| «‹ May 2015 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2008 年 2 月 13 日 星期三  |
| 病... |
分類: 未分類 |
返左兩日工,今日又病啦,真黑仔,10點幾老公陪我係觀塘睇完醫生後先返工,之後我就返阿媽度大覺瞓.
|
| 2008 年 2 月 10 日 星期日 |
| 年初四 |
分類: 未分類 |
今日老公要開工lu,我就同老豆阿媽帶埋姮姮入大埔拜年,坐到3點幾就返屋企,我聽日都開工啦,幾日既年假就咁過左lu,老公今晚公司食飯,佢應該都係玩到天光先返ga啦. |
| 2008 年 2 月 9 日 星期六 |
| 年初三 |
分類: 未分類 |
11點幾起身,同老公係觀塘食左野後就上smp接姮姮去阿珮屋企拜年,join埋阿mei & 阿康,3點零鐘上到阿珮度,做左人契媽既Auntie mei硬係要派利是比巧巧啦,但估唔到姮姮都有wor,真係多謝晒.坐左陣阿wing & 阿盧都到埋,佢地成班就圍埋玩三公 & 大細,原本話5點就要走ga阿mei玩到6點先捨得走,攪到要打的返屋企,而我同老公就帶姮姮返tko食飯,到9點零鐘就帶返姮姮返阿媽度,之後就去apm睇長江7號.今日總算有番d節目啦.
|
| 2008 年 2 月 8 日 星期五 |
| 年初二 |
分類: 未分類 |
今朝瞓醒已經好好多啦,年初二無咩地方去,係屋企無聊到6點零鐘就同老豆阿媽一齊落堂家姐屋企坐陣,之後就再一齊返TKO,到9點左右阿媽就帶埋姮姮返SMP.到12點零鍾我阿妹打電話黎話佢係觀塘好唔舒服,咁我同老公就搭的士出去同佢睇醫生,排隊睇醫生既人超多,等既其間仲遇到馬仔&佢女友,傾左陣又見到阿杏同佢男友,但呢兩個見到我地就急急腳咁走,其實大家咁熟又使咩咁怕羞呀,最後攪到點幾鐘我同老公先搭的士返tko.
|
| 2008 年 2 月 7 日 星期四 |
| 年初一 |
分類: 未分類 |
今年過年真係好凍,尋晚開著暖爐瞓,姮姮就成晚都踢被,攪到我同老公成晚都無覺好瞓,9點幾姮姮瞓醒,我都無得瞓,頭暈暈好唔舒服,大年初一我就病倒了,仲要比姮姮攪到我成褲"金",事關我見佢想柯ng ng,就諗住除開條片逗佢柯,點知原來佢係柯軟野,我都黎唔切抱佢去toilet就柯左落我度,姮姮既衫又"high"到,地下又有,總之就一團糟啦,最後就幫佢沖涼,洗晒所有衫褲,又病又累又無得瞓真係人都顛.往年既初一我地11點零鐘就會揸車一齊出去拜年,但今年又凍又無車,所以覲塘區以外既地方就奶奶自己去,老爺就留係屋企等客人黎,我一家就同大伯出觀塘,去左兩家,坐幾分鐘就走,之後就搭的士返阿媽度,我晚飯都食唔落就去瞓覺啦,7點幾瞓,到10點幾朱玲佢地成班人上黎拜年我都無精神理佢地,食左粥後繼續瞓,大年初一我就係咁樣過啦,唉.... |
| 2008 年 2 月 4 日 星期一 |
| 團年飯 |
分類: 未分類 |
今晚屋企食團年飯,老公會早走,所以叫我放工後過灣仔等埋佢,但佢真係太忙啦,我等左佢個幾鐘先走得,早知我就係銅鑼灣行陣街先啦,8點幾返到smp,堂家姐都已經到左lu,姮姮到而家都仲係咁抗拒呢個姨媽,真係唔知點解.今晚阿媽整左好多餸,食到好飽呀.
|
| 2008 年 2 月 2 日 星期六 |
| 迦南intervire |
分類: 未分類 |
| 尋晚我同老公留係smp瞓,因今日要好早起身帶姮姮去迦南interview,9點幾就出門口,天氣好差,又凍又落雨,等左好耐先有的士,好在唔係遲好多,排隊登記完後老師就帶左我地去課室等,今次interview既人比起上次去啟思還要多,課室內有d畫筆 & 圖紙比d小朋友填色,但大部分既小朋友都無耐性坐定定填色,要走出課室玩,當然姮姮都唔例外,當佢見到課室外既玩具區有好多波波時就係都要出去玩,後來到miss帶我地參觀學校環境&介紹課程時姮姮都仲係要摟去玩波波,之後入到另外一間課室,miss又要d小朋友坐定定,唉...真係難為了我地做家長ga,但當miss拎起故事書,開始用d唔同既語氣講故事時,咁多位小朋友包括姮姮都定定望住miss,可惜唔夠一分鐘miss講完後又開始要四處走,最後我地就去到另一間唱遊既課室,入到去miss就叫d小朋友企出去中間叫佢地一齊拍手唱左首good morning既歌,之後就每位小朋友比左支星星捧要佢地揸住轉圜唱首little star,唱完歌後就各自同老師傾計,miss問既問題大致同in啟思時問既差唔多,邊位照顧姮姮,有無join playgroup, 平時玩開d咩玩具...傾完後就返屋企lu,等2月底寄信通知收唔收,走時又係等左勁耐都無的士,攪到本身已經唔舒服既老公仲要淋到成身濕晒,老公今日無得放假,所以佢送左我地返smp,比我逼佢睇埋醫生後就返工lu.
