今日...其實應該話尋晚,知道今晚可以放假,

又可以訓床LU,笑...

今日...照計劃約左佢,

有成個月冇同佢出過街...

有兩星期幾冇見...

呼...並不是一般的想她...

加上適逄書展...

終於約左佢...

雖然大家對去書展既心態完全唔同,

不過真係幾開心...無論佢目的係咩...

只要能見到她,其實已經很高興了...

笑...

希望,明天會更好吧...

即使她已不屬於我,

但能再見她,

已是最快樂的事了...

笑...

無論怎樣...明天加油!

還有...希望她快點振作,

快快回復心情吧...

今日,19號,

她...應該不太好受吧...

畢竟...上個月19號發生的事太震撼人了...

希望她今天沒事才好...

現在應該有人在慰藉她的心靈吧...

笑...

我在這默默祝福她就好了...

被人拋棄,她可能只是第一次,

希望她能好好地站起來,

忘記當日的痛楚吧...

至於我,什麼都沒所謂了...

她高興就好...

加油喔...

一定要站起來...

芙影搖月映幽柔.
蓉香漫彌薰畫樓.
淚灑深秋迎嚴冬.
訣唱哀歌待春愁.

愛為何物,情又何許,塵世男女,情慾糾葛.
抽刀斷水,永續難休,食色性也,南柯幻夢.

煙無邊,夢無怨,嘆情深無緣,
相思難免,情愁難解,蒼天亦無言,
酒千杯,也無味,疏狂圖一醉,
日月不絕,深情不悔,秋風依舊吹.

孤猿啼處處,千嶺鬱茫茫,
刻影花情亂,含悲曲意長.
借風窺繡榻,扶夢出紗窗,
畢竟多情物,催人速斷腸.

花褪殘紅青杏小,燕子飛時.
綠水人家繞,枝上柳綿吹又少.
天涯何處無芳草,牆裡鞦韆牆外道.
牆外行人,牆裡佳人笑.
笑聲不聞聲漸悄,多情卻被無情惱.

去年花裡逢君別,今日花開又一年.
世事茫茫難自料,春愁黯黯獨成眠.
身多疾病思田里,邑有流亡愧俸錢.
聞道欲來相問訊,西樓望月幾回圓.

多情卻似總無情,唯覺樽前笑不成.
蠟燭有心還惜別,替人垂淚到天明.

相見時難別亦難,東風無力百花殘.
春蠶到死絲方盡,蠟炬成灰淚始乾.
曉鏡但愁雲鬢改,夜吟應覺月光寒.
蓬萊此去無多路,青鳥殷勤為探看.

欲說還休,欲說還休,卻道天涼好個秋.

人猶消瘦盼人歸,郎遊千里總不回.

天生笑顏天公賜,愁眉不展苦問天?
身邊雲,萬里雨,千里情意綿萬千.
痛恨身在不異天,朝思暮想苦難眠,
誰願獨佔半邊天?只羨鴛鴦不羨仙.

自命萬世痴情種,
竟亦難逃多情劫.
滿腹真情無訴處,
作繭自縛怨誰痴 .

伊人暫轉. 顧盼, 顧盼,
伊見君邪?悲之,悲之,
從今爾別.伊人,伊人,
切勿相怨.

春月常伴獨花飛,
一吋相思兩心淚.
月影癡守深春諾,
夜逝不悔朝陽追.
落葉多愁催紅景,
秋水難訴多年情.
猶是孤舟期泊岸,
幾回寒暑幾回清?
曾為洛陽賞花客,
賞客不鍾獨戀芳 .
春去園荒城已老,
今昔聞者為其傷.
新枝展葉風長慕,
晨露為誰眾嘲忽?
一朝傾君終不悔,
青山忍對蒼海枯?

問花花不語,為誰落?為誰開?

風月無情人暗換,舊遊如夢空腸斷.
天涯地角有窮時,只有相思無盡去.

一泓秋波萬泓血,傷心曲調傷心人.
斷琴禾劍再回顧,亂離顛沛總紛紛.

夜深把觴醉一杯,
生平為愛痛幾回.

孤雁單思無人道,
東風卻見落葉飄.
只盼夢中鴛鴦會,
共度七夕喜鵲橋.

此情無計可消除,
才下眉頭,卻上心頭.

但見淚痕濕,不知心恨誰?

無情不似多情苦,一寸還成千万縷.
天涯地久有窮時,只有相思無盡處.

但見新人笑,哪聞舊人哭?

