今日講下我D表姐~(雖然知道可能有內奸,但冇理由我講真心話都要俾人扼殺假...)
正式上尼講,我有5個表姐~(非正式例如表叔果邊D人果D米鬼計啦,計最親果D~)
分別係最大既君君表姐~(即係阿杰我表弟個家姐~三姑媽個女~伊家出左尼做野...成日好鍾意鬧人~_~")
第二大既鳳宜表姐~(我大姑媽個獨女,伊家係台灣讀大學~我最敬重既表姐*v*今日主角算係佢喇~)
第三大既凌凌表姐...(我四姑媽個大女...我最大個表弟既家姐...曾經...同佢細佬一齊俾過我地獄回憶既人...我伊家對佢仍然有恨...佢伊家讀大學法律系...)
第四大既雯雯表姐~(花名魚尾紋^^"我二姑媽個大女,我最大既表妹個家姐~佢MA...超COOL...唔鍾意同人講野...成績超差^^"係屋企有錢姐MA...佢老豆KAI KAI地...超憎佢老豆...)(P.S.欣欣唔好誤會哇...我之前講最大果個表妹係指我阿姨生既4個女最大果個,伊家講緊果個先係最大既~如果想知詳情可以問我^^"只同你一個講~^^")
最後最細既只大我幾個月既萍萍表姐~(我最好既表姐TvT我以前俾人虐待果陣佢成日尼探我同我玩開解我嫁...我下一世都會記住佢...佢對我太好喇...永遠只會對我好唔會發我脾氣同埋承受住我脾氣既人...佢只對我一個咁好...而且我地以前經歷太多...唔係我落左尼香港既話我仲受緊佢照顧...我最大既恩人...我曾經最好既心靈安慰者...即使到伊家佢都仲係咁錫我...雖然佢曾經一度淪陷過,曾經做過唔少令人咋舌既事...但我始終對佢如我親姐姐一樣...佢伊家讀緊中學既醫科~識好多野嫁~第日有咩病痛搵佢~^^")
以上重復左名既唔代表佢個名係果兩個字,
例如萍萍表姐個名最後一個字係萍,所以我地叫萍萍,
E個係我地既習慣^^"(鳳宜表姐冇人叫佢宜宜^^"可能係宜宜會讀成"咦咦",所以冇人咁叫^^")
各個表姐各有千秋,
首先講下君君表姐...
E個表姐我每次見到佢都戰戰兢兢...
好鬼驚佢開口鬧人...哇...佢鬧人果陣如滔滔江水連綿不絕,最吹脹既係又鬧得頭頭是道令人無法反駁WO...
所以...每次俾佢鬧果D人都會俾佢鬧到口啞啞...由其係我...只懂低住個頭...係佢面前完全抬唔起頭~_~"
所以唔少時候好驚見到佢~_~"仲衰過見鬼~_~"
不過佢智識水平好勁...往往彎既都俾佢咬返直@@"(我幾乎個個表姐都好勁@@")
而且因為有佢咁多年既培育同指導先教得出我表弟E種叻仔...(唉...我只能望其項背ING...幾時追到佢呢...好難講...)
跟住...講下凌凌表姐...(鳳宜表姐最後講~今日同佢一齊MA~)
E個表姐...留俾我既印象大多只係恐怖...我果五年地獄生活有三分一地獄回憶都係佢俾既...(E度唔想多講...)
只有我離開左果度...落左尼香港對佢印象先好返DD...
總之...佢冇乜野好講...
到雯雯表姐...
E個表姐又係冇乜好講...
同佢唔熟,佢自己又COOL...想同佢溝通難過登天...識佢咁多年...我諗...同佢講過既野唔超過50句...(講堅...我好少好少有印象同佢傾過計...)
受過佢屋企照顧過一段時間...雖然好感激佢地一家...但佢地一家之後俾既係更多既煩擾,屈辱俾我地一家...由其佢老豆...好多次想拎條棍打撚死佢,佢條仆街咁樣對我同我阿爸...忍佢氣忍左幾撚多次...伊家提起都好火...
嗯...總之E個表姐都係冇野好講...
到萍萍表姐^^"
不過時間上唔容許我講太多~_~"十一點兩喇伊家...阿媽肯俾我咁夜仲打係天賜奇蹟@@"
萍萍表姐呀...我真係下世都會記住佢...無數次我俾人虐待,辱罵,同埋受到屈辱既時候...
當時...果五年入面...只有佢一個能留係我身邊陪住我...某時候幫我抵抗下屈辱...大多數時候陪我玩...開解我...叫我放低...咁多個表姐最親密就係佢...以前細細個一齊沖涼過既都係佢,又同佢訓過...一齊游水,一齊釣魚...仲有好多好多...(唔好亂諗野啦...我地兩個清白嫁...一齊沖涼係細個既事...訓過呢,果五年都有發生過,不過都唔好亂諗野哇~_~"游水,釣魚呢時不時都有~同佢有好多回憶嫁...我當佢親過親家姐~)
即使我落左尼香港佢留返係大陸,
但我地感情依然咁深厚~每次返到去大家有超多野講,仲親密過女朋友,又一齊考下大家野,天南地北咩都講一輪~(某人唔好呷醋哇...畢竟佢同我一齊長大,咁親密係應該既~而且我對佢完全冇野嫁~信我啦~)
雖然仲想講下...但時間關係...講鳳宜表姐喇...
鳳宜表姐...一直俾我一個遙不可及同埋好IN既感覺~
佢簡直我心中既巨人...
從細個開始,佢識既野永遠比其他人多,(我認為君君表姐都唔夠佢尼~)
一直留俾我好深印象...
而且佢好理智亦好識安慰人...
我初初落尼香港果陣好軟弱好軟弱...
好容易為以前既事而喊...
我是個愛哭鬼...
我係好多表姐面前喊過...
但只有鳳宜表姐識安慰我俾鼓勵我...(君君表姐只係識講佢既道理...雯雯表姐表示沉默...其他兩個表姐冇落尼香港所以唔講...)
佢永遠家和仔家和仔咁叫我...
係佢身上我永遠覺得自己好細個...
而今日...佢地一家尼左探我地@@"(其實輩份尼講係我地去探佢地先岩...好過意唔去添~_~")
出左去食飯...
因為同鳳宜好耐冇見...大家關係生疏左,所以冇乜點傾...
不過佢居然主動同我討論感情問題@@"
講左唔少野...(不過我冇同佢講我拍緊拖,只係試佢同埋問佢意見)
最尾分別既時候...
佢講左一句野令我更加敬重E個表姐...(E度唔講...我想埋入心入面...)
E個表姐永遠咁得人尊敬...知書識禮...又孝順...性格又好又理智...又識懢家...
E家有咁既條件既女仔真係好少有...
只係佢樣貌有D唔出眾姐...
但邊個第日娶左佢都會係三世修尼既福氣!(至少我係咁認為!)
聽講佢為左自己學業同事業仲未諗住拍拖同結婚,
係E度衷心希望佢有一段美好既緣份同幸福既生活啦~
打到E度...唔打喇...十一點七...=0="我俾人殺喇...(邊個大家心知啦~_~")
收筆收筆~_~"拜拜~_~"
|
