好耐冇打blog了,呢排開始凍,所以都係要換冬季

今早要早番fall in,之後第一堂係LS,首先睇片,

個機又lag左....跟住係Math,冇教到書,只係做數,

在堂上已經做完,番屋企又唔洗做

小息去左搵Miss Wan講個訓練營,依家開始有d淆...

PHY堂好似冇咩野,中文堂默書,溫得好唔熟,唔記得左2句=3=

lunch同d學員食,帶埋CC去,RE堂又係好鬼好笑,無聊到笑~

之後英文堂秦sir代課,真係慘==

放學去左超市買野,見到好多人.....包括阿sir,差d講錯野= =

嚇死...聽日school outing啦!!!

  今日係星期五,唔洗早番,所以唔洗咁趕

早會又有就職典禮,企左幾個字...

第一堂係CL,都係整program ,不過今次果d好難

之後係BIO,派埋最後一份卷,唔算高唔算低,

對平均分冇咩影響,不過隔離果個又咁高分,又串人!

跟住係英文堂,睇埋套戲,最尾個男人屁股反光,笑死

仲有派埋個Reader Quiz,得7分,明顯係冇睇過

之後PE堂去左跑城門河,冇唸過出全力跑,最尾跑17分06,

下次應該可以快d,跟住有得踢波,不過冇咩力踢

lunch之後果2堂真係好悶,首先係MATH,講番做果幾條數

中文講詩,講足成堂,好多人訓左..因為.的確好悶

  今日係星期四,天氣冇咁凍,舒服好多

直至依家仲有3份卷未派,第一堂係L.S,

講左成堂先派,聽佢講答案果陣好似錯好多咁...

不過最後竟然有7成幾,驚訝左....

之後係MATH堂,教左成堂書,真係好想訓= ='

跟住係PHY堂,又係派卷,但佢派完都唔知個分點睇,

直到睇完之後實在好down...好低啊!!拉低曬d分

中文堂講詩,冇人講過話要帶詩集lor...不過唔洗講多首詩,太好啦

RE堂用左半堂講個作文,笑死xdd

英文堂又睇片,好正,好中意呢套戲,哈哈!!

放學去左xx,下星期仲有一次.........唉

  今日係星期二,朝早得17度,仲未買長袖冷衫,超凍

第一堂係Art,又傾計lu~每隻風箏的款都比我tick過

之後Math堂派卷,7個肥左,好彩合格,之後比我地自修,

鄭嘉豪又講笑話lu~笑死,隔離果個又聽埋一份

Home E堂整咩蘇皮,整得好樣衰= =

lunch之後係history,派卷,隔離個3位話最高分摑最低分果位,

我最後拿卷,岩岩比隔離果位高一分,佢比人打XD呢科幾滿意

英文堂Reader Quiz,冇睇過本書,所以亂做,

之後睇片,好鬼好笑,聽日應該繼續睇

  今日係星期一,天氣開始轉涼,

所以都要穿番件冷衫番學,明明今日星期一,

但又要操場早會,真麻煩,上到去第一堂係Math,

得半個鐘,所以冇派卷,只係講左幾句,話我地考得好差好差,驚...

之後英文有個半鐘,到半個鐘講Ans,之後就派左卷,合格的,

Average左右,都ok啦。跟住係中文,講左成堂Ans,好彩都派到卷,

但中文依然係咁差.....之後普通話堂唔知佢做緊咩lor

跟住music堂好鬼眼訓,冇聽到佢講咩

Geog堂又派卷,之前以為幾差,因為cross section錯左,不過好彩都有30幾

放左學去左曾大屋打波,打左一陣過左隔離踢波,踢11人場,跑死人,不過勁好玩