明天會更好~

明天明天~

唔知點解,人愈大愈想過生日^^"

呼...記得...我到6歲先知自己幾時生日,

但7歲果陣...就已經離開父母,去到一個魔鬼的地方,住左五年...

到左12歲,落左尼香港,

結果MA,發現冇咩人重視生日的,

又或者係...冇咩人重視我既生日...

中一至中三,冇咩人同我講過生日快樂,生日禮物更加唔會諗,

而且,生日利是父母都係中三先開始俾...每人俾20蚊...

哈...衰格D就話佢地好孤寒,好聽D就話佢地節儉...

到中四喇,開左個FACEBOOK,都係得寥寥幾個,

不過慶幸既係,D FD終於肯正視下我既生日喇,

到中五,認識左她...不過MA,她好被動的,我生日時一句生日快樂就算了,不過呢,她次後送左條頸巾俾我,咁大個仔第一次收女仔咁大份禮物,雖然冇乜點戴,但都好開心...

之後班FD仲約我去樓上COFFEE食野,第一次去咁既地方,仲帶埋她同班FD第一次見面,開心死...

笑...

呼呼...又係度回憶了...我這個傻子回憶先生...

今年MA...星期六去邊爐,笑...

至於天日...無奈,因為考試,D人肯講一句生日快樂就好俾面,

不過SO忠都應承放學同我一齊食飯,笑...

對我尼講,雖然冇卡,冇CAKE,不過都好開心,

有D想去返上次既譚仔,試下個套餐,因為上次見SO忠食得好滋味,

一年得一次,天日一定要狂食!

哇哈哈...

記得...

上年...我作左個愛的宣言給她...

說...2011年1月11日...愛你一生一世一心一意一個人...

笑...哈...今年2012年1月11日...

本來一早作定想和她說的...

不過...

7個月前開始已經沒有必要了...

那些話,就掩埋在歷史中吧...

呼呼...別想喇,明天會更好~

希望數學份卷易D,等我可以接近合格就好好^^"

當係學校俾我既禮物啦~謝謝~

生日倒數一天!=)

我記得...今日係2012年01月07日...

我記得...剛剛我又打錯左字,我打左2011年,剛剛改返...可能2011年實在太深刻了...

我記得...今日,她主動搵左我,有5日冇聯絡喇...

我記得...5日前,我係因為她男朋友所講既野再加上挑釁而沉默了5日的...

我記得...果日,我搵左熊熊撐場,仲同熊熊講左好多野...

我記得...自果日之後,我連熊熊都冇聯絡,因為我知道佢伊家剛剛先同一個人拍拖,終於算係放低我,我冇能力俾到D咩佢,但都想佢幸福,所以唔應該令佢男友有所誤會...

我記得...我剛剛其實好矛盾的...因為掉轉尼講,我同樣冇乜能力俾到她D咩,點解仲要自己咁辛苦...

我記得...今日她主動聯絡我,她又轉左新電話...

我記得...今日當她話好無聊,要我陪佢玩既時候,我有猶豫過...因為熊熊的說話不斷提醒我...

我記得...今日冇聽到她命令,她叫我賣完報紙打俾佢,但我賣完報紙之後冇打到俾她,要她自己苦苦相侯...

我記得...她係MSN打左句歌詞,說她好孤獨...

我記得...我當時第一時間覺得好好笑,但又好矛盾,我自己係乜野身份,她有個男友,十分要好,連人地屋企都上埋了...我算是什麼...

我記得...最終我都冇搵過她...我真的很矛盾,一方面嫉妒心發作,不斷在想她都有男友啦,找男友就得啦...另一方面卻很內疚,如果不是真的很無聊,她是不會找我的,既然如此,我是真的令她很失望了...

我記得...她在電話最後說,唔阻你溫書啦咁...我什麼還沒來得及說就被掛線了...

我記得...這是她口是心非以及有點耍脾氣的表現...

我記得...我是滿心希望可以多談一會兒的...

我記得...最後我還是沉默了...

