冇打blog太耐啦,再唔打好容易遺忘...

上左中四d功課多左勁多,唔知係咪舊年太小的關係....

遲d仲要AYP,應該好唔得閒..今朝Fall in響hall,第一次wo

第一堂上econ,有3位老師睇堂,阿sir超緊張....佢自己話的

不過佢咁緊張都係要玩我的,真係頂佢唔順-,-'粒糖比OB搶左啊!!!!

跟住係Math,開第4課啦...超快,但佢話比課程慢左,講笑咩...

我依家上堂都聽唔明佢講咩的,唯有番屋企自己睇番,教得超快,好恐怖

之後上英文,仲要連上2堂,悶到死死下...單澤陽係咁做bio...比miss 發現左

不過miss 唔會罰,唔會鬥,唔會嬲,淨係會傻笑...比何村長玩死

lunch同比卡超巡樓,見到秦閃,佢話我好有責任感wo ^^..有眼光啊*v*

最後中文連堂,成堂作建議書,我作得超慢,差d做唔完

雖然聽日國慶唔洗番,但勁勁勁勁多功課,一番到黎就要做.....

連成日打機的澤陽都好勤力咁做,我都要加把勁啦

  又到星期一啦,只係抖左兩日,就已經有d唔想再番學

今朝比人地check校服,肉意之前話如果冇人比人捉的話就請食野

結果---真係冇人比人捉,只係讚左我地一句'做得好好啊'-,-

第一堂上英文,又去MMLC,以為Miss 又唔識開門,不過佢真係差d開唔到

跟住上Geog,依家先知原來好麻煩,聽佢講要去沙田影印,丁頁!!!!

之後仲要堂堂都出黎按power point-,- 跟錯人啦今次

跟住上中文堂,老師話anider個'筠'同譚芷'菁'都讀講,一個音:雲;另一個音:精,好好笑

再跟住RE堂,想鄔sir教番,依家好悶

math堂依然都係咁忙碌,係咁做數...

聽日要上PE.....唔係a sir啦,日子將會好難堐

  話咁快番左3日學,琴日正式上堂,

講真真係好唔習慣,不過會慢慢適應到

今年有3科都係新老師教,中英Econ,

果然上到中四係唔同d,即使佢地係新老師,

但上堂係唔嘈,果個都好專心,無疑增加唔少壓力

不過咁樣的學習氣氛都幾好

今日上左Geog,原來唔係FYF教,係Lam Wai 冰

做左佢科長,之後佢分左組上堂,李俊樂哈哈

終於同到寶琪一組xd ...難怪咁開心

仲有上左bio,跟上年成績分組,我應該係果組最差果個啦^^

miss wong話呢3年要讀7本書,相信可以好快被K.O

  又打blog啦///暑假去左一半有多啦....

功課仲有文言文未做過...書都未買曬..

今日同chi kun,sunny,eddie踏單車,

天氣其實幾清涼,又冇咩太陽,只可惜有時落雨,

冇左鄭嘉豪響度,可以踏快好多,好快到大埔,

之後有時落毛毛雨,番到沙田突然勁大,搵到個亭避,

但都濕左,等左一排先走到,踏完去左M記坐左陣走

琴日番學校當值果個中一適應課程,帶1A班,

要帶佢地遊學校,但20號中一迎新日女青果度又係帶佢地遊學校,

咁咪做埋d做過的野?到時唔知班中一的反應係點...

  好似好耐冇打過blog,見得閒打下....

其實到現時為止都係得幾日留響屋企

做過2次義工,有時又要番學校搞學長計劃 d野..

夜晚有時又去踢波....都幾多野做...所以暑期作業都唔係好左好多

只係做完英文,不過仲有時間.

今日會考放榜,算係暑假入面最果起身的一日,6點起身去聯招排隊

不過好彩家組原校升,唔洗咁麻煩....

遲d無聊再打.......