尋晚好似差不多2：00先訓
但今朝6：00幾就醒左
唔太訓得返
精神得濟…
跟住就搵泳衣去游水（起碼兩年無游（好野泳衣岩著
發現動作太用力去游係好攰（差D飲水
之後放鬆D動作，可以游很多回直池都得yeah

游水最中意去BB池果個噴水按摩池
因為D水好暖
同埋我會用黎安靜諗下野

給了自己一個問題「愛真理堂現在所追求和堅持的
會不會其實我們才是錯的一方
或許另一邊才是對的吧？」
思前想後
從對方的態度、做法、思想
我真係睇唔到他們裡面有真理

因為想堅持和貼近真理，不認同錯誤歪理
寫著「愛真理堂」字眼的這地方應該很快便不屬於我們了
但教會唔係一個建築物和地方
教會係一個真係想認識耶穌的群體
地方要再找、甚至牧者可能要另找工作
又如何呢

唔係睇人的關係
我只希望有個可以教導聖經、真理的牧者帶領我們認識耶穌

寧願作個看來貧乏失去的義人
也不想成為很榮華卻不義的東西

讓我驚訝的是
腐敗的教會如何把教會變成了一間公司
用不義的方法處理不認同自己的人

下午上堂異常精神
咩料

喉嚨痛+變聲
糟糕了
我有很多零食

P.S.出門游水look，好似龍舟D人

訓覺係度攬公仔
cushion太多了
拎隻攬住訓覺啦
開住冷氣訓都幾凍
取個暖

又要繼續手畫的aw
我想死
逼我用最蠢的方法去做
仲要畫到好眼訓
我唔中意將畫野放入工作中
因為總係好無謂地被要求改

話說
今天早上我已在想著、預料著一件事
這件事或會把我搞出個脾氣
（唔係唔想對人有信心，只係人真係令我好難有信心
簡單說：就是我用心給你預備的東西，你不去珍惜
肯定諗到最後我一定會鬧返自己，一開始唔好咁多事就不會有後面的事發生
最後我預想的這個情節沒有發生

以前幫人清理剩下的工作雜物，搵到我送的生日咭和聖誕咭
這就是我討厭的情節
然後我就會好極端：真心係垃圾來的
大家想掉那些咭無問題的
但唔好話我知，同埋唔好俾我執到就ok，感謝！

媽咪生日，好吧，買野俾佢食好了
又俾錢好悶
可能買衫俾佢都好，但佢肥了好多，我唔識買size

放工聽到了一些消息
我覺得自己是不是活在一個不能信耶穌的地方
想跟聖經和耶穌的教導去行
竟然變成錯的一方
甚至人定的規條重要過聖經真理（what?!!!!!!!
如果一個牧師、傳道人同人講道理，但唔講神學、唔用聖經教導，只用自身經驗
我想問：其實你地係咪基督徒？你地係咪真係信耶穌？

真心希望偏離的人會發現自己的問題
否則
到那天
耶穌會對他們說：「我從來不認識你們」

P.S.昨晚在燒鞋帶

今天終於不是下雨天了
因為同同事約埋著涼鞋
所以好快已諗好衣物

有少少喉嚨
好驚！
立即ready喉糖
我唔想無得食零食啊！

開始整aw
唉，死啦，有少少唔係預期所想既效果
唔係咁易整
今次我糟糕自己掘坑自己踩

晚上小組有提起最近的熱話"逃犯條例"
有睇過D片、也有睇過D文章
加上牧者又解釋了多一點
仍需要時間消化
唔識、唔明、唔了解就要去學、知
都道出了一個事實
就係很多人不會尊重人（延伸出來的內容
這裡的話尤其對內地
香港裡面、身邊也有很差的人
內地亦有不錯的人

我們會指責人地無文化
隨地便溺、打尖
但我每星期落街踢波，在附近隨地小便的長者
都是香港人
我們有文化、有得讀書，又如何
待人處事都係一pet野
結論係：不是用民族去分人的好壞
而是那個人屬於什麼品質

P.S.不是想說內地很好，只是想說我們香港也不是很好
事實差的國家也不少

我好中意同人撞pattern、顏色衫
因為明明每個人的風格和中意的都不一樣
會撞上真的好巧合
P.S.今天是同同事約埋一齊著涼鞋

尋晚又唔太訓得著
拐來拐去
可能呢排心情唔好
又多野諗
我只係想好好地訓一覺
細個已覺得訓覺對我黎講好難
（可能訓地、間房無窗簾好光
去camp係訓得最好

今天上班係懵的
外膝關節位又痛（尋晚踢完波可能無放鬆D筋
唉又黎
好煩
落樓梯會痛死

呆到唔想做野
我在電腦前發呆
不過今天無咩做
好唔想開始新aw因為我知會好煩

肚腩好大
好想減走佢

與人在聊「對人計較」的話題
是自己不夠大方？
定事實別人太沒禮貌？
本來分享係好事
但別人對你的分享帶著一種「拎你著數」的態度
也沒有相應的分享和付出
本人會覺得唔舒服、會介意根本正常不過

雖然總會滲著主觀看法
但係分晰過程又會覺得很有趣
因為想盡量客觀
不把自己的觀點當作100%正確

P.S.放工時的天色很好看

一起身睇歐聯賽果
好，今天著利波衫
我每天都會看體育新聞

最近還會經常留意weibo
留意下中意的GNZ成員怎樣，尤其那兩位
睇得一兩個成員又會睇埋成team
48系就係偶像育成，讓粉絲見證她們成長
她們努力的身影、進步的過程是我最喜歡看的
（我講親中意48（仲要係內地（應該會俾人歧視

每首詩歌，每個人的解讀都唔同
抱著什麼心情去唱、去彈、營造怎樣的層次
我自己是很care這些
我覺得有了這些在背後，會投入到當中的意思和歌中的靈魂
音樂的敬拜不是就咁唱、就咁彈
要有靈魂的
（別對號入座我逢星期日都會諗下呢D

為教會裡有努力的人開心（我都要努力
為不努力的人擔心
諗得久遠一點，會不知不覺離開了這裡
甚至到最後發現原來自己是不信
種子原來從沒在心裡發芽
以為有的經歷原來只是種子旁邊的雜草

lunch後回家小睡
晚上去跑馬地友賽
友賽、比賽，我隊裡總是充滿鼓勵的說話
今天的友賽我忍不住講了一句「可唔可以射中龍門」
亂傳波失了波、自己甩波、遊魂一樣企係度，俾人搶了仲失埋波
點解仲可以講「唔緊要」
乜唔激氣既咩？
有時候需要指出問題（指出問題不是叫你教人（我識你唔識果種
呢種只有鼓勵和正面的精神，對我唔work
因為太唔真實

我曾在比賽場上話一個好友隊友
為了一球波互相小爭執
賽後我地互相同對方道歉
因為我地知道係比賽時太認真而惡了對方
這樣
更覺得真一點
這才像隊友

P.S.仍是踢得一盤散沙