今晚約好左mei,巧媽&巧巧,廬,阿魚&姮姮一齊去西貢花卉食坊BBQ,本來約好5點15分係觀塘等,但因姮姮遲左起身,所以攪得黎就遲左差不多15分鐘先落到觀塘,真係唔好意思,我地一行7個全女班6點零鐘就入到去,姮姮&巧巧都係第一次去燒野食,佢兩個到處走玩得好開心,姮姮今晚好攪笑,佢見巧巧一跑就追住佢講"喂喂喂唔好趺呀,小心D呀"我跟隨佢兩個後面睇到都笑鬼死,好耐都無燒野食啦,今晚真係好開心,但因無男人係度叫頭叫尾,所以就辛苦晒mei mei佢地啦.燒到10點幾諗住call八折的士出apm食糖水,但無車入黎,所以我地就唯有出路口搭,點知上左架煩鬼的士,我地上左車幾分鐘先係度講話咩我地有5個大人+兩個小朋友,如果比警察抄牌就要我地比罰款,吵嚷左陣後我地就落車轉小巴出彩虹,比呢個的士佬整到我地都無心情去食糖水啦,咁就各自返屋企,mei mei因叫左阿康落黎觀塘,所以點都要陪佢食d野啦,咁我同阿魚就帶姮姮先返屋企,返到去姮姮都好累啦,飲完奶好快就瞓左lu.

今日我又攞左annual leave陪老公一齊放假,老公一早就起身整電腦,而我就瞓下醒下咁到下午點幾先起身,整好晒d野後差不多3點就落觀塘食野,之後就返smp接姮姮出街,因今朝老公已經係電話度同姮姮講左話帶佢去波波池,所以即使姮姮好眼瞓佢都唔肯瞓係都話去波波池,去波波池咁,之後上到巴士無耐就瞓著lu,到左klb bay後我地就抱著呢隻懶瞓豬行陣德福,但抱著佢行街確係好吃力,咁就唯有去冒險樂園門口的長椅坐,我知姮姮聽到d音樂聲定會好快醒,果然坐左都唔夠1分鐘姮姮就醒啦,一開眼望兩望就鬼咁開心,仲唔使我抱即刻要落地拉我同老公入去玩,哈哈..真係比佢笑死,之後同佢玩左兩次波波池&其他機動遊戲後就走lu,因阿媽煮左我地飯,所以就返smp食飯啦.

呢個星期都瞓得唔好,即使好累好眼瞓都總係蹍轉反側咁不能入睡,前兩日仲開始有D鼻塞,食左幾次感冒藥都無咩見效,經過尋日姮姮生日會既忙碌後就更加累上加累,尋晚瞓覺時鼻塞就更加嚴重,到今日終於病倒了請左sick leave,11點幾返smp睇醫生,感冒而引起鼻敏感,返到屋企食左藥瞓陣後已經好好多,6點零鐘就同我細妹帶姮姮去淘大行街,一心諗住買對boot比姮姮,但無晒size,最後只係買到件襯衫,之後豬皮放工過黎join埋我地一齊去波波池,順便約埋巧媽落黎拎番個usb比佢,同姮姮玩左陣後就搭車返屋企食飯啦.

今日我既寶貝女小惡霸姮姮兩歲啦,呢兩年真係辛苦晒婆婆呀.姮姮一早8點幾起身,刷牙洗臉後就第一時間柝大伯&大伯娘送既禮物,份禮物大伯前幾日已經放左係我房,尋晚帶姮姮返TKO時佢一入房見到咁大份野就已經問"係咩黎GA",我就話"唔知呢,係大伯GA,你等佢返黎後先問佢啦",但姮姮未等到大伯返黎就已經瞓左LU,所以今朝一早起身見到大伯就要柝禮物啦,姮姮慢慢柝開花紙後如我所料係電子琴,呢部琴好大total有54個key,有咪,可以錄音同其他好多function,姮姮每星期返TKO玩一日,希望佢無咁快厭啦

