今日524...524,524...話就話唔易死,今日真係差D死...

一早返學,冇太多野講,

有驚無險咁返到學校~

又唔使遲到了~

呼...返到課室,

睇住果本港孩...

睇到唔少三三四既野,

自己係度不斷反思...

其實,作為第一屇三三四如埋一個中五學生尼講,

我真係太過份喇...

成日話自己懷才不遇,

其實係我自己有才但懶得發揮,

結果將責任推左落人地度,

其實最大責任根本係自己,

讀書最主要係為自己,

係E方面我好明白但我冇實踐到...

不斷用藉口麻醉自己...

結果每一日燈紅火綠,

夜夜笙歌...(E個係一個比喻尼嫁炸,唔好以為我真係晚晚走去D咩地方~_~"E度係話緊我日日不務正業...)

逃避再逃避...

連影響到大考成績既野我都懶得去做...

懶呀懶,懶呀懶...

結果...

中四評估,

我中史有5同埋4,

西史有5*同埋5添,

中文都有4,

數學有3,

LS有4,

連英文都有2...

到伊家...

再出一份評估...

唉...

中史得3,

西史得3同5,

中文又得3,

數學得2同3,

LS得3,

英文仲要得返1同2...

呼...一切懶之過...

而懶,其實每一個人一出世就有E個因素,

只在於果個人到底有冇運用到E個因素,

而懶,人皆有用,

即使最勤力既人都有懶既時候,

重要既係果個人識得及時拋開懶而重新走返上正路,

而我呢?

都未識勤力就已經學識左懶,

結果一發不可收拾,

懶開有個頭,

結果凡事懶懶閒,

結果事事不完滿,

皆因懶矣!

係度唔誇張的說,

唔少人讚過我好,

中史西史天賦唔需要多講,

中文亦係,只係實力唔太平均,

LS我實力唔算弱,面對問題反應都不落他人之後,

數學呢,我係到左中四之後因為用左英文教,俾左個天大既藉口俾自己,所以根本冇擺個心出尼學,其實有時發現自己做功課即使唔抄人自己都可以做到嫁...只係,懶...

到英文,英文雖然一直係我弱項,幾乎想放棄...但其實,我自己唔知訂左姆多次計劃俾自己,其實假如咁多次計劃有一兩個成功實行既話我英文拎三都仲可以,只係一到預定時間,庸懶之心又走出尼...唉...

結果...一事無成算係對伊家既我最好既評價...

空有以前既榮耀...虛有其表地賣弄...

真正數返起尼,

其實自己什麼也不是...

功課唔做唔交,

上課分分鐘想訓覺,

連影響大考分既都懶得去做...

真係唔知自己想點了...

呼...

西史堂,江SIR同我地講essay既野...

呼...冇乜邊樣聽得明,因為我冇做到...

佢講既日本歷史,我好多都唔識...

空有一個日本歷史天才既我...唉...

其實,我日本歷史之中專精日本戰國,

佢近代史冇太多研究,

不過就算係咁我都學得唔錯,

但最近自從江sir代左淫蟲,

我又俾左藉口自己去懶...

結果,雖然江sir廢廢地,冇太多野教俾我地,

但我就連果少少野都冇吸收到,

呼...日後爭霸,還想再有我伍家和的名字嗎?免談!

不過都有d野憎江sir,佢講日本果份note講左三分一就冇講,

好多野寫唔到落去,

如果佢再唔講,

下星期五佢就收檔走佬,

我地學鬼咩...

講起鬼,

今日中文堂就係講鬼,

miss教我地妖魔鬼怪,

仲問我地睇過d咩鬼片,

佢仲介紹左一套好正既鬼片俾我地,

話係泰國鬼片尼,

個名叫<鬼影>,

話果陣去戲院睇睇到我hi,

話主要講用影相機見鬼嫁wo,

仲有,miss又同我地討論貞子@@"

話佢以前去戲院睇貞子幾乎場場爆滿,

d人睇到勁hi,

一開始主角打開衣櫃見到有個人死得勁恐怖係入面果一幕成場係咁尖叫,

仲話睇到貞子係電視出尼之後有一段時間晚晚唔敢半夜去廁所,

一出廳就驚有野係電視出尼,

去到廁所,

miss話貞子用果塊鏡橢圓形,

同佢果塊好似,

次次去洗手都驚死有野出尼~

咳咳...好似講太多添~_~"(我記得某豬好驚e d野^^"俾佢見到嚇鬼死佢^^"唔講咁多喇,佢見到會殺人^^")

