| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 7 月 3 日 星期二  |
| SX633 |
分類: 未分類 |
今日 lunch time時出左香港仔間smartone攞電話,因銅色果部sx633a已經無晒貸亦唔會再出,所以最後我就攞左部粉紅色既sx633啦.
|
| 2007 年 7 月 2 日 星期一 |
| 馬安山日 |
分類: 未分類 |
馬季既最後一日,三T有$48000000,叫老豆幫我買左張電腦票,錦妮都揀左幾個號碼叫老豆幫佢買,老豆買完後我地就一齊過馬安山阿叔屋企,點知落到觀塘因巡遊既關係封路,攪到原本行去巴士站只需5分鐘既路程,我地行左10幾20分鐘先到,大熱天時下抱住姮姮咁行真係攞命,好在有阿媽係度,今日racheal都係屋企,佢既一把長頭髮已經剪短晒,見到佢呢個髮形就諗番起佢細個時都係咁樣,記得我地10零歲時係觀塘一齊住過一段時間,後來雖然分開左好幾年無聯絡,但後來再見番我地既感情都很要好呀,我呢個堂妹係個無咩脾氣既人,但就識著個大男人既男友,唉...世事住住都係整定ga.
呢幅就係我地細個一齊住時影既相,仲有我第2細佬.
|
| 2007 年 7 月 1 日 星期日 |
| 靚煲皇 |
分類: 未分類 |
回歸十週年活動,我地一行8人去左大角咀既靚煲皇打邊爐,D野食都OK,但就坐得唔係咁舒服,該死既馬仔剛去完泰國返黎,講返佢係果邊既怪事,一向膽小既我比佢嚇到我係大庭廣眾下大叫,果一刻真係勁"囉"呀 ,成晚vincent &馬仔都吵過不停,真係難為坐係佢兩中間既我& carrie呀 ,我地食到11點幾就返歸lu. |
| 2007 年 6 月 30 日 星期六 |
| Happy Birthday Auntie Leung |
分類: 未分類 |
To Leung :
生日快樂呀,祝你快d搵到個金龜婿,做個幸福少奶奶
|
2007 年 6 月 29 日 星期五  |
| 姮姮打針 + 卡拉OK |
分類: 未分類 |
今日下午請左假帶姮姮去打肺炎鏈球菌針,放工時勁大雨 ,本來約左老公同細妹係太古等,但因雨太大佢地出唔到門口,咁我就唯有出銅鑼灣行陣等佢地,一直都好想買條靚靚既牛仔短裙比姮姮,聽阿珮講係zara見到有,咁我就去times square果間睇下,正好遇著大減價,原本$220一條既裙仔,而家減到$119 ,可惜無阿珮講果條,諗左好耐,最後我就買左另一款既牛仔短裙,買完野後就過太古等姮姮佢地,我地先去pizza hut食野,之後就過bonnie度剪頭髮,姮姮可能摟眼瞓 ,所以唔係同bonnie玩,好快老公同錦妮剪完頭髮後我地就坐小巴出旺角同姮姮打針,今次我係第一次抱住姮姮打針,之前係健康院我都係叫阿媽抱,當醫生打針時我仲驚過姮姮 ,望都唔敢望呀,打完後姮姮都係同以往一樣喊左幾聲就無野啦,呢一針好貴,要$680,難怪政府要我地自己搵私家打啦.攪掂後我同老公就帶姮姮返smp,錦妮就返band房,返到屋企阿媽話個電飯煲壞左,跳左幾次制,懷疑係個電制濕左水,咁我就用有限既時間落商場買個新ga,呢排屋企d電器相繼咁壞,前幾日至壞左部洗衣機,而家就輪到電飯煲...唉.整好晒D野後我就同老公坐番小巴出旺角新世紀唱K,今晚係預祝阿Leung生日,之前個死婆神神秘秘咁話帶個人出黎,我地仲以為佢帶個新男友比我地見,但原來係位好耐無見既中學同學 ,呢位同學畢業到而家都無咩點變,只係頭髮長左,唔記得問佢既感情生活添 .我地唱到點幾就走lu,好累ar今日 . |
| 2007 年 6 月 25 日 星期一 |
| SX633 / SX633A |
分類: 未分類 |
 SX633A SX633