今日我地會係APM既KFC幫姮姮開兩歲生日會,下午點零鐘我地就先去景林村接我堂家姐既3個仔女,姮姮見到佢既欣欣表姐不知幾開心,落到樓仲唔使我&老公抱全程拖佢表姐一齊行去巴士站,到上左巴士坐低後都仲要拖住,到達APM先join埋老豆阿媽&姮姮另外兩位表哥仔,上到kfc阿mei,康,wing & wing家姐已經係門口等緊,呢4位最早到抵錫,跟隨阿鄺一家3人& Rachel一家4人都接著到,party 3點開始,當然有大部分人都遲到啦,直到3點45分左右先差不多人齊開始食野,之後kfc姐姐就同d小朋友玩下遊戲咁,跟隨就切生日蛋糕,平時姮姮係屋企我地唱生日歌時佢不知幾興奮仲拍晒手咁,今日唔知係咪因為有咁多人一齊唱比佢聽所以攪到佢怕左,好在最後都肯同我一齊吹蠟燭,生日蛋糕上波波池裡既糖就最吸引小朋友,大家都等侯姮姮將d糖果分比佢地食;由於今日比面出席既朋友都唔小,所以好難影到張靚既相,姮姮仲要影10張有9張都唔望鏡頭,食完蛋糕玩多陣後大家都陸陸續續離開,亦結束左今日呢個生日會,希望係生日會上有招呼不週以及比姮姮不禮貌對待既朋友唔好介意;辛苦晒今日既攝影師錦妮,阿銘 & 阿金

完左生日會後我同老公,錦妮+豬皮就帶姮姮&我堂家姐3個仔女去新都城既冒險樂園玩,因今個月既15號係姮姮細表哥軒軒既生日,所以我就先同佢去千色店買左對thomas波鞋比佢做生日禮物,之後就去波波池搵姮姮佢地一齊玩,4個小朋友玩得鬼咁開心,好在有豬皮幫手睇住佢地,我先可以坐係出面睇佢地玩,玩左兩次波波池 & 其他遊戲後我地就要送欣欣佢地3個返景林啦,送到佢地上樓離開時姮姮都仲唔捨得走,企係門口叫住欣欣表姐,欣欣表姐咁,最後豬皮唯有比粒糖佢先逼住咁比我抱走,之後我地就一齊搭的士返SMP,姮姐上車無耐就已經瞓著啦,但返到屋企放落床就醒,起身見到咁多禮物就當然想即刻柝啦,陪佢柝完禮物後我同老公就走lu,今日真係好累呀,但就真係玩得好開心

衷心多謝以下出席生日會既朋友,排名不分先後:明一家3口,珮一家3口,敏一家5口,靜一家4口,鄺一家3口,豬皮,wing & wing家姐,大玲,mei,康,廬,朱玲,蔡頭&熙妍,Uku & him him,stella,yoyo & 郁郁B,Tim & michael,馬仔 & 佢女友,金,銘,忠,細佬朋友(黑柴,超媽 & 另外兩位不知名姐姐),當然唔小得我同老公既屋企人&姮姮既表姐+4位表哥啦(如有數漏請告知)

姮姮:爸爸,媽媽祝你生日快樂,開心健康成長,Love You Forever

其他相可以去我facebook睇.

Annual Leave 但9點零鐘就起身,因約左11點帶姮姮去將軍澳健康院見醫生,我地早左15分鐘到,但就等左成個鍾先見到醫生,今日主要係比醫生睇下姮姮既內八字行路有無問題,姮姮當然唔肯比醫生掂佢對美腿啦,咁就唯有我同老公依醫生既指示捉住姮姮對腳比佢檢查,Check過幾樣野後醫生就話其實無咩問題,好多小朋友都會咁樣行路,到6-7歲左右就會自動行番正,但因為奶奶行路都係內八字既關係,所以就轉介姮姮去將軍澳醫院既骨科睇下,離開健康院後就行去將軍澳醫骨科排期,嘩...要排到09年既10月15號先有得睇;攪掂晒D野後就過東港城食野,食完野就同姮姮去玩波波池,今次玩一次就要走啦,因約左巧媽&巧巧3點出旺角黃醫生度打流感針,兩隻野係診所週圍走無時停,好快打完後就搭van仔返SMP啦.

