今日係星期四，好熱！今日我原本9點半番學，但因為我唔見左通告，阿sir叫我早d番問d老師，咁當然冇啦！咁9點半，我地全校都去hall，有學生會的活動，搞得好好，我最中意就係打頭陣果隊band，唱得好激，搞到d氣紛好高漲！之後好多都係唱歌，跟住有變魔術，有d好精彩，但有d我知個秘訣。放左學之後，我就約左Candy、Anna同Brian一齊番小學，玩左一陣24點，之後我同Brian都係出左球場打籃球，同d哥哥一齊打，我都有入波啊！不過就打到好攰！之後我地玩電話，話咩係理工打黎的，同你做個訪問，點知真係好人答左我好內，不過有d就cut線，真係好好玩！

今日係星期二，係試後活動的第一日，今日好熱的！我地番到學校就上去hall進行宗教德育組的活動，都有d無聊，成日走來走去！10點半就新翼球場睇F.1同學打水戰，都幾搞笑，但美中不足的地方就係好曬，差唔多變燒豬，隻手黑曬！之後我玩水，比So Sir罰左，慘！

今日係星期一，雖然4點45分先訓，但係一訓落床就訓到，但係番學果陣就好眼訓。7點55分要去hall聽軍訓講座，之後R.E堂睇番中一活動的片段，真係好好笑；中文堂就謄文；English睇戲(Miss Cheung下年唔教啦！有d可惜！)最後普通話同Music─派卷，有好有唔好，好(普通話神奇地合格)；唔好(Music差0.5分先合格)，唉！

  放左學，之後同Chelly同耶穌傾電話，,之後就同泉泉、Brian打籃球，點知睇到林子楓，咁我地一齊打，我勁左好多啊！仲入左一球走籃tim，打到6點就番屋企。

依家係12點50分啦！係咪好晚呢?仲有7個鐘就要番學的，但係一陣有歐國盃睇，幾眼訓都抵啦！德國對西班牙，我支持西班牙的，希望佢地唔好令我失望啦！

  講番29號先，係星期日，一早阿叔約左我地一飲茶，睇到2點之後就比媽咪睇番法證大結局，我都睇左一陣，因為好好睇，之後我就去左訓覺，3點訓到6點，之後醒番就見到阿叔佢地來左食晚飯，10點先走！咁我就用電腦啦！

今日係星期六，本來唔洗番學，但係要番PATHS，聽個營前會。朝早9點半，約左Joyce同Anider在火車站等，之後一齊番學，上到A202都好少人，因為我地早左。之後又話玩d熱身遊戲，勁低能wo！之後Miss話每組唸d遊戲同學玩，咁就搞左3個鐘，浪費曬d時間！放學在小跳豆食lunch，跟住行番屋企，用左1個鐘電腦跟住同Brian、泉泉、Chan Mei打籃球，一路落雨一路打，好正！差唔多走果陣有人來訪問，叫我畫d公仔來形容下現在的心情，咁我咪時旦畫d野比佢，笑屎我！好彩我走得快，跟住落好大雨，仲打雷tim，真係好彩！