今日係攞成績表既大日子...

往年都係有家長陪同既,

今件有d特別,

只係學生要返,

我仲以為晚d返都冇問題,

咁就偷打機打到9點幾,

諗住10點去都唔遲,

跟住就打俾kai忠問下佢幾時去,

點知打左俾佢佢媽話我知佢返左學=.=,

我即刻打電話去校務果度問,

點知8點就要返=.=.

我遲左個幾鍾,

衝返學校果時見到yoyo,

佢話放左學喇=.=,

咁早放左學,

等個死人校務仲話10點幾先放,

攞左成績表一睇...

差左好多...

最勁果兩科都bad晒,

得返中文作文入到頭10名...

最令我估唔到既係...

我英文會話攞到級81名...

以前次次都100名以外,

今次第一次入到100以內...

最差係英文聆聽,

得級198名,(全級有211條友)

不過都估到...

聆聽同默書係我最差既...(英文計)

不過整體尼講英文都算有進步...

而其他科有d升有d跌,

唔知做咩中3下學期d人既IH勁晒,

中3上學期IH我可以排級頭10,

伊家就算攞返同樣成績就連級20都排唔到...

最昂居係電腦,

差1分先合格=.=,

phy就差2分,

真係昂居居食煎堆,

其唔合格就得El,GE,

合埋5科唔得...

分到去4A,

我諗應該冇乜fd係同我一班既...

要孤獨終老lu...

上幾日聽到個好消息,

領匯終於變返3更制喇,

阿媽不知幾開心,

雖然要扣少少人工,

但都總算值得,

上兩日kai忠返左大陸,

睇個樣就係今日返尼,

因為天日要返學攞成績表,

今次仲有野要托kai忠幫我買添,

真係唔該晒佢,

今次仲話唔使俾返錢佢添,嘻嘻...(佢真好人...)

講返成績表,

今次都唔知考成點,

有幾份未做晒,

數學死得最慘,

合到格就算係偷笑,

英文就...

攞到40分都謝天謝地...(係100分滿分=.=)

中文唔使講,

我一向都好有信心,

不過今次最好唔好好似上次咁,

差兩分先追到林嘉盈,

不過上次係我未做晒而佢做晒,

如果我做晒既話肯定高過佢,

而今次我做晒,

如果再輸左我都認命算喇...

嗯...總之豪仔地,kai忠地都+油啦...

今個6月夠晒多野發生,

又要考試,

又要tsa,

又提早放暑假,

上個星期4就放左,

唔知係米個校長轉性,

上個星期四MICHAEL JACKSON亦死左...

記得以前細細個果陣,

好多人都知道MICHAEL JACKSON唱歌同跳舞好勁,

但好多人都唔知佢d野,

成日都攞佢尼同人地比,

諗諗下覺得自己同班友好白癡,

當今世上有邊個勁得過MICHAEL JACKSON?

就算係模仿佢d舞步都係好唔自然嫁啦...

最近死人領匯攪埋晒d昂居野,

又+工時,

點知d薪水+得少少,

變相減薪,

又要裁減人手,

攪到我阿媽好唔想再做,

諗下諗下佢係領匯都做左8年,

一開始都係做12個鍾,

3~4年前轉左8個鍾,

果陣阿媽勁開心,

點知伊家又要變返12個鍾,

攪到阿媽面臨失業...

真係豈有此佢!

好耐冇打lu,

打番下先,

上個星期五終於考完試lu,

不過天日開始仲要考tsa,

好慘...

考完又考,

煩到...

今次tsa又唔知考乜,

溫都冇得溫,

聽d前輩講話同考試果d野一樣,

如果係就好lu,

其實中學咁多人有H1N1,

係我地考完試就停課咁就差唔多,

等我地唔使考tsa...

今日放學去打波,

打之前等左kai忠一個鍾...

好kai,

係咁攪phy果d野,

之後去到打左兩埸,

第2埸有個勁人,

跑步火箭咁快,

波技又好,

人地隊幾乎所有波都係佢入,

唉,都打得幾辛苦...

坎左之後見到小傑仲係到打,

高佬都尼埋,

我坐左一陣走去打散埸,

勁無聊...

不過都有d攰,

人地叫我入埸我都唔入...

下下禮拜就考試,

下禮拜一3科統測,

唉...煩到死!

今日係yoyo既生日,

係度祝佢生日快樂!!!

今日仲上左佢屋企食c,  (cake既簡寫)

第一次去人地屋企,

我沖埋涼先去,

一沖完kai忠就打尼,

時間剛剛好,

不過去左等果度先知我係最後到既...