我記得...明天是1月8日...

我記得...她打來時我第一時間就想她是不是在提醒我明天,因為明天是1月8日...

我記得...明天是我初戀的開始及初吻的奉獻一周年...2011年01月08日,我和她一吻定情,正式走在一起...

我記得...那個吻是偷偷摸摸在她家樓下吻的...

我記得...那時候大家都非常緊張的樣子...

我記得...那個吻只是蜻蜓點水,不敢在那香唇逗留太久...

我記得...現在的心很虛,因為我不知道她還記不記得這個日子...

我記得...分手前幾乎每個月的第8天我都會盡量抽時間見她,和她玩,和她遊,和她吃東西...

我記得...因為...2010年08月08日,我和她相遇了...所以每個月的第8天都是紀念日,值得珍視...

我記得...分手前只有一次的第8天沒有和她見面...

我記得...是2011年05月08日...原因是,5月7日我約她上了我家,再次揭露我自己最罪惡的一面後,5月8日我就以各種理由沒和她見面...

我記得...應該是那一次之後,她對我完全失望了,然後認識了要負上我和她分手三分一責任的他...

我記得...我5月28日說了謊,最終到了她家再次揭露最罪惡的一面...令我自己的信用度再次大減...

我記得...6月8日,我又到了她家,我忍不了再提出要求但沒得逞,她對我應該再沒有希望了...

我記得...因此...第二天,2011年06月09日,她接受了他的追求...

我記得...2011年06月09日21時47分...她發送了一個訊息給我說...我地分手...

我記得...我最擔心的事終於發生了...

我記得...我打了不下十次電話給她,她一次都沒接...

我記得...我沖到樓下避開家人耳目打了電話給她的好友炫姐...

我記得...一句我永遠不會忘記的語氣與話...

我記得...當時我要炫姐打給她聊天,我不說話聽著她們談...

我記得...當炫姐問她為什麼要接受他的追求時...

我記得...她說了許多話都是關於他的...

我記得...我最記得有一句說話...

我記得...她說...哇,佢住係半山嫁WO...

我記得...當時我差點跪在地上...

我記得...我當時覺得自己已沒有勝算了...

我記得...當時我總認為她認為我窮,不願再與我一起...

我記得...當她說不想我死纏爛打時,我終於忍不住說...你放心,我絕對唔會死纏爛打...突然我就掛線氣沖沖的回家了...

我記得...我回家後立即沖進沖涼房沖凍水涼...

我記得...我一路沖涼一路喊,一路好大力咁打落棟牆度,直至聲嘶力竭...

我記得...第二天,6月10日,我憤慨地寫了一大篇東西,以我朋友的名義質問她...

我記得...當晚,我和她凌晨還在SMS,我終於知道...其實,分手最大原因是我...是我的那些罪惡,也因為我太煩...

我記得...她那晚說,第二天會再到我家還我我送過的東西,還說是最後一次,讓我做什麼也可以...

我記得...我當時立即拒絕了...

我記得...我當時很內疚...原來...在4月5日犯下的錯,是不可彌補的了...

我記得...第二天,我主動去找了她,要在她面前自廢一手承諾結婚前都不會再在這種事件發生...不過被她極力阻止了...

我記得...到中午開始...我便跪在她家門口,跪了兩個半小時,一直默默哭著想她原諒...

我記得...最後被炫姐勸動了,在門口跟她說了很多,最後,在下午四時多終於離開了...

我記得...我剛剛犯傻了,一不小心又打開了記憶的匣子,打了這麼多事...

我記得...剛剛醒覺時,很想把字都刪去...不過又捨不得...

我記得...其實...08月08日,是我和她的日子,其實也是我和熊熊的日子...

我記得...我對熊熊,其實也是很內疚的...

我記得...2011年08月08日,我在等她,但她卻整天沒有露面,但我卻遇上了熊熊...

我記得...這個意外的相遇,令我發現熊熊和她有不少相似之處,滿心落寞的我抓住了這個救生圈...

