尋晚1516今天早上踢波定游水好
點知一起身落緊雨，又陰天
諗住算數
點知又出下太陽
好吧好吧，去游水吧

游水時最討厭見到男高中生
通常3-5個人，又攬又踢又追但不是游水
不知為何常在我泳道中
阻住我條路啊唔該【行開啦____】
之後有個男游水教練話佢地【yes！good job】

他們給我一種幼稚感覺，成熟點應該會知道自己阻到人
連個學緊游水的小朋友話游直池，都識叫教練睇下後面有無人

有時見到組員在聽分享時、在街上、在餐廳中過份激動的情緒，我會出聲提佢
回應只說情緒話，只會顯得很幼稚不成熟
別人的態度差，是否要用相同的態度對待呢（有點像潑婦罵街
跟耶穌的教導，可以這樣嗎
除非說自己不是基督徒

我重左！！肥晒！！

下午去笙恩家開組
天堂/地獄，連未信的人都對這話題感興趣
以前我都抱著一種，臨死前信耶穌可以上天堂的想法
老實說，我最希望我家人是這樣
現在越來越明白，進天國不是這樣的
現在的人生都是天國的一部分
（以耶穌的價值觀生活（如何對待和負責自己的生命

最近小組仍會有一大堆呻的說話
我發現真係了解、認識一個人很重要
有種「你了解他的話，你會明白他為何會這樣做」

父母的責任就是教導兒女敬畏神、認識神
但我看到的家庭卻是相反
他們遠離神，也帶著自己的家一起遠離神
好可憐，那些家人

在姪女面前，我算半個屬靈的父母
有不同的看法，一起討論，找個更好的答案
我開心見到佢識回應她媽說的信仰問題

這些質素的成長
不正是教會的增長了嗎

如果一間教會很大、人數很多、奉獻很多，卻沒一個認真追尋真理
有什麼意義呢

真正重要的
是一個怎樣質素的人

P.S.坐地上的可憐孩子

尋晚我1：30前已訓
已經好好喇
今朝逼自己醒左都要訓返
禁電話就切

因為同事放假
我就幫忙兩邊的aw工作
做咩我又被召到老細房開會
他太想看到我的石頭面

放工去東區醫院的小禮拜堂旁的會議室上堂（最後一課
其實係眼訓
但上課好專心（後面無冷氣時就頂硬上捱的
聖經作者點解可以咁利害，有D位前後呼應，甚至係新舊約
從不同的經卷睇復活
真心覺得有趣&好妙，呢D自己真係幾難自學
有學者研究、有牧者消化完再教，非常有福（就算唔會記得晒都好

警察朋友不少，但最frd得一個
佢關心我story時我也關心她的近況
尤其最近的情況
我就問佢點睇修例
佢支持修例，首要原因係台灣殺人案的男疑犯10月就會放返出黎（其實我自己都無留意
有其他罪名入獄，但殺人罪似乎搞不了
（台灣已講明唔會審
（香港去搜證有一定難度
（我自己都唔識法律（呢單殺人案可以點搞

Madam Mak給我的態度就是：要將罪犯繩之於法
這人仍是對她這份工作充滿使命

之前聽到遊行後有警察即天辭職的故事（好熱血
我現在想到了一個更熱血的故事
如果上司管理不好、整體給人印象負面，我更要繼續我的使命
讓人知道仍然有盡心盡責的警察
啊啊啊啊啊啊！個故事好感人！

到底係一個我作的故事，抑或真有其事呢

P.S.淘寶襪好好看

前晚同尋晚2：00先訓
夜回家就係容易夜訓，唉
今朝7：30醒了一下
逼自己再訓

所以很眼訓
又夜訓又訓得唔好
唉，搞咩

好想唔返工乜都唔做一直攤在床上望住天花板

我曾覺得與人相處即使對方很安靜都唔緊要
靠我講下野、問下野應該都無問題丫
但我越來越發覺，原來我唔中意這樣的相處方式
我中意安安靜靜地唔講野
諗起有野想講就講
但我都好期待別人主動和我說說他的故事（就沒有什麼想對我說嗎
能有【與誰在一起唔講野都唔覺得氣氛奇怪】的人就好了
想來真係唔多

