| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 3 月 25 日 星期日  |
| 免費食KFC |
分類: 未分類 |
今日大家都休息留係屋企,4點幾叫KFC食,本來話4點50分前送到,但我地等到5點幾都未到,呢個時候老公就打去罵人啦,佢地既解釋係話送外賣果個人送錯地方,而佢手提又無電,叫我地再等多10分鐘,咁我地當然係話唔要啦,叫佢唔使送黎啦,之後佢地就話為左佢地既錯誤,今次免費送比我地食,就係咁節省左70幾蚊啦.
|
2007 年 3 月 24 日 星期六  |
| 北上 |
分類: 未分類 |
年幾兩年前公司既同事已經講話叫我同佢地返深圳按摩,今日終於都成團啦,本來得我一個女仔而已,好在最後有Carrie陪我,原本約左大家係上水火車站等,但因我要等埋carrie,所以就叫阿john佢地幾個上去先,我同carrie就係觀塘坐皇崗直通巴士上去.真黑仔ar,係皇崗坐的士去羅湖途中落大雨,攪到我地落車時局住要係shangri-la hotel買把$50又唔靚既傘.阿john係電話度同我講話佢地係三寶酒樓,咁我地就跟住佢講既方向行過去,但完來我聽錯左酒樓名,係三島先岩,好在有阿john落黎等我地,如果唔係我兩條友都唔知行左去邊.飲完茶3點幾,本來今次諗住去pikki介紹果間德興度推油ga,但最後貪就腳,所以就落左酒樓落下既三島休閒館,約好左大家換完衫後係休息廳等,點知去到只係見到阿john,搵晒成個廳都唔見standy同benden,後來d服務員同我地講話佢兩條友已經上左房按緊啦,頂ar...使唔使咁趕呀,阿John話佢兩個就好似兩匹被人困左好耐既野馬一樣,捉都捉唔切ar,最後佢兩隻野就當然比我大罵一輪啦.我同carrie第一次試推油,ok wor,舒服過做中式按摩,搵日要再黎過先得,6點幾我地就離開向小肥羊出發,途中第一次黎深圳按摩既standy講番佢換衫時d野,當佢入到更衣室時招呼週到既服務員就企係standy面前叫佢除衫,諗住幫佢掛起d衫褲,但呢位未試過被人咁server既小男孩就不知如何是好,因佢話個服務員只係不停叫佢除衫,但又無攞衫比佢換,攪到佢都唔知點,最後唯有行去問benden應該點做,哈哈....真係笑死我地呀.去到小肥羊,嘩....D價錢真係比香港平好多呀,我地5個人食到好飽都唔使4百蚊,抵ar....飽飽後我同carrie就坐的士去皇崗返hk啦,諗住阿john佢地3個會有下場,但當我過左hk關後就收到阿john既電話,原來佢地都坐火車返hk lu...哈 |
| 2007 年 3 月 23 日 星期五 |
| BBQ |
分類: 未分類 |
講左好幾次話去BBQ都攪唔成,今晚係我同Carrie既堅持下,終於都去得成啦,但就有個衰人放左我地飛機,不過有大伯臨時加入,所以最後都有5個人去,第2次去花卉食訪燒,同上次一樣又係落雨,但都無影響我地既心情,燒完野食後大伯請食糖水,本來今晚係諗住返SMP瞓ga,但大伯車左我地返TKO後,阿Sam問我有無必要咁夜仲專登搭車返SMP瞓呢,竟然佢咁講就唯有第2朝先返去搵姮姮啦. |
| 2007 年 3 月 22 日 星期四 |
| 笑話 |
分類: 未分類 |
今日睇pikki個blog,睇到呢個笑話,真係幾好笑
1)
有一日蚊仔同螳螂去偷睇一個女仔沖涼，蚊仔好自豪咁講：「你睇，十年前我係佢心口
叮左兩下，宜家腫到咁大喇﹗」；螳螂唔服氣咁話﹕「咁算得D咩呀，我十年前係佢大
髀中間劈左一刀，到宜家每個月都仲會流血……」
(2)
袋鼠同青蛙去叫雞，袋鼠兩三下就搞掂完事，聽到隔離房o既青蛙成晚係度「一二三嘿
！一二三嘿！」袋鼠好羨慕，第二日，袋鼠話：「嘩！~~蛙兄，你尋晚好勁喎！」
青蛙話：「妖，勁條毛﹗﹗跳左成晚都跳唔上張床！﹗」
(3)
一隻大象問駱駝：「你對波波點解生係背脊架？」駱駝話：「死開啦，我唔同何B仔生
係面上面o既物體講野！」蛇係隔離聽到大象同駱駝o既對話後就係咁狂笑。大象拎轉頭
對蛇講：「笑你老味！你塊面生係何B仔上面，有咩資格笑我！」
|
2007 年 3 月 21 日 星期三  |
| (／．＼）沒有晴天,心在下雨了 |
分類: 未分類 |
剛係MSN度見到"(／．＼）沒有晴天,心在下雨了"呢個名,心諗邊個咁灰改D咁既名呀,一睇原來係我大果個細佬,唔知點解睇到佢改呢個名後個心好唔舒服 ,佢無做野係屋企已經坐左差唔多成年啦,中五畢業到而家咁多年無份工做得長,事實當佢有野做有糧出時確係有攞錢比阿媽做家用,本身佢份人亦都唔壞,係唔知點解對工作既態度會咁差,唯一可以講既就係懶,當你見到佢唔做野整日係屋企對住部電腦時真係好 ,老豆,阿媽鬧過佢唔小次,亦都有平心靜氣同佢傾,但都係無用,即使每個月被銀行打電話黎追card數,佢都照樣係咁,表面上我對佢已經完全放棄,但其實我心裡仲係好在意呢個細佬,只係我想幫佢都有心無力而已. |