跟住,miss同我地講佛教既野,

因緣果報,

e四個字佛教成日提,

話我地做事有因又會有果,

而緣呢,就係將我地既因果拉埋既線,

而報就係果之後會視乎因而得出既事情,

聽到e度我就冇啦啦諗起,

我同欣欣既遇上既途徑就係因~

而我地既愛就係緣~

而我地幾時修床正果呢~^^"

而報ma...其實伊家報緊~

我愛佢所以我要為愛而付出就係報,

同樣佢愛我所以要忍受我都係報~

哇哈哈~冇啦啦又諗起佢~

e兩日唔知點解,真係好掛住佢ing...

十個心都唔夠用...

擔心,開心,唔開心,傷心...咩心都齊晒~

咳咳,miss仲講左六道輪迴啦,

阿鼻地獄啦,焦熱地獄啦等等一大堆~

仲講左一句佛家名言~

善有善報,惡有惡報,若然未報,時辰未到~

e句野由細到大聽阿媽同阿婆講左n多次~

仲有好多佛家野嫁~

邊個叫我出生係佛家家庭~

係e度講樣野出尼啦,

其實我每次裝香我都有舍習慣,

就係數下我一次過拎左姆多支香出尼,

從而好多時用果個數字先占卜,

最多時就係占下自己幾多歲死,

而最近最多時就係剛好拎到17支香,

係米即係預示我17歲死呢~

雖然咁樣睇落好無稽,

不過有時果d數字有某程度準確嫁~

笑了~

如果真係17歲就死左會點呢~

又有幾多人之後仲會記得我既野呢~

不過可以肯定既係,

我身上仲有太多野未俾人發掘到就係了~

就好似e個習慣,

大家都係第一次知道呀哩~

笑了~

講返今日啦~

英文堂分組~

又同宇潤,李莉姐同琳琳姐一組~

琳琳姐買左支新筆,

上而有隻鴨仔,

仲識郁~

超得意and好玩@@"

本人童心驟起玩支筆玩左三個字~_~"

俾琳琳姐沒收返~_~"

跟住發現...

李莉姐成堂唔知做乜係咁望住我,

好似我塊面有野咁,@@"(就算有佢都見唔到啦~我戴口罩嫁~)

我好多時好想問佢望緊乜@@"

難道我戴口罩個樣型d?^^"

仲有...呃...英文堂多次望到d唔應該望到既野~_~"

咳...罪過罪過...諗緊要唔要洗眼~_~"

跟住都冇咩好講,

lunch去洪記,

見到得老板娘d仔女睇鋪,

冇老板娘係度,

攪到我冇晒mood去買野,

直接走落圖書館,

之後都冇乜野好講,

到中史堂,

今堂so忠冇帶worksheet,

佢拎左我果張去仲幫我寫低埋d野,

我成堂冇野做ing~

到宗教堂,

今堂講完性行為,就講同性戀,

佢仲教我地,

gay個音呢就係我地平常講既"基",意思即係男性攪基~原來只可以用係男性身上~

而女性呢,英文係lesbian,中文意思即係女性攪同性戀既野~直譯可以叫蕾絲邊~即係話我地可以就咁用中文叫女性攪d乜乜既時候話佢地蕾絲邊~

阿sir仲教我地,

come out即係指性取向有問題既人"出櫃"~即係做d唔三唔四既野~

仲有,straight 就係俗語直人咁解~即係話果個人d性取向係冇問題既~係鍾意異性既~

至於gay同埋lesbian呢,即係彎人~^^"冇得直~^^"(令人諗起男性某某地方^^"能彎能直先係正道~^^"咳咳...)

跟住都冇乜野好講lu~

曾sir最後班主任堂講左唔少野...

又令人反思自己前途問題...

呼...

最後返到尼屋企,

第一時間想做左份死人ies先,

不過到伊家仲未做~_~"

今晚一定要死掂佢!!!

加油!!!

