其實我返工係飲最多水的
回到家係無飲咁多
但因為病病地係屋企狂飲
尋日3：00am起身去廁所
好煩矣

發夢見到有個有錢男向自己表白
仲要同佢屋企人食飯
我即刻著返條裙（夢想意識自己剪左頭髮
最恐怖既係我whatsapp應承左同佢一齊先諗住同牧者講
真心恐怖啊下
仲有個夢咩料！！！
解夢王給我出來唔該

今天精神各種懵（食完咳水
非常唔想講野
但彈結他我仍是正常的（我覺得

從彼得前書的講道信息中
知多了當時奴隸、妻子的背景
也認識了真正的自由———有能力選擇做對的事
思想當時這兩種人生活中怎樣行這自由
想想就覺得不容易（今天都有不容易的地方（從來都不容易吧

lunch後課堂的分享
真希望我除了聽出對與不對的地方
也能找到論證
這才是正確的學習

幾時可以食薯片啊

P.S.lunch後買了個背囊，有點大

中午剪頭髮
就沒有落街踢波
一如平常會磅重和整早午餐食
重了！病病地無輕到
早午餐吃烏冬
因為輕病唔食辣了
戒下口

中午出門剪頭髮
又回到惹爭議的髮型
如髮型師講，上次剪得太好
今次會被比下去
又確係無乜亮點
只係突出了我的圓面
如果直頭髮，可以很多變化的…

下晝小組，我帶內容：我們的見證
預備同正式果然有差距
但係我預備的內容和參考牧者意見
發覺自己有些學術性質內容仍未掌握得好清楚
所以好需要時間消化這些聽過的
下次再帶內容，希望能諗得更深入

回家食完睡意咳水，又攰又懵
仲要老媽同姪女小口角
…你地咩料
…我好唔想講野
…一回家就要實踐小組講的見證
…雙方都有錯、真想鬧一句收她們聲，煩死
冷靜。理性。問清楚。了解多一點事惰。

知錯了就好
給了姪女一些建議

清潔！！

P.S.慷慨C

尋晚吃了輕一點的傷風藥（食完唔會眼訓到暈
因為側訓
D鼻涕停在鼻孔裡，喉嚨咽咽地咁
其實我咩事
傷風又未到
咳又未咳到，有都係敷衍咳出黎點啊喂

上班時感受到一絲冷漠
上午有很急趕的aw要整
同事無講低有貨送黎，
問同事們有人無人知（無人應
到付問同事們有無錢（無人應
我去完廁所洗緊手時大門有人敲門（無人理
好吧，其實冷漠形容她們太有型，我收返（冷漠只能形容我
她們是自我中心，唔會care身邊，就好似廁紙就用完，唔會擔心，因為她們旨意有人會擔心和處理，完。

今天7：45先放工
原因不是工作
是我在修正仙人掌
好驚條蟲仍在，我便洗一洗d泥根再鋪過泥
我可以一整天做這樣的事情
有點自閉feel
我可以望住D植物好耐

晚上雖然好攰
但照樣做了陣運動
但喉嚨好乾慘
淨間抖唔到氣死左

P.S.開花了的白雪粒粒

而家有種兩頭唔到岸的感覺
想病想咳咁
但又咳唔出…我點飲咳水
好似有少少鼻水（自己禁個鼻beat出黎，可以食下傷風藥了
淨係吞粒膠囊藥丸已經流晒汗（沖完涼
每次都ready自己吞唔到嘔返出黎

今天準時返少少出門
我中意最早返到office的
因為我可以準備好自己

未有野做時在幫仙人掌換泥
我真係發現到有條郁蟲…
但我換緊果陣唔知佢去左邊
唉
我唔理了，昆蟲好駭人
但係仙人掌開花了！！
我知喇！！一定係我有桃花運了！！

無野做時在預備小組

lunch時又見到以前中學搭車常見到的上了年紀女仕
今天她除了更老也更瘦了
好似行路都要搵野扶
有種死亡快要來到的感覺
歲月不饒人，有種傷感的感覺

最近識了Bol4這韓國組合
歌不錯聽

晚上做下運動

而家喉嚨咁令我諗起氣管炎的前期
別嚇我，真心煩的病

P.S.嘔心的藥

個菊花茶味的咳水，飲完真的好眼訓
尋晚1：00前便訓掉了

雖然apps氣溫20幾
但沒有太陽又寒寒地
今天都是著多件

我係十分怕樣衰
Lunch個人懵懵地
整跌了盒餸落地，飛了幾舊餸出黎
救命…好樣衰
痞低清理好可憐
無左D餸好可憐

趁住無乜野做係度預備小組內容
同埋裝飾D植物
淘了草地和一些裝飾
想植物們生長都開心點
但發現白雪粒粒好似會出現蚊滋…
返返下工諗住去買泥（換泥睇下會唔會好d
點知…我唔識買，又白行了一回
好野！！家姐幫我買左！！感謝！！

得我準時放工…
回教會小組
今晚討論網購
是方便了但又帶來了一些問題（實體零售店的沒落（假的評語
但事實我都好中意淘野太方便了，而且款很多

P.S.每天都會望幾眼植物們