今日請左annual leave,瞓到差不多兩點先起身,本來會帶埋姮姮出銅鑼灣同係美國返黎既阿Jade見下面,但因佢臨時有事做而cancel左,所以就應阿珮約早d出apm行街,5點零鐘出到apm,行左兩個幾鐘,總算買到我想買ga野,shopping完就join埋阿mei & 阿敏先去餐廳?位,今晚我地一行八人預祝阿敏生日,等埋阿廬,阿明,阿wing & 好耐無見既阿鳳後就開餐啦,不過d野食就一般,生日就當然唔小得蛋糕啦,但因餐廳要收切餅費所以我地就改去foodcourt,阿明老公仲帶左瑤瑤過黎,瑤瑤出年就要做家姐啦yeah!我地係foodcourt唱完生日歌就拿拿臨食埋蛋糕走人,因foodcourt d阿姐話我地唔可以係度食外來食物.快速食完蛋糕後我地就陪阿敏去shiseido買野,本來我地仲興起想出旺角買鞋,但果時已經10點半lu,所以最後都係決定聽晚先再出去,咁我就同阿mei一齊搭車返smp,11點幾返到去姮姮都仲未瞓,唔知係咪知道我買左甜品比佢食所以等我返去呢

老公放假,我地已經好幾年無去過淘大,所以就諗住帶姮姮過去行下,本來諗住同姮姮去玩波波池,但因姮姮未夠90CM高而果度又無幼兒區,所以果位師奶員工點都唔肯比佢入去玩,其實姮姮好早都已經無再係幼兒區玩,因幼兒區太細滿足唔到佢,可惜今次遇著呢位師奶員工攪到姮姮喊著咁走,我地就唯有同佢過去德福果間,好在呢間唔使度高就比姮姮入,唔係都唔知點收科,但就整到我地無得行淘大.玩完兩次波波池姮姮都唔捨得走,咁就唯有同佢講話帶佢去巧巧屋企玩,因老公都想去睇下阿珮新屋,但去之前要搵電話打先,因我同老公都忘記帶手提出黎,點知OK & 7-11都無公眾電話,最後行到去美心酒樓先搵到電話打,可惜阿珮唔係屋企,咁我地就係德福行陣,仲遇到3劍俠,之後就過番APM去我地至愛既御泰坊食飯,係等位期間我就同老公講不如同姮姮去扭蛋呀,因我地每次帶姮姮黎呢度食飯都會同佢去轉角間扭蛋店,但老公就話一帶佢去就唔肯走ga la bor,咁我就話算啦,但與始同時姮姮已經指住扭蛋店既方向話拎波波,哈哈...真係唔好睇小佢d記性,不過佢今次都好乖扭左一個後就肯走,轉去另一間有display玩具玩既店舖度玩,無耐我地就有位lu,食飽飽後就帶姮姮返smp啦

今日下午約左mei & 廬係德福百老匯買入伙禮物比阿珮,我就早小小出門口係德福行陣順便買份生日禮物比靚女廬,買好晒野我地就join埋阿明一齊上阿珮度,幾個女人傾下計食下野時間好快就過,等埋Stella黎我地就為靚女廬唱生日歌切蛋糕,之後再等埋阿棠放工返黎接阿珮更睇住巧巧後我地就一齊出旺角譚魚頭打邊爐,我地幾個加埋阿敏&阿康一行8人有間獨立房坐,仲有電視可以邊食邊睇家好月圓so good!打完邊爐我,珮,廬,mei & 阿康就去旺中唱k,另外仲有一位阿康既friend(口水佬),今晚既阿康情緒好高漲,真係估佢唔到...唱到點幾鐘因老公係都要等埋我一齊返TKO既關係我就走先,好開心既一日.

同姮姮上完Playgroup就返阿媽度等埋老公收工後先一齊返tko食飯,大伯一早就同姮姮講話食完飯就帶佢落公園玩,但到我地話落時佢就因為阿大伯娘唔去,所以佢最後都無落啦,咁我同老公10點零鐘就帶番姮姮返smp公園玩,我地去到車站等巴士時等左好耐都無巴士,而姮姮就一直指住要去搭的士,我唯有同佢講的士無得用八達通"嘟"要巴士先有ga,平時好密班次既296A今晚都唔知點解會咁耐都無車,整到我地11點半左右先返到SMP,姮姮坐車時本來就好想瞓覺GA啦,但一落車見到公園咁多小朋友係度玩就即時醒晒,仲玩到唔肯走,12點幾先比我地迫住抱佢返屋企沖涼瞓覺.