晚上逼自己做運動
我竟然懶到要逼自己，唉
只因我怕肥左

https://www.youtube.com/watch?v=ynaARgs_yvQ&list=PLBvHMvuqVHfqZQRhrYCrqMc1_zswo7ky4&index=85
又來分享歌
陳雪凝 - 《你的酒館對我打了烊》
這歌詞，適合曾經對感情迷妄的我

我DL了「口袋48」黎睇成員的隨時updated
以前AKB我都無咁誇（因為唔識日文（現在係中文
看到左佳兩隻人終於和好了，心情也好點
下個月又有殘酷的總選…唉，諗起就討厭

大家早安！
7：00的約定又來了

有時都唔明係老細特登想有要求定點
好似食完飯無野做，夾硬搵野黎做咁
自己都無意見，硬要加D野做
俾個客睇左先得唔得

晚上小組，去李氏屋企（超近我放工
而家D小組同開會都要去屋企
其實幾有趣
唔知會唔會有天來我家開組（但我有其他屋企人可能有點困難

今天的多媒體信仰
討論了最近的移交條例和當中基督徒的看法
反修例的人形容係惡法（包括很多基督徒
其實我對此抱有疑問，但我未睇整個修例的PDF（我要詳睇才能判斷
反政權 和 反修例 和 反林鄭  已變得沒有分別
他提出的…他講…錯
其實修例內容… 錯
她提出的…她講的… 錯

其實聖經裡面講…  錯！
其實經文係想講…  錯！

【似曾相識的情境】

不可憑感覺、情緒去判斷對錯（感覺都會錯
有人就係唔花努力了解，以致判斷都唔識，好人變壞人，壞人當好人（嘔血先
請講理據
不能只用猜測
只猜測不講證據，是人們所討厭政權的做法矣

基督徒們，你們用咩做判斷對錯的標準

最後，我地討論出了一個問題
遊行人仕有秩序地讓路給救護車，這一幕上了國際新聞
如果D人知道那架救護車，係因為林鄭病發什麼的、警察不適暈了而駛進去的
人們是不是仍是願意讓路

我敢說這些話不是覺得自己很好
正是覺得自己判斷唔係最正確
我更要更多的挑戰自己，把別人的觀點、看法一一疑問
然後反省自己【乜我好好咩】【我一定啱？理據呢？】

唔係同人交代，最後係同耶穌交代

所以我又想問
基督徒們，你們用咩做判斷對錯的標準

P.S.打攪了

呢排打日記成日都打左半小時，咩料…
次次想快d打完睇片…

又6點一回、7點、8點扎醒了一回
啊啊啊啊啊啊啊啊啊啊好煩啊
救命，殺左我丫唔該
日日同一時間不遲不早
我唔信無嘟啊！！

無聊地在看教會自立片段，還有個五週年和簡介的
（真係整得幾有heart
我不是在找虐
這些都是整理自己的一點方法
當然看到曾經存在的人百感交集
其中已不信的還有我家人
或者我也沒好好做教育的功課
當然見得疏，加上人的選擇 都係因素之一

百感交集下，我只想到一個問題給影片中的我們
為何選擇離開 / 為何仍然留下
這問題關乎到我們怎麼理解信仰與自己的關係

前兩天聞說一位牧師的話
指基督徒有個絕招——「40天禁食」，用它曾挽回了一段婚姻
我已唔理會呢個絕招點運作
咁勁既話
佢地應該為他們覺得做錯決定的人「40天禁食」
再唔係應該集體為愛真理堂出這絕招，要我地悔改

這絕招哪來的？
從聖經？
抑或從人的私慾、自大衍生出來的？

放工為了逛扭蛋去了小西灣
但找不到想要的

教會自立前，已有未來的方向
與今天所行的，不遑多讓
今天再看這些，解釋更豐富了