| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 4 月 9 日 星期一  |
| 姮姮五個月啦 |
分類: 未分類 |
話咁快姮姮已經五個月啦,希望佢健康快樂咁成長
尋日返黎smp到而家姮姮都無再柯啦,尋晚我同老公都係smp度瞓,呢一兩日好似瞓極都唔夠咁 ,瞓到而家有d頭痛添ar,聽日要返工啦,5日既假期又過去lu....
|
| 2007 年 4 月 8 日 星期日 |
| 點解會咁ga? |
分類: 未分類 |
姮姮前日睇完醫生後直到尋日都無再肚瀉,咁尋晚8點幾我就帶姮姮返tko,10點幾飲完奶奶後玩到12點幾時又再柯,到今朝9點瞓醒無幾耐又柯,唉...真係想死呀,係smp就好好地無柯,返到tko就柯,奶奶已經將熱水瓶洗清潔ga啦,d水應該唔會有問題ga,到底點解姮姮返到tko就柯呢,真係令人摸不清呀,咁我唯有抱姮姮返smp啦,奶奶本來呢個星期六,日休息諗住同姮姮玩ga,但無奈....見到姮姮柯到pat pat都紅晒真係好心痛,但阿sam知道我話要一早抱姮姮返smp後就唔係咁開心,佢話攞d藥過黎咪得lor...我知道佢想姮姮留係tko等奶奶可以見耐d,不過我覺得竟然姮姮係smp就無柯既話咁就應該抱佢返去,我唔會為左要討好邊個歡心就將姮姮放係邊度,做咩都應該諗左個女先ar ma,所以我都無理到佢地鐘唔鐘意啦,10點鐘死死地既阿sam就車我同姮姮返smp,返到黎,阿媽就喂佢飲藥水,本來已經唔使飲ga la ma,而家又要我姮姮飲d咁難飲既藥水,真係見到都心酸呀,而家姮姮已經飲完奶奶乖乖地瞓覺啦. |
| 2007 年 4 月 6 日 星期五 |
| 姮姮又肚瀉啦 |
分類: 未分類 |
姮姮今朝起身飲完奶奶無幾耐後又再肚瀉,本來前一兩日已經無柯ga啦,都唔知點解又黎過,前後柯左3次,唯有再帶佢去睇醫生啦,12點幾老豆同阿媽過左黎,本來要1點半先有醫生睇,但因唔想對住唔清醒既老爺,所以就同老公落樓下食野先,食完野後係商場行左陣,診所既姑娘打電話黎話要2點45分先有得睇,仲要等多成個鐘,本來諗住去將軍澳醫院睇ga,但阿媽話去到排得隊黎呢度都有得睇啦,咁就唯有返上樓喂姮姮飲完奶後再落番黎,睇完醫生後我地就返smp,今晚姮姮無帶番tko,我同老公10點幾走,去到kt,老公話想食kfc,咁我地就去apm食左個宵夜先返去啦. |
| 2007 年 4 月 5 日 星期四 |
| 又北上 |
分類: 未分類 |
尋晚唱完k後就同老公返深圳,因佢係尖沙咀上車,而我就係九龍塘,咁就相約係九龍塘去羅湖既車頭等,但當佢坐果架車到九龍塘站,我上到車後唔見佢,我地兩個就好似係火車上玩捉迷藏一樣,我由車頭行落幾卡都唔見佢,好明顯佢就唔係係車頭果幾卡啦,後來直至去到粉領站,佢先搵到我,原來我地相隔左個頭等車廂,好在呢個世界上有手提電話呢樣野,唔係都唔知點搵呀.去到深圳已經12點幾lu,今次係我同老公第一次兩個人返深圳按摩,我地去返上次果間三島,按左兩個鐘頭腳,兩個鐘頭推油,今日好多人ar,攪到我地推油時要係麻將房加床,但都唔錯,因間房有獨立廁所ga,推完油已經朝早6點啦,我地就係果度瞓到11點半先返香港,去到皇崗過埋香港關差唔多1點,係車上面同老公講起話約carrie佢地今晚打邊爐,哈哈..真係一講,carrie就打電話比我問我地去唔去睇戲,但最後兩樣都無去到,因睇戲無位,打邊爐老公唔想,所以最後我地就返左smp搵姮姮,夜晚我堂家姐上左黎食飯,軒軒都仲係唔係講野,而欣欣呢個衰妹真係越來越討我厭ar ,整晚要奏佢地果個女人抱住,又唔叫人,同佢講野就拎轉面唔理你 ,唉...真係心淡呀.食完飯10點零我地就同姮姮返tko. |
