終於...要返學喇...

今日因為某某人既鼓勵死下死下居然的起心肝死掂左中史~_~"(唔講邊個係因為免得佢沾沾自喜^^")

8條野...

真係星星太陽月亮佢呀...

做到呢...仲衰過一隻積...

仲要一次過做...

數下數下...仲有英文同數學冇做~~

唔做哇!!!>0<"

完全唔想做...

天日就返學...

第一堂中史,第二中文,第三...就到LS...

唔知LS有冇野做添~_~"

到時死就死啦~_~"

最多俾堅挺X幾野姐~_~"(雖然俾佢X一野都好想死~_~")

跟住下午...就係...英文...(死陳美娟!!!最憎既老師之一,古板到呢...)

最後兩堂就係...數學...(蛋頭...)

咳...總之MA...唔諗喇!!!

再諗會死~_~"

今日亦都用一隻毛毛公仔氹掂左欣欣做功課^^"(商量左...都幾耐下...話俾我D童年照都唔要哇><"雖然個樣薯頭咁,但都不失為...KAI子一名~_~")

佢伊家應該仲做緊,

加油哇~和和精神上支持你~^^"(實際上好勉強姐...好難飛到咁遠幫佢~_~"至多佢有問題果陣講出尼一問一答lo-3-")

天日如無意外就會少一個人留堂喇~^^"

後日...就要考試喇...好彩既係,頭果幾日d野都係冇得溫書既^^"(可以輕鬆d ma~^^")

後日考中文作文同綜合能力,

完全easy joy啦~

不過...萬一到時先尼無靈感咁就真係x街喇...

天呀~阿妹呀~保佑我一定要有靈感哇~^^"

咳...咳...

原來呢...天日係我舊曆生日ing~

舊曆十一月廿九日~^^"

祝我自己舊曆生日快樂~^^"

好耶~新曆果陣再同自己講過~^^"

雖然新曆同舊曆都要返學或考試~_~"(郁悶ing...)

但係...始終都係生日ma-3-"

新曆再祝我啦大家~^^"

阿婆又200蚊利是^^"

阿媽話天日先俾我~^^"

至於阿爸...佢話只係俾10蚊...=0="

真係孤寒到呢...

阿媽就唔知,

但依照以前慣例尼睇...絕對唔超過50蚊...

唉唉...

d錢仲要留尼買野俾炫姐...T^T

屈數嫁...T^T

唉唉...用錢消災...

咳...今晚要開始早D訓了...

大家都加油喔~^^"

話咁快...2010年就要離大家而去了...

回想這一年,

不知用何言形容了...

每年的結束也這麼令人依依不捨...

特別是今年,

因為...今年認識了那個她...

很奇幻的,

由一個遊戲而認識,

居然能發展成今天地步...

雖然還保持著不少距離,

仍然未有什麼實際名份,

而且,現實中太多限制了...

想見一面也難,

大家性格上,

坦白說,

的確有不少不相襯的地方,

但不要緊呀,

因為如果兩個人都有相同喜歡的性格與興趣等等,

那只是在複製自我人格而已,

不一樣的性格或興趣甚至相反才有挑戰性ma,

雖然總要有時間去磨合,

但這正正才是愛的奇妙之處ma...

又雖然在之前的幾次見面並不太成功,

但幾次的小小失敗共不能完全打敗我!

能再站起來才是男人!

咳...說著說著扯太遠了~_~"

總之抱著愛她的信念持續走下去就對了.^^"

2010年要完了...

這個我永不會忘記的年份,

它給了也奪走了我太多第一次了,(別亂想,沒啥歪意思的^^")

期望,明天以後,

能更好,

大家來展望2011吧...

新年快樂!!!

係我心情唔好既時候...

居然又整多波野俾我嘆...

一個鬧一個阻手阻腳,

另一個又鬧話要絕食...

我小媽媽...煩死...

少D煩都唔得,

一係就一致矛頭指向我,

一係就兩公婆自己鬧拉鬼埋我落水...

唉...

望月下秋水,西邊屋翻騰.少年獨自鳴,孤孤不得已.

又曰污點時,漫漫無絕期.本是同屋人,何故惹軼事?

猶在屋前哀,萬事不得意.唯以愛為本,猶思遠方人.

人在遠方遊,現已何事發?夜夜獨憂心,但不得如意.

今夜獨暇思,無人可訴聞.唯與明月說,鬱悶有誰知.

Today is so bad and regret day...

First...Second...And then...The end...

一星期了...一星期後的今天...(邏輯係,尋日仲係一星期入面,28減21等於7,一星期7日,咁係米仲係一星期入面呀,咁今日係29號,29減21等於8,即係一星期後lo~)

Too fail...

一星期前...大家有眼見了...

第一次見面就...唉...

跟住...夢夢幻幻的,係第一次見面後第二日再次見面,(個邏輯係,21號第一次見面,咁呢,見面後第一日就係22號,咁第二日米就係23號lo~)

仲去左睇戲添...

再第二次見面後既第二日,(邏輯同上)

因為第二次見面之後第一日對方既一句話,

而興匆匆想尼第三次見面,

不過...中間出現左d意外,

令到事件只聞雷聲而沒有雨水...

到了今天...

在昨晚一次意外提議後...

終於進行第三次見面了...

但係...亦發生太多意外事件...意外程永達百分百...

只能說...一失足成千古恨...

不論誰對誰錯也好...總之結果是...

不歡而散...

雖然老天給了我歷練的機會...

但措手不及的我卻幾乎無能為力,

令事件順其自然並無疾而終...

呼...不想多說什麼...只是...技巧真的還沒到家...

連那個承諾也因事件突發改變而隨著計劃泡湯...

plan b也在錯誤的環境下無法執行...

而plan c...就是那句顯得很沒用的說話...唯有下次吧...

下次下次...下次大概可以...

雖然歌是這樣唱...

但是...真的還會有下次嗎...

如此糟糕的行程與行動...

別說別人,就連我自己也沒信心還有下次了...

呼...不知怎的...真的很對不起...

或者...要建立足夠的信心...還要假以時日吧...

