食完lunch無幾耐就聽到同事話將會掛8號風球,2點零鐘公司就通知我地可以返屋企,坐公司車3點15分出到銅鑼灣,一心諗住搭MTR唔會塞車,點知....我都係第一次排隊搭MTR要排成個幾鐘先逼到上車,最後攪到5點幾先返到SMP,等埋老公返黎同姮影下相玩下後我地就帶姮姮落商場感受下8號強風,比D強風迎面吹黎,老公就用手諗住幫姮姮擋住,但姮姮就推開老公隻手,比D風吹到鬼咁開心,呢次8號風最開心應該就係老公啦,因佢多左半日假陪姮姮玩

呢件露背衫係珮姨姨送ga,係咪好靚呢

9個月大既姮姮已經識得到處爬啦,仲開始嘗試唔使扶野行路,但當然一開步就趺底啦,所以睇小陣都唔得呀,而上面果兩隻牙隻亦都出緊啦,阿媽話姮姮應該識行路快過講野,唔知佢幾時先識得叫媽媽呢

今日係我同老公拍拖8週年記諗日,尋晚等老公收工後就上左深圳按摩,4點左右返到hk我地就帶姮姮出TST行街街,姮姮全程都好開心呀,係冒險樂園坐車車坐到唔係走,本來諗住去chicco買埋張餐椅,但無晒貨,只可留電話等返貨時再去買,係玩具反斗城行左陣後就返屋企lu.

臨放工時收到阿珮既電話,佢同我講話新聞報導指多個牌子既膠奶瓶都含有可能致癌化學物"雙酚A",而姮姮用開既nuk都係其中一款,雖然講就話無全面證據,無須恐慌,但始終知道後都有d擔心,所以就趕去sogo睇下指明不含"雙酚A"果款B free奶樽,好就好,但就貴左d,10安士$99,5安士$95,攪完一輪,最後就買左兩個返去比姮姮試下,返到屋企阿媽將d奶樽消毒完洗乾淨後就開左d奶比姮姮飲,好在姮姮無因為個奶咀唔同左而唔很飲,而家nuk果d仲有兩個新既未用過ga,都唔知掉唔掉好啦

今日約左阿珮去BB展,記得上年我去時姮姮仲係我個肚裡面,而家佢已經8個幾月lu,時間真係過得好快呀.我地諗住早D去會無咁多人,所以10點幾就已經到會展啦,但人都係一樣咁多,我地排隊買票入場都排左差唔多半個鐘,本來諗住主要都係買奶粉同尿片,可惜無減價,不過我地各自都有其他收穫,行到1點幾我地就走lu,兩個人都累到想死呀.

放工去利園chicco幫阿珮換支洗頭水比巧巧後就拿拿臨搭MTR過旺角,今晚我地一行8 人約左去譚魚頭打邊爐,阿敏個肚比起上兩星期見佢時大左好多呀,而家已經3個多月啦,好快又多個BB同姮姮佢地玩啦,hehe哈哈咁食到10點幾就走lu,之後陪阿珮去買埋冬甩後就返TKO啦.

姮姮d疹已經退左好多啦,呢段時間真係辛苦阿媽,d人話BB病一病就會學識一樣野,姮姮就學識左飛吻,好攪笑

今朝9點零起身,見到姮姮滿臉及身上都是小紅點,醜樣姮lu...醫生話疹子兩三日後就會退,亦無順再覆診啦,現在總算放心得多了,發了幾天燒的姮姮消瘦左好多呢,"軟臨臨"成件豆腐咁,希望疹子快d退,咁姮姮就快d回復番好似之前咁.

為你放的這日假期真是一點價值也沒有.............

姮姮呢兩日無啦啦有些少發燒,阿媽帶佢睇完醫生,飲左藥水後都係退下又燒下咁,醫生話咁樣既情況可能係出疹,平日笑口常開既姮姮呢兩日都呆呆咁無咩精神,幸好佢無因唔舒服而不停哭閙,只係想瞓覺,係網上搵到d出疹既資料,姮姮應該係出玫瑰疹,這是最常見的嬰兒出疹疾病，多半發生在兩歲以下，標準的症狀是六個月到一歲半大的小寶寶,但到而家都仲未見到姮姮身上出現小紅疹,希望d疹快d出啦,大約一到三天內疹子就會自動消失,咁姮姮就會無事ga啦.