前幾日收到smartone既來電,話我係佢地既特選客戶,而家只需簽約20個月,每月$128 or 以上既月費計畫就可以免費攞走部sharp既SX633 / SX633A,呢兩部既機價都要$3680,記得上年我已經攞過部motorola既電話ga啦,估唔到今年又有,好似每次正當我有意欲換電話時都會收到呢d既優惠,雖然唔係我心目中想要既電話,但我都會攞左先,因為唔使錢,但我想要既SX633A黑色已經無晒唔會再出,而銅色就要訂兩星期後先有貨,但銅色就好男人feel,而SX633雖然係我至爰既粉紅色,但呢隻粉紅色我睇現貨就唔係咁靚,有D leung.....所以到而家我都未決定要邊部好,真係煩呢 |
| 2007 年 6 月 22 日 星期五 |
| 行街街 |
分類: 未分類 |
老公放假,我地決定帶姮姮出TST行街,6點45分我就企左係TST佢地落車個站度等,其實起初我都唔係咁想得老公一個人帶姮姮出黎,因我怕佢拎住咁多野又要抱住姮姮會攪唔掂 ,但老公又堅持話要帶,咁我就唯有比佢試下啦,佢搭車途中我打電話問佢時,姮姮都乖乖咁同佢玩緊,但到佢地落車時,我就見到狼狽既阿Sam抱住喊到收唔到聲既姮姮 ,見到個囡喊到咁真係心痛死呀,老公話姮姮落車前3個站就開始喊啦,佢點逗都攪唔掂,其實姮姮係摟眼瞓,但老公就以為佢肚餓 ,我抱過手後拍左佢一陣就瞓左啦 ,諗起老公落車時抱住姮姮之餘又拿住d奶樽個無助樣真係唔知好嬲定好笑呀,之後我地就行去海港城攞隻結婚介指,生完姮姮後肥到介指都戴唔落呀,所以就叫左阿珮搵佢d舊同事幫我改大半號,之前我自己去門市問改size要收$200,咁貴我就硬係無整啦,後來阿珮幫我搵佢d舊同事攞番公司改,只需$80而已,唔該晒兩位靚靚媽咪呀,攞完介指後就行去海洋中心間和花亭食野,呢個時候姮姮都瞓醒lu,對眼四周圍望,之後就好開心咁笑,佢個樣真係好攪笑呢,行到去和花亭勁多人呀,咁我地就決定行完玩具反斗城後再算,買左兩樣玩具&一盒餅餅比姮姮後就走lu,最後晚餐係kfc攪掂,因太累唔想再行,食完野後就帶姮姮返smp. |
| 2007 年 6 月 19 日 星期二 |
| 朋友的新開始 |
分類: 未分類 |
今日阿wing & 阿杏黎左探姮豬,杏杏真係比之前瘦左好多呀,人又靚左,電左髮既佢確係同以前好唔同,之前收到風話佢有新戀情,所以今日見到佢就當然要八下啦,起初佢都唔係講,但後來係我既迫供下終於都承認左,新男友都唔錯ar,希望杏杏會得到幸福,忘記以前唔開心既野,唔知阿wing既真命天子又幾時先會出現呢. |
| 2007 年 6 月 18 日 星期一 |
| 神奇四俠 |
分類: 未分類 |
下午3點幾返到hk,同老公食d野後就趕去apm睇戲,"神奇四俠"入到場岩岩開始,我覺得無第一集咁好睇,5點幾睇完後就返SMP搵姮豬,食完晚飯後就返TKO,總算同老公過左個快樂既父親節 |
| 2007 年 6 月 17 日 星期日 |
| 老公的第一個父親節 |
分類: 未分類 |
因阿大伯同大伯娘佢地尋晚無返黎瞓,今日又北上玩樂唔係HK,而佢地已一早比左CASH阿老爺買野食,所以老公就提議請佢老豆飲茶,因佢話點都要做D野,而且亦係老公既第一個父親節,所以我地就帶埋姮豬去飲茶啦,2點幾飲完返番TKO同姮豬玩,到左7點幾我就同老公帶姮豬落觀塘比阿媽,之後我就同老公返深圳啦,哈哈...我地係apm行左陣後就坐皇崗直通巴士過深圳,10點幾上到去,我地先去小肥羊打邊爐,兩個人真係食小好多野呢,食飽飽後就行過去三島按腳&推油,聽日唔係假期所以今晚無咩人,感覺特別舒服呀.
|
« | 14 | 15 | 16 | 17 | 18 | 19 | 20 | 21 | 22 | 23 | ... | 28 | »
|
- Get Your Own
