| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2007 年 3 月 12 日 星期一  |
| 同居 |
分類: 未分類 |
自從阿麗如返左大陸後,我堂家姐就搵左個20多歲既女仔黎照顧軒軒同打掃屋企,佢係攞3個月既旅行証件黎HK ga,所以到期就要返大陸再攪過d証件,佢係果D唔叫就唔做野既人,軒軒又被佢攪到成個大陸仔咁,唉…真係無眼睇,不過唔知係咪呢排佢比姐夫話得多,因之前佢返大陸整証件一,兩日就返黎,但今次返左去成個星期,又無打電話比家姐,連D衫褲都收走晒,粒聲唔出就消失左,好在姐夫咁岩放大假可以湊住軒軒先,不過佢湊左個幾星期後就問我阿媽可否將軒軒帶上SMP住幾日,直到佢地搵到第二個工人先接返落KT,一向樂於助人既老豆同阿媽當然無問題啦,而且軒軒一向都好跟佢地,就係咁,今日開始,大姮姮差唔多一歲既軒軒表哥就會同姮姮一齊住啦.
|
| 2007 年 3 月 11 日 星期日 |
| 探訪Auntie Yo + 外出晚飯 |
分類: 未分類 |
| 因過年時無去到yoyo屋企,所以襯阿Sam今日放假就帶姮姮去逗番Auntie Yo留比佢既利是,本來諗住係屋企等姮姮柯左臭臭沖埋涼先出門口,點知逗極佢都唔柯,唯有同佢沖左涼先啦,2點零鐘姮姮夠鐘飲奶,諗住喂埋佢飲奶先出去,點知個衰妹可能未肚餓,扶住個奶樽係度玩,5安奶飲左10幾分鐘都只係飲左1安,攞開唔比佢飲就鈕計,最後攪到差唔多3點先出門口,阿Sam今次好醒ar,無行錯路,上到阿yo屋企,一入門口就聞到好香既味,原來阿吳師奶係度煲湯&炆薯仔雞翼,陣間攞去醫院比佢老公食,佢老公因踢波整親隻腳入左院幾日,攪到阿yo好擔心,希望阿文快d康復出院啦,咁阿yo就唔使自己一個係屋企做望夫石啦.阿yo播番佢結婚時既video比我睇,姮姮都睇到好開心呀,睇完video姮姮就回禮比Auntie Yo,阿yo話姮姮送金比佢呀,哈哈...而阿sam一去到就做佢最拿手既工作幫阿yo整電腦,攪掂後5點左右我地就車埋阿yo出觀塘去醫院探佢老公,之後再去番旺角接阿大伯兩公婆,原本佢地係去金都攞結婚時影既相& video,但見到佢地時兩手空空,阿大伯娘就面黑黑,大伯話佢地D相晒到D色太紅(其實我都唔係好明佢講咩,但風頭火勢,所以我都無多問),而家所有相都要再晒過,只係得隻video攞得,跟住我地就返TKO接老爺出觀塘食飯,返到去飲左D酒既老爺話奶奶已經放左工係觀塘等緊我地,咁我就拿拿臨幫姮姮換片片後就出門口,點知去到酒樓唔見奶奶,打電話比佢又唔通,咁阿大伯就週圍去搵佢,後來阿奶奶打番比我地,原來佢仲坐緊車未到,真係比老爺玩死呀,都唔知點聽電話ga,今晚大伯請客,但我成晚抱住姮姮都無咩點食,都好既,當減肥.食飯其間收到貝貝既電話,好開心ar,好耐都無見過佢啦,希望佢健康快樂咁成長啦. |
| 2007 年 3 月 9 日 星期五 |
| 姮姮四個月啦 |
分類: 未分類 |
四個月大既姮姮表情多多,經常都"嘟"長個咀,依依哦哦咁好多野講,而家抱住佢食飯,佢會扯枱報,想去攞枱上既野,睇黎佢都會係個為食妹.今晚係阿媽度食左飯後就抱姮姮返TKO,一如以往老爺奶奶抱過手就喊過不停,好在阿媽唔係度時姮姮係跟我,唔係都唔知點算. |
| 2007 年 3 月 8 日 星期四 |
| 一月十九 |
分類: 未分類 |
今日係姮姮舊曆四個月大,阿sam屋企D褔建習俗BB四個月大時要拜神同攞D野食係BB咀邊比佢掂下,如意第時豊衣足食,奶奶一早就起身準備好所有野啦,阿媽9點半抱姮姮返到TKO,未起床既阿SAM聽到姮姮把聱就立刻起身出去抱佢,平日準時11點左右柯臭臭既姮姮,今日返到TKO唔係柯,阿媽佢地點幾鐘返SMP,返到去姮姮先係柯,唉....唔通而家連柯臭臭都要認地方. |
