因8號颱風既關係,我同老公就多左一日假,醒後我地上網買票睇2點場ga盜墓迷城3,落到車站,無巴士又無的士,咁就唯有行去搭MTR,我地先係魚米家食完野後再落APM睇戲,睇完4點零鐘就返上SMP搵姮姮,優閒地過左呢日假期.

肥妹仔姮姮而家已經有30磅重,三圍係20"-20"-20"

姮姮:我要努力減肥先得啦

上午同姮姮玩完playgroup返屋企休息陣後心血來潮同阿媽細佬帶姮姮去游泳池玩水,姮姮去到泳池更衣室時好奇咁週圍望,之後出到bb池時佢就超興奮,水的高度只係去到姮姮pat pat左右,阿媽扶住佢係泳池行來行去,又用手去潑水,玩左陣後我地就帶佢過副池,副池水ga高度去到我肩左右,姮姮就坐著水泡用對腳踢水,佢真係一D都唔驚,仲玩到好開心,但可能係副池佢無得自己行,所以玩左陣就要我地帶佢返去BB池,今次佢自己帶住個水泡行,唔肯比阿媽扶佢,之後我叫左幾次話返屋企,佢都唔肯,舉起手指示意玩多一次,到最後要強行抱走佢,佢就當然係喊咁口啦,返到屋企佢都好累,食完粥後就大覺瞓啦.

今晚本來約好左朱玲佢地返琛圳按摩,但因其中一位好友有感情問題,所以我地就臨時改左去唱k,9點幾先出旺角打邊爐,到11點幾就到neway city,身邊既男性朋友大部分都仲係單身,即使有對拍左5年拖,但到最後都係分手收場,佢地成日叫我介紹女仔比佢地識,我都係果句,我識果d咪都係佢地識ga,我總覺得感情呢樣野係整定ga,係你ga始終都係你ga,無得強求.都唔知幾耐未試過唱k唱天光啦,返到TKO已經早上7點幾啦.

今晚去左九龍城方榮記打邊爐,補祝明&預祝珮既生日,7點零鐘我就到左九龍城,同阿MEI,珮行左陣,我仲有唔小收穫,全部都係姮姮GA,差唔多夠鐘我地就先去拎位,今晚阿敏仲帶埋佩佩出黎,BB女真係好可愛,仲好貪玩,逗到我地個個都好開心,起初以為呢餐會好貴,埋單時又好平wor,食得好開心ga一晚.祝兩位靚媽永遠都幸福快樂

 鬼馬姮姮又有新攪作,等佢教大家變魔術啦

老公又老一歲啦,今年係佢最後一年2字頭的生日啦,本來講好左佢今晚早小小收工一齊食晚飯,但最後佢都係早走唔到,攪到我同姮姮係APM等左佢個幾鐘,起初諗住叫阿妹帶姮姮出黎銅鑼彎行陣等老公,點佢又要去拍野唔得閒,咁我就唯有收工後返屋企帶姮姮係APM等老公啦,我返到屋企,姮姮就指住要著去街,阿媽話頭先我妹出門口前同姮姮講過話我會帶佢出去食飯,所以姮姮見到我返黎後就吵住要去街,本來我諗住等老公打電話黎話走時先門口GA MA,最後都無呢個女辦法,我就早D帶佢落APM行陣,去左佢最愛的扭蛋舖扭左$25,之後我地就去餐廳等老公,姮姮係餐廳度就最鐘意逗坐我地前後位果D人玩,仲玩到好開心,但都唔夠老公黎到見到姮姮咁開心,因我之前無同佢講話會帶埋姮姮黎GA. Happy Birthday night

惡B姮姮原來好識擺pse影相,當我地話同佢影相時,佢就好自動咁擺出唔同的pose,都唔知佢係邊度學番黎ga,真係笑死我地

轉眼間離開朱記快將十年,係呢間學校確實帶比我好多開心既回憶,今日我地就係旺角一間cafe攪左個舊師生聚會,我同老公帶埋姮姮去,可能突然間太多人,所以姮姮全程都痴到我實,今日有5位老師,29位同學出席,羅永佳老師仲帶埋佢太太&仔仔黎,佢仔仔大姮姮半年左右,似足佢兩公婆好溫文,到10月羅sir就會做第2任daddy,都係仔仔黎ga.另外亦見番好多好耐無見ga同學,大家都無咩點變,今次聚會都總算成功,8點零鍾就走啦,我同老公帶左姮姮返屋企後就再出尖沙咀同朱玲佢地唱K,個個都玩到傻左,今晚真係好開心呀.

聚會相

http://photo.qooza.hk/album.php?user=rsuabmy&albumid=376045

今日Him Him係沙田Mcdonald開兩歲生日會,老公無假放,所以我就叫左細妹同我一齊帶姮姮去,靚仔Him Him第時實迷死唔小女仔呀,祝佢身體健康,快高長大.

我又好耐都無update blog啦, 因呢排係公司確係無咩時間,姮姮而家好鍾意返playgroup,一去到樓下都已經好開心.

前幾日我妹用姮姮張相變靚d,好攪笑...

呢張係原相,唔識真係唔知係女仔

短髮look

長髮look