悲歌(和)
今悲非昔日相較,君思憶卻繞神念,

眼空蓄淚淚已空,暗撒閑拋卻為誰?

今當否定昔日情,何故狠心葬思緒?

但見君另定伊人,奈何心頭空悲切.

但見新人滿歡愉,哪聞舊人獨心淚?

只卻憶思故人矣,問君可有思伊人?

無情至斯無奈何,敢戰沙場再為誰?

心恨強消心頭愛,卻念此情根深固.

此情無計可消除,唯留絲跡永藏心.




 

11號,服務左我地學校29年既羅永樂訓導主任終於宣佈退休,

而且多謝我地學校,

又講出左原來佢同葉SIR係同學,

11號,係"佢"同我真正分手既一個月紀念,

心情好差,

再加上望住張咁既成績表,(差少少留班...)

完全唔想打...

10號,11號同12號係何惠儀打尼最多既日子,

成日打尼叫我救下佢,

係咁講佢同果個男仔既野,

於是,自從同"佢"分手之後再冇乜用腦既我,

無奈咁再為人地用自己心神,

不過其實都唔係好盡量救佢,

第一,何惠儀既事實在難插手;

第二,何惠儀某程度干涉左我私生活,仲指點我玩我唔鍾意既GAME,攪到我勁想XX佢;

第三,個腦好耐冇郁,諗野好唔掂;

第四,個腦通常只為"佢"而運作,冇啦啦拎尼幫第二個好唔慣...

到尋日終於冇打尼...

12號,全日唔記得訓覺,

夜晚急急腳飲杯咖啡就上戰場,

10點37分,同"佢"講我要上戰場,

然後係10點9去到,

個羅生都幾大牌下,

我去到佢就出左去食飯,

兜圈兜到10點11,

好急小便,

去左後通道既公廁,

去完終於見到羅生,

年紀好後生,

最多30歲,

印左好多張野要我簽同填,

俾佢既三樣野有一樣野過唔到關,

就係住屋證明,

佢唔要手寫,

佢要電腦打或印,

攪到我差D以為會俾佢遣返屋企,

不過冇事,

填份死人野填左我大半個鐘,

而11點惠康已經關左門,

得返開夜既員工係度,

羅生即刻除晒衫著得條短褲,

佢背脊有個超型紋身係度,

到11點8度,我終於真正開工,

本來羅生想搵人帶我,不過個個都避之則吉,

羅生無奈要親自出手,

順帶一提,係我填完表冇幾耐,

羅生就用惠康電腦播歌,

由11點幾開始播,好多本地歌手同內地歌手D歌,好少好少外國歌,

係咁播,超大聲,好有卡拉OK FEEL,好正,

羅生親自帶我,第一地方就係"酒街",

顧名思義就係賣酒果條街,

惠康入面俾D員工劃分左好多街,

有米街,酒街,豉油街,水街等等,

去到酒街,

羅生親自教我點睇散貨NUMBER,

又落手落腳示範,

好盡責,

總共帶左我有大半個鐘,

然後要我自己實習,

因為係星期二,而羅生話星期二原來係最忙既日子,

惠康通常係星期二大量入貨,

跟住佢又俾左把惠康賣既新既界刀俾我,

同我講,做野要甲刀不離手,(我對E句話表示贊同,因為之後做好多野都要用界刀)

不過佢話左D野我知,

原來惠康賣果D界刀廢廢地,

D員工都係自己出去買,

因為惠康D界刀用耐少少就會零年滑,

把刀好易滑左出尼,

佢建議我自己出去買把,(不過我冇,用埋E把先啦梗係)

然反教我好多野,

真係每一行都有野要學,

做E一行要學既野更加多,

淨係散貨上架都大把野要學,(散貨其實係術語,意思即係將新入既貨擺上架)

我係E度都好難一一講晒出尼,

除左刀不離手,

仲有就係盒不離腳,(我唔記得果D叫乜,只係知係用尼裝野既盒)

點解盒不離腳?

而且仲要一人兩個盒,

一個拎尼踩住,

一個拎尼浪高D野,

夠高擺上架點解仲要踩盒?

原因係,

為追求美感,

任何物品係擺既時候都要一條直線,

唔可以亂擺,(其實唔同物品有唔同擺法,我學左好多,不過好難係E度講出尼,做出尼睇就得)

淨係擺酒都好講究,

不過其實呢...