前排係She.com幫姮姮參加左個小小model比賽,經過我地一星期既努力投票後終於勝出左,今日就帶左姮姮去佢地既影樓影相,total影左3套衫,我睇d衫既價錢牌件件都千幾2千蚊,其中有兩件係Hysteric Glamour呢個品牌既衫褲,真係好靚呀,呢d衫即使減價我都唔會捨得買呀.今次影相都好順利,姮姐都無發脾氣好合作,所以好快就影完3套衫啦,今次影左既相遲d會放係she.com,而一個月左右佢地就會send番呢d相既CD比我,到時再post比大家睇啦.老公知道我地今日係灣仔影相,咁佢就早d放工同我地一齊返屋企,所以影完相後就同姮姮去接老公收工,順便約埋standy嫂拎隻賤兔,因姮姮好鍾意打nds果隻瘋狂賤兔game,所以我就諗住買隻賤兔公仔比佢,但原來呢隻公仔唔係好多地方都有得賣,咁岩我同事既女友見到就幫我買左,姮姮見到不知幾開心,真係唔該晒standy嫂;姮姮同老公d同事玩左陣(其實都唔可以話玩,係阿sam既同事逗姮姮玩,而姮姮就兇人)7點幾我地就一齊返屋企啦.

今日約好左2點鐘上阿敏屋企幫雙軒慶祝生日,本來唔使咁早起身既我係9點45分比阿mei既電話叫醒左,因佢會早d 12點零鐘就搭的士上阿敏度幫手整野食,所以叫我join埋佢一齊搭的士,所以10點零鐘我就起身啦,返到smp係公園接埋姮姮上樓沖涼再等埋阿mei後就一齊搭的士過阿敏度啦,入到敏屋企見到軒軒已經無以前咁怕人,而浩B都仲係咁怕羞,姮姮都好乖肯叫哥哥&怕怕,而佩佩就正係度洗白白,佢真係好可愛呀又唔怕陌生,無耐阿廬就帶左靚女呈呈黎,呈呈高左好多呀,斯斯文文咁十分得人喜歡,本來姮姮同軒軒呈呈玩得好好地,但當阿明黎到要姮姮叫佢時,姮姮又無禮貌咁回應,我就由得阿明話佢睇下佢會唔會驚,點知阿明越鬧姮姮就越打,最後都係發脾氣喊收場,希望佢可以好似瑤瑤咁慢慢改左呢個打人既惡習啦;吵鬧完無耐阿珮 & Stella就到,stella既仔仔大左好多呀,完全唔同晒樣;因大家都肚餓既關係,所以我地就先唱生日歌,切蛋糕食野,無耐阿Lin & 家怡都到埋,him him 仲好主動咁送禮物比雙軒;全屋十幾個小朋友玩到到處都係玩具,當然唔小得爭玩具玩呢d情節啦,大家玩到5點幾就走,多謝主人家既美食&辛苦佢地收拾地方啦.祝雙軒身體健康,永遠都開心快樂