今朝6點零先瞓,下午1點幾起身都無咩精神咁,整好D野後就同老公出觀塘食野,之後就上SMP接姮姮返Playgroup,今次呢間爸爸 & 媽咪都可以一齊陪伴上堂,佢地既點名方式都幾得意,老師叫名後,小朋友要舉手話到,之後就行出去揀番自己既相片名牌放落點名板上,第一次既姮姮就要拖住我隻手先敢做,點好名後就唱下歌仔,做一D小運動,之後就玩左過運波波&打搖古既遊戲,因同呢類活動同之前上果間既形式差不多,所以姮姮都唔需要我帶住,自己識得做.玩完後就做手工,幫燈籠上色,整好後唱多首歌仔就落堂啦,姮姮都玩得好開心.Playgroup完後我地就返屋企休息陣,到8點幾就同屋企人一齊落觀塘食飯預祝阿媽生日,到11點左右先返TKO,今日真係好累呀.

今日約左Mei & Wing去阿珮新屋,我先去APM Jusco買又大又靚既蘋果,之後行番落小巴站巷仔買野食,點知當我係手袋拎銀包出黎比錢時個手提電話亦跟住飛出黎直趺落舖頭仔傍邊既小水桐,拎番佢出黎後熄機都熄唔到,真係黑仔.之後返到smp接埋姮姮就坐的士過阿珮度,姮姮由見到我至去到阿珮屋企樓下講左無數咁多次巧巧,但當佢見到巧巧真人又無話好想同佢一齊玩wor.阿珮間新屋雖然細d,但佢同阿棠就整得好靚,我最鍾意就係客廳果個鏡櫃,如果將來我有機會可以有自己既家都要叫佢兩公婆幫我諗下點裝修.下午我地叫左pizza食,仲有阿mei買既美味cheese cake,真係超飽呀,坐到5點幾就走lu,阿wing因未夠鐘返學所以就同我地一齊搭的士返smp去我屋企坐陣,5點半左右等阿wing走後我就同姮姮瞓左個幾鐘.之後到10點幾我就過灣仔join埋老公去TST CEO唱K預祝vincent生日,carrie & vincent自然係今晚既主角,係柯導演 & 我地班工作人員栛助下vincent就預演左一場求婚記,哈哈...希望快d飲到佢兩個果餐啦,我地一直玩到清晨5點幾先走,真係老啦,玩通頂好辛苦.

不知不覺姮姮係Art Haven已經玩左4個月playgroup,佢每次都玩得好開心,最鍾意就係油水彩畫,但我見有好幾堂都重複玩番之前既活動,所以就想轉下第2間,係websit搵到間同Art Haven只係相隔一條街就有間叫小跳豆扭扭園地,呢間除左有親子playgroup,仲有學前playgroup班 & 英文故事遊戲班,今個星期日我就會同姮姮去返第一堂既親子playgroup,希望佢會玩得開心啦

今朝姮姮比尋日更早起床,7點半就醒左,食完早餐玩陣後就同佢沖涼,收拾好D行裝,12點左右就同表姐出去食下午飯,食完野就一齊過表嬸屋企坐陣,到4點幾表姐就車我去火車站JOIN埋麗如一齊返HK,6點零鐘就返到SMP,老豆阿媽落左黎樓下等,阿媽無見姮姮2日就好似一日不見如隔三秋咁,前一晚仲話瞓唔著;呢兩日雖然無去邊度玩,但帶著姮姮都已經夠晒累啦.

今日終於可以瞓返夠本,2點零鐘起身後覆返電話比阿珮就收到個好消息,訐詩雅既BB尋日已經出左世啦,早左成個月呀,但就要開刀生,希望BB健康快速成長,好想快D去探下佢地呀.

瞓醒同老公落觀塘食野再去APM行陣後就返上SMP接姮姮過琛圳,今次係姮姮第2次去琛圳表姐屋企,對上果次已經係去年10月份GA時候,寶玲7點零鐘就已經由廣州到達表姐屋企,而我地就8點零鐘到,姮姮最開心就係行表姐屋企GA樓梯,大家都話姮姮靚女左,好精叻&董事,但有樣野就比唔上佢螢螢表妹啦,細姮姮個幾月GA螢螢講野好叻,而且仲識得唱好多首兒歌,螢螢比起姮姮就更加男仔頭,兩個BB再加表姐8歲大GA女琳琳,3個人好快就玩熟啦;老公聽日要返工,所以今晚就約左佢D同事過黎按摩,到聽日一齊返工,11點幾佢就走LU,老公走後我地都去瞓啦.

去年10月影GA合照,姮姮仲係一個光頭妹.

相隔差不多一年再見,兩個都大左好多呀,姮姮總算似番個女仔啦.