哇~~~~~
 

今日就係萬聖節喇,

大家過得開唔開心呀,

我返而覺得唔係幾開心.

今日去左參觀母親的決擇,

我地要搭巴士去,

仲要搭勁耐,

攪到我頂唔順訓左覺,

落車之後就攪到我暈舵舵,

聽左個幾鍾尼個無聊講座之後,

又要搭返巴士返尼,

又再訓多次,

當然我又再暈多次,

真係好辛苦,想叫"help"...

仲有俾個鬼故網大家上下,

d內容唔錯,仲有好多樣野俾你地睇,

自己上去look下啦,到時唔好叫驚就得喇...

http://hk.myblog.yahoo.com/jounlyalan/

尼d係我想同阿瑤講既野,希望佢可以收到啦:

其實我想問,我地可唔可以做返以前咁好朋友,我覺得我地疏遠左好多,雖然我知道尼d都係我一手一腳做成既,但係我都希望你可以原諒我,我都唔想,因為之前我覺得欠你太多喇,我覺得無臉見你,所以克意咁樣疏遠你,你約我去教會我唔去,連同你傾計我都唔會傾好耐,更冇再同你講心事,每次見到你約我去教會果陣既果種期待既眼神我就覺得好心痛,因為我知道我又可能會再次傷害你,而且更加令我有更大既愧疚感,令我更加疏遠你,不過伊家我真係好想同你講一聲對唔住,我真係冇心傷害你,我既性格係咁,當我做左一d自己認為對唔住人地既事之後我唔知點解會覺得好愧疚,之後仲會唔知點解逐漸想逃避,從而想走出人地既世界,唉...我份人唔知點解就係咁,好多時都會不知不覺咁傷害到人,但我真係想同你重拾以前既友情,可以既,我想做返以前果一個係你臉前傻乎乎既伍家和,最後都係同你講聲對唔住先,希望我地可以重拾友情啦,Thx~~
 

希望佢真係收到啦,我係真心想對佢講聲對唔住嫁...

今日真係黑仔...

今朝沖完涼準備去教會果陣,

無啦啦發現我胸口前面有個腫瘤,

話左俾呀媽知之後呀媽即刻帶我去聖母睇,

點知聖母冇急診,

攪到我地要去左私家睇,

之後私家果邊介紹我去太子x光化驗中心睇下,

去到之後又攪左個幾鍾,

化驗完之後話要星期二先有報告,

走左之後想係太子食賣飯先,

我呀媽又要趕住去做義工,

但係個死人太子得晒d酒樓,

個m記又爆滿晒,

攪到我地亂晒大龍,

最後我返返屋企煮野食,

呀媽就買個包食算,

今日真係黑仔...

又差唔多過左一個星期喇...

日日都有中文堂,唉...

以前我就鍾意上,

但係伊家尼個老師教攪到我好唔想上,

佢上課一d都唔理課堂秩序,

油得d壞分子係到攪野,

仲衰過係市場...唉...

kai忠有句話:52cwl

大家估下係咩意思啦...

ya!!!我中文默書默左兩次,

兩次都得一百分!

實在太happy喇,

中文miss仲獎左d野俾我.

下臉介紹一個網站,

鍾意睇動畫或者漫畫既人上去look下啦:

http://bbs.xdxdxd.com/index.php

哇~~~畫皮上映左咁耐,

我居然冇錢去睇呀...

氣死我也!!!

咁好睇都冇得去,

簡直就係冇天理+冇地理,

畫皮出左碟之後一定要買返尼睇!

上兩日搵搵下野居然俾我搵到返一d佢寫係我d野上臉既筆跡,

個心好亂呀,

到底要唔要扔走佢呢,

真係唔知點算...

今日係國慶喇...

好happy,又可以放假喇...

將d煩惱拋走晒好好地訓一覺真係好...

近來好憎我地個中文老師,

佢都唔知係唔係老師尼既,

上課果陣鍾意幫住一d壞分子,

人地食野又唔理,

調位又唔理,連爆粗都唔理!!!

都唔知校長做乜請個咁既老師返尼,

再咁落去我地班就無嫁喇...

唉.....................

 尼幾日真係好kai,

無啦啦上唔到blog,

攪到我咁耐先開始打,

氣死我也!!!

今日係八號風球,全香港都唔使返學,

真係太正喇,開心到我......

返左咁多日學又放多一日,做學生有時都幾好...

昨日差d有個秘密俾個姣婆知道左,

吓得我...爆左出去我水洗都唔清...好彩=]

 今日就係中秋節喇...

忘記讀書既辛苦啦,

要開開心心同家人一起過尼個一年一度既大日子呀...

我諗今日或者會好happy,

希望全世界人都感到開心,

同埋可以同屋企人一起團圓地過中秋啦...

 今日居然俾我有咁既機會,我居然可以上緊堂果陣打blog,哈哈...個老師實在太好人啦,不過最衰唔可以打機或者睇片,唔係就更好喇...開學第二個星期啦,感覺好虛無,好似少左d野咁,但又講唔到出尼,個心好亂...唔知點好...