嘩嘩, 真係好耐冇打BLOG啦, 實在有太多藉口啦 !
上網睇 [烈火雄心2], [長腿叔叔], QOOZA上唔到, RESTAURANT CITY...... 太多...
唉, 放暑假啦, 我既生理時間表已經俾我整到冇得返轉頭.. -口- "
我通常凌晨五點幾六點訓 <--- 如果識我媽唔好同佢講, 我一直都係話我三點幾訓.. KE :P
之後就因為游水, 訂書, 攞試卷既理由, 早上七點幾八點起身, 之後一路生存到下午兩三點..
跟住就會訓到晚上八點, 之後又食飯, 睇電視, 玩電腦到四點左右..
入房通常都未訓得著, 我就會睇書, 睇漫畫, 直到訓覺.. <---- 哩兩個星期我都見過四五次天光. -口- "
有一日, 我入左漫畫會做會員, 入手既當然係 [交響情人夢]啦 ! :P
有好多電視劇冇既情節, 睇既心情就好似哈利波特咁...
由於將電視劇睇得太多次, 已經令到我唔係幾想再睇果本電視小說.. -口- "
另外有一日, 我喺圖書館見到一本足足令我興奮左一個星期有多既書 --- [馮奇的足球旅程]
唔期望你會知道佢係邊個, 全名 馮嘉奇, 係香港甲組足球員中, 唯一一個係碩士畢業生..
佢喺英國留過學, 喺有線講過波, 做過有線四小強, 06年世界盃環遊過世界..
最令我驚訝既係, 佢竟然係喺屯門長大, 體藝畢業....
又有一日, 我知道左一個令我驚訝左一個多星期既消息, 細SO同阿WINGGG離婚..
我曾經聽過一次細SO求婚既聲音片段, 感動既, 不過估唔到.. -_- " <---- 唔見左好耐LU..
到左今日, 我見到D好珍奇既野.. 話說我今日去左萬寧行到去髮型果一行,
見到一支牙膏型既髮泥叫做 [超硬髮泥], 隔離又有一盒同牌子既髮泥叫做 [激硬髮泥]..
如果唔同牌子都可以明白, 但係同牌子喎, 咁兩支又有咩分別呢 ?! -口- "
[最好的時光]第三輯終於面世啦, 雖然我仍然重溫緊第二輯, 睇怕我都係重溫第三輯..
講真我對第一輯係完全冇興趣.. -口- " 第三輯有黃浩然喎, 受我歡迎程度又增加啦.. KE :P
不過始終最喜歡既都係.............. KEKE :P 其實聽落佢同E記都幾[o親]..
-------------------------------------------------------------------------------------------------------------
七月十日, 正式中三啦, 3D呀 ! 開心定唔開心呢 ?! 都唔錯既... KE :P
FING就3C開心啦佢, 恭喜鄧飯女士[升]左去2D, 唔好蝦細路呀 ! *U*
唔知係唔係太耐冇打BLOG...... 太長啦 ! :P
FING姐姐星期四去長洲度假呀, 又好開心啦, 睇怕距離佢起身既時間都差唔多啦..
阿哥俾左條好耐好好睇既片我睇, 做得真係好靚 ! *U*
---------------------------------------------------------------------------------------------------------------
REST IN PEACE TO M. J. ! 一首百聽不厭的歌曲[ Smooth Criminal]
|
嘩嘩, 勁過鐳射眼呀 !