老婆我愛你!!!

呼...一個幾月未打過BLOG...攪乜呀我...

我真係傻左都唔定...

今日...呼...同往常星期一一樣KAI KAI地...

今朝,出門口已經26分,

通常E個時間先出門口一定遲到,

不過今日行快左,

去到黃大仙都只係50分,

不過其實都好易遲到,

最正係,

本來去排黃牌車既,

見到黃牌車成堆同胞,

都知就算有車都好易遲到,

點知,天不絕我,

白牌果度剛好後面D人未跟到上尼,

成大個缺口係度,

哇...唔入去就係傻仔,

結果有成10個同胞同我一齊打白牌尖,

成功開車走左~

後面白牌D人敢怒不敢言,

攪到自己好似好衰咁~_~"

到中史堂,

份TEST卷派落尼,

雖然今次我唔係最高分,

不過第一題用好少字拎到最高分就俾MISS讚左~

笑了~本大爺最近專長就係少少字講到多多野~^^"

今日堂中史堂唔知攪乜,

8成人係度訓覺,

連10年都唔訓一次既SO忠都訓左@0@"

仲俾MISS踢左佢兩腳@@"

今日D人攪乜~_~"

到中文堂,

教完魯智深打鎮關西之後,

MISS就要我地小組討論俠義精神,

抽五個出尼討論,

其他D幫手評分,

結果抽左五個小醜出尼...

由其係宇潤...

真係頂佢唔順...

我評佢20分俾左3分佢...(其實好俾面...佢D性格同佢表現同佢習慣真係...不敢恭唯...)

其實,自從三個月前調位坐左係佢隔離我就好睇佢唔順眼,

佢講野永遠含糊不清,

十句有八句要人地好用心好用心咁聽先聽得明,

何況係我E個耳仔唔多好既人??

所以我平時真係唔想同佢講野,

佢講親野都一舊舊咁...

我聽佢真係聽得好辛苦,

但基於禮貌又唔可以唔聽,

結果每次我辟仔唔知受幾多罪...

我有個習慣,

就係當聽唔明或聽唔清既時候為免尷尬我會一笑置之,

笑容係我最大既掩飾品,(所以唔少人只見過我笑未見過我有太多其他情緒...包括老婆...)

呼...不過對住佢真係命都短幾年...

佢條粉皮,

講野講唔清都算,

仲要成日係我諗緊野既時候同我講野,

成日打斷我思路,

我就尼真係頂佢唔順...

好彩今學期得返幾星期...

唔使再受佢折磨...

呼...KAI KAI地...

到LS堂...

好鬼驚見到堅挺,

我份IES仲未交到俾佢哇...

佢上星期個警告震撼得滯,

好彩佢今日似乎唔多記得姐~

遲D真係死都死到俾佢先得...

到LUNCH...有D秘密仲未公開得ING...

到英文堂同數學堂冇咩好講...

值得一提既係...今日我真係痴左~_~"

由朝早開始就係咁,

唔知點解成個腦都係老婆既身影~_~"

直到放學,

我諗我真係唔知今日學左D乜~_~"

成個腦俾佢霸佔左~_~"

今日唔知做乜真係好掛住佢...

唔通預示佢發生左D事??

不過,就算有,佢都係唔會講嫁啦...(其實剛剛先間接嘈左交...唉...老婆哇...你幾時先可以對我公平D嫁...)

總之,今日真係好好好掛住佢,

到放學係咁等佢電話或SMS,

結果...得個桔...

一直以為佢仲係學校仲未出尼...

直到上完漫畫班先忍唔住打俾佢...

點知...呼...

講起漫畫班,

今日係最後一堂LU...

今堂變左傾計堂,

多左3個不明人士走埋入我地班熱鬧埋一份,

阿SIR又再請野飲,

我要左支朱奶坐係門口睇D F1仔係度畫畫,(冇記錯既話我好似係第三次飲朱奶~_~")

其中有個F1男仔畫少女畫到超勁@@"

個阿SIR話佢男仔之家成日畫守護甜心做乜鬼野~

仲有4個高FORM女仔拎左阿SIR部ipod尼畫畫@@"(包括陳嘉欣)

成班最無聊就係我,

阿SIR同我傾左兩個字計就教人畫鞋,

我自己一個悶到恰左眼訓~_~"

到最後呢...