音樂真係太大聲,

加上我耳仔有少少問題,

所以佢講好多野我都聽唔到,

多數係我自己誤打誤撞學識的,

散完酒架,差唔多1點了,

羅生要做其他野,叫左個女人帶我拉架,

拉架,

其實即係汁齊架上物品既意思,

雖然話汁齊,但其實比散貨仲更加講究同埋仲多野要記,

而且有超多變通方法,(不過俾班人限制我只能用幾種方法拉架)

離開左羅生,我先有機會望下其他戰友,

最醒目既莫過於有個20歲左右扎馬尾染左髮既女仔,

哇...頂佢...返工姐...著晒短衫同低腰熱褲,都幾難令雄性物體眼睛離開佢LO...

佢尼返工定行SHOW嫁...

好彩,大部分時間我唔係跟佢,

原因係,佢同我半斤八兩,只係早返我兩日,即係10號已組開工而已,

有唔少野同我不相伯仲的無知,(甚至無知過我)

一開始帶我果個係一個三十幾歲女人,

佢猛叫我"仔仔"...

咳...除左阿媽,真係冇人咁叫我,其他人頂多叫我阿仔,

應佢唔係唔應佢又唔係,

真係...

其他人都只係叫我"靚仔","細路",(全場最細我,好似返返以前咁...)

佢帶我拉架,

不過唔係教我好多野,

主要汁水街,

水街主要都係水呀奶呀果D,

好易汁,所以冇太多野學,

汁下汁下就要去最煩既工作---汁紙皮,

由於每一晚惠康D貨一散完就留低好多紙皮,

冇理理一直留係度阻街,

就要有人窕時定候清理一下,

E個重責落係我身上,

數數埋,其實果晚汁左超過一千個紙皮,加埋其他人汁果D...

我諗...一間惠康一晚超過一千紙皮,

咁全港同全世界咁多惠康...真係...

仲有其他公司呢...

到底一晚全世界會用幾多紙皮呢...

有人歡喜有人愁,

我地汁紙皮汁到手軟,

最開心既應該係清晨走尼"清場"既果兩公婆,

D紙皮全部佢地要晒,

一日齋我地E度都夠佢賺唔知幾多錢...

汁下紙皮,有時又會俾人老點去做下其他野,

最辛苦散米,(果一晚計,到尋晚,最辛苦原來係散面...)

D米拆出尼既紙皮同垃圾超多,

我散米之外又要汁埋果D野,

真係...

之後,就要掃地喇,

 大家都散得同汁得七七八八,就要開始掃地,

做左十幾年人...居然要人地"教"我掃地...

我自己掃下掃下,

果個叫我"仔仔"既女人走過尼叫我快手D,

跟住佢示範...

佢快係快,但角落果D都唔理既...

我E D先係質素既保證MA...

其實佢地唔少人好死板同自以為是,(現實生活中其實我都係...)

例如拆紙皮,有個五十歲既阿嬋教我拆唔使用刀,

但佢果D方法唔係個個人用得嫁LO...(至少我唔得,佢D方法仲衰過我一錘打落個紙皮箱度,至少我係咁認為)

伊家E個三十歲都係,

佢地掃地方法唯一俾我認同既就係"分區式集中處理"(好難講,要做過至知)

總之膠下膠下咁啦...

掃完地,就要折車,

有個30歲男人帶我拆,

拆車拆上面好易,

將兩邊護欄拆左就得,但係...

最辛苦係...要將車既底盤疊起...

哇...果舊死人底盤...

肯定重過"佢",

我抱"佢"果陣都冇咁辛苦...

我抽左三個底盤,

每次都勁攞命...(我寧願抱住"佢"都唔要再抽底盤了...)

仲要逐層疊...真係佢奶奶...

拆完車,就跟個男人去"洗地",

佢教我用架大笨牛洗地機,(真係好大)

中途要去魚場入水,

個男人撈返跳左出尼既其中兩條魚,(仲有兩條唔郁個男人當佢地死左LO...)

教完我,就要實習,

一個人推住架大笨牛真係幾吃力,

不過幾好玩,

繞場一周之後就收工,

因為冇乜野做了,員工可以做任何野,

訓又得乜都得,(果陣五點半,而羅生五點鐘就關左音樂走左LU...)

我入休息室食左少少野,(人地請的)

就去左魚場對住D魚訓教...(又眼訓又悶...又寂寞...可以陪我既人都走左同唔理我...唯有搵魚陪...)

過一陣又挨住雪櫃訓...

訓到6點幾差唔多踏八,

果時唔少日更員工都返左尼,

多左D人氣,

之後到七點鐘簽左名正式走得...

