我同姮姮一齊做既第3幅勞作,詳細我遲d再寫...

今日我同老公都放假,因要帶姮姮去健康院打歲半針,呢個姮姮無時停,成間健康院都被佢行勻呀,姑娘話姮姮成長得好好呀,體重比起成長線重左小小,而家25.5磅,今次打針打係手臂位,我抱住姮姮都唔敢正視望,老公亦拎定d野食等姮姮喊時可以逗佢,過左陣姑娘話打完可以出去啦,姮姮今次好叻叻無喊呀,所以攪到我打完都唔知,真失禮.攪掂後我地就返TKO瞓一陣,到5點幾就出黃埔同阿Wing & 佢家姐食晚飯,我地先去吉之島行陣,買左個學飲奶瓶,梳仔 & kitty波波池比姮姮,個波波池好靚ga,每個波都有kitty既樣係度ga,老公話我仲開心過姮姮呀,買完野join埋阿wing & 佢家姐後就去食野啦,我地去左食日本野,店舖細細但冷氣就勁凍,所以食完野後就拿臨走人啦.返到SMP就同姮姮玩波波池,起初佢都唔敢入間Kitty屋度玩,後來我引左佢入去後就玩到唔捨得收起啦.

呢幅係姮姮第一堂返playgroup做既勞作,姮姮第一次用水彩油顏色&第一次用膠水貼雨點既畫,我教姮姮用棉花棒點d膠水搽上畫上,跟住我就幫佢貼兩點,之後我捉住佢隻手教佢用水彩筆點d顏色後就油落幅畫度,但一兩次後佢就唔比我捉住佢手黎油,自己點一次顏色就油一筆係畫上,最後攪到幅畫油到好濕,到走時都未乾呀.

第2次返playgroup既姮姮已經無第一次咁陌生,今日有佢至愛既踢足球玩,Ming姐姐叫姮姮將個足球踢入龍門,但姮姮就攬實個波唔係放,聽日係母親節,所以今日唱左隻關於母親既歌"我愛我的媽媽,媽媽真偉大...我只記得頭呢兩句,未識唱既姮姮就拍手手,唱完Ming姐姐就要d小朋友錫啖媽咪,另外亦都做左幅勞作,Ming姐姐每人比左張印有i love you既心形畫紙,我叫姮姮用棉花棒點d膠水搽上我指既位置,之後再叫佢將d圈圈貼上去,但貼左兩三粒圈圈後佢就只係鍾意點&搽膠水既部分,其餘既圈圈就我幫佢貼,之後姮姮就帶住個手指套,點d水彩後就印上畫上,最後我就搽d專係for印手印既顏料係姮姮既手掌上,將佢兩隻手仔印上幅畫度,姮姮都好合作乖乖咁比我打手印亦唔怕對手搽滿顏料,Ming姐姐都讚佢叻叻呀,呢幅都可以話係我同姮姮一齊做ga母親節禮物啦.