唉...遲到既感覺唔係好好受,

仲要係人地生日遲到添...

今日亦遇到好多落幕事...

唉...條件唔夠好講咩都冇用...

天日就係kai忠生日,

個生日快樂天日先講,

大大後日到豪仔生日,

d bf(best fd唔係boy fd)個個都係5月生日,

我好似俾人排斥左咁...

天日伏假lu,

好好輕鬆下啦...

尋日好kai,

我lunch果陣返學校,

點知一鎖門先知自己留左條鎖匙係屋企....

冇得返屋企lu,

我媽5點先收工,

我要等到5點幾先返得,

但我3點30就放學,

廢事等咁耐,

就邐住走去so忠度玩,

點知放學一起走去果陣,

死廢J曾德榮用12道金牌召so忠返去,

攪到又遲左去,

去到佢屋企都4點差唔多到5點,

跟住走去打波,

不過so忠教我玩sm(spider-man既簡寫,唔好誤會),

所以又遲左去,

去到都5點幾lu,

跟住分腸,

估唔到阿杰都係度,

不過佢篤魚蛋,

我地玩3打4冇預佢,

而且佢都唔識so忠班fd,

好難入圍,

打左一陣,

又多幾條友尼打,

今次叫埋阿杰玩,

一開始同阿杰係對手,

佢d隊友唔係好睇好佢,

因為...睇下佢既身材就知咩事,

不過佢打得好賣力,

之後個個都認同左佢,

最後果次同阿杰一隊,

人地兩個高佬,

我地都有兩個,

但我地果兩個就唔多識打,

打到中期,

so忠但係籃底唔知做乜,

又唔跳高搶波,

又話冇晒力,

扮晒蟹咁,

最終都係輸左,

不過玩左兩個鍾,

最kai都係何志銘,

佢係咁扮蟹,

又插水又叫痛,

好kai,

有幾次係度呃痛,

但個波一尼到即刻彈起身,

仲快過火箭,

一睇就知佢之前係度扮野...

e兩日又知道左d野,

除左sonia同乳豬之外...

仲有幾多人尼補,

仲好似全部都係女仔...

乜我真係咁受歡迎咩?

乳豬又話佢個唔知咩fd又尼,

葉欣又話補,

yoyo又話補(e個唔知係米真...),

仲有...

真kai,

我一個唔知點頂lo.

好想搵多幾個尼應付,

仲有我又要plan下要點同佢地補...

唔知自己用ws呀,

定係點,

唉...好kai...

今日辯論輸左喇...

真失策,

好多野應講既唔講,唔應講既就講一大堆,

唉...今次輸俾佢唔服唔得...

今日sonia同我講要我同佢補習IH,

我就梗係冇問題啦,

佢話下個星期開始,

我都冇乜問題,

但最大問題就係佢最後講果句野...

佢話:到時我地留係課室補呀,得返我地兩個...

哇,我呆左一呆,

之後笑一笑算數,

佢e句野講左出尼好驚人,

個個人一聽到e d野都會諗埋一邊,

雖然唔知佢有咩意圖,

但係孤男寡女共處一室男既必有損失呀,

雖然講得唔好聽就係正中我下懷,

但都唔使俾我願望成真假,

上天真識玩人,

之後仲kai,

乳豬又嘈住佢都要留低要我幫佢補,

哇,咁極品既野我好難啃得落,

唉...睇尼我命不久已...

天日就要數學pj匯報既時候,

唔知豪豪做完份野未,

e份野我付出左冇幾多,

最多都係豪仔,

組長就係組長,

不過我都好過我地組某兩條友,

佢地兩個就真係咩都冇做,

嘻嘻,做少少扮隊長...

上個星期五發生左一件事...

本來我應該要返共融,

但果日剛同so忠打完機返尼,

攰到乜咁,

個人返左屋但之後散晒咁樣,

冇力咁滯,

食完飯就走左去訓覺,

連共融都唔想返,

點舍到我個鍾差唔多3點果陣,

阿施打電話過尼,

係咁叫我返共融,

我攰到乜咁梗係唔制啦,

講到最後佢唔知係聽錯左定係咩,

以為我話去,

跟住同我say bye bye,

我又唔理佢,

仲廢事煩連電話線都扯走埋,

之後我知道佢應該又打左好多次電話俾我,

伊家諗返都有d內疚,

唉...果時都係迫不得已,

希望佢原諒我啦(真心嫁,冇花冇假)...

天日要IH吹水比賽,

大家+油啦,

我都要+油,

3C實力係未知之數,

不可輕敵,

到時睇住做啦,

+油x100!!!!!