| «‹ April 2015 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | |
|
2008 年 4 月 13 日 星期日  |
| 巧巧生日party |
分類: 未分類 |
16號就足一歲既巧巧今日我地提早同佢慶祝,2點幾上到阿珮屋企,大家都已經到齊啦,今日有5個BB,全部都係B女,阿珮整左好多野食,果然係入得廚房出得廳堂既靚媽咪,契媽mei都有幫手整野食,果然係位好契媽 ,巧巧聽到我地大家為佢唱生日歌時表現得好開心,佢個樣真係好可愛呀.瑤瑤今次唔知係咪佢爸爸係度所以無亂打BB,好乖乖呀,但講到最乖巧既就係阿盧大哥GA女,2歲幾既呈呈真係好得人鍾意,坐到7點零鍾我地就同mei & 康一齊搭車返SMP.生日會既相已經upload左係相簿度啦,唔該晒今日既攝影師姮爸
|
| 2008 年 4 月 12 日 星期六 |
| 玩樂日 |
分類: 未分類 |
今個星期老公休六,日,尋晚我地就上左深圳按摩,今日3點零鐘返到香港,本來諗住叫埋阿媽帶姮姮落覲塘飲茶,但姮姮瞓緊覺,咁就我同老公兩個去飲啦,食飽飽後就返上SMP帶姮姮去太古城,同老公去Bonnie度剪完頭髮,join埋我妹後就去冒險樂園玩,之後就再去玩具反斗城,熱愛波波既姮姮見到d波就愛不釋手,9點幾返apm食埋飯後就go home啦. |
| 2008 年 4 月 9 日 星期三 |
| long time no write |
分類: 未分類 |
因公司呢排真係好忙,放假係屋企我又無幾可會用電腦,所以已經好耐都無打日記啦,近期都無咩特別野發生,至於我既心肝寶貝姮姮而家已經17個月大啦,但都仲未肯講野,經常都係依依哦哦咁,頭髮亦都仲係咁小,但學野就學得好快,教佢一,兩次後就會好快學識,當我地叫戴銘姮小朋友時佢就會舉起手表示係度,問佢幾歲時就會舉起一隻手指表示一歲等等的動作佢都會做,而呢個囡最愛既就係球類運動,每當電視播足球,NBA等既節目時佢就最興奮,去街見到D店舖有Ball賣佢就實要入去,唔知係咪佢係我肚裡時正舉辦緊世界盃,而每當有Beckham時我都會睇,所以就令到姮姮咁熱愛球類呢,打住咁多先,又要做野啦.
睇下我個樣幾"老積"
我係咪好形仔呢 |
| 2008 年 2 月 25 日 星期一 |
| 又病啦 |
分類: 未分類 |
| 今朝諗住起身返工時個人勁辛苦,喉嚨又痛,最後都係要請sick leave,今個月已經第3次請SL啦,9點零鐘老公就陪我返SMP睇醫生,發燒,又要打針啦,都唔知點解而家咁易病,抵抗力越來越差,睇完醫生就返屋企大覺瞓,今次醫生開既藥可能重D,到左夜晚已經好好多啦. |
| 2008 年 2 月 24 日 星期日 |
| 作病 |
分類: 未分類 |
唔知係咪尋晚著唔夠衫冷親,今朝起身時個人好唔舒服,即係食兩粒感冒丸後再瞓多陣,12點幾食左野後就同老公帶姮姮返TKO,返到去總係覺得好累好眼瞓,但姮姮係度又無覺好瞓,到3點幾奶奶帶姮姮落公園玩時我先可以靜靜瞓一陣,但越瞓個人就越無精神,到夜晚食左飯後老公就帶姮姮出觀塘比阿媽,我就沖涼瞓覺. |
| 2008 年 2 月 23 日 星期六 |
| 港,九,新界,機場 |
分類: 未分類 |
| 老公難得休星期六,日,但我早就約左今日去探阿敏&B囡,原本plan左我地一齊食左早餐後老公就上SMP搵姮姮而我就去阿敏度,到5點零鐘就同朱玲佢地一齊去BBQ,可惜BBQ因人數太小攪唔成,而阿媽又臨時打電話比我話佢會帶姮姮過馬安山,攪到老公都唔知去邊好,佢又唔想留係屋企,咁我就叫佢同我一齊去睇BB,之後我地再入馬安山搵姮姮,佢係無選擇既情況下就跟左我去啦,係觀塘Join埋阿明&朱玲後就一齊搭11c,而阿明老公&瑤瑤就係啟業上車,瑤瑤見到我手上有利是就肯比我抱啦,全程都好乖咁坐定定,到落車時我同佢講話帶佢去McDonald's食野,叫佢同daddy,mami拜拜,之後瑤瑤真係跟實我,阿明叫佢都唔"so",真係好攪笑,我地join埋阿Mei係M記食埋野等埋Vincent後就一齊上阿敏度,B囡已經改左名,叫佩軒,咁我就叫佢佩佩啦,呢個囡又係似足佢Daddy,我仲幫手喂佢飲左餐奶,佩佩好乖咁好快飲完就覺覺豬,阿敏話佢肥左好多,我就一d都唔覺啦,而家反而仲好睇左,之前真係太瘦啦.4點左右我兩就同朱玲&阿明老公走先,因為落雨所以我地就一齊搭的士,我地3個就係龍翔中心落車,而阿明老公就返啟業,諗住比番$20的士錢,但阿明老公太客氣啦,係都唔收,真係多謝晒.