喉嚨不適仍繼續
還好我的咳不是很嚴重
只是有點乾咳
開住冷氣…係咁架喇

飲完咳水很眼訓
我會唔會行行下路訓左

行路返工時在思考這幾天香港的情況
同佔中果陣有點似
同樣地我有睇新聞有睇post但沒甚回應
因為我無100%完全了解今次修例的內容
我更唔可以隨便說什麼
（我欣賞牧者為了解答組員問題dl了整份修例內容黎睇（話睇到訓了幾野終於睇完
（我都諗過不如dl落黎睇下，但可能會反眼

每次呢D好多聲音既時候我就會諗好多問題
點解有法律界反對修例，但都有法律界支持？我想聽下兩邊討論
修例=送中   呢個思想點樣出現（這是這次遊行的重點
（還有很多問題

只想說，情況咁亂，別去現場了
（跟住我會俾人鬧冷血
（發生咁既事仲係度寫日記、寫自己唔舒服果D
（以前有家人在佔中時po出街食飯相俾人話
出去唔代表很愛香港、留在家裡不代表唔關注這件事

晚上小組
對於「家」大家聊了一些真誠分享
其實有冇人真係覺得自己對人好好？

我唔覺

在人的關係中受了傷
經歷醫治不是有鼓力量飛入心靈
而是再企返起身再嘗試
當然，這要建基在耶穌裡
我可能正是那對人很有期望，最後卻只有失望的受傷的人
學習愛人，正是被醫治的過程

P.S.我殺左人，帶了條__回來

尋晚我1：00撻在床上了
聽到外面好大雨我便醒來了
以為係第日早上
點知係3：00幾…
因為喉嚨不適訓覺時好乾
就乾到想咳，很煩
飲啖水再訓

整Layout
放工前先俾老細睇
有whatsapp我唔聽明早聽

好大機會這天晚上在教會打乒乓波係最後一次
好久無黎打都特登黎一黎出現
咩事，有冇咁巴閉

食西藥咳水真係有好強睡意
點解可以咁勁
希望令我好返
又一次睇住片我想合埋眼

我真不是個主動外向的人
對著一個不太感興趣又唔中意分享自己的人
有時都會感到辛苦
我搗蛋極也有完結的一日
朋友不能只有單向地說話

希望西藥咳水令我睡到明天鬧鐘響

這種有點小情緒的歌詞，像我以前
我可能中意這種sad sad地既感覺襯我呢個冷漠人
Fine樂團《沒有人不比我快樂》
https://www.youtube.com/watch?v=rSZHkB3lRds&list=PLBvHMvuqVHfqZQRhrYCrqMc1_zswo7ky4&index=80&t=0s

P.S.疑次最後一次在這打乒乓

今日把聲無咁沙啞了
但係得閒又會痕想咳
而我唔想咳驚變嚴重
所以會忍住唔咳
然後標晒眼水同埋流鼻水
好變態一女的（內地最近好流行這種格式形容人
（好可憐一女的（好好笑一女的

繼續我的手畫Layout
其實無心機畫的
將自己中意既野放在工作裡係另一回事

Lunch在看書
"人心中七個渴望"
其中有提到注意自己唔好過多活動
當塞滿了好多野
思考同靈性會變得遲鈍（甚至會變得少思考（尤其對內心的東西
（以前靈塑課程都有提過

最近發現有不少好聽的國語歌
有D係舊
亦係令我全屋企彈結他的原因
但因為喉嚨不適今天我就無彈了

這歌其實係舊歌來的，但有位女網路歌手翻唱
覺得不錯聽，歌詞我都中意
又甜又虐的感覺
藍心羽《小宇》
https://www.youtube.com/watch?v=wzt_yTAwd8s&list=PLBvHMvuqVHfqZQRhrYCrqMc1_zswo7ky4&index=87&t=0s

P.S.渣渣霏夾在吵架的兩人中間
很尷尬很慘又很好笑

（咦？我post了內地野（好，等著被unfriend

尋晚係度睇"驚奇隊長"
睇到好夜
平凡人又如何，重新企返起身挑戰過

最近係訓得唔太好
之前係因為兩個GNZ成員
睇佢倆最近好似氣氛緩和了一點太好了

至於這幾天嘛
教會面對的事情心裡點都會有點憂
是有種不甘的感覺
以強權制栽全職同工
但沒有真理也沒有愛

比不信的人更可怕

講道帶出了一個信息———哪裡才是家？
聞說牧者預備講章時喊了3回
神藉這篇道也觸動了我們（ok，我鼻涕流到我差D食埋
首\先視我們為家人的是神
與神一起，我們會找到真正的家人，就是一群真係想跟隨神的人

很可能今天會係最後一次在這裡崇拜
有人可能會問：點解會搞成咁
對與錯係咪真係咁重要？
係
係
係
信耶穌返教會唔係用黎開心gathering
係學習以聖經的標準，思考和判斷，行一個耶穌都會支持的決定
教會營運，任何政策、開新事工關閉一個事工，都應該要有咁樣既思想在背後
但就係很多教會都唔重視呢個基礎
把神的家變成了一間公司，追求人數、奉獻多少

這些錯誤我地點可以妥協啊？！
讓步是不敬畏神的開始

今天愛真理堂的大家都會有很多不同思緒
希望喚醒我地每一個
我信緊什麼？

tea後回家睇片、訓覺
與人在討論逃犯條例和遊行的東西
之後話題提起了信仰
好有趣都好諷刺
一個不信的人都質疑牧師傳道人運用聖經講道，到底係實現自己心中想要的東西，抑或真係跟緊聖經裡所講所教導的內容
我跟她說：如果我有做錯，判斷錯誤，希望你會提醒我
感謝她
佢係其中一個很認真不會hea我的人
有時都會聽我呻
只是，醜了一點

我把聲很難聽
喉嚨有點痛
但點解個個係咁撩我講野

P.S.同田田的不同味，但都幾好食，感謝老母親

我又6、7：00醒來了
咩料
呢排都訓得唔好
開住冷氣我應該好好訓先係架嘛
但最好訓係冬天同去camp

我把聲！！咩事！！！！

落街踢波
少少曬，更多係熱
好悶熱
遲D炎夏真係游水安全D
但游水會變碳

當屋企得我一個人
開住冷氣很靜很舒服
裝修回來後頭幾天，好中意半夜閂晒燈坐係廳

今天開組大家對於教會的近況都有不少感受
知道大家都係看關係比起環境更重要
有時候遇見挑戰也不是壞事，可以係阻礙，都可以係幫助
我覺得這次的事更令人家投入和珍惜這個群體
希望我們記著大家今天的眼淚和分享
不要離開基督的群體
更重要係我地要互相提醒，努力去選擇正確

靈修時，教會的情況也成了我思想的內容
堅持「以善勝惡」這種態度像極了落後0-3，但不放棄到最後反勝4-3般瀟灑

「無論是高處的 是低處的 現在的事 將來的事
都不能叫我與神的愛（真理）隔絕」

晚上食了好多野！肥！
我食左少少零食（明天會不會死

清潔！！

P.S.今天的早午餐有五花腩，我真肥