老豆聽日有工開,所以提早一日同佢慶祝父親節,同老豆,阿媽,阿魚,姮豬行德褔,本應只係諗住買件衫比老豆做父親節禮物,但當我同老豆係crocodile揀緊衫時,阿魚就走入黎同我講要去買件衫比姮豬先,因佢飲水時整到件衫濕晒,咁我就唯有拿拿臨諗住求其買件比姮豬換左先,但眼見d童裝店唔係chickeeduck就係kingkow,好在chickeeduck有50% off,咁都無咁傷,攪掂姮豬後就同老豆揀衫,最後買左兩件恤衫,之後我地去左食老豆至愛既kfc後就返屋企啦,夜晚飽到晚飯都無食呀,等埋老公收工後就帶姮豬返TKO.

就黎放工啦...今晚返SMP瞓,YEAH

返埋聽日就會連放4日假,老公會放17&18號,好耐都無同老公開開心心咁拍下拖,亦都好耐無一齊帶姮姮去街街啦,希望呢個短假期會過得開心,希望我心情靚靚唔好發脾氣,希望個天唔好落雨啦

老公經常都話我有產後抑鬱症,因佢話我生完姮姮後好易發脾氣,成日亂諗野,唉...我都唔想咁樣,但有時真係忍唔到,我知老公唔會明白我既感受,所以有時想同佢講都唔知點講,最開心就係同番都已為人母既朋友傾計,因我地大家都有著同一樣既煩惱,身同感受.感情呢樣野真係好難捉摸,時間越耐可以越恩愛亦可以越掉淡,被此心愛對方,但卻相對無言,呢種感受真係唔好受呢.

7個月大既姮姮已經識轉身,自己坐,叫佢錫錫時會嘟長個咀仔去錫你,而家阿媽每日會喂佢食兩至三餐粥,父母最開心就係見到自己既囡囡健康成長,真係多得我至愛媽媽既識心照顧呀

各位好友,請問你身邊有無170高樣子靚靚(最好長頭髮)既女仔朋友呀,因我有位朋友6月12號有個比賽,現急需搵個model,會有小小地$500利是比番位model,如大家有合適人選而佢又可幫手就通知我啦,thanks !

到底何謂負責任呢,最近得知有位好朋友有左,已經係第三胎啦,呢個本應係開心既事情卻令到佢好煩惱,因佢屋企人覺得如果第時呢個小生命出世後會帶黎更多既負擔,未必可以比到最好既生活環境佢,要養育一個小朋友係要花好多心機,時間,精神,金錢去教導佢,佢屋企人擔心既就係將來出世後既責任,而我好朋友想負既責任係BB係佢個肚裡面已經係有生命,係佢地既親生骨肉呀,竟然帶左佢黎呢個世界,又點忍心就咁落左佢呢,我相信做左媽咪既人會好明白佢既感受.要將自己肚裡既小生命落左係好痛心既事,但生佢出黎又是否對佢好呢?會唔會反而害左佢呢?到底呢個責任應該點去負呢?希望佢可以同屋企人心平氣和解決呢件事,BB一日一日咁大,點都要有個決定呀.

今日阿mei,阿珮&巧巧黎我度,第一次黎我屋企既巧巧好乖呀,佢真係好可愛呢,第時大個實迷死唔小男仔呀,阿珮仲帶左佢親手整既Tiramisu黎,真係好好味呢,果然係出得廳堂,入得廚房呀.姮姮今日都好開心呀,佢而家成日都哈哈咁笑,成個開心果咁,可惜阿敏&阿明佢地無黎,唔係就更熱鬧啦,佢地6點零就走lu.好想定期都攪個咁既聚會,因真係好開心呢.

今朝雖然係好眼瞓,但個心好掛住姮姮,所以好早就起身啦,老爺同大伯娘好早就去醫院接大伯出院,奶奶就返左工,所以今朝得我同老公係TKO,um...每日都係咁就好啦,但呢幾日我其實係度發緊老公脾氣,所以成朝我都無理佢,我覺得自己係將對佢屋企既不滿發洩係佢身上,見到佢無明火就起,有時諗番佢做野咁辛苦,每晚咁夜返黎我仲要比面色佢睇,又覺得佢好慘.今朝我地一齊出門口,我一句說話都無同佢講,無論佢講咩我都無理佢,之後我上左巴士去到第2個站時望過對面見到老公係太陽下等車,唔知點解果一刻好心酸,覺得佢好孤獨,好想落車過去摟住佢.之前因為我覺得無左以前同佢一齊果種感覺,所以經常會問自己我仲愛唔愛佢呢,有幾愛呢..但呢刻果種感覺又返黎啦,哈哈...好似唔見左佢好耐咁,真係唔想失去呢種感覺,我都知自己脾氣唔好ar,生完姮姮後就更差,好在有老公既體諒,即使我有幾無理取鬧,佢都會逗番我,無計啦...除左你仲有邊個可以做我既出氣袋呀

放工後同老公一齊去醫院探大伯,坐到8點半左右我地就走lu,約左個朋友傾d野,由於我好想打邊爐,所以就出旺角稻香啦,食到11點幾就同老公返TKO,已經兩晚無見姮姮啦,掛死我呢