13號,全日冇人搵過我...

迷迷糊糊過左一日,

到夜晚,又飲左咖啡先上戰場,

又同"佢"講左一聲...

今次又搵唔到羅生,

一開始就散住貨先,

一開始散D野唔太難,

又同其他人接觸下,

今次個20歲女仔冇著咁勁,

不過,雖然下面著長褲,

但上面都著幾少野下,

仲要有D露背添,

諗緊佢成日咁返工係米想勾引經理,

今次多左個藍衣人,不過係老手尼,

散冇幾耐...去左面街...

陰公...今次帶我既係50歲果個女人,

佢都教左我真係好多野,

不過佢其實都係半桶水,

點解?因為佢變通方法仲少過我,

我明明用其他方法都做到果個效果,

佢係要我跟返佢既,

直頭要洗我腦LO...

今次羅生返尼之後冇即刻播歌,

仲係咁播惠康廣告,

到十二點剛好踏七終於開始播歌,(順帶一提,同"佢"SD SMS俾我既時間一樣...講起SMS...唉..."佢"又傷害自己身體了...唉...我應該點做好...)

不過...我同"佢"SD SMS SD左唔夠兩個就要STOP,

因為個女人開始尼料要教我野,

我冇理由佢教教下係佢面前SD SMS...

所以...很抱歉地...冇時間理會"佢"了...呼...

直到一個鐘之後,

先有D時間點下"佢",

當然佢亦已經訓了...

汁面用既紙皮箱真係好多...

光係個女人就咁教一教我就用左幾十個,

亂掉一地...(之後辛苦晒我地...由其係我...)

今晚個死人羅生仲要食西瓜,D西瓜皮又亂丟,

佢奶奶...

煙頭又係,入面十成七係食煙既,(羅生啦,三十歲女人啦,二十歲女仔啦,五十歲阿叔啦等等...)

D煙頭無處不在,

真係...

之後又俾羅生親自帶,

又係酒街,

不過又再學到野,

而且個羅生好勁,

雖然身為經理,不過佢成日要親身落場,

佢D技巧真係勁到呢...

總之好勁啦...

係E度學完野,

又俾人地叫左去拉架,

之後同20歲女仔一齊拉架同汁紙皮,

唔知點解佢對我好有興趣,

次次都係佢聊我講野既,

而我對E D表面上水性楊花既女仔通常都好冷漠,(唔只表面,內裡都係)

因為我覺得,水性楊花的,都是好極有限的女人,(有少少諗起"佢")

所以好少去接觸佢地,(對"佢"好難冷漠...最近既冷漠...係"佢"既ORDER同埋我想保護下自己...)

佢係咁問下我野,

又同個30歲女人傾下野,

佢地咩都講得餐,(當然唔包括我)

跟住我汁紙皮佢掃地,(順帶一提,羅生3點就關機走左人...比之前仲早...)

我地做呀做,做呀做,

又要幫E個又要俾E個點...

真係...

今日做好耐...

到5點幾先開始掃地同洗地,

今日洗地主角都係我,(而且我都撈左兩條魚,救左兩條魚命,功德無量)

到差唔多6點先OK...

仲以為終於可以抖下...點知...

俾個50歲阿叔睇中我...

係咁老點我做野...

要我爬高爬低,

係咁掛橫額,(得我一個掛)

一個人掛左超過十張,

有一張仲要掛完十幾分鐘後跌左落尼,

果陣D架撐收埋晒,

攪到我要企係手推車上面掛,

好似踩緊滑板咁,

超驚,

不過都係有驚無險,

之後以為攪掂,

點知又要去掛價錢,

果時冇架撐,迫住搵左個買野籃頂住檔先,

幾驚踩爆左佢,

掛埋喇,

都6點四...

入左休息室想訓陣...

點知...

6點半...成班雌性物體走入尼傾計...

訓唔到...到6點十一,

又俾阿叔點左去開門大吉,

一開門又有D人即刻入尼買野,日日係咁,

跟住簽名,買左少少野,走人...

本來想去下廁所,不過最後冇去...(個後通道廁所夜晚超恐怖...我第一晚2點幾去,果陣成條通道冇人,女廁係男廁隔離,唔知點解想入下去,不過最終入返男廁,廁所入面,十幾盞燈得兩盞著住,尿兜前面就係鏡,要望住自己小便,係夜晚真係好詭異,好Q驚會望到其他野,去洗手仲驚,要兜一個圈先洗到,去行去廁格果邊,D廁格個個半掩,有冇野都唔知,有隻眼好醒目咁貼係度:"小心保管財物"望住隻眼都幾恐怖下,跟住洗手,望住鏡,都幾驚會望到廁格入面有野,半掩廁格既恐怖程度真係唔係講笑,仲要個個都半掩,佢奶奶,有種想踢開佢既衝動但又唔夠僵,總之夜晚一個人去通道廁所真係好恐怖...)