|
| 2008 年 1 月 27 日 星期日 |
| 行街街 |
分類: 未分類 |
老公今日都係放假,所以下午我地就帶姮姮過新都城行,我地先係KFC食野,呢個囡真係無咩必要都唔想帶佢出街食野,每次總係食到一團糟,食完野係商場行左陣,買左對鞋仔 & 買左套唐裝衫比姮姮後就返TKO食飯,星期日大家都出街辯年貨,買新衫,商場人多的是,但帶住姮姮就真係好難可以行得耐. |
| 2008 年 1 月 26 日 星期六 |
| 啟思interview |
分類: 未分類 |
為左姮姮既interview,老公都專登星期六放假,我地準時到達學校,無諗過我地遲左咁耐報名都仲有好多小朋友interview,坐滿兩間課室,老師安排我地入其中一間課室等,課室裡放左d玩具比d小朋友玩,玩左陣就有位老師過黎同我地傾計,miss拎住張有姮姮幅相既報名表問姮姮呢個係咪佢,姮姮見到後就攞過手唔肯比返miss,最後要用其他野同佢交換先肯比返張form老師,之後miss就問左我幾條問題,姮姮由邊位照顧,識唔識表達自己想要d咩,有無join playgroup...跟住又比條香蕉姮姮叫佢分別攞比我&老公,姮姮都好聽話肯跟住做,最後亦都肯同miss bye-bye & 飛吻,短短半小時左右既interview就係咁完結啦,同姮姮返阿媽度食左d野後我就同老公出灣仔join阿珮一家去會展睇學前教育展覽,呢個展覽無我想像中咁多野睇,好快就行完,確係有d失望,之後阿珮一家就去行街街,而我同老公就去sogo幫我細佬買禮物,跟住就過kln city 買野返屋企打邊爐,食飽飽後就帶姮姮返TKO.很累的一天.
|
| 2008 年 1 月 18 日 星期五 |
I'm is STUPID Mom  |
分類: 未分類 |
當姮姮仲係我肚裡時就已經諗定第時會比佢入讀迦南幼兒園,到佢出世後幾個月時就到網上尋找幼兒園既校網,但那時迦南就未有website,但我都會瀏灠一些親子討論網,睇下其他家長對於幼兒園既評語;時間過得好快,姮姮而家已經14個月啦,一心諗住到佢兩歲就會比佢返學前班,前幾日我係網上瀏灠教育局既website,那裡有整18區既幼兒園資料,好開心睇到迦南係07/08年有資格兌現學券,仲整左個website詳細介紹學校既資訊,係報名須知提到"投考2008-2009年度由9月10日開始接受報名"睇到呢句果心真係嚇一嚇 ,心諗姮姮08年既11月就到兩歲,咁我係咪已經錯過左報名時間呢...自己越諗越驚就打電話比阿珮,同佢討論左一陣後我地都以為應該唔係咁早就要報名.之後夜晚返到屋企我都不停咁諗呢個問題,到第二朝返到公司我就直接打電話到迦南問,原來我真係要07年既9月就要幫姮姮幫名,而家上午班已經無晒位啦,之後我再打電話到次選既啟思幼兒園問,呢間既上午班亦都full晒,講完d電話後我真係好唔安落 ,心跳得好快,自以為做足準備既我竟然忽略左留意報讀既時間,真係覺得自己好失敗呀,坐係位呆左一陣後就打電話返屋企叫阿媽帶姮姮落商場影証件相,影印出世紙&針卡,我係網上print埋入學申請表,填好所以資料後就叫老公今朝返工前親身去迦南&啟思交申請表,即時約埋interview既時間,啟思將會係1月26號上午11:15分,而迦南就約左2月2號上午10:00,而家只希望其中一間可收姮姮讀下午班,唉...我真係覺得自己好stupid呀 |
« | 5 | 6 | 7 | 8 | 9 | 10 | 11 | 12 | 13 | 14 | ... | 28 | »
|
- Get Your Own