我記得...其實我真的有喜歡過熊熊...

我記得...我和她其實只有兩個芥蒂...第一是有些東西我始終認為熊熊騙了我,但我又怕說了會真的傷了熊熊而一直蔽在心頭沒法開解...第二是我對她始終有些事放不下,沒法把真感情真正放在熊熊身上...

我記得...其實到現在我對熊熊仍滿內疚的...每到每個月的第8天,本來我一個受傷就夠了,卻令熊熊也跟我一同受傷...真的很對不起...

我記得...我剛剛在想...明天到底怎麼辦好...我已不知道怎樣做好...

我記得...我在想...我很忐忑,很迷惘...因為...面對1月8日這個日子,我可以怎麼辦...我也該怎麼辦...

我記得...12月21日是我和她相見一周年,但那一天我沒能去見她...如今,又一個這麼重要的日子,我該怎麼辦呢...

我記得...我現在已不是她的誰了...我還有什麼藉口和理由再約她呢...

呼...其實...我記得...我今晚七點幾開始打BLOG...打到伊家...九點幾了...

呼...其實...我記得...我應該關機好耐了...

呼...其實...我記得...我記得很多東西...我累了...

        記得在我五歲時，曾祖母因病與世長辭，那時我還小，曾祖母也不是我特別親的人，只是常給我糖果吃的人而已，我並沒有太在意。那天目送著送殯隊伍的遠去，我也只是好奇罷了。
        現在,我並沒有親人離開，為何我會從腦海裡搜出這後記憶呢?原因是由內地親戚那裡打來的一通電話:爺爺再度病倒了!
        爺爺經歷無數風雨，現在已是個八十二歲的老頭兒了，經歷了日本侵華、國共內戰、大躍進後的饑荒以及文化大革命等等。爺爺雖沒老掉牙，但已老態龍鐘了:由於腳疾走路速度可與蝸牛媲美；由於手疾而總拿不穩東西；由於過往幾次中風令他做事總會比別人遲鈍得多。不過，爺爺從小就練得一手悅耳的琵琶、掌板及二胡，奶奶也是被其才藝吸引而選擇與爺爺同甘共苦。當然，爺爺寶刀不會老，我們小時候是如此，長大也是如此，即使有手疾及曾中風，爺爺在演奏時卻一點手振也沒有，還演奏得繪聲繪色。爺爺除此外有何過人之處呢，那便是懂得關心後輩。爺爺是營業士多的，從小我和其他表兄弟姊妹就常到他店內毫不客氣地把那裡能吃的東西吃個精光，而他卻也樂得看到我們開心的吃相。長大後，我們不再眷戀爺爺店內能吃的東西，卻常換來他那嘮叨不停的聲音:「和啊，在香港好好唸書啊，將來要考上大學啊!」「杰啊，要聽父母的話，不要再與他們斗嘴啊!」「萍啊，女孩子不能那麼開放，不要像個男孩啊••••••」我們常被他嘮叨得不耐煩，常只敷衍他幾句便算，在這年代，還有誰會認真對待這些說話?
        爺爺的一切一切在我腦海內迴旋著，他的笑容、他的怒容以及他那如火般灼熱的目光。對爺爺的思念，如泉水般湧出來。爺爺又中風了，這次比較嚴重，已躺在醫院幾天不能動了，醫生為他動了手術仍未有太大轉變，好像已經在懸崖的邊緣了。內地的親戚們亂成一團，每個人都在打最壞的打算。
        在這一刻，我彷彿看到了曾祖母，看著她緩緩地隨著那天的送葬隊伍前進，偶然，她回頭向呆在路上目送隊伍離去的我露出笑容，一個彷彿已解脫了的笑容。曾祖母患了白內障很多年了，眼睛幾乎看不見了，且一直沒有被治好，身體機能也因疾病及老化而一天天衰退下去，每次走動都要別人挽扶及使用拐杖，對她而言，或許真的是解脫。她當時活下去，可能只是為聽到每次給我們糖果時我們所發出那小孩專屬的、天真的笑聲而已。
        而此刻，爺爺的身影卻疊在曾祖母的身影上，同樣地隨著隊伍向前走，突然，他也回過頭向我展齒一笑:「和啊，一定要考上大學啊，我們家族可要光宗耀祖了，我也好走好去了啊!」說完，他回過頭繼續隨隊伍邁步，直走向道路的盡頭••••••
        我的眼淚早已迸發出來了，我立刻打了一通電話到學校，申請了一個星期的假期。我要趕回內地，那段路，我要靜靜地陪著爺爺走，我會答應他我一定會考上大學，在道路的盡頭，我會目送著他步入那外世界的大門，然後送上一輩子最真誠的祝福:爺!您好走好去啊!我們家族一定會光宗耀祖的，您不用惦記我們了，好好安心上路，我們一定有機會再見的••••••

