今日１０點幾先起身，尋日成１點訓，搞到咁晏，就做功課喇，好在得一本，唔洗好耐就做好喇（好似做左１５分鐘咋），之後又打機，玩ｃｓ，唔知點解打得好差，算啦，都冇咩心機打，一心諗住一陣踢波，但係我１點又要去上咩英文班喎，搞到鬼死咁悶，去到個英文班，成日鬼婆同個阿伯係度，得我一個學生，鬼死咁on9，係咁睇表，等踢波，去到就開始鬥，我次次一個人過晒ｄ人，但係我ｄ隊友又唔走位，過晒ｄ人又追返我，射唔到，次次都射唔入，食屎，即係唔比我入波姐，踢多陣ｄ人走喇開始，冇咩人，自己打．．．．．打多陣有人黎踢喇，ｄ人好勁呀，勁過元朗果ｄ好多，但係唔係組織，係射門．．ｄ人十９幾碼係ｑ咁射，我屌佢老味，個場大ｄ你都射唔到啦，係度玩腳力，又唔係勁過人，得ｄ腳法，但係腳法都係同我差唔多，得幾個勁過我，但係大過我架，一定輸啦，我地又冇人識做龍喎，比佢係咁射，死梗啦，都傻既，好在最後林走有一隊唔係勁射既同我地玩（唔係勁射果隊玩組織羸左勁射果隊架），同我地打和呀，但係我地係冇攻勢架，佢地個個都好大個呀，唔夠快呀比左波都，好難打，一班o靚仔同你地打和好叻架喇．．．．．．．林走勁好笑，阿鴨巴甸走啦，波子換入，但係我地就出場喇（諗住唔踢），正當波子一路好似好型咁行出黎既時侯，突然後面好大聲咁話：後備上陣，智障西！！我即刻望吓波子個樣，又幾似喎，即刻笑死！！就係咁笑左幾２個鐘．．．．．

返到屋企睇波喇，睇曼聯對新特ｘ，曼聯３比１呀，好勁呀，人地入左波我即刻想叫出黎，好激動呀！！曼聯入左波又想叫出黎，又好激動呀！！原來波都可以睇得咁入神，打機都冇咁入神呀．．．哈哈．．睇完之後係咁同波子玩ｍｓｎ，講返場波，好正呀今日．．

我鐘意＞＞＜＜