| 自己一人 |
分類: 未分類 |
今日CCT Room得我一個人係度做野,因我幾位同事join左Microsoft既Offsite event,朝9半晚8,一向對呢D活動無興趣既我而家有左姮姮就更加唔會參加啦,所以今日整間房就只得我既打字聲,lunch小休既時候真係靜得有點兒可怕呀. |
| 2007 年 3 月 19 日 星期一 |
| 得.失. |
分類: 未分類 |
自姮姮出世後我同老公得到既就係有個見到會由心裡笑出黎既女女 ,即使你有唔開心或工作得辛苦,只要見到姮姮就咩都會唔記得,當然姮姮亦都帶比TKO & SMP兩家好多歡樂,而失既就係自己既時間,而家我地無論做咩都會諗左姮姮先,老公逄星期五,六,日都唔會約同事食飯,即使係佢老闆叫到亦都會推,因姮姮呢幾日會返TKO渡假,所以佢要早D返屋企見個女,而我,每日放工都會返SMP,如無必要既約會都唔會去,以往假期時會約埋D朋友去BBQ,唱K,返深圳按摩,但而家為左要見個女多D,已經好耐無攪呢D活動LU,即使係朋友叫到,本來好想去既我地諗到姮姮,最後都係會推左佢 ,而家對於我同老公黎講最重要既就係姮姮,所以就算失更多既野都係值得ga. |
| 2007 年 3 月 16 日 星期五 |
| 打4個月針 |
分類: 未分類 |
今日11點零出門口同老公上SMP接姮姮去打針,老豆,阿媽帶埋軒軒一齊去,12點零去到TKO健康院,登記完後先同姮姮去磅重,6.75KG,即係14.85磅,姑娘話姮姮跟隨生長線重,發展得好健康ar,原來姮姮唔算係肥妹仔黎ga ,眼見每個BB打完針都喊到收唔到聲,到姮姮時我就叫阿媽抱入去,我睇都唔咁睇ar,但姮姮好叻女wor,打完後只係叫左幾聲而已,眼淚都無流ar,阿Sam話因姮姮似佢唔怕打針,唔通真係似到咁 .打完針後我地就過左吉之島食野,順便買返d姮姮既日用品,跟住阿sam先車左我地去軒軒既爺爺屋企探佢ar哥,之後就返TKO攞野,阿大B因發高燒住左幾日醫院,見到佢個樣落晒型,仲瘦左好多ar,小朋友病除自己辛苦外,照顧佢果個都唔舒服得去邊,真係辛苦佢爺爺ar,軒軒因為唔係經常見到佢爺爺,所以都唔係比佢爺爺抱,我地坐左半個鐘左右阿sam就黎接我地返smp,係屋企休息左陣後就同阿sam落KT整車,但因大多車係度等,所以最後都係無整到,之後就過smartone幫老爺換張電話card,攪掂後就上返SMP接姮姮同阿媽去太古剪頭髮,順便車埋細妹返工,第一次見姮姮既Bonnie話抱住姮姮就好似抱住阿sam咁,等阿媽同老公剪完頭髮後就返歸lu. |
| 2007 年 3 月 15 日 星期四 |
| 生日飯 |
分類: 未分類 |
出黎做野咁多年最開心既就係識到一班好好既同事,呢張Team張係好幾年前影ga,果時我都仲未結婚ar,成條team得我同Elaine兩個女仔,咩都唔識既我,真係多得大家既照顧,但而家除左我同Benden之外其他人都無係Microsoft度做lu,不過每當有人生日時我地都會相約出黎食飯,今晚就補祝我同joseph既生日,約左係apm既家傳滬曉度食,8點左右大家就到齊啦,出席既有我,elaine,joseph,gabriel,benden,jacky,每次同佢地食飯都好開心,真係好懷念以前大家一齊做野既時候ar ,飯後我就返SMP睇姮姮,本來諗住等埋老公一齊先返TKO,但佢又約左同事睇戲,咁我就係KT買左隻父子返TKO睇等佢返黎啦,點零鐘老公返黎,好奇怪點解我咁夜都未瞓,因我無同佢講話第2日請左假陪佢帶姮姮去打針,佢就話如果早講佢知就唔去睇戲啦,哈哈...我就知佢會咁先唔同佢講而已 |
| 2007 年 3 月 14 日 星期三 |
| 多謝Lena |
分類: 未分類 |
今日11點幾收到reception既電話叫我出去收野,嘩...係勁靚既hello kitty花籃ar ,打開張card一睇,原來係我老闆Lena送ga,仲以為老公咁好送花比我添,雖然係好靚,但就只可以放到6日左右,實在有d可惜,唯有影多d相留念啦,多謝你ar Lena,今日同事請我食lunch,叫左pizza + kfc,食到好飽呀,多謝大家!! |
« | 19 | 20 | 21 | 22 | 23 | 24 | 25 | 26 | 27 | 28 | »
|
- Get Your Own