呼,好耐好耐冇上尼LU...

個BLOG就好似冬天咁,

冷冷清清,

呵...

最近好多好多事,

但我懶左,

伊家唔打了,

尋晚...

10點幾訓,2點幾先訓得著,

原因係,我又俾我既思想纏住左...

最離譜既係,尋晚我大部份時間居然係度諗緊我既遺言,

一篇打出尼起碼幾千字既遺言,

我照住順序女士諗先,

由我出世到伊家一D接觸過既女性開始諗...

阿媽,不能出生的阿妹,阿太,萍萍表姐,靜雯,女班長,嫲嫲,婆婆,阿姨,大姑媽,二姑媽,三姑媽,四姑媽,五姑姐,君君表姐,鳳儀表姐,雯雯表姐,凌凌表姐,偉詩表妹,一個忘記名字的女同學,何綺紅,嘉茵表妹,伍老師,冬姑頭,MISS關,希希,YOYO,晴晴,洋洋,嘉欣,欣欣,炫姐,姍姐,阿菜,惠儀姐,熊熊...

以上,都係由出世到伊家算係我最在意的女性們,當然其中有D唔係,例如幾個姑媽同表姐,只不過都有野想同佢地講而已...咳咳,附帶一提,上面有十三個係我鍾意過或愛過的人...咳...或者有補充^^"

當然有可能有D補充...

到男性...

阿爸,爺爺,阿公,死去的大哥,二哥,世平,金郁,舅父,二叔公,彭彭表弟,杰表弟,大姑丈,二姑丈,三姑丈,四姑丈,昔日的五姑丈,和我相同名字的哥哥,峰,小肥仔,涼粉草,矮仔,阿曦,錢SIR,曠SIR,小巴司機,顏SIR,SO忠,豪仔,傻生,智西,智毛,子仲兄,鍾林,奶嘴,仇人,貴文,豐哥,淫蟲,淫朗,武田信玄,織田信長...

咳...差唔多啦,可能都有補充...

以上所有人物,個個打一段野,都幾YA...

笑...

遲D...一次過打晒佢,可能需要五至六個鐘呢,甚至更多...

因為有D人要打既野太多了...笑...

呼...諗左成晚,就係諗對以上人士既遺言,

哈...做咩突然咁想死呢...

唔知喔...

我真的不知道...

只想快快打出我真實的心底話,然後...什麼都不用想...

什麼都不再想...

對了,講過野俾你地知-.-

剛剛...

一開始打女性既時候,

我就唔知做乜流鼻血-.-

十年都唔流一次鼻血既我突然流鼻血-.-

咳咳...我明明冇諗淫野又冇及女-.-

可能太熱氣^^"

流到伊家仲未流完-.-

咳...

11點35分了,

咁夜仲開到機係奇蹟,

所以,長話短說了...

E幾日,發生左好多事...

而今日,哈,2011年最後真正上課日呢...

中學生涯又少一日...

本人壽命又短一天,

笑...

今日夜晚,去左表弟間小學食自助,

食完之後自己一個去左籃球場睇細路玩,

係E度,好有小學的感覺...