呼...驚人動魂的廁所之旅...

呼...打左咁耐添...

由七點五打到伊家...

兩個鐘...傻下傻下...

呼...

今日,係"佢"生日過左一個月紀念...

笑...都係冇野發生...

笑...希望"佢"識得珍惜自己啦...

別再傷害自己了...

這是我小小的期望,

希望她別再反口地答應了吧...

係時候訓覺喇...再唔訓死得人...再見喇大家...呼...

今日...係哈利波特最後一集上映ING...好想同"佢"睇...不過..."佢"伊家應該有人陪佢睇...笑...呼...

前天,是真正分手一個月...

昨天,是第一天上班...

今天,是殘酷的真相...

明天,將是殘破的心靈...

未來,是無止境的迷惘...

今日,想做下個兩年幾前做過的100問,

今日突然心血來潮...笑...

以前覺得好無聊,

伊家又用不同的心態去做了...笑...

`o01. 你的大名;Sunny
`o02. 幾歲;17
`o03. Msn:[email protected]
`o04. 手機幾號;64236150
`o05. 住系邊忽;藍田
`o06. 心情如何;沉悶

`o07. 有冇中意人;冇,愛就有
`o08. 點解中意{她};唔知點講好...

`o09. 中意{她}幾耐;計埋今日有337日

`o10. {她}有咩好;好多野都好...
`o11. {她}知妳囍{她}嗎;知...
`o12. {她}囍妳嗎;伊家e層佢先知
`o13. 拍過幾次拖;一次
`o14. 上次點解會分手;最主要原因係因為我...
`o15. 擇偶條件是什麼;要求唔太高既...

`o16. 愛人 / 朋友, 誰比較重要;事實證明,愛人比較重要...

`o18. 有幾丁朋友;都幾難數到...
`o19. 你愛朋友嗎;唔太愛
`o20. 對你最好既系;so忠
`o21. 最知心的:so忠掛...
`o22. 最可愛的;傻生

`o23. 最索 / 帥的;女既當然係晴晴,男既吳江豪lo,公認的~
`o24. 最白目的;好多wo...
`o25. 最了解你的;so忠掛...
`o26. 最可靠的;冇乜邊個~_~"
`o27. 最傻婆 / 傻佬的;傻生
`o28. 最吾願意同邊丁人做Fds;伊家中四e班果d人

`o29. 邊間學校;sbc
`o30. 邊班:5A,唔知升唔升到...
`o31. 最囍邊科;中文,中史,西史,LS,美勞
`o32. 最憎邊科;英文,數學
`o33. 最囍邊位老師;死淫蟲,高佬曾
`o34. 最憎邊位老師;陳美娟,唐斌
`o35. 班主任是誰;高佬曾
`o36. 班上面有幾丁友;40

`o37. 級花+級草是誰;級花...M...兩樣都好難評估WO...

`o38. 有冇比同學杯葛過;以前就有,伊家冇
`o39. 有冇比訓導嘈過;試過N次
`o40. 如有* 咩事;遲到啦,對老師不禮貌啦等等...

`o41. 最囍的人;她...
`o42. 最囍的歌手;冇乜WO...
`o43. 最囍的食物;好多WO...
`o44. 最囍的季節;夏天
`o45. 最囍的日子;與她一起的日子...
`o46. 最囍的髮型;唔記得邊個既髮型
`o47. 最囍的牌子;冇
`o48. 最囍的口頭禪;我頂...
`o49. 最囍的小動作;拖下巴
`o50. 最囍的地方;書店,屋企,老地方...