| 2007 年 3 月 4 日 星期日 |
| 負離子 |
分類: 未分類 |
本來今日叫左阿媽唔使過黎TKO,因我要去整頭髮,下午會抱返姮姮返SMP,但阿媽都係11點幾就過左黎,佢話做晒屋企d野,掛住姮姮所以咪過黎lor,哈哈...難怪姮姮咁跟佢啦,點幾鐘一齊出KT,老豆係堂家姐屋企等我地,咁我就順便上去拜過年先去bonnie度整負離子,2點幾去到bonnie度,整完已經7點幾啦,走既時候阿大伯打電話比我話老爺又飲左酒叫我唔好咁早返,咁我就係taikoo plaza行左陣食埋野先返去啦. |
| 2007 年 3 月 3 日 星期六 |
| 深圳變靚D團+Umc音樂節總決賽 |
分類: 未分類 |
今朝6點零鐘姮姮就叫醒我同阿sam啦,我換尿片,阿sam沖奶,以往呢d時間姮姮飲完奶後就會再瞓,但今朝我喂完佢飲奶後,佢唔很瞓,姮姮最開心就係每朝起身後既時候,無論係邊個同佢玩,佢都會好開心"依依呀呀"咁同你講野,姮姮唔瞓就攪到我同阿sam都無得瞓,同佢玩左差唔多成個鐘先很再瞓,9點am鬧鐘響,勁眼瞓既我因約左pikki佢地上深圳,所以就算唔想起身都要起,我同阿sam攪掂晒出得門口時,姮姮都仲瞓得好 ,即使我幫佢換衫時佢都只係"yuk"下,到我抱佢起身出門口時先醒,車左姮姮返SMP後阿sam就車我落KT MTR,約左pikki佢地11點係大圍火車站等,估唔到我係最早到果個,同阿sam邊傾電話邊等,等左陣,見到有個好面口既女仔,到佢行埋黎叫我時先醒起佢係pikki個friend皮皮,雖然同佢第一次見面,但就一D都唔陌生,可能經常係pikki個blog度見到佢(pikki我覺得你個blog可以用黎識朋友),等埋pikki同karman,我地一行4人就向深圳出發啦,今次我係上去柔眉,karman整指甲同整眼睫毛,pikki買特別版波鞋,同埋開工用果D假眼睫毛而皮皮就唔想返工所以就陪埋我地上去,亦都係因為皮皮所以我先會返深圳柔眉,因為皮皮個幾月前係深圳柔眉,pikki見到後話好得,所以就叫我上去整,都唔知點解pikki講既野對我咁有說服力,一向對大陸野無信心既我,比pikki講完就走去整,我地係羅湖大快活食完野後就向目的地出發啦.
柔眉後~唔夠瞓既我黑眼圈幾大,雙眼皮都變左單眼皮ar,姮姮媽咪為左你真係犧牲左唔小瞓覺既時間呀
karman植眼睫毛後~對眼大左幾多
pikki上次植完眼睫毛覺得唔夠密,所以係等我地既時候就再加密d,原本係單眼皮既佢整完後變左雙眼皮wor,唔知仲以為佢去整雙眼皮ar
皮皮就覺得上次柔眉唔夠長,所以今次就加長d同補番d色
karman,pikki & 皮皮既美甲
整完行左陣後,我就返hk先,因老豆同阿媽今晚要去tvb睇我細妹比賽,所以我要趕返去接姮姮,但當我係落馬洲坐車途中阿媽就打電話同我講話叫我去睇,因佢比左張票我個fd阿得,咁我老豆同阿媽就其中一個無得去,竟然係咁,佢就叫我去,佢地幫我抱姮姮返TKO等我,就係咁我就帶著勁眼瞓既樣入TVB睇Umc音樂節總決賽,今晚既嘉賓包括有何韻詩、林一峰、方大同和AT17,有13隊參賽者,我妹隊band DOVEY係第12隊,睇完前11隊參賽者表演完我就覺得DOVEY今次都係志在參預攞個大型比賽既經驗多,因為DOVEY比起其餘參賽者係差D,個SHOW其間都有D悶場GA,錄影既節目真係唔係咁好睇,最後DOVEY落選左,我都幾鍾意攞冠軍果隊Tonick,佢地作D歌好攪笑,睇到11點幾就坐番TVB安排既車出番調景嶺,阿SAM就係調景嶺等我,返到屋企姮姮已經瞓左lu...真係辛苦老豆同阿媽成晚係tko幫我睇住姮姮 |
| 2007 年 3 月 2 日 星期五 |
| 姮姮Cyberport遊+請奶媽食飯 |
分類: 未分類 |