我今日,終於第一次玩跳飛機,

見好多俾我地叫做小學雞既人玩,

自己都好想返返去小學,

不過,另一方面好唔想返返去...

因為我的小學太恐怖了...

那四年日子...比死更難受...

如今,哈,專登叫左個最可愛既妹妹教我玩跳飛機,

玩到KAI左,

望住班妹妹玩得咁開心,自己都好開心,

對了...來不了這個世上的妹妹,祝她也玩得開心吧...

哥是第一次玩跳飛機呢...

記得,在內地時,這玩意咱們叫"跳房子",不懂的人以為我們說的是"跳樓",

呵呵...

今日,除左跳飛機,

仲玩左個U型猜,

就係係U既兩個極端一直猜,

猜嬴左可以行一步,

最快行到對方果一個極端就嬴,

笑,一個大哥哥同我地口中的小學雞玩到不亦樂乎,

仲俾人拉去賽跑,

不過礙於我身份有點特殊,

佢地都唔敢點樣命令我,

都係自己跑,

不過遺憾既係,

佢地家人好快就接走左佢地,

呼...之後,

得返自己在冷風左呆站...

假如,我小學時已來港就好了...

假如,也可以現在的心智返回小學就好了...

什麼都不用想,玩玩又一天,哈...

我真像個廢人...

但歷史沒有假如...

呼...

給我自由...

給我無盡內疚...

給我一個赴死的理由...

剛剛終於返到屋企喇,

短暫大陸之旅結束,

大家恭祝我啦~

剛剛...其實我開左電腦唔係打BLOG先,

其實係上一上D應該上既地方先,

呼...留意到,自己對於某些事真係太過唔嗲唔吊喇...

被怨也是抵死的,

E幾日愈來愈唔理野,

BLOG上既留言一個都冇回到,

所以,伊家又被人怨了喇-.-

笑...

但我係抵死...

人地咁鍾意自己,自己一次次傷人地,

最後又要唔嗲唔吊...

嗚呼哀哉...

但我始終唔知可以做到D咩...

雖然好內疚,

因為咁樣做既話,根本唔係我自己...

要咁樣傷一個女仔,當自己醒覺既時候真係恨不得自殺...

唉...

講下其他啦...

前日...闊別87天,笑...

自己找上門了...

呼...能有這樣的機會再寵寵別人,

真的很寫意,笑~

上一次聽到這些悅耳的笛聲似乎是6月27日那時了,

還很記得,那天聽著聽著,阿姨不知怎的突然殺了回來,

想起當時正在演奏與聆聽的兩口子驚愕的表情現在還想笑呢...

164天沒有聽到那些透人心靡的笛聲,前天又再聽到了...

真的很感動...因為,我怕是一輩子也聽不到了...

謝謝你...

前天還真瘋狂,幾乎凌晨才走,

哈...除了上班外還真沒敢這麼晚回家呢,

幸好家中兩口子早睡了,

少了一頓罵~

尋日,無聊了整天,

今日,哇哈哈,返大陸LU~

不過其實係去探"花花"~

大家唔好以為係我邊個相好,

其實係我舅母尼^^"(舅母住係深圳,不過仲有差唔多兩年先夠期可以落尼香港同舅父相聚...E對鴛鴦真陰公...一星期見得一次...有時兩星期先一次...同我以前同某某人超似...呼...)

佢個名叫羅金花^^"佢屋企計埋佢又剛好四姐妹^^"(金花~四朵金花~^^")

真係未聽過人個名叫金花^^"

初初知果陣笑死我^^"

舅母係2010年1月16日同舅父結婚的~

當時舅父36歲,舅母26歲~(相差10年-.-其實俾著我自己既話,我會頂唔順的-.-我自己忍受唔到女伴大過我,但又唔想細我超過5年-.-最大忍受係8年-.-再多都冇-.-舅父同我一樣好傳統,但咁都忍到,好西利^^")

今年一個38一個28喇~

而且...嘿嘿嘿...舅母有左喇^^"四個月了~(即係趁暑假同舅父努力耕耘^^")

講起有左,我發現自己真係好衰^^"

我呢,係伍家入面係嫡孫,雖然D人偏愛二哥,但我地位都唔差嫁,

但我媽果邊佘家仲西利~

因為,我媽果邊得三姐弟,

我媽做大,阿姨第二,舅父做細,

但佘家D人非常非常重男輕女,

萬千寵愛在舅父身上~

而我媽,係最早結婚又最早生既,

仲要一矢中的生左我E個仔,

仲要獨子~(本來...仲有個的...阿妹...唉...阿妹...)