如情深,試試吻,為何不行...

幻想可將她擁抱入懷,愛意她可會逐吋了解...

感覺,講出去,總好過,一相對,無言恐懼...

誰又害怕...

夢內傾心一吻就算心動...

現實可惜不配與你相擁...

沉溺於一刻的接觸...

那管即將結束亦已滿足...

但願別人沒看我...極力在逃避過錯...

不敢想來日那結果...

除非一張開眼錯事沒有發生過...

奇蹟不可洗脫我,我是有錯...

講下尋晚先...

尋晚本來冇太多野好講,

不過有件KAI事發生...

同欣欣SD SMS居然SD到一點半先訓~~

第一次咁瘋狂~~

你一言我一語咁SD SD SD...(諗緊其實大家似乎都係度死撐^^")

SD到一點半,

終於肯休戰...

果然兩個都係傻既~~

到今朝喇...

冇咩特別野,

返到學校早會,

幾乎成班5A唔係度~~

原來全部走晒去SAC練=.=

咁都唔緊要,

最膠既係佢地超大聲,

開開下早會突然傳D聲出尼~~

真係丟假~~

結果成班俾人的返晒落尼點名~~

早會散左之後諗住可以去睇天才表演啦,

點知又俾少龍拉晒全班去練=0="

真係膠...前頭部分冇得睇喇...

排多次就成班落晒去換衫,

之後入去睇,

今年D野都OK既,

係唔知邊條木咀諗埋晒D膠野,

時不時整D硬膠小品劇出尼,

D劇情真係好硬膠LO...

睇到人想掟鞋...

獨唱完之後合唱,

合唱完之後就綜藝,

我地班花同鍾林女朋友又上台表演喇,(佢兩個上年都參加左,不得不承認真係跳得好好,仲拎埋獎...)

之後...冇啦啦...

個舞台上出現左個不速之客,

原來係超級巨聲果個吳業坤,

原來佢都係聖文德出身嫁,

今次尼唱左兩首歌加埋吹下水SHOW OFF下,

之後...終於到我地A班出場喇!!!

聲勢浩大咁走出尼,

雖然我只係負責拉布拍手,

但自認都為緊班上貢獻嫁,

今次我地班表現真係好唔錯嫁~

之後到B班,

B班真係好勁,

令我地班一下子冇乜士氣,

雖然B班個故事唔多連貫,

但其他方面真係做得好好...

不得不讚...

之後到D班,

D班除左識唱下歌攪下爛GAG之外真係冇太多好野LO...

反而...居然就係D班拎冠軍=0="

真係0晒嘴...

你話輸俾B班都話姐,

輸俾D班真係好唔抵LO...

我地A班衰剩班花跳舞拎返尼既果個獎...

唉...灰...

之後放學...

放學...原來先至係押續表演既開始...

興匆匆咁沖去荔景,

就係途中...

接到原來好大機會會撞到欣欣既消息...

當時呆左一呆...

哇...雖然好多時諗自己幾時可以睇到佢...

但係...突如其來既消息又令我吃不消...

諗起自己以前D戰績...即刻就有種想走佬既感覺...

但係...點可以咁衰仔呀...

繼續沖去...

出左荔景地鐵站,

緊張到不得了...

用部手提做鏡左睇右睇,

路經籃球場個洗手間,

即刻走入去汁返下個LOOK先...(雖然汁尼汁去都係咁既衰樣~~)

呼...汁完就沖去祖堯...

去之前...諗起欣唔知到左未...

到時唔知同佢講乜好~~

所以走左去7仔先...

諗緊佢應該剛剛放學冇咁快尼到...

就入去買定兩支麥精,

自己飲住振定下先~~

係張椅度一路飲一路等,

順便扮下COOL先~~

點知原來佢已經到左@@"

差D嚇親我~~

即刻扮住蟹先,

慢慢飲住支麥精~~

仲低住個頭~~(咳...扮蟹一個高既境界~~)

玩下玩下部手提...

話左俾佢知我位置...

低住頭用眼四周圍及尼及去^^"

睇下有咩可疑人物^^"

十幾個女仔係我面前經過...

完全唔知邊個係~~

再坐多陣...

冇反應既~~

周圍冇晒人喇WO~~

忍唔住問佢係米見左老師喇~~

佢話鎖左WO,

咁即係應該又行返出尼啦...

即刻再汁返下個LOOK先~

繼續扮蟹...

跟住冇幾耐,

有幾個人係度大聲講野,

唔肯定係米佢尼,

繼續扮蟹...

偶然抬頭...

發現一個帶眼鏡女仔望住我~~

同佢一對望佢就即刻走佬~~(好可疑,不過因為扮蟹中而冇乜在意~~最後知道原來係樓姐尼~~)

跟住欣欣仲話見到我@@"

咳...成個緊張晒...

諗緊會唔會就係果個眼鏡妹呢~~

咳...跟住糊里糊塗自己理解到走左去小學~~

跟住企一陣返返尼~(事實證明,我扮蟹技術真係好高^^'中途有兩個女仔鬼鬼祟祟係度,我扮玩電話當唔知^^")

去返7仔出面,(佢兩個係正條柱後面^^"當我睇唔到咁^^")

留左一陣...

佢地入左去7仔入面...

奉召要入去...

咳...突然間好淆底...

入定唔入好呢...

入就唔知點面對...

唔入又好衰仔...

最後...數左三聲...沖呀!!!

入到去...終於真正見到佢兩個喇...

0晒嘴...唔多識反應...(唔係佢地樣衰或者嚇人...而係我自己緊張過頭~~)

反而係樓姐先向我say hi~~

先機俾人搶左喇~~

但我即刻唔知點反應好...

青澀咁say返聲hi...

跟住...就唔知點算好喇...

最膠既係...

我真正對欣欣講既第一句野係...

麥精呀,岩唔岩飲?(果陣仲有包麥精係度~~佢當時食緊雪糕,眼定定望住我...好似我臉上有野咁~~我自己反而唔敢同佢對望~~失敗哇...)