小惡霸今日舊曆已經兩歲啦,尋日就收到Auntie 珮 & Auntie Stella送既第一份生日禮物Kitty單車,多謝晒兩位靚Auntie呀,姮姮收到架單車好開心呀,第一時間帶落公園玩,到我尋晚放工返去後佢已經踩到一兩下啦,睇黎佢好快就會學識自己係公園同其他小朋友賽車...呢個兩歲人仔學野好快,而家已經戒左片啦,係屋企又經常學我阿媽拎住條毛巾週圍抹;每次出街前都會自動自覺將玩具收拾好;做咩都淡淡定定咁好鬼老積;但亦有令人頭痛既問題,就係唔願意跟不相熟既人打招呼,仲要講"打你呀","米呀"(唔要)呢d說話去回應人,一有d咩唔順佢意時就發脾氣打人 & 搣人,我都唔知有咩辦法可以教番好佢呢個問題.今日收工後約左老公帶姮姮出太古城,我地先去Apita買左對布鞋仔比姮姮,即買即著不知幾開心,本來我仲想買條牛仔褲比佢,但佢點都唔肯試話條褲"吉吉",而家想買野比佢真係要佢鐘意肯著先好買,因我係食lunch時係香港仔買左對好靚既平底鞋仔比佢,但佢一試就話唔要點都唔肯著,真係激死我呀.買完野就諗住同佢去玩波波池,但點知裝修無開,姮姮同我地講左幾次波波池,唔想佢失望咁老公就打電話去check最近太古城既冒險樂園係邊,最後就唯有轉MTR去北角既和富中心,點知由MTR行去和富中心係好遠GA,所以去到時我&老公未陪姮姮玩都已經好累啦,玩到9點左右我地就join埋我細妹去apm買kfc返屋企食,因我已經無精力帶著姮姮係出面食飯啦,返到屋企食完野後就同姮姮切蛋糕,我地圍住唱生日歌比佢聽時不知幾開心,希望姮姮既壞習慣可以快d改好,做番個有禮貌既小朋友啦. 

記得小學時我,珮,娜,鄺組成四朵金花,好難得我同阿珮既友誼keep到而家,一直我地都好想搵番阿娜&阿鄺,而因facebook既關係我地就遇番阿鄺,真係好開心,阿鄺同我地一樣都已經結左婚亦都生左個女,佢囡囡霖霖細姮姮兩個月左右,今日我地就相約係阿珮屋企團聚,去到阿珮屋企樓下就見到阿鄺兩母女,姮姮&霖霖仲拖住手一齊行,睇住佢兩個拖住手一齊行真係好開心好得意,上到阿珮度姮姮唔知做咩好被動,而霖霖&巧巧兩個好快就玩得好close,睇住佢地就好似我地3個細個時咁.玩到5點零鐘我就同姮姮走先,因要過油塘我堂叔屋企食入伙飯,係油塘站join埋我妹就一齊行去油麗村,抱住姮姮行呢段路真係唔容易,我又唔知做咩將32樓記錯係38樓,諗住搭life落番32樓,點知部life又傻傻地唔停,攪到我地要行樓梯落去,入到屋將姮姮交比阿媽後總算可以休息下,堂叔新屋既間隔係同阿珮屋企一樣ga,但就多阿珮一間大房,今晚有好多人黎食飯呀,只計小朋友都有6個,可惜無影到相,希望下次有機會影番啦.

尋晚唔知點解成晚都瞓唔著,10點零起身食完野後就帶姮姮去屯門探sandy & B囡,12點半係樓下join埋阿mei後就一齊搭車落觀塘轉巴士,阿珮& stella就係九龍灣上車,姮姮第一次搭長途車,好在都無摟計,坐完個幾鐘巴士後我地仲要再轉的士先去到sandy屋企,已經個幾月大既b囡好可愛,個樣好有褔氣,姮姮都好鍾意BB,但對幾位Auntie就唔係咁友善啦,唉...我都無晒辦法呀.我地係sandy屋企食完野坐到5點幾就搭小巴直接出旺角,呢段車程真係好慢長,搭到大家都呆滯晒,出到旺角我就先帶姮姮比老豆阿媽接返屋企,姮姮一跟阿媽上小巴就大喊啦,因佢一直都話要跟我去街,但我知阿媽好快就會攪得掂佢,之後我同mei,珮就去打邊爐,stella就返屋企湊仔仔,我地食到8點零鐘就join埋阿廬行街,可惜行左成晚大家都買唔到想買既鞋,10點幾我已經累得很所以就走先,希望今晚會有覺好瞓啦.