所以,萬千寵愛在我身~

呵呵呵~地位非凡~

再加上...

我姨結婚之後,生左4個都係女^^"

笑左,無人可以撼低我了^^"

當阿姨生第三個既時候,我就成日"祈禱"果個一定要係女^^"

結果真係女^^"

結果四個都係女^^"

激死阿姨同叔叔^^"

終於放棄生第五個^^"

呵呵呵呵~

家陣到舅母有左,

我依然同阿媽打賭係女^^"

雖然舅父好錫我,我又好尊敬舅父,

但係...咳咳,地位被動搖的感覺不太好受MA^^"

笑~

我真係好衰^^"

今日,8點起身,九點出發,

十點幾去到沙頭角,(三個人去,我,媽,婆婆)

點知...過關果陣...

阿媽發現...佢張身份證唔見左@0@"

佢搵尼搵去搵唔到,

我叫佢冷靜,佢仲更加唔冷靜,

係咁話:"冇理由嫁,我到底幾時用過身份證,冇理由嫁..."

果陣返去拎又趕唔切,

都十點幾,返去又要個幾鐘車,

最後...阿媽居然急到喊左-0-"(這個容易哭的女人-0-")

低頭抽泣-0-"

上幾日同阿爸打交十分英勇,第一次唔哭唔鬧,

今次唔見身份證就超凄慘咁喊-0-"

我企係佢隔離就尼死-.-

最頂唔順就係女仔喊-.-

一喊就好似自己錯咁-.-

阿媽仲要打電話返屋企向阿爸哭訴-.-(今日爸放假,不過佢唔去舅母度)

真係...最後,我同佢講...

"你不如搵下你其他袋啦,搵死一個袋冇用嫁WO"

跟住,佢真係試下搵下其他袋,(佢次前搵尼搵去都只係搵佢平時裝證果個袋-.-)

點知,係裝信用卡果個袋搵到證喇-.-(媽有好多袋的,每個袋分得好清-.-邊個袋裝咩都唔會含糊-.-)

真係...-.-

跟住,阿媽超冇面咁樣就去過關,而我亦廢事落井下石了~_~"

去到深圳,呼,雖然去詔深圳好多次,但次次都去左僑社,未試過係沙頭角過關,

而且次次都當深圳係中轉站,冇乜點會真正留係深圳,

今次真係第一次,

同舅母聯絡好,

跟住三條友周圍行,

又討論買咩補品俾舅母,又講點樣煲薑醋等等,

我就無無聊聊周圍睇下,陪佢地買野,充當苦力-.-

終於係十一點半度見到舅母,(好似係第四或第五次見佢炸~平時都冇咩聯繫的~)

舅母肥左@@"

佢一見到我就叫我SUNNY哥^^"(本來佢唔知我英文名嫁~第一次見我果陣都係和仔和仔咁叫~之後,因為阿媽成日SUNNY,SUNNY咁叫我,所以佢知道左我英文名之後就叫我SUNNY哥^^")

當然,其實我好想叫佢花花或者花姐^^"(冇乜人果陣我真係試過咁叫佢^^")

不過礙於輩份同埋身邊有人都係唔好了~

跟住就一齊返去舅母住果度,

行左超耐-.-起碼半個幾鐘-.-

重死人-.-

佢地買既野我拎晒-.-

做男丁有得有失-.-

陰公-.-

超想掟晒佢走-.-

去到舅母住果棟樓面前,

哇...棟樓好靚...真係...