咳...睇勻咁多小說同埋人情世故,都未見過人地第一次見面講e句野~~

都唔知自己咩勇氣尼~~

佢又真係收wo~~

一隻手又拎麥精又拎雪糕,(兩個野都係凍既,佩服佢定力~~)

打量下佢...

佢揹住左我送俾佢果個袋ing~(*^_^*)

心中暗暗興奮^^"

不過...當時仍然緊張中~~

冇任何表示~~

跟住...迫不及待地...

為左緩和下氣氛同埋壯下膽...

即刻拎d聖誕卡出尼,

樓姐剛好經過我,

就俾左佢先,

跟住...鼓起勇氣行到欣欣面前俾佢...

咳...想雙手俾嫁...

不過緊張得滯唔記得左~~

最西利既係,

佢拎住埋d卡,

又唔入落袋,

拎埋個麥精同雪糕,

仲可以若無其事咁同一個第一次見面既人講野~~(強哇~~)

跟住...唔知邊條木咀打俾佢...(事後知道係炫姐~~)

攪到我開口又唔係唔開口定唔係~~

跟住又無啦啦要聽炫姐既叮囑~~

聽完之後...又企係隔離睇住佢聽電話~~

企一陣終於忍唔住提出...

但之後又唔知講咩好wo...

又昂居居咁企係度~~

望住佢同個店員傾野~~(附帶一提,個死店員見我企好耐又唔買野又唔走,成日啤住我~~當我賊咁~~)

都係唔敢去同佢講野~~

最後...又行返出去抖下氣先~~

終於忍唔住...再鼓起勇氣入去...(壯士斷臂~)

食左飯未呀?

第一句又好似係怪怪地咁~~

講唔夠幾句...

即刻俾左d書佢...

跟住好似甩難咁say good bye走都走唔切~~

但算係保持儀態咁行出去嫁喇~~

行出去即刻向地鐵站走,

見佢地向小學果邊行,

有少少鬆一口氣既感覺~~

諗住可以冷靜下諗下對策...

點知,佢地又兜返過尼,

嚇得我呀~~

行下行下俾佢地超埋我添~~

跟住佢地超過左個公園,

諗住又走得喇...

點知原來佢地行錯路,

原來同我同一路~~

一步一驚心~~

一前兩後咁行...

行出左公園望去後面見佢地仲係跟住...

開始有少少懷疑...係米玩野嫁...

行一陣仲係跟住~~

真係忍唔住喇...

佢地傾野反而傾得輕鬆~~

我就自己一個係前面一面開路一面自閉中~~(偶然似乎聽到佢地討論緊我~~想死~~)

終於...行左成個世紀...(誇哩~~)

終於行到去地鐵站口,

以為佢地會入埋地鐵站,原來只係經過姐,

又鼓起勇氣大聲少少同佢地say good bye~~

之後跑都跑唔切咁飛落地鐵站~~(失敗呀...瘀死~~)

不過,落左地鐵之後好快就冷靜左落尼...

係e十五個站既路程裹面,

我唔知道見到d乜,

我只知道一路上我都係係度傻笑中~~(失禮晒~~)

一時微笑一時傻笑~~(我諗唔少人當我白痴既~~)

自己都講唔出有咩咁好笑~~

返返尼藍田先收返笑容~~

咳...今日經歷真係...咳咳...

不過回想返...

真係好失敗呀...

第一次見面俾個咁既白痴樣人地睇~~

第日想唔做白痴都唔得~~

算喇...打太夜喇~~

e篇野打左n個鐘~~

收筆喇~~

咳...總之今日真係...

今日...真係硬膠既...

令渡過今日既人都非常硬膠...

朝早...汁好個LOOK飛返學校,

8點前就到左,

原來今日唔會計幾多點遲到既,

見一個5A人都冇,

打個電話俾膠生,(無奈要打炸...一個電話扣我8毫子呀...今日總共打左同聽左起碼5個電話~~無計啦...23號先正式開通個PLAN~~)

點知原來8點半先集合,

我傻仔左尼咁早~~

不過都好既,

尋晚未寫晒D聖誕卡,

剛好有時間寫埋佢~

寫到8點5個字,

見到膠生同埋成10個5A既返到尼,

但佢地行兩行就走返去門口個方向,

嚇一嚇我,

以為要上車喇添~~

即刻飛去門口...

但又唔見左佢地,

無奈再打多次電話...

原來...真正係9點半先集合,

8點半集合果D係幫手買燒烤材料既~~

又一次俾人搵左笨~~

又走返返去再寫過~~

寫寫下膠生打電話尼,

話唔少5A去左棋杆果度,

叫我過去~~

去到見到某D寫左聖誕卡既人,

就送俾佢地啦,

出乎意料地~~

個舍都好似神父見到耶穌咁既樣~~

個個又話多謝又叫和哥又乜又物~~

死景傑仲要尼個三鞠躬~~(當我死左咩伊家~~)

送埋俾鍾林,

不過扣留左係佢女朋友度...(唔知咩意思LO!!)

睇尼和睦之路還漫漫長...

9點半集陡上車...

上到車又一如既往咁訓覺...(透露少少秘密,其實我...搭咩車都好,搭耐少少就會暈車,所以通常搭旅遊巴出去既話我點都會訓覺,有時搭地鐵搭耐左都想死=0="唔好歧視我哇~~)

一路訓下一路SD下SMS,

到真係頂唔順先真係訓~~

到落車喇,

周圍環境算唔錯,

第一次尼印象唔錯,

不過都行唔少路先到燒烤爐,

原來...去到大坳門,除左燒烤真係冇乜野玩...

我又冇俾錢參加燒烤...

而死人小賣部D野又貴到飛起WO...(一碗唔多大碗既餐蛋面都要20蚊LO...)

唯有等快D完快D返黃大仙食D野,

點知問完先知...