| 2007 年 4 月 4 日 星期三 |
| 卡拉OK |
分類: 未分類 |
今日阿wing生日,放工後約左去九龍城neway唱k,由於book左8點幾,所以同carrie, 阿may係旺角行左陣先過去,當我地去到時,阿敏,阿盧同家怡已經係度等緊,差唔多有兩年無唱k既我真係無咩歌識唱,唯有唱番d舊歌啦,9點幾阿wing同大玲黎埋,玩左陣等埋阿yan就齊人啦,因我約左老公返深圳,所以食埋蛋糕後就走先.諗一諗,係地呢班中學同學裡面有好幾個結左婚既都已經做左人地媽咪啦,阿敏經常都話好快我地就可以帶埋自己d小朋友一齊去海洋公園玩,但我覺得呢一日都仲要等下,因除左阿敏兩個仔比較大d之外,阿明同我個女都仲係細,而阿珮果個女就月底先出世,如果阿敏你今年追多個女既話,咁最小要等多幾年先可以一齊去海洋公園玩呢 |
生日快樂  |
分類: 未分類 |
To : Wing & Luiza
|
2007 年 4 月 3 日 星期二  |
| 新玩意 |
分類: 未分類 |
姮姮今日已經無肚柯啦,yeh
姮姮既新玩意就係瞓係度捉起自己對腳黎玩,有時仲會將隻腳放入口度,好攪笑
 
|
| 2007 年 4 月 2 日 星期一 |
| 第一次飲粥水 |
分類: 未分類 |
今日姮姮仲有小小柯ar,醫生叫我地將d奶奶開稀d比佢飲,但開稀左後無咩味,姮姮唔係飲,今朝阿媽就煲左d粥水喂佢飲,起初佢都唔係飲ga,要喂多幾次先飲.我放左工上SMP睇完姮姮後就返TKO幫姮姮攞多支止柯既藥水,等老公放工返黎後攞上去. |
| 2007 年 4 月 1 日 星期日 |
姮姮腸胃炎呀  |
分類: 未分類 |
姮姮今朝7點起身,喂佢飲完奶奶無幾耐後就柯臭臭,今次d臭臭平比時柯既稀D,幫佢沖過涼,著好衫褲後又再柯多小小出黎,我同老公都開始有D擔心,唔知會唔會係肚仔痛,但佢又無扭計WOR ,直到9點幾佢又再柯多次,咁我就比左D百寶散佢食,跟住同佢瞓到12點幾起身飲奶,玩到3點幾時又再柯多小小,阿媽打電話黎話如果再有柯就要帶佢去睇醫生啦,之後5點幾6點時真係柯多次,咁我同佢沖多個涼後就同奶奶帶佢到樓下商場睇西醫,阿媽亦都過左黎同我地一齊去,醫生檢查完後話有小小腸胃炎,我諗可能係D奶粉開左後放得太耐所以先會咁,因姮姮一星期只返TKO兩晚,咁係TKO果奶粉就會放得耐D,再加上前排天氣潮濕,可能就係咁攪到D奶粉變左質而飲到姮姮唔舒服,睇黎以後開左既奶粉就要攞上SMP比佢飲左先啦,好在今次只係好輕微既腸胃炎,所以姮姮都無點扭計,但返到屋企喂佢飲藥水時就喊到好慘啦 ,好在有阿媽係度,唔係都唔知點算呀. |
| 2007 年 3 月 28 日 星期三 |
| 積極努力 |
分類: 未分類 |
係1月既時候join左現代美容健身中心做gym,$125一個月,但為左唔想姮姮唔跟我,所以每日放工後就返SMP見下佢,攪到好耐都無去做啦,雖然浪費左幾個月既錢,但我同姮姮就變得更close,所以都值得ga,不過我都係時候要去做下啦,所以今日放工後我就去銅鑼灣果間度做,太耐無做啦,所以做左一個鐘左右就已經好累啦,沖埋涼局左陣桑拿後就走lu,今晚返SMP瞓ar,咁樣就可以去做gym之餘又可以見到姮姮啦,以後每星期都要迫自己隔日去做先得,我唔要做肥媽咪ar |
« | 19 | 20 | 21 | 22 | 23 | 24 | 25 | 26 | 27 | 28 | »
|
- Get Your Own