我同老公就係龍翔中心轉巴士入馬安山,朱玲就上vincent屋企,5點幾入到去同姮姮玩左陣,係阿叔屋企食左個早飯後我同老公就搭車過博覽館,因阿金話佢有4張Aaron既免費演唱會票,所以就搵埋我妹一齊去睇啦,同老公諗住係馬安山搭681出香港站轉機場快線過博覽館,但去到香港站一睇先知坐快線過博覽館每位要$100,咁貴當然唔搭啦,打電話問8折的士都話要差不多$270左右,之後我再打電話叫阿珮幫我check下有咩巴士去,check到係有,但7點幾再係中環轉巴士入去我又怕趕唔上8點開場既時間,最後就唯有搭番MTR過東涌轉的士,幾經轉折後幸好都趕得上入場時間,我地坐中間位,但票價都要$480,個show其實只係一般而已,但個450度轉既舞台就真係好得,講真山長水遠要我比錢既話實唔會睇,完show後11點幾就搭巴士出觀塘食消夜,因第2日要帶姮姮返TKO,所以今晚就同老公返smp瞓,沖完涼上床瞓覺已經差不多3點,so tired. |
| 2008 年 2 月 20 日 星期三 |
開心番晒  |
分類: 未分類 |
上星期收到啟思既信話取錄左姮姮讀N1,要我地23號去交留位費,我當然開心啦因啟思都係一間幾好既幼兒園,但我首選始終都係迦南,因兩間相比,迦南既課程會好D,第時上小學亦多D選擇,但迦南最快都要2月底先有信通知,尋日我試過打電話去學校問,但就話係電話答唔到取錄既問題,叫我等信,死心不息既我今日再打多次電話去問,起初都係話要等下星期既信通知,咁我就講話因有第2間幼兒園已經取錄左姮姮,但我就當然希望囡囡入到迦南啦,,聽後佢就話叫我留低contact info盡量幫我check,但就話最快都要一,兩日後先覆到,咁我就話果間學校要我係今個星期六去交留位費,叫佢幫下忙盡可能星期六前回覆我,估唔到過左個幾鐘後學校就打番電話同我講話已經取錄左姮姮入N1既下午班,下星期就會有信通知詳情,聽後真係好開心呀,要為姮姮既將來努力,盡我所能將最好ga野帶比佢. |
| 2008 年 2 月 18 日 星期一 |
| 無言 |
分類: 未分類 |
心情已經唔多好ga la,仲要比人係心口再插多刀,對著我身邊果兩頭豬確係無言以對 |
| 2008 年 2 月 17 日 星期日 |
| 火..火..火 |
分類: 未分類 |
今日老公休息,下午Idy一家&阿金過左黎tko拜年,約左係商場飲茶,2點左右老公就落去攞位,但到有位時姮姮又瞓緊覺,咁我唯有叫老公唔使留野比我食,自己係屋企食個麵等姮姮瞓醒先落去,到4點左右我就同姮姮去茶樓,佢地都差不多食飽lu,坐左陣就埋單同姮姮去開心樂團坐馬馬,之後就返上樓洗白白,攪掂晒d野後就去街街,約左老豆,阿媽,細妹去黃大仙拜年,姮姮係人地屋企好失禮,想要ga野唔比佢就發脾氣喊,到你比佢時又唔要,拎過手後就掉落地,之後就不停咁摟計,返屋企搭MTR既時候又係咁,當佢係屋企咁樣發脾氣時我就會打佢手仔鬧佢唔可以咁樣,但係咁多人既地方我就當然唔想大吵大鬧,所以唯有用其他方法逗番佢收聲,一向討厭果D得把口又唔識教ga人,我都已經比姮姮攪到谷住道氣ga啦,老公同我細妹仲要係度講話我同阿媽唔可以咁樣種姮姮,佢咁樣要打ga...真係聽到我火到黎呀,講就天下無敵,老公永遠都係果句"再大d我實打佢",而我妹早就話幫我教好姮姮,我真係唔知佢教左姮姮d咩呀.原本諗住送左阿媽佢地上小巴後就去食野,點知問老公時佢就一句話而家食唔落,真係氣頂呀,當然啦,佢4點幾時先飲完茶,之後又係我親戚屋企食左d小食硬係食唔落啦,但佢又唔諗下我成日只係食左個公仔麵,今晚既心情真係差得很呀. |
| 2008 年 2 月 14 日 星期四 |
| 病..病..病 |
分類: 未分類 |
尋日睇左醫生後到今日都無好過,7點幾諗住起身返工,但都係頂唔順,請多日sick leave,返上SMP搵譚醫生打左支針休息多一日,老公收工後就接我返TKO,病住咁過左個極之平淡既情人節. |
« | 4 | 5 | 6 | 7 | 8 | 9 | 10 | 11 | 12 | 13 | ... | 28 | »
|
- Get Your Own