3點半架死人旅遊巴先會尼,=0="

真係激鬼死我,

見人地燒得開開心心,

我自己一個就坐埋一邊睇住~~(雖然都有幾個一樣唔燒,但佢地唔知係想食定係點,個個哄晒埋去LO~~無骨氣~~)

不過最後我都係頂唔順~~

自己一個周圍行,

行左入一條叫做樹木研習徑既路入面,

行入去好似行緊落地獄咁~~

落勁耐都落唔完~~

仲要曲曲折折咁~~

中途時不時有D小學雞嘈嘈吵吵咁經過,(我行得超慢)

最攪GAG既係去到平地唔再係落樓梯既一段路果度,

後面有成堆女小學雞蹦蹦跳跳咁追到上尼,

其中一個女仔話,咦,前面有人WO,E度居然會有人WO~

另一個話,係WO,不如我地去前面睇下佢係邊個呀~(汗-0-")

跟住...佢地後面果幾個女仔都係度叫,好呀好呀~(使唔使咁興奮~~)

跟住佢地成班跑住咁追過尼...(為左掩飾,我扮晒蟹咁係度影相,扮晒COOL唔理佢地~~)

有兩個超左我回頭打量我,

好似發現外星人咁...

一個話,佢係度影相WO~(好白痴既一句話~~)

另一個話,係WO係WO~(E個仲白痴~~)

不過後面果班冇跟上尼,

因為有幾個領隊老師叫返佢地返去,

行冇幾耐,

果兩個超左我既仲唔肯走,

係度講一D同我智商完全不合乎既野~~

最膠既係,

行行下路邊有個牌寫住懸崖危險既字係度,

果兩個其中一個即刻走返轉後同D老師講,MISS MISS,前面危險呀,叫我地唔好走呀,不如我地返去呀~

我0晒嘴~~人地句野都唔係咁既意思~~

係提你小心碌落山姐~~

真係俾佢地吹脹~~

再自己一個行行行,

行左唔知幾耐終於上返去個燒烤場,

原來我行既路算係繞左成個公園一周,

行上去果度剛好係放風箏既地點,

好多好多年冇放過風箏LU...

好好奇咁去到坐係度睇人地放風箏~~

有幾個中學生放得超好,又高又遠,

超羨慕佢地LO...

如果我都識放就好LU...(以前我亂放嫁,未試過上過天,而且以前隻風箏用報紙整既,咁重上到天就真係奇~~)

而且,一隻好D既風箏起碼60蚊,

唔多好果D又好難放...

係E段經濟困難期,

都係唔好浪費資源喇~~

見到蛋頭都係度放,(蛋頭係我地個數學老師尼,因為光頭既,又似足個蛋咁,所以個個都叫蛋頭^^")

真係超驚訝,

不過佢技術真係麻麻,

睇佢放左半個鍾都未放到,

我都廢事浪費時間係佢身上,

睇下放左上天果D仲好,

起碼有4隻上左天,

隻隻都好靚,

一定唔少錢啦,

睇當中又諗到D野...

再望返蛋頭,

佢終於放棄而將隻風箏俾左個小學雞,

點知...真係激死蛋頭,

人地小學雞本來唔識放既只係好奇下既姐,

但居然唔使兩個字放左上天~~

仲要放到超高,

等蛋頭冇得賴生賴死^^"(佢之前話放唔到係因為隻風箏問題,又話D線唔好呀咁,今次冇得賴喇~^^")

蛋頭超冇引,

好快走左佬~^^"

我就繼續坐,

坐左好耐好耐,

睇到唔少人情世故...

中途有D智障人士學校既人尼玩,

我地學校中三全級同我地5A班一樣都係尼大坳門,

有唔少聚集左尼E一邊,

點知有幾個敗壞我地校譽既死仔死女,

係度係咁歧視人地智障,

人地企埋少少又話乜又話物,

人地企係度佢地又話阻住影相叫人地死開,

真係他媽的LO!

人地邊撚度得罪佢呀,

學校有E D咁既撚樣真係悲哀LO,

都唔知D訓導個個月收粮尼做咩既,

E種敗類麵出得街LO!

睇唔落去,

坐多陣我自己都走,

走返返去我地班既位置,

又冇野做了...

時不時同人地吹下水咁,

吹吹吹又時不時SD下SMS,

點知部死人手提唔爭氣,

SD SD下成日話電量不足LO=0="

攪到愈來愈少SD,

跟住又同陳SIR吹,

吹到3點3,

就叫D人去返落車果度集合,

等到3點半先有車尼,(架車真係好鬼準時LO!!!真係...)

返到學校4點鍾,

本來想食少少野即刻飛去...(我來喇我來喇~)

點知...俾少龍拉住左冇得走...(你等著我過來~你等著我過來~T^T)

話天日天才表演,

今日一定要排WO...

唉...算...為自己班出下力都好,

諗住唔會拖太耐就跟埋佢去,

點知寺練果陣先知都係係後拍拍手就得嫁喇,

但又唔俾走WO,

我小...拍下手姐MA,唔使排都得啦係MA...

到時話點做米得LO,

又唔俾走WO,

又係咁NG佢地D主要部分WO,

我頂佢...係度ON99咁...

晒我時間LO...

到最後...5點8先俾走人...(計劃泡湯喇...)

唯有天日先去啦...(明天我要嫁給你喇~明天我要嫁給你喇~)

無奈ING...

返屋企好心急,

點知中途又殺出一個程咬金,

叫"小母牛"WO~~

好似話係D唔知乜鬼野慈善機構WO...

今次又死係女人手上了...

一個女仔攔Q住我,

係唔俾我走,

一味係咁話先生先生留一留步~~

唉...心軟既我見佢咁鬼真誠...

就留一留步聽下佢有咩講,

點知一留留左三個字~~

佢問D野我大部分否決~~

最後不歡而散,

佢最後仲要叫我SELL下俾D屋企人WO,

話一日捐三蚊可以幫到好多人嫁WO~~

咳...都唔知點解仲有咁既心情停係度聽佢講野~~

成6點1先上地鐵,

返到啟田就去商場再行下...(某某人份禮物仲未知送咩哇T^T)

第一個目的地就係書店...(諗左好耐既決定~~)

睇呀睇睇呀睇...(佢似乎唔多欣賞D小說,散文又驚佢睇唔明,歷史又驚悶死佢,圖畫又唔知佢鍾意乜又驚太低能~~咳...總之...)

