尋晚我發夢
我見到自己識SNH48的成員
但我唔記得整體內容

Lunch同大佬食
我都走向男人的世界了
在工業城的茶餐廳吃飯
大排檔很夠穫氣，我幾中意
最開心係可以分D俾佢，我唔駛逼自己食晒

之後走進了附近大廈視察
可惜下午知道，教會沒機會在那位置租成
現在大家互相為崇拜付出一點不是問題
但有人要很早到預備地點事宜、有人要幫忙搬樂器、教材不夠小朋友開組有點困難
只是有個穩定的地方，方便大家當然是最好

話說整Layout我昨天整了半日
今天也整了半日（仲要唔知老細O不OK
咩事，我竟然花了咁多時間整
係咪我已腦退化了呢
做野慢了5倍

放工衝了去佐敦
收到球隊消息有平波boot
我真心癲
特登去一去
最想要既款都無size
然後揀了不太醜又應該不錯踢的款
兩對仲有8折，好開心！！

放心，我的新鞋會著的啊！！唔會用黎擺的
我以前可能會唔捨得開晒黎著
但被別人的話啟發了：任何野都會過去、都會壞、不如好好使用發揮佢應有的功能

親愛的左左和Liga……是不是又吵架了

估計同事不會看而寫的後感：
有時見到同事拍的相和片，總把有趣的內容拍得沒趣有風格卻變成普通
係咪我太高要求和太自大

P.S.這兩對偏淺色，我的新嘗試

尋晚1：30前便昏睡了
真的好攰
早了醒來，好吧，我快點起床揀歌再唔揀對唔住敬拜隊了
淨間崇拜即日先交歌就好笑即場整ppt
因為尋晚太飽，我今朝沒吃早餐
唔刷牙唔食野唔禁電話，快點揀好歌佢
突然1小時內揀好了（你可以再突然點

原來我係整緊趕野（唔怪得老細係咁催我
之後改野…仲有…又要整layout x3
別擔心，任何人brief我做野，我都係石頭面

不會可憐自找苦吃的人
有些人真的無藥可救

放工去笙恩家開組
佢個梳化舒服到…靈修默想時差D訓著，食__
「....不叫我們遇見試探，救我們脫離兇惡…」
最終慢慢走向「放棄信仰」
「放棄信仰」不一定係唔返教會咁顯易而見
返緊教會，但曲解聖經內容、以為榮耀上帝其實在榮耀自己的工作成就
口上乜__都講耶穌、祈禱，但內裡又係另一套

其實有很多人不知道自己正在放棄信仰
在敬拜自己想要的東西

顯而易見會偏離信仰的決定，我半隻腳已踏進過
但慶幸我膽小，也想起信仰的重要
否則今天我就是那無可救藥的傢伙

P.S.比讀書更勤力

這兩天起身都苦惱緊崇拜帶咩歌好
本來想返工無野做就諗歌同主題
點知…行緊返工已收到老細whats
一朝早本石頭面又到另一樓層老細房傾layout點整
果然，老細喜愛看石頭面

無意中同同事聊了少少信仰的事情
教會的一些制度、牧者領袖令人反感（當然人有自己選擇，不能全怪他人
牧師傳道如何講解聖經，連非信徒都在質疑
好可悲，有時信徒自己都不會質疑

搞笑，同事口中的那間很大的教會
那領袖正是個不分是非、甚至神學錯誤

我覺得自己返對了教會
因為這教會真係想貼近真理
為何不建議  信與不信的人拍拖、甚至結婚
是有理由的，是有解釋的（同事經歷了拍拖便被unfrd
只是不願了解原因的人自己先unfriend了教會和耶穌

Lily不在，但我手得一對，做唔到幾多layout矣

晚上同球隊Miss ＆ 她精心揀選的隊友們一起吃晚飯
最巴閉係咩，係我估中左Miss揀人的原因
>常出席練波
>最快把今季的參加後感交給教練

本以為我會吃得心情不舒服
因為我唔中意同唔熟既人食飯（我都未同過隊友食
食完飯都唔係好熟
但重要既係飯局中的交流
大家討論了一些球隊的問題
我都提議左少少方法（我覺得識諗呢D，係黎自教會的靈塑課程

然後今晚我多了稱呼：藝術家、博士

食左3個幾鐘
但估唔到，食得幾開心
原來同唔熟既人食飯  不一定會感覺不舒服

11：30回到家的我，又要苦惱揀歌了

現在經常都唔想提款（有咩用信用卡算
有咩都想過數俾人算
幾十蚊都要過數
就係咁懶的了

見天色不對
又著涼鞋返工
唔知cheap野可以捱到幾耐
爛左就買Teva（當預祝生日禮物

又有layout要整
眼訓住咁整
一眼訓就食零食頂住

好衰，我覺得公司只有自己很舒服
Lunch我獨佔了全office
有時覺得office裡的粗口氾濫了、過多了
係，粗口唔代表D咩…
幾乖既人都識粗口添…
一段說話基本每句都是粗口
呃，好俗
我只用黑面同冷漠語氣便把這些表達了出來，幾有型

痰咳係好煩
但唔理仲煩
掌握唔到嚴重痰咳仍在吃零食炸野的人

歌…未諗好
我會星期三交歌的

https://www.youtube.com/watch?v=Oa49Nym7wJk&list=PLBvHMvuqVHfqZQRhrYCrqMc1_zswo7ky4&index=85&t=0s
幾好聽
《王貳浪 - 往後餘生》

左佳 ＆ 可愛的妹妹（但佢係男
想見下佢地真人希望有日佢地黎香港玩，然後我遇上佢地
或者我去廣州睇佢地公演

習慣下要搭車仲要搭的士返崇拜的感受
還好真的很快都很快有車
對比上星期，今天心情好了點
上星期係返崇拜就已想喊
開心可同大家一起崇拜，失落有些人離開
啊！！下星期到我做主席！！
每次好早諗想帶乜帶麥，但一到要帶就唔知揀咩歌，妖
我好想帶D少帶既歌
希望這兩天能諗好！！想帶新歌，仲想自己寫點詞

浸禮班在我家舉行係方便了我媽
雖然期間我在房，又戴住耳筒睇片
隱約也聽到點內容
內容都是福音的一部分，有說到死、也說到將來的盼望

唔知老媽明唔明白這個信仰，似乎不明
我幻想佢每星期返教會都只係坐著無聽過什麼入耳
便覺忐忑

最近都幾成日同姪女們聊關於教會的狀況
無形的有種使命，我真係要像個母親教育佢地認識耶穌
唔單止佢地，我都好想讓所有屋企人了解我所信的價值觀和思想
「你係咩基督徒啊」這句我被鬧的名言
現在我同佢關係不錯，我諗佢唔會再用這句話鬧我了吧
（我係咩基督徒佢睇唔出咩仲要問
我見到佢有慢慢改變，在我心裡他從負分變成0分
姪女的成長、我的成長，其實都係見證基督的一部分
我希望他和其他人都睇到我們裡面有耶穌的影子

教育姪女不難
教育老媽好困難
因為同住互相都知大家咩料
我知老媽眼中的我：兇、霸氣、屋企的社團大佬、好有要求
我問佢信仰，佢應該會好驚和有壓力，叫佢返教會佢不敢say no

然後我同姪女們講：不如試下由你們教育嫲嫲

P.S.現實的不穩定讓人恐懼，但我更懼因妥協錯誤而失去耶穌
無論什麼境況，我們仍是樂意和專注在自己的崗位上