今日係星期五，又係放早，不過主要都係對卷，第一堂就派C.L(電腦)，仲以為唔合格，因為都幾難，不過好彩合格；之後中文堂就改對中史，考得唔係幾好啊！唉！之後L.S就睇片，但版權問題冇咩好睇。最後派Maths，我地考得唔錯(當然有我啦！)有29個人有7成，10個8成，4個9成tim，好彩So Sir d科都考得唔錯姐，不過其他科就麻麻啦！

  放左學，在屋企玩msn同傾電話，4點去左Dennis屋企玩NDS同睇左一場曼聯的比賽。

今日係星期二，因為學校中三要考TSA，所以我唔洗番學！朝早陪媽咪去買送，之後去左MrDonald食早餐，番到黎都成11點幾，約左Dennis 、Andy、Brian同胡Ming番小學打table Tennis，謝sir都有打，我仲win左佢tim；之後又打籃球同踢足球，累到行番屋企的氣力都唔夠，之後我沖涼之後，發覺發緊燒啦！

今日係星期一，係最後一日考試啦！今日考I.S同實驗試，I.S都OK啦！而小息果陣要等成一個幾鐘，我地班男仔睇到一個好似圓形的物體，跟但一路踢，果一個幾鐘就咁過左！之後實驗試真係好難wo！我仲好輪盡tim！

  跟住12點放，約左邱B、馮起明、肥德、偉哥、Chelly、肥晴、肥wing、wingTuesday1點唱k，所以番到屋企好趕！我第一個去到，之後見到馮起明，等一陣就齊，跟住就去唱！我地唱到都幾high，個個都好激，特別唱紅日、海闊天空、Sha-la-la-la-la、光輝歲月果陣，真係愈old的歌就愈好聽！唱到6點我地去左影貼紙相，好搞野lo，之後Chelly搵左我同邱B等再影，佢請，真好！今日真係好開心，一直都可以relex下！

今日係6月21日，星期六，都係要溫書，因為仲有星期一要考，就係I.S，我覺得好難啊！由其第4課果度，都唔係好明佢講咩！而且真係好想快D考完，咁我就有排歎LO。今晚師奶股神大結局，一定要睇噢！

  仲有1個月的今日，就係我生日，真係好緊張啊！