本來想買本<在天堂遇見的5個人>,

但好死唔死佢話冇貨,要去鑽石山=0="

鬼有咁多時間去咩~~

E本野真係好好睇嫁~~

裹面教人反思唔少野~~

最後...左睇右睇終於睇到一本返尼...(書名唔講住,內容包含有通識啦有論理啦有哲學啦,又睇落唔太悶,應該OK喇掛...咳...)

呼呼...皇天不負有心人ING...

不過生死還看天日朝,

買左送左要肯收肯睇先得~~

希望真係有幫助啦...

咳...跟住返返尼屋企又平平凡凡咁過喇...

天日天才表演,

5A班必勝!!!

上年都係我地冠軍,

今年點可以唔係呀~

喝!!!

尋日冇打,今日就打下啦...

尋日冇太多野要講...

平平凡凡咁過左一日...

只係...尋晚又打邊爐喇...

連續三日打邊爐=0="

真膠膠的...

佢兩公婆係米打上癮喇...

尋晚又冇正魚又冇腸仔又冇生菜...

D材料BAD到唔使恨...

好彩...仲有香腸頂住...

十幾條香腸幾乎俾我食晒-v-"

仲有...尋晚同阿爸又打交...

推推撞撞...撞左凡個水壺度...

撞粒左~~

俾阿媽鬧到拆天~~

又話乜又話乜咁~~

車~上台果陣pccw都話送一個水壺啦,

而且伊家果個又唔係太好用,

又撞粒少少姐,

咁緊張做咩呢~~

我打交或者打波整傷又唔見佢咁緊張wo~~

到今日喇...

今日冇咁平凡...

10點幾先起身...(當然啦,阿爸阿媽齊齊放假wo...一定要訓晏d,其中一張底牌尼嫁...俾佢地知道我原來唔使鬧鐘都可以好早起身既話我日後生活自由度大減嫁~~今日算起得早嫁喇~~)

起身冇幾耐...

阿爸又拎佢套音響出尼晒命...

開左拆天...

佢一放假就係咁...

可憐我同埋其他街坊既耳仔~~

今日仲俾佢成功較到個低音喇叭添...

佢仲好似未夠喉咁再大聲d~~

oh,god~佢當伊家住山頂豪宅咩~~

e度公屋尼,

d死人新起公屋隔音差到加零一,

大聲少少粗句粗都會俾隔離知道既...

真係...佢爆咁大聲...上下幾層樓都應該聽到~~

奇怪既係,從來冇人投訴lo~~

雖然就話夜晚11點前任你點hi都得姐,

但佢咁既死樣居然仲有人頂得順~~

到11點幾...

歷史性既時刻到喇...

阿媽...終於俾我既"誠意"打動左...

親手將新既電話卡交俾我...(講到好似女皇加免咁~~)("免"字唔識打呀~~)

成功既一刻終於來臨喇!!!

隱忍左咁耐...

終於回報喇TvT"

都話黎明前總最黑暗嫁啦,

黑暗完就冇事喇...

一片光明大道~

呼...迫不及待咁...

手起刀落~(誇哩~)

sd出絕處逢生之後既第一個短訊~(仲誇~~講到好似生離就快死別咁~~)

呵呵呵呵~

有d墨水既人點都唔同d,

夾雜住一句意味深長既詩句sd出去~

但係...只能這麼說...熱臉碰上冷屁股了...

咳...算...不作多說明~~

下午樓下有表演,

興匆匆咁飛落去睇,

見到唔少bg喔~

有個作為工作人員坐係我面前,*v*"

睇佢同d表演一樣精彩ing~^^"

臨開波前出現左d小風波,

有個阿伯坐係第五行無啦啦俾人趕走,

原來d工作人員唔記得貼紙係第五行,(一至五行係d得獎既,表演既同埋工作人員坐既)

結果個阿伯坐落去冇端白事俾人趕走,

個阿伯太執著又超唔順氣,

係度同d工作人員嘈交,

雖然坐返去後面,

但都ee哦哦哦左成半個鐘先收口~~

首先開波既係一隊band出尼表演,

唔記得咩名喇,

幾個女仔組成既,

一個吉他手,一個彈琴,一個打鼓,仲有主音...

其他d冇乜問題,

係個主音時不時走音~~

仲有佢唱高音有d難聽~~

有少少想飛鞋上去既沖動~~

不過佢最後一首唱聖誕歌又幾好聽wo,

我掛住諗野唔記得即刻錄低,有三分一冇錄到~~

之後就表演跳舞喇,

雖然得兩個上去跳,

一個弄釘一個大一d既,(好似話係兩姐妹wo~~)

最大果個睇落都係11或12歲度既姐,

諗住冇咩野睇,

但見係跳舞,

錄埋佢啦~~

點知佢地令我刮目相看,

又真係跳得幾好wo~

個女路女都唔太汁輸,

雖然比起佢家姐仲係差dd,

但整體佢兩舍真係跳得幾好嫁,

中上度啦,

不過不失啦,

咁既年齡跳得幾好嫁喇~

諗緊某某人識唔識跳呢?識既話有機會睇下都好~-v-"

我自己就肯定唔識嫁喇,

大部分野都係自學既,

又冇吸收太多,

好極有限嫁~

仲保持係一二年班既程度~~

但至少都...咳...上得下鏡掛~~(總之期望一定要低就係啦~~)

跳完舞...玩左幾個game,

全部氹細路拎獎品既,

不過最kai都係之後果個環節...

叫做環保魔術表演wo...

整個阿嬸上去表演...

硬手硬腳~~

吹水多過做表演~~

有d野又唔識掩飾wo~~

假到真係...大衛高柏飛都要自愧不如~(大衛d魔術其實真係好假,係靠燈光先整到好似好真咁,係我嚴重鄙視既人之一,呃人水既)

未睇完我已經有想走既沖動...