入面真係先進,

遠睇入面黑黑地,

但每條走廊,大廳既燈都係感應或的,

D燈平時關住,當有人行近先會自動著,

真係懢電又先進,

E D咁既設施係香港我只係係中文大學個圖書館見過炸-.-

但人地成棟樓層層走廊大堂都有咁既裝置-.-

E方面真係香港所不及~

不過...當搭LIFT果...

呃...我想返屋企-.-

佢地D LIFT好KAI-.-

打開左2秒度就即刻關-.-

你擺隻手係中間都照夾-.-

要禁制先得-.-

三個人,都未入晒去就開始關門-.-

真KAI-.-

最恐怖係...

個LIFT門都未關晒...個LIFT就開始向上升=0="

即係話,我地禁遲少少既話,就算門未關晒個LIFT都上左去=0="

最陰公係假如夾左個人係度佢唔開門又會向上升咁個人會點=0="

真係觸目驚心=0="

E D咁既LIFT真係...=0="

入到舅媽屋企,哇,超骨致~

一房一廳一廚房一廁所一露台~

地方仲要唔細,

個沙發超舒服~(笑^^")

個露台望到鹽田法院,(舍法院超大嫁-.-痴線-.-又大又靚-.-香港法院根本冇得斗-.-)

仲望到海~

正呀~

之後,D女既就去忙碌,

我E個大少就係度嘆沙發嘆電視嘆舅母D零食~^^"(舅母超多零食嫁~有豬肉干,山楂餅,肉鬆蛋卷,花生...仲有好多~^0^)

我真係愈來愈覺自己前世係女仔^^"

好多女仔鍾意既野其實我都好鍾意^^"

而且性格都好似^^"

咳咳~

中間唔記得左發生過咩事,(冇咩留意~_~")

之後到2點半先食飯~_~"

三點鐘汁野,又傾左陣計,

到4點半終於要閃水喇~(其實又有野唔記得左-.-記性差左-3-")

閃水中途...發現...

呃...一個阿媽抱住一個細路女...

就咁係行人路中間小便=0="

咳...真係...

就算再急呀路邊都有草叢呀...

都唔使咁OPEN掛-0-"

真係...

之後想去書店,但阿媽唔俾,話冇時間-.-(我是書痴^^")

之後...去左行下衫店,(又話冇時間LO-.-)

我去左搵一件大衣,(好鍾意果鍾大衣嫁~超想新年著住佢~)

不過搵尼搵去搵唔到-3-"

之後都好似冇咩特別...

之後...又好似真係冇咩特別-.-

伊家睇緊福祿壽~~

唔得閒打^^"

FORGIVE ME啦大家~~

嘻~

尋日...9號...

離6月9號剛好半年...

笑...

謝謝你給我尋日這個機會...

笑...

今晚,打邊爐,

天日,上深圳,

唔打了...

今天...8號...笑...

8號快樂...

呼...尋晚睇書睇夜左,都唔記得SD SMS添...

笑...

FORGIVE ME...

12月08日...

12月08日...

嗚呼...

尋晚好膠...

真係好灰...

打左差唔多4個鐘,

居然一次過變晒亂碼...

唉...再打又唔夠時間,

攪到我失信了...

好彩今日淫蟲寬限左我,俾我今晚再打多晚,

12點前交...

笑...真的銘感五內喇...

呼...等陣打完BLOG就要繼續加油了,

今日一定唔可以再有差錯!

呼...今日班際,6A對6C

我地班一開始連輸12分,

12比0,

個舍以為我地輸梗,

笑,好彩我地班努力左好多,

係第二節係咁追,

居然係第三節追到平手,

跟住大家係第四節仲係平手,

要打加時,

到第一節加時既時候終於反超前,

但好遺憾地,係第二節最後一分鐘我地班表現有缺憾,

被慘入樽,

最終輸左幾分...

呼哇...6A班中學生涯最後一場班際籃球終於落幕...

之後就只有睇人地打喇...

真遺憾呢...

呼呼...