阿SIR叫左我出去同我講左D秘密...

哇...真係驚為天人...

完全估唔到...

呼...阿SIR今次真係受傷太深了...

以至於佢仲要決定以後唔再教人畫畫...

呼...不過誰是誰非又唔係我地旁人可以判斷到既...

不過某人D性格又真係難頂左D...

虧阿SIR待佢咁好...(想知咩事可以問我嫁~不過我可能會有D保留~畢竟人地秘密MA~)

到最後...我自己一個滿懷心事走左,

SD左個GOODBYE SMS俾阿SIR...

呼...同個阿SIR相處咁耐,

我諗最大得益應該係佢時不時請我食野^^"

畫畫方面MA...

好似唔係太多...

而且我仲飛過佢三次堂~(三次都為老婆飛左佢堂~)

仲有兩堂早走~

我E個壞學生真係...

呼...希望佢可以從打擊中站返起來啦~

無論點都好,都要多謝佢既分享同教導既~

呼呼...

老婆話要做功課ING...

希望佢唔好又一路玩一路做啦...

晚晚做到咁夜...

佢又早醒WO...

變相每晚訓得4至5個鐘...

唉...

仲有哇老婆...伯母既事,你就就下佢啦...

今晚開始唔好同佢爭喇...

第一,同佢爭你實輸...E個係無可否認既...

第二,佢日日做到咁辛苦返尼,你米當獎勵下佢LO...俾佢自己輕鬆下LO...

每個人都有需要輕鬆既時候,你都玩左咁耐啦,讓少少時間俾佢都唔係好過份姐...

而且你諗下WO...佢日日咁辛苦做野為邊個先...家陣你米當報答下佢LO...

順下佢意同埋少玩一陣又唔會死既,

仲可以一家和和平平,

家和萬事興呀MA~

自己諗下啦老婆...

仲有...剛剛動左真怒,

對唔住哇...只係,你係米應該正視下我所講既野呢?

其實你可能覺得唔公平,

但其實我有錯或你頂唔順我一D咩既時候你都可以講出尼嫁...

就例如你話過唔想我講咁多粗口,

我真係好努力改善緊嫁喇...

反而係你講多左...

係唔係應該反思下我所講既野呢?

咳咳,今日樓下又攪左活動,

本來唔多想去既,

不過...好奇心+貪玩心攪到最終都落左去睇~_~"

落到去毛毛雨,

上返尼拎把遮再落去,

一開始玩D白痴遊戲,

不過自己都玩埋一份~_~"

好輕易咁拎到支蠔油返屋企~

之後無聊頒獎,

頒完獎就唱歌@@"

跟住有個阿姐走出尼唱粵曲,

雖然一開始果D似鬼叫,

但後面果D又幾好聽WO~

大把阿婆擔住遮聽佢唱,

跟住拍左兩段片~

算係唱得最好既兩段~

一段係紫釵記,

仲有個係帝女花@@"

點解會拍呢?

原因唔係我鍾意粵曲,

我對粵曲唔係有好大興趣,

只係當時諗起隻豬時不時聽到粵曲,

而且隻豬唱粵曲幾好聽嫁~^^"

好鍾意聽佢唱歌~^^"

跟住就影低左落尼喇~

有興趣既人上以下網址LOOK下啦~

咳...質素一般,多多包涵~

http://cid-b9602046015e54d3.photos.live.com/browse.aspx/%e8%97%8d%e7%94%b0%e7%b2%b5%e6%9b%b2%5EF

或者上我MSN既個人資料度睇啦~

超想聽隻豬唱歌~^3^

E幾日...真係KAI KAI地...

心情大起大跌...

最KAI既係...仲要影響到人...

就例如尋晚...

泰山崩於前而不驚...

E個係最好形容我尋晚對所以事既態度...

結果...攪到欣欣心情仲差左...

呼...都唔知攪乜...

SORRY...

講下今日啦...

今朝,七點半先落到去啟田商場入口,

心諗...咁既時間...85%遲到了...