之後頒獎,d小學生上台領獎,

跟住又多個參加過亞洲星光大道既人上台唱歌,

之後個主持話會再有band show睇,

我對果隊band真係冇太多信心,

又冇晒跳舞睇喇,

就返屋企先,

其實睇表演中途都有d贂野出嫁,

睇睇下,先後有兩個細路女走過尼,

佢地都係義工尼,

會派d小禮物俾d觀眾,

第一果個走埋尼問我要唔要,

我見好似好低能咁就話唔要,

跟住冇幾耐多多一個細路女走埋尼,

我諗住又拒絕,

點知佢第一句就話...

哥哥,送俾你呀~

咳...我0晒嘴...

哪..e d就係服務態度既唔同喇~

既然個細路女都咁叫,

我仲話唔要米好hurt人?

所以義無反顧咁收左~(雖然真係好低能,俾d一年班玩既~~)

呵呵呵呵~

e種女仔第日出尼社會前途無可限量喇~

返到屋企...神下神下...

又走返落街,

因為記起左,

原來我仲差欣欣份禮物未買,

而且係仲未諗到買乜=0="

諗爆頭都諗唔到...

行尼行去毫無目的,

最後都係諗唔到~~

咳...今晚再諗~~仲有天日限期ma~~(- -")

跟住返返尼屋企,

無無聊聊咁...

心神不寧...

跟住就走尼打e篇blog喇...

呼...最近唔知做乜...

成日心神不寧...

好似總係有d野唔記得左咁...

難以言喻...

呼...天日旅行日ing~

仲要面對班友既質問~~

畢竟我尋日甩左佢地底~~

不過應該好易攪掂既~

天日希望冇咁悶場啦...

唔打喇...食飯喇...

天日再打~~

今日...係2010年度最後既上課日ING~

上埋今日,

2010年對學生尼講就完左嫁喇~

呼...唔知係米E個原因,

今日特別多昂居野出...

唉唉...雖然唔多想提D瘀事...

但係...咳...都係坦白從寛啦下~~

今朝好地地照常起身,

照常返學,

一齊十分正常...

係地鐵入面,

我通常會做幾樣野直至到落車,

第一,我會不停咁思考我既計劃,

第二,我會不停咁諗其他唔實際既野,

第三,會玩電話或睇下D SMS,

第四,隔離人地有報紙既話就去及下有咩料,

第五,睇地鐵上面個MON SHOW出尼果D野,(有新聞呀天氣呀果D)

第六,玩手指玩到落車,(咳...E個行為...好正常嫁,哇卡卡~~)

第7,睇書,(個"7"字唔識打~~有識之士教下路呀唔該~~)

第八,聽歌,(自從幾個耳機都俾阿媽沒收左之後好耐冇聽LU...)

第九,秘密...(E個係我係小學三年班就識得既行為,係好重要嫁,可以幫自己解悶,但絕對唔係D咩行為呀,唔好亂諗野呀大家,總之係一個我認為正常既行為啦)

第十,好似冇喇...

而今朝返學...

就奶左其中一樣野~~

今朝去到鑽石山果陣,

有條友有報紙既行埋尼我隔離,

我就好奇下今日有咩新聞啦,

報紙話大帽山有九條友寺露營差D凍死WO...

我睇得太入迷,

心係度諗當中個帶隊老師係米昂居居嫁,

咁樣唔睇野帶隊都有,

差D連累成隊人...

但係...E頭話人地昂居居,果頭到自己昂居居...

睇得入迷左,

清醒返既時候...

見到個黃大仙站離我愈來愈遠~~

原來掛住睇到站都唔記得落車=0="

要寺到樂富轉返車返尼~~

係E段時間就晒左我至少4分鍾...

返返黃大仙上小巴果陣已經係7點56分~~

正常尼計,學校7點57分就會打鐘早會,

一分鍾係冇可能沖到返學校既...

更何妨,段路中途係有3個紅綠燈既~~

咳...打消了唔使遲到既念頭...

唉唉...兩個月冇遲到了,今個月又遲返~~(9月遲到左5次~~10月遲到2次,最後遲到係10月唔記得左幾多號...)

返到學校俾人罰企冇幾耐,

陸陸續續愈來愈多遲到既人入尼,

居然有差唔多3架小巴既人陪我遲到@0@"(一架小巴除左司機可以坐16個人,三架既話...大家自己計啦下~~)

估唔到LO真係...

諗緊D人係米想係今年最後返學日更加光榮一D~~

有D人仲更加光榮,

一衰衰左三樣野,

又遲到又著船物D頭髮又唔合格~~

今朝最威佢啦~~

好彩今朝早會係課室上,

而我地就係地下運動場罰企,

唔使好似平時咁受萬人景仰~~

返課室途中撞見吳江豪,

原來佢又遲左到~~

佢問起我做乜遲到...

咳...好無奈~~不過最後都講左個原因出尼~~

跟住俾佢笑到趴街~~(至於佢點評價我...就別提了~~)

上數學堂果陣又係度寫聖誕卡,

隔離條死肥明係度阿吱阿糟,

偷睇我D內容仲係度評頭品足,

真係超想就地KO佢...

跟住上中文堂,

上唔夠幾分鍾就宣佈話落去禮堂影班相喇WO...

求其汁下個LOOK就影,

最後攪野既相成班果仔企晒上舞台唔知做乜~~(包括埋我~~)

D人又唔擺POSE WO...

個死人攝影員又好似等唔切咁,

快快手就影左,

攪到成班整唔到好樣出尼,

結果成班人噓佢~~

到LS堂...

冇乜特別,

係堅挺冇返要搵人代佢堂,

跟住繼續寫卡,

中途蟹柳姐冇啦啦走埋尼要我送埋俾佢~~(蟹柳姐有D惡死,唔送唔得~~)

估唔到今年咁多人想收LO~~

本來年年都乏人問津既,

我都係送俾D想送既就算,

今年冇啦啦要多寫成10幾張~~

都唔知開心定悲哀好...

到下午英文堂...

