舖頭,而家都無我size啦,咁即係我以後都唔使去IT旗下既店舖買野啦,好失望咁離開,行左去world trade間esprit,試左件衫,但無買度,可能肥左,所以覺得自己著咩都唔好睇,臨走時係門口見到對boot,睇落都幾靚,就行番入去試,好在esprit d size係比較大ga,我試39號無夾腳,仲有d鬆,對鞋仲有7折ga,最後我就當然買左啦,好開心,終於買到我想買ga野,之後就去行sogo,主要都係去6/F童裝部,因為想買頂帽比姮姮,睇中左頂好靚ga,但得番最後一頂,再望下個價錢,嘩...4百幾蚊 ,唔係ar ma,我當然係無買到啦,跟住行去Hallmark Babies ,好多款都無姮姮既size,個sales叫我過幾日再黎睇過,因為到時會返新貨,之後落番3/Fsloggi買完野就返屋企,行街買野既時間係過得特別快ga,返到去10點幾,阿Sam遲我10幾分鐘返到,佢前幾晚因為高登電腦節好夜先返,我覺得有左姮姮後,我地好耐都無好似以前咁每晚都傾下計,講下大家果日做左D咩,um.....我覺得而家同阿Sam好似無以前咁close,唔知阿Sam有無發覺呢,戴森,你好對我再好D啦,如果唔係我就要女唔要佬ga啦,哈哈......其實係度講都無用,因為阿Sam都唔會睇呢個blog |
| 2007 年 1 月 14 日 星期日 |
| 換禮物日 |
分類: 未分類 |
起身已經點幾lu,有媽媽過黎幫我睇住姮姮,所以食完野後就去左將軍澳中心,因為要幫姮姮攞套衫去換size,套衫係我老闆送既其中一套,去到Chickenduck見到d咁得意既BB衫而又做緊discount,我又點忍得住換完size就走呀,最後我買左張同套衫一樣花既包被比姮姮,呢一套野係留番30號大伯結婚時著ga,另外仲買多套粉紅色既便服&一條藍色既褲比姮姮,以及買左條同姮姮一樣花既連身裙比欣欣,難得出黎就硬係行陣先返去啦,最後係esprit買左條牛仔褲就返去lu,返到去叫媽媽走時順便攞條裙過景林比欣欣試,點知條裙太闊啦,阿媽話欣欣著得唔好睇,話帶佢過黎同我一齊去換過第2條,就係咁我又行多轉去將軍澳中心啦,因為我要同欣欣去換裙,所以姮姮就跟阿媽返Sau Mau Ping,如果唔係就諗住夜d等奶奶放工返黎玩陣先返去ga,但無計啦,阿媽要趕返去煮飯,我一個又帶唔到3個(姮姮,欣欣&佢阿哥),換完後咁岩大伯打比我,咁我就叫佢過黎幫我車佢兩個返景林,跟住我地就返屋企食飯,奶奶返到黎見到姮姮已經走左就當然好失望啦,唉...我都唔想ga,好在奶奶係明事理ga人,飯後同大伯&未來大伯娘出mongkok,因為佢地d回禮禮物貸不對板要攞返去換,攪掂後去左永安行左陣,因大伯娘想買睡衣,但睇唔岩,無收穫,反而我就買左對襪褲比欣欣襯佢條裙,行左陣就揸車返去lu,但返到TKO停車場落車時我唔小心比車門夾到隻手指呀,嘩....痛死我啦,諗住等阿SAM返黎話比佢知GA,點知個死人頭又同D同事出去唔返黎食飯,今晚又唔知幾點先返黎啦 |
| 2007 年 1 月 12 日 星期五 |
| 渡假 |
分類: 未分類 |
放工接姮姮返TKO渡假,今次唔使媽媽抱落Kwun Tong,因為有大伯上去車,返到TKO,老爺,奶奶見到姮姮就當然好興奮,但姮姮就喊過不停,原來佢係夠鐘飲奶,佢一肚餓起黎就無人逗得掂佢ga啦,飲完奶就乖乖瞓覺lu ,但瞓左半個鐘左右就起身,不過就唔使我理佢,因為有老爺,奶奶&大伯輪住抱佢.跟住佢都係瞓下醒下咁,差唔多12點阿Sam返黎,好眼瞓既我因為個女未瞓,,所以都無得瞓,之後到點幾姮姮先係乖乖瞓. |
| 2007 年 1 月 11 日 星期四 |
姮姮有禮物收  |
分類: 未分類 |
今日causeway bay既老細過黎cyberport同我地飲茶,有同我同名既Ruby & 第一次見面既Clara,佢地送左兩份禮物比姮姮,一份係代表公司送既.而另一份係Ruby & Clara送既,兩份都係衫,其中一份仲係好靚既kitty黎ga,但size好似大左D,今晚攞返去比肥妹仔試下先,哈哈....姮姮出世到而家收到好多禮物&利是,真係多謝各位好友呀 |
« | 19 | 20 | 21 | 22 | 23 | 24 | 25 | 26 | 27 | 28 | »
|
- Get Your Own