不過又好彩地,

趕到班車,

奇蹟般唔使遲@@"

E幾排多左女仔關心我~_~"

尋日就陳嘉欣同黎可人~_~"(陳嘉欣因為同我一齊上漫畫班,識佢五年,今年算多野講左~_~"至於黎可人,佢係遲到女王,同我E個遲到王子一樣共享盛名,尋日同路行左陣又傾左陣姐...)

今日就何惠儀~_~"(其實E個人上兩星期開始就係咁~_~"有唔少事事都搵我幫手~_~"跟住對我D野比平時感興趣左~_~")

今日一入課室就又係度訓覺,(班主任變左老陶^^"老陶返左尼^^"代高佬曾做我地班主任3日~好懷念以前佢教我地既日子^^")

跟住何惠儀就嘈我~_~"

喂,等陣西史TEST呀,仲唔溫書?!

我好眼訓...我同佢講...

西史使乜鬼野溫呀...又唔係填充...LQ姐MA...

佢超唔死心~_~"

咁你都溫下啦...

好無奈~_~"溫唔溫書又關佢事~_~"

不過最終都係冇溫~

跟住...到左西史堂...

TEST衰左...

唔係因為冇溫書...

而係因為太眼訓...

訓左~_~"

結果有30分唔見左~_~"

50分滿分呀...

一開始就冇左30分~_~"

陰公~_~"

到中文堂又TEST...

不過今次個閱讀難左D...

第一篇野攪死左我~_~"

有幾條亂做~_~"

慘喇...逆水行舟呀...

唉...

英文堂冇咩講...個新MISS都係咁KAI,

唯一最好就係唔使交功課咁滯^^"

D人個舍都拖得就拖,

當佢冇到~

到下午...

中史堂冇太多野講,

我努力左一個幾鐘既野得左滿分,

算係咁啦~努力左最低限度都會有成果既~

到RE堂...今堂講婚前性行為...

又俾一段以前睇左N次既片我地睇...

不過伊家睇返唔同左味...

反思左好多...

嗯嗯...(唔好亂諗野啦下...)

到班主任堂,

老陶走入尼又播片,

不過我訓左覺,

訓到放學,

今日因為全日冇鐘打,

所以其實時間一到就散得,

點知...老陶突發奇想,

叫我地搵人做代表祈埋禱先走~_~"

我頂...真係麻麻煩煩~_~"

最後黃穎僖走出去,

都唔知玩野定點,

晒晒我地時間,

最後泰仔STOP左佢,

跟住成班人散BAND~

落左去圖書館...

還書...

得返張100蚊係度...

咳...

佢罰我兩個半...

都唔知點俾佢~_~"

最後撞岩鍾林問佢借~_~"

E舍係我最KAI既習慣...

唔知幾時先改到~_~"

成日擺D書係屋企...

成日遲還~_~"

我中四到伊家俾人罰左應該過200~_~"

最勁果次一罰罰左我成20蚊~_~"

加埋其他夾埋夾埋應該有200~_~"

真KAI~_~"

返到尼藍田...

一出地鐵站...

見到成大堆人圍住唔知睇乜,

8掛下...

原來有個男人唔知咩事打左個阿婆~_~"

有3個差人走尼做野,

個俾人打既阿婆超慘...

成嘴血...

坐係街邊係咁喊...

一路喊個嘴一路流血...

個女警埋去安慰AND幫佢抹血,

而一個男警係度搵現場證人,

仲有個係度鬧個男人@@"

家陣你係米覺得自己好岩呀??!!下??!!XXXXX

個警察仲惡過個男人~_~"

個男人落唔到台但又唔出得聲,

係咁俾個差佬鬧@@"

又唔敢打個差佬WO,

人地個差佬勁大隻,

就算唔告佢襲警佢都唔夠打啦,

打阿婆佢就識~

個阿婆真係好陰公...

披頭散髮坐係路邊...

陰公...

最後鬧人果個差佬開始趕人走~_~"

都仲未知咩事就俾人趕走左~_~"

真KAI...

呼...今日本來好想好想打個電話俾欣欣...

但伊家打下打下BLOG突然又冇左動力~_~"

攪乜~_~"

而且...佢似乎仲留緊堂呢...

E幾日辛苦左佢喇...

要成日受我脾氣...

SORRY呀...

呼...今日死人LS統測測死左...