差MISS兩份功課~~(其實如果計耐少少既話唔止咁少,係佢放過我姐~~)

今日佢轉性話要用強硬手段,

放學前唔交既每人扣兩分,

雖然係咁,但都有成10個唔鬼交俾佢,(包括我~~)

加埋今日扣既三分,(遲到1分,英文MISS扣兩分)

我終於突破15分大關,

變左16分喇...(之前扣左13分嫁喇...)

即係一個大過多一個負點...(15分一個大過~~)

咳...如果中史MISS秋後算脹既話仲唔止添...(今個星期又係佢堂上食野喇~~)

真係夠晒光榮LO今日...

最後西史堂成班同學拉住淫蟲影相,(我都在其中嫁~~本來唔多想影,但見D人咁開心就影埋一份~~)

嗯嗯...跟住...放學喇...

光榮的一天校園生活~~

咳...估唔到就係咁過左喇~~

尋日預告話今日超凍,

果然不假...

不過我仲係懶大隻咁唔著校褸,

係地鐵站超暖,

點知出到尼...人間地獄...

最凍唔係天氣,

係D風LO...

係行去小巴站既路程中冇遮冇掩,

又落住毛毛細雨,

開遮又唔係唔開遮又唔係...

D雨水超凍...

夾埋D風一齊尼...

哇...死都吹番生...

係小巴站都要等成5分鍾先上到車...

中間E段時間受盡風吹雨打~

冇著校褸,唯有將對手入落庫袋,(又俾人話我懶型~~唔入庫袋入邊度呀~~)

一路等心裹一路唱...

落雨不怕,落雪也不怕,就算啦啦啦啦啦啦啦...(後面幾個字唔記得左~~)

膠膠地咁就返到學校了...

有時發覺D女仔幾慘下,

咁凍著住條裙,

風吹過尼果陣,

一方面凍到無可奈何,

另一方面又驚走光,

果然陰公...

做男仔點都好受好多...

返到學校得閒冇事做係早讀堂就開始寫聖誕卡...

寫果時先發覺...

D死人卡質地有D問題,

用明亮D上眼D既啫喱筆寫既話會變到一舊舊咁...

用原子筆又冇咁好睇咁...

最後...唉...唯有用鉛筆~~

都睇得到嫁...我寫D字有返咁上下靚下嫁~^^"

大家實睇到,

邊個敢真心話我D字樣衰我切,

寫得咁鬼好睇,哼~

跟住...發覺,原來唔少人都鍾意收聖誕卡嫁WO...

子仲兄仲由其興奮,

話我俾聖誕卡佢就算上面寫粗口佢都好開心WO...

唔知係米近排俾我同兆堂過份冷落左佢,

令佢精神出現左問題~~

不過點都好,的確唔少人叫我送埋俾佢,

有時覺得幾好笑,

有D FD同一班同左幾年,

到中五先真正算係朋友咁既交往,

雖然都仲係普通朋友,

但世事如此只感滑稽,

昔日同我最有仇,

曾經班人馬十幾個人圍我一個人既果條友,

中四之後冇晒火,

同我一樣沉寂晒落尼,

大家已經好似咩事都冇發生咁,

雖然仍有D生硬,

但友誼算係有增冇減啦...

係中四開始同我如膠似漆既鍾林,

就係尋日突然間陷入衝突同冷戰,

到今日仍然一句野都冇溝通過,

呵...不過放心,

今日其實我地兩個都係為了面子欲言又止,

幾次大家都想開口,

偷偷地留意下對方,(講到好似攪基咁~~)

不過又因面子問題廢事做主動果個,

不過照情況睇,

聖誕過後或者就會好返嫁喇~

平淡過左一個上午,

中午出去食飯,

呼...好耐冇試過LU...

一碟熱辣辣既揚州炒飯,

一杯香噴噴既熱好立克,

哇...個身即刻暖粒粒...

果一刻既最正享受!

不過...剛食完就撞到傻權埋枱,

我趕住返去圖書館選書,

點知俾傻權係咁拉住我叫我陪埋佢,

結果...心軟得滯...坐係度睇佢食野睇左半個鍾~~

坐到悶晒~~

雖然同佢都有傾下野,

但話題唔多呀,

我係個十分被動既人,

人地唔開口我真係好少會主動,

佢呢,食野果陣又唔係好常出聲,

結果變左悶場~~

都唔知佢食野食咁慢做乜~~

俾佢拖晒時間~~

不過算...話晒識左咁耐...面子點都要俾下...

邊個叫我咁鬼心軟~~

返到尼又昂居居咁上堂了~~

係最尾兩堂終於寫好8張卡喇...(寫超慢~~)

今晚再寫D...

天日再寫D...

仲有星期六同日...

嗯嗯...努力!!!

今日係16號...

剛剛無聊聽下歌...

聽到爆笑管家首結尾歌...

係喇...兩個月前既今日...

爆笑管家就結左局...

點解咁深印象呢...

除左個出野幾好睇同個結局幾感人之外...

E出野,係我同欣曾經一起追過既卡通尼...

唔知係米人大左愈來愈鍾意回憶,

今日又感觸起來了...

何時再有一出卡通,

可以令大家滿心希望咁繼續追落去呢...

 係喇...原來...今日...

係曾經同我超多大戰既母親大人既生日@@"

做仔做左咁多年都唔記得...

唉唉...有時又抵佢嬲我~~

係度祝媽子生日快樂!!!(唔好管我咁嚴就最快樂-v-")

唉唉...做仔既不孝ING...(其實未孝過LO~~)

總之生日快樂啦下...

闊別一年多了...

物在人心已不再...

唔知用咩心情去訴說...

還能回到以前嗎...

雖然今次回歸係狗急跳牆之舉,

不過點都好,

本大爺回歸E個事實係無用置疑既!

冇返尼咁耐,發覺居然仲有人氣...

E個功勞多得SO忠...

尋日上尼睇下居然發現左SO忠既影子@@"

E排真係多謝佢仲咁有心喇...

不過奉勸一句:米再用我脹號玩野呀!

米當我傻既先得假~~

下不為例呀喇...

咁耐冇上尼唔知有咩好講...

就講下最近發生既事啦...

尋晚...

過左又驚又險既一晚...