今日姮姮第一次返playgroup,total有6位小朋友,其中4位已經返左呢個playgroup一至兩個月,而姮姮同另外一個大佢兩個月左右既小朋友就係新生,姮姮係全組最細既一個,導師叫 Ming姐姐,仲有一位助導叫雪雪姐姐,一開始Ming姐姐就帶領大家拍手唱午安歌,充滿好奇既姮姮就眼定定咁望住Ming姐姐,識得拍手既佢亦唔肯跟蹤拍,即使我想捉住佢對手拍佢亦都唔比,唱完歌Ming姐姐點名,本應識得舉手示意到既姮姮當Ming姐姐叫佢個名時又唔肯舉手.點名後Ming姐姐要大家跟住佢做動作,摸摸頭,摸摸瞼,摸摸肚,摸摸腳趾等,其實呢d動作平日係屋企叫姮姮做時佢都已經識得做,但就係唔肯係呢度跟隨大家一齊做,只係企係度望住人地,完左呢part後Ming姐姐就要d小朋友聽媽咪既指示分別從生果籃 or 蔬菜籃裡揀出指定既物品後再坐上踏步車運送到對面既果籃,有車車玩姮姮就最開心,亦成功運送左佢最熟悉既香蕉,蘋果&橙放係指定既籃裡,呢part完左後就玩泥膠,第一次接觸泥膠既姮姮最想就係將佢放落口,玩左陣泥膠後就做勞作,Ming姐姐每人比左番畫有雲&傘既畫,要d小朋友將d紙碎貼上畫度做雨點,之後再用水彩上色,姮姮既呢幅傑作要下星期先有得拎番,到時再影比大家睇.做完勞作後就食d餅乾,雪雪姐姐要小朋友舉手&講要先會比,而姮姮就用佢最叻果招點頭示意thanks you.食完餅後就玩另一個遊戲,地下放在d玩具魚,當Ming姐姐彈琴時大家就圍住扮魚魚游水,琴聲停既時候就可以捉地下d魚魚,到琴聲再響時就要放生d魚,未識扮魚魚游水既姮姮我就拖住佢行,琴聲停時我就叫佢去捉魚,不過佢拎到後就唔肯放番d魚落地下,好在玩多一兩次後佢都肯照住做,之後到最後一part,雪雪姐姐拎左支類似啦啦球既野比每位小朋友,要佢地拎住黎跟蹤Ming姐姐既琴聲做動作,但姮姮就唔敢掂支野,望住其他人係度笑,玩完遊戲,唱埋good bye歌後就走啦,離開課室前Ming姐姐要咁多位小朋友互相講bye bye & 扼手,姮姮都好主動肯去做.到左夜晚我同姮姮係床玩既時候,佢就依依哦哦咁做番Ming姐姐教既動作,之後我就問佢咁魚魚點游水ga,佢就真係識得做比我睇,見到佢記得今日學過ga野亦識做番出黎真係好開心,希望下星期佢肯同其他小朋友一齊做啦.

可憐ga姮姮今日係我果張比普通床較為高既油壓床午睡時跌左落地,下巴&膝蓋都整損左,真係心痛死我,可能佢仲未瞓夠,我抱起佢喊左陣後好快又瞓番,等佢起身後我地就過德褔影相,德褔而家整左好靚ga澳運kitty裝飾.今日姮姮好攪笑,我叫佢笑笑影相時佢就自創左d古怪既表情出黎,影完相就諗住過mega box 既冒險樂園玩,因阿mei同我講話mega box 開左間用森林做主題ga大型冒險樂園,但當我地去到時完來冒險樂園係未開ga,亦唔知幾時開,咁我地就唯有上mega kids行個圈啦,好在都有收穫買到野比姮姮,之後返過德褔食完野後就返SMP啦.

下午帶左姮姮去將軍澳廣場行,途中經過OK店買左兩友甜桐,一d都唔怕凍既姮姮大啖大啖咁食,仲食到成咀都係,但當行到將軍澳廣場門口時姮姮唔小心扒左落地,佢手上剩餘小小既甜桐亦都就咁無左,佢就當然大喊啦,無計下就逗佢去7-11買左條糖先笑番.係商場行左陣,經過運動家門口時姮姮就被放係廚櫃既足球仔吸引住,點都唔係走,雖然我都覺得d足球仔好靚,但屋企大大細細既波已經有好多個,真係唔想再買,老公諗抱姮姮入去比佢摸下後就走,真係想得天真,個波係姮姮手上ga話又點會再放手呀,所以最後都係買左個藍色既比佢,最開心就當然係姮姮啦,但完來老公都好鍾意藍色呢個波ga

尋晚我妹話姮姮望住自己腳底時講Dirty,但當時我又無留意聽到,之後我返到TKO,老公返黎就同我講話我妹打電話比佢同佢講姮姮識講Dirty,大家睇下聽唔聽得出姮姮講緊Dirty