呼...天日到老婆測驗希望佢唔死得啦~

加油哇...

最近老公心情唔太好ING...

最近屋企有D家變ING...

可能E幾排都幾攪左D...

不過放心啦...唔使擔心我喇...應付好你自己先啦=)

加油哇...仲有...記得問下未來外母哇~^^"

E個仆街人...

我真係唔知講咩好,

阿媽同我有咩都唔同佢講根本係有原因,

E個男人,

根本唔值得做男人!

點解佢講野果陣冇人肯聽?!

因為,佢根本就唔配做男人!

一個咁既男人,

我真係唔知阿媽忍佢十幾年點忍...

我再同佢講野真係浪費自己口水,

我根本唔想再同佢講任何野,

點解D人憎佢,

點解D人鬧佢,

點解D人去杯葛佢?!

原因係,

人地三番四次講佢錯處出尼佢仍然盲目堅持自己個死腦諗出尼既野而且唔識反省唔識改進!

成日話米蝦佢淨係讀到五年班,

話佢自己都識好多野,

識好多心理,

其實,串D講句,

只讀過五年書既人真係低能好多!

剛剛同佢食飯開始嘈到伊家,

佢都仲係認為自己冇錯!

仲係度堅持佢自己既大男人主義!

何謂大男人??!!

脾氣暴躁/愛面子/思想固執/無人能左右佢既想法/經常貶低女性...

E D叫大男人??!!

E D叫自大男人!!!

叫盲目地自私既男人!!!

用我地既語言尼講,

就係仆街到無撚用仲要係度叫囂以為自己真係好撚巴閉好撚勁既人!

根本唔配叫男人!!!

剛剛叫阿媽去死,

我想講...

屌你老母臭花係仆你老豆臭街死撚ON9你唔撚去死真係無7用!!!

剛剛想打今日D野嫁,

點知~_~"

突然呀媽睇左個電話之後喊死咁滯@0@"

咳...我出世到伊家都未見過佢喊得咁西利@0@"

係咁喊估咁喊~_~"

跟住搵佢個好工友糖糖傾訴,(阿媽轉人轉得好快,以前係黃大仙果個好工友富婆姨俾佢忘記左喇已經~_~")

係咁叫:"糖糖呀,糖糖呀..."

我仲以為糖糖死左添~_~"

跟住佢仲要愈喊愈西利~_~"

我係隔離偷懶玩緊電腦,

見佢咁既衰樣都唔知仲玩唔玩好~_~"

糖左唔知幾多聲之後佢終於收聲~_~"(中途阿爸以為咩事即刻走出尼,但佢根本唔係安慰人既材料,一見女人喊仲要惡死咁問佢咩事~_~"真係...E D死木頭...都唔知阿媽以前點解鍾意佢~_~")

跟住同個糖糖講多幾句就吸線,

阿爸反而發嬲...

你個死衰婆!E幾日日日成8點先返尼!都唔知係米走左去勾佬!E幾日又成日失眠!自從個死人經理俾人炒左之後你就咁既死樣!係米鍾意左人地??!!為左個死人經理日日掛佢係嘴邊??!!為佢攪到自己失眠??!!XXXXX!!!(XXXXX係我記唔到佢咁多野喇~_~")

原來...阿爸D妒忌心仲重過我超多@0@"

人地住洋樓有錢呀MA!人地搵成十幾萬一個月呀MA!XXXXX(XXXXX係我又廢事記咁多~_~")

跟住...兩公婆係咁嘈~_~"

阿媽喊成咁仲要鬧到人地咁勁LO~_~"

真係...E D男人真係...

唉...對佢愈來愈失望...

阿媽反駁...我上個月失左幾多血呀??!!我上個月經痛又出事你有冇關心下我??!!我今個月失眠都係因為上個月既後遺症炸!!!你話你成日出去做野好辛苦,成日係度怨人!咁你到底有冇諗過人地感受??!!XXXXX!!!(XXXXX同上~_~")

跟住...嗯...發覺自己都有少少冷血,

係E個情況下我咩都冇做,

繼續偷懶打機~_~"

咳...伊家打出尼發泄下姐~_~"

等陣食完飯仲要沖涼做埋第5PART哇...

仲未做晒嫁~_~"

加油!