係9點幾鍾突然收到欣欣絕交一個月既消息...

滿心既震驚...

當時即刻諗...會唔會又玩野呀~~

但係又唔多似WO...

冇幾耐再收多一個訊息顯示佢唔係講流既...

完全唔知咩事既我冇晒頭緒...

唯一諗到既係即刻問人攞料...

結果全部都冇料到...

唉...心情灰暗ING...

打左N次電話去,

冇一次肯聽...

突然好怕...

莫名其妙的害怕...

點解會發生E D事...

我連自己衰乜野都唔知!

不斷咁反省...到底我衰係邊呢...

但諗爆頭都諗唔到...唉...

我仲有咩計呢...

幾近絕望既係剩低既就只有SD短訊而已...

為左打探下消息同埋訴說心中苦楚...

無啦啦係腦入面搵返出我畢生既絕學...(有少少吹水~~)

大筆一揮~寫下心中所想...

結果...冇啦啦又話冇事了~~(郁悶ING...)

雖然話就話冇事,

但我仍然好想知道,

到底欣欣諗多左D乜野呢?

諗多左乜野令我係佢心中減咁多分呢?

真係好想知道...到底係乜野可以令我一文不值...

唉...不過以佢性格,我係問唔出D乜野嫁喇...

又變成大家心中不能說的秘密了...(郁悶ING...)

既然欣欣都話冇事,

咁...或者真係冇事掛...

希望係啦...仍要好好的自我反省ING...

到今日喇...

今日朝早...

惹出一件紅顏禍水事件...

朝早上完LS堂係班房等打鐘落去上體育堂既時候,

鍾林同佢女朋友又係度打情罵俏...

有時好難明佢地點解可以係一齊既,

或者愛情就係咁難明掛...

講返正題...

佢女朋友話佢好肥,

我忍唔住插嘴話:"佢好肥咩,一D都唔肥LO,反而你睇落似D."

"你去死啦你,同我收聲!"開玩笑既說話換尼E一句野~~

咁我同佢又唔係好熟,

俾佢鬧完唔駁佢,

反正對佢冇興趣就係啦,

跟住我自己一個係度諗野唔再理佢地...

點知...條粉皮咁鬼記仇...

一句開玩笑既說話姐...

佢居然突然同鍾林講:"喂,佢話我肥呀!我好肥冇人要呀!你同我教訓佢!"

我諗緊野冇在意佢E句,以為佢講笑姐...

點知死鍾林真係尼堅既,

拎起我個書包趁我唔為意一野掟過尼,

我小媽媽,我個書包裝唔少書,又有唔少雜物係度,

唔覺意俾佢咁樣一掟,

真係痛撚到我呀...

痴媽根既,我知佢都係想維護下係女朋友面前既尊嚴姐,

唔使咁呀MA...有冇咁小器呀...

我痛到直接爆粗問候佢,

跟住都諗住唔陪佢地癲直接起身想走人,

點知死鍾林唔撚知咩事係要維護住自己係女朋友面前既尊嚴,

唔知發咩癲即刻彈起身大力推我埋牆,

"係米唔滿意呀?!"

做左5年同學,

大家FD一場...

就係咁對我...

當時如果唔係唔想大家關係再惡化落去即刻走既話,

下一兩秒佢拳頭就打落尼...

唉...佢個女朋友仲要當咩事都冇發生LO!

好撚憎LO真係!

5年朋友,居然唔諗後果就咁向住我尼,

我知我都有唔岩呀,

但大家同學間都成日講笑嫁啦,

為佢女朋友一句說話,

居然完全唔諗後果LO,

真係愚蠢至極,

你想show off你都諗下咩情況咩時勢啦!

下下拎個拳頭出尼有撚用咩!

當時我亦唔知點解,

居然一d怒氣都冇...

講真的,只係想快d走避開下一秒會令大家冇得返轉頭既事...

唔知點解...唔知話自己軟弱左定係點...

一向火氣盛既我果一刻真係冇火係度...

或者...我真係變左掛...

之後成日落尼同佢臉阻阻...

大家都冇出一句聲...

或者...過多一排,大家會好返掛...

由此役開始,我認清左佢女朋友既面目,

e種人,少碰為妙,

既然發生左,都無話可說了...

跟住平淡的過左一日...

到放學返到尼啟田,

去pccw度問下,

因為尋晚剛好用剩一蚊,

而上次pccw d人同我講最少用剩一蚊先轉到台,

咁就問下佢跟住尼點喇...

佢同我講,e幾日唔可再用電話,

話到17號先正式張卡用到...

原來呢...我用剩一蚊,咁就會過左落新卡度,

咁呢,17號先可用,

但因為我媽簽果陣係23號先開始啟用,

即係話,17號果日雖然可以用電話,

但只有1蚊用~~

要到23號先正式啟用個plan~~(郁悶ing~~)

如果用多超過一蚊就要罰錢~~(可悲~~)

咳咳...真膠膠的...

電話又有一段時間廢左~~

唉...諗返上尼真係好kai...

攪一個上台攪左成大半個月...

真係昂居居既...

唉...係e個家庭成長真係好難...

但有咩辦法呢...退一步海闊天空,

除左忍,我仲可以做乜...

返尼途中經過文具店,

先醒起未買今年d聖誕卡...

入去左睇又睇...

睇左52蚊~~

選左三種,

一種係10蚊20張果d,(送俾d普通朋友)

一種係12蚊8張果d,(幾好睇嫁,送俾d高級朋友)(講到好似好咩咁~~)

最後係15蚊一張既...(送俾...咳...)

有d50幾蚊一張@@"

痴左線~~係資金仲有其他用處既情況下...

咳...唯有懢少少啦~~(唔好介意哇~~)

買完返尼...即居居咁坐係度...

見某某人仲未on...

就打住blog先...一打打左咁x耐~~(真係估唔到~~)

咳...收筆喇收筆喇...(再打睇死人了~~)

嗯嗯...咁耐以尼既第一篇blog打到e度啦~

有心人敬請期待天日果篇啦下~~

謝謝大家捧場喔~