`o51. 棒棒堂 0r 飛輪海;兩個都唔好
`o52. 黑色 0r 白色;黑色
`o53. 老豆 0r 媽子;媽
`o54. Msn 0r ICQ;msn
`o55. iPod 0r Mp3;要唔要都冇所謂
`o56. 寄信 0r SmS;SMS...
`o57. 愛人 0r 被愛;本來愛人,伊家想被愛...
`o58. 生仔 0r 生女;生仔之後生女...
`o59. 海綿寶寶 0r 史迪仔;迪迪仔
`o60. 香港 0r 日本;日本
`o61. 晴天 0r 雨天;兩個都冇所謂
`o62. 可樂 0r 雪碧;雪碧
`o63. 肥 0r 瘦;瘦

`o64. 最討厭邊類人;背信棄義既
`o65. 最討厭的同性;仇人
`o66. 最討厭的異性;姓陳的
`o67. 最討厭的歌手;側田
`o68. 最討厭的動作;其他男仔懶型既動作
`o69. 最討厭的牌子;SPI
`o70. 最討厭的食物;大把啦
`o71. 最討厭的聲音;阿媽嘈我果把聲

`o72. 大個想做乜;好迷惘...
`o73. 幾碎出嫁;嫁得出既話就西利
`o74. 嫁比邊個;她掛...
`o75. 入邊間大學;中文
`o76. 出吾出國;想去日本
`o77. 做吾做Ms. HK;NO
`o78. 做吾做明星;做尼托咩

`o79. 家陣幾點;13:02PM
`o80. 家陣妳系邊;屋企
`o81. 家陣妳做緊乜;做100問,睇網上小說
`o82. 家陣最想做乜;打機,找她...
`o83. 家陣有冇上緊網;上緊

`o85. 家陣最掛住邊個;她...
`o86. 家陣妳悶吾悶;都幾悶
`o87. 家陣妳開吾開心;唔算幾
`o88. 家陣妳傷吾傷心;少少

`o89. 最傻的一次;一直堅持愛她...
`o90. 最開心的一次;她找我...
91. 最Din的一次;瘋狂地挽回她...
`o92. 最魚的一次;一次次被拒絕了...
`o93. 最失敗的一次;做左冇得返轉頭既野...
`o94. 最錯的一次;信錯左人
`o95. 最白痴的一次;2010年12月21日果次...

`o96. 囍做10o問嗎;少少啦
97 最想多謝誰;阿媽生我出尼
`o98. 囍這個10o問嗎;少少啦
99. 快完成了* 很緊張呢;冇緊張過LO...
`10o. 完成了* 弓囍弓囍;恭喜晒~_~"

闊別兩年幾又做返...笑...

尋日...係8號...笑...

佢最終都冇約我...

笑...

今日...係9號...

佢宣佈分手的一個月紀念...

笑...

都係冇乜事發生...

可能,只是我自己在乎吧...笑...

剛剛又去見工,

上次去惠康見莊生,

3點鐘見,

點知唔使2分鐘見完,(當然唔係俾人炒左,只係程序太快@@")

今日,都係唔使2分鐘~_~"

今日,無獨有偶地,

我又3點鐘去到,

好不容易搵到莊生,

佢對我好似冇乜印象~_~"

望左我勁耐~_~"

最後問...你係米呀邊個叫你落尼嫁?

我話...係呀,佘生呀MA.

咳咳...如果俾我舅父知道我叫佢佘生唔知會發生咩事~_~"

不過公還公私還私,

係人地面前唔通同人講舅父叫我落尼咩~_~"

雖然我舅父面子都幾大,

但都唔應該咁串,

最後,

個KAI子莊生叫我12號10點9再落尼,(我提議提早一日~開多一日是一日MA~10點九落,係因為惠康11點關鋪,佢驚我唔識入尼@@")

不過係搵羅生~_~"

到時先俾D野羅生睇WO~_~"

咳...跟住永其睇兩睇我D野就冇野了~_~"

全程都係2分鐘唔使~_~"

真KAI~_~"

剛剛去到樓下大堂,

入LIFT,

得我一個,

禁關門制,

突然見到有個女仔係後門剛好開門,

佢望住我,

我望住佢,

個LIFT門關緊,

就係剛剛關上既時候...

我即刻禁左開門制,

剛好一開門就見到佢@@"

佢同我講唔該,

然後走入尼,

果然係同一LIFT的@@"

因為當我望佢既時候,

佢都望住我,

雖然眼神唔多強烈,

但我就係想搏下佢係唔係同我一LIFT,

結果搏中左@@"(我冇咩意圖嫁~_~"純粹突然想咁做~_~")

佢住19樓的,

成個LIFT得返我地,

其實真係好KAI~_~"

如果我禁慢零點幾秒既話個LIFT就會上去~_~"

居然咁都俾我搏到~_~"

佢臨出LIFT又同我講聲唔該~_~"

成件事做戲咁做~_~"

不過真人真事~_~"

今日真係...

笑~_~"