公司既同事經常問我幾時可以見吓姮姮,未婚既阿john仲話見到姮姮會比封利是佢,所以襯老公今日放假,我就叫佢車姮姮過黎cyberport,當然唔小得我老豆同阿媽啦,佢地5點半到,阿sam留低看車,我帶左老豆同阿媽係4樓既平台花園坐,之後就抱姮姮上我公司,因我無同d同事講話姮姮會黎,所以當佢地見到我抱住姮姮入房時都好surprise,但姮姮可能剛瞓醒以及對環境陌生,所以望左陣後就喊起上黎,攪到我都無計,唯有抱落4樓搵阿媽,之後就叫埋阿媽抱姮姮上返公司,今次有阿媽係度姮姮就無喊啦,仲同送BB車比佢既阿jade玩到好開心,同阿jade玩左陣後就返CCT room,因已經6點幾,所以有d同事已經放左工,得番benden同阿john係度,阿john真係有比利是姮姮呀,同姮姮影完相後我地就走lu,夜晚我地約左姮姮既奶媽mandy係黃大仙食飯,點解姮姮會有個奶媽,哈哈...因為姮姮而家飲既惠氏s26奶粉係mandy供應ga,mandy係我2細佬個老闆既細妹,佢係婦科診所做護士,咁惠氏會送d奶粉既sample比診所,mandy知道我有左後就儲起d sample留比姮姮,而家d奶粉已經足夠姮姮飲到6個月啦,真係為我同阿sam節省唔小錢呀,9點幾食完飯後就返歸,今晚姮姮跟我地返tko,唉..未入到屋佢就喊啦,攪完一大輪,我逗左佢瞓後就去沖涼,點知當我除晒衫後又聽到姮姮喊,本來我諗住著番衫出去抱佢ga,但阿sam之前講過話攪得掂,咁我就忍心d比佢試下,當然佢係得過講字啦,我沖咁耐,姮姮就喊咁耐,真係喊到我心都痛,我好快咁沖完個涼出黎逗返佢瞓,阿sam問姮姮係咪聞到我陣味所以唔喊,當然啦,佢係我肚度足足住左10個月ar,仲係我好辛苦生出黎ga,而阿sam你只係貢獻條蟲出黎而已,所以下次唔好再問呢d咁蠢既問題啦. |
| 2007 年 3 月 1 日 星期四 |
| 咁就過左4日啦 |
分類: 未分類 |
今個星期一至四都無咩特別野做,每日都係返工等放工,放工返SMP睇姮姮.話咁快就已經3月啦,期待4月既5日長假期
|
| 2007 年 2 月 25 日 星期日 |
| 他條日 |
分類: 未分類 |
因有阿媽睇住姮姮,所以今日瞓到12點幾先起身,其實11點幾已經醒左ga啦,因阿大玲打電話比我話會過黎拜年,大玲同佢未婚夫阿chris&阿wing點幾鐘到,大玲話姮姮比起chritmas前見佢時大左好多,佢同阿chris7月1號結婚啦,希望佢地都快d生個BB,咁姮姮又多個朋友仔啦,佢地坐到3點幾就走,走後無幾耐,我堂家姐,姐夫&阿嬸黎,姮姮本來剛剛瞓著,但阿嬸一入黎就將佢嘈醒,佢地同姮姮玩左陣後就同老豆開枱,而我就逗番姮姮入房瞓覺,他他條條咁係阿媽度留到10點幾等埋老公放工就返TKO啦. |
| 2007 年 2 月 24 日 星期六 |
| 馬鞍山拜年 |
分類: 未分類 |
今日同屋企人入馬鞍山阿叔度拜年,老豆同阿媽11點幾帶姮姮入去先,我同細妹就瞓到點幾鐘落觀塘食埋車仔麵先入去,我堂家姐生左個女,細姮姮兩個幾月,姮姮對呢位表妹好好奇,每當我抱佢望表妹時佢都會用手去整表妹,個情景真係好攪笑,可惜又係無帶相機去影相,因阿叔7點要返工,所以我地好早食完晚飯後就返屋企lu,出到觀塘8點半左右,我就同細妹去apm行,幫我第2個細佬去levi"s睇牛仔褲,嘩....$799條褲,好在我細妹個fd識人有7折,抄低個code叫佢攞,但要3月中先有,而我細妹就大出血啦,買左對鞋,買左個pooh pooh既掛衫架 & pooh pooh 既隔熱手套,本來我都睇岩對鞋ga,但無晒我既size,我地行到10點幾就返屋企lu,今晚我係返SMP瞓ga,哈哈哈 |
« | 19 | 20 | 21 | 22 | 23 | 24 | 25 | 26 | 27 | 28 | »
|
- Get Your Own