好喇,繼續加油份西史SBA了,努力!

尋晚,

有條撚樣飲醉酒又走返尼屋企發癲,

一返到尼大吵大鬧,

見我仲開住電腦就咩都唔理就鬧,

又話要掟爛電腦,又叫我去死,笑...

之後係咁嘈係咁嘈,

最終我都算係咁,關左機返入房,

條撚樣仲係度嘈我,嘈我唔夠仲要嘈埋阿媽,

結果,笑,居然打交了.

今次主角唔係我同條撚樣,

而係阿媽同佢,笑...

E排夠晒煩,尋晚既事我理都冇理到,

條撚樣次次飲撚完酒都係咁既撚樣,

一係大吵大鬧,一係武力解決,

記得好細個果陣,

果陣仲係大陸,有一晚條撚樣飲醉酒,

阿媽唔俾佢入房,鎖左門,

條撚樣一腳就踢爛左棟門,笑...

再大過D果陣,有一次去親戚屋企,

撚樣又飲醉,

車我地返屋企果陣仲炒埋車,

結果係我右邊額頭留低左一條疤痕...笑...

對左佢十幾年都係咁...笑...

今次媽算好勁,

平時有E D情況阿媽會一哭二鬧,

尋晚居然冇哭,

仲咁英勇,笑...

沖完涼走入房繼續做功課,

條撚樣走入尼煩我,

又話好憎我,又話點點點...

笑...

呼...

到尋晚凌晨四點,

俾條撚樣嘈醒左,

原來條撚樣走左入廁所嘔,

一嘔嘔左20分鐘,笑...

我果陣真係笑了...

酒...最痛恨的東西...

偏偏我自己酒量唔錯,

不過上一次真正飲酒都可能係N年前了,笑...

落左尼香港5年幾,

我都一直堅持住離開酒E一樣野,

我痛恨它,

就如我痛恨自己一樣.

酒能亂性,更能亂智,

這種東西,我恨定了.

尋晚,SBA做唔晒,

淫蟲寬限到我今晚12點前,

今日下午就到英文SBA,

呼...表現很一般,不過對我來說已不錯.

今晚,仲要死掂埋西史SBA,笑...

今日...係最後限期呢...

今日,似乎就要俾答覆熊熊了...

笑...

真的只有2選1嗎?笑...

呼...如果真的真的只有2選1,

我想,我很可能會再狠心一次的...

因為...你給我的選擇太絕了,

回應你的,也只能絕一點.

假如真的絕情了,那麼我就真的孓然一身了喇...

誰也不再放感情下去,讓自己留力去做點其他的事吧,

畢竟現在真的不是用情的時候,

呼...

選擇權在你手,真的只有兩個選擇的話,別怪我...對不起...

最近我太多事煩了,對不起.

尋日,係我親愛既母親大人既生日~呵呵~祝佢生日快樂~

不過尋晚同佢嘈左交-.-到今朝先好返-.-我E個不孝子-.-

剛剛,本人人生中第一張床褥終於送左過尼喇,

折騰了幾天,終於修成正果^^"

呼呼...希望今晚有個好夢吧...

不過似乎不太可能呢...

前幾日,因為同熊熊的事而手痕痕作左個未完成既短故,

笑...品質一般,還望大家多多包涵...

當中係真人真事改編,有唔少說話係真人講過的...

笑...

呼...三日限期,

天日就係喇,

即係話天日就要俾個答覆熊熊,

到底係返埋定唔再見...

笑...

我當時問佢,有冇第三個選擇,

畢竟,撇去了她,

我還有很多條件令我現階段沒法大花心思對待感情...

環境...條件...家庭...學業...可是,要我怎樣告訴熊熊呢...

佢一定只會認為我係狡辯,笑...

所以MA...天日真係...笑...

而且...天日英文SBA,西史又要SBA,E幾日係最煩的日子喇...

再加埋熊熊的三日之限,

天日係三管齊下了,

真夠晒考驗我...

呼...我到底...怎麼辦好呢...