尋晚我又唔著
可能尋日傍晚5、6：00訓了覺
好驚訓唔著，然後越驚又越訓唔著
細個好驚訓唔著，因為黑媽媽得自己醒著
會諗好多恐怖畫面
（我需要尋找讓我安眠的方法

今早很早出左門
因為好眼訓唔想梳頭，直接戴帽出門

原來寫網上日記的習慣從中學已開始了
（因為back up晒，一找就知道
我最舊的一篇日記是2003年2月
即係寫了16年（嘩（我應該無聊一下排版印出黎記念下
曾經的內容思想應該很幼稚和偏頗、也夾雜很多情緒
有些可能是不堪回首的真情實感，但也是我成長的記號

可能唔夠訓個人無精神
一見到D垃圾aw要整就憫憫地
錯了就關designer事
客同同事都無check，多左少左數量都唔理
designer整完仲要幫手對埋（我冇得閒唔該

準TTT們時放工！

啊啊啊，要揀歌做主席！！

P.S.我是為食的
旅行的手信、別人送我的食，我都是相當捧場

熱烈歡迎Qooza日記又回來了（鼓掌

尋晚本來想乖乖地訓
但又忍不住睇晒個運動會先訓（飛黎睇
啊啊啊啊啊啊啊啊，太變態
雖然我仍可以準時起身

主日查經睇希西家晚年的最後故事
以前也get錯了這裡的重點（少年你太年輕
沒有對比沒有傷害
聖經給了我們線索去看希西家的結局
曾經為神為民如此努力的王
漸漸走下坡，沒有了起初對神的那份熱心和使命

崇拜是打鼓
為了首新歌的off beat，已無限打手指鼓
還好無限聽之後諗到點打果個位
練歌時捉唔到off beat位已感到焦急（不能讓鼓聲阻礙大家敬拜
還好正式時safe，但節奏好似越來越快（啊啊啊

講道繼續圍繞主禱文
以前真的很簡單地把經文看作神的供應和赦免
今天可以聽到更豐富和比較正確的解釋，很好
也很呼應上下文段落
除了實際的需要讓人存活，更重要是靈裡的存活（對耶穌持續的認識和理解
這也成了我們的拯救
「免人的債」也不是直接對應我們現在的世代去理解（以前真的好無知
只能說今天所聽的信息太豐富，真的要好好學習

有時牧者講道很觸動自己
不是因為有什麼煽情的例子
而是看到牧者的生命沒有和講道信息分割
告訴我們：自己也是需要聽這信息的那個人

lunch回家又在看片
看總被看低一線的HII如何憑著實力贏了前輩們
無論係贏得驚險的接力
備受壓力參加射箭比賽的源源
抑或拼了命的拔河比賽也好
我是很喜歡這樣的努力

晚上清潔…無晒睇片時間了！！

P.S.__ __裝

Qooza日記又搞乜…

因為落雨又涼左少少
搞到我忍唔住出左門5分鐘又回家拎外套
（好在有拎，晚上都涼涼地（我今天仲要短褲

早上我在糾結著咩衫
總覺得個髮型同D衫唔襯
搞到我又著又除
遲出門仲要再回家
10：15先回到office

捕蠅草的根位都開始黑…
唉
今次真係救不了了
但有趣的是
唔知點解夾雜了其他種子，長出了其他葉
如果仍能種的話，我也會繼續種著牠

準時放工回教會上堂
歷史耶穌課程：復活
>>> 耶穌復活的證據、耶穌的復活的麼意義
我顯然係好眼訓捱著聽
第一課的簡介令我很有興趣之後的內容
古典文獻、保羅書信、福音書 中找歷史
會認識更多野，期待！

收到組員送的Mario Tee，yeah
我自己都未有時間去睇，多謝！！
送野俾人好難，但送野俾我很易

懷疑同事係咪偷睇我日記
我尋日先串人不了解我
今天放工又好像很知道我
見我食住零食就知我不是回家
仲講到知我踢波前會吃咩零食
堅定流啊

P.S.D植物很好看

呢排成日早左醒
今天醒左就即刻check歐聯的賽果

有段時間office得我一個
很爽
無人的時候我可以裸行
但最中意默默研究D植物
唉…講起黎，我的捕蠅草…應該快死了
可能office唔適合種
也可能我都唔識種
唉

lunch食菜
竟然有人話我減肥，我真係想車佢一巴
不嬲減肥呢個字只有佢會講
（但都有其他人會話我減肥
我會因為夜晚出去食飯lunch食菜都唔係第一日既事
結論就係：我這二打六的事，點會被記得

因為我唔中意食菜，出去食飯一定唔會食菜，就lunch食
因為lunch食得太飽夜晚會食唔落
唔係減！肥！！啊！！！我淨係唔想肥！！！

工作沒有很忙，雖然Lily請假

仍是準時放工丫
同久違的高妹食飯（一年見__次 @花園餐廳
我要食肉！！！我發現自己中意食豬扒多一點（雞有時滑滑地我唔like
每次食完飯我都覺得有種疑問我覺得自己唔識佢
我認識佢太表面我以前只可叫知道，但沒有了解
對於佢的野，像簡單的考試，有問題便會有標準答案
複雜點的話，便找不到答案了

我在禁手機tune相時，佢臉有點黑（跟住佢話無
可能我太無禮貌（食飯咪掛住玩手機啦唔該

P.S.唔係講好左每次見要影相咩，我咁醜